መባዕ ማይክሮ ፋይናንስ ተቋም አ.ማ አራተኛውን ቅርንጫፍ ከፈተ!

መባዕ ማይክሮ ፋይናንስ ተቋም አ.ማ አራተኛውን ቅርንጫፍ የተቋሙ ቦርድ እና ሥራ አመራር አባላት፣ ጥሪ የተደረገላችው እንግዶች እና የተቋሙ ሠራተኞች በተገኙበት ዛሬ ነሐሴ 24/2017 ዓ.ም በመክፈት በይፋ ሥራ ጀመረ፡፡

የተቋሙ ቦርድ አባል አቶ ነብየልዑል ደበበ በቅርንጫፍ መክፈቻ መርሐ ግብር ላይ ንግግር ያደረጉ ሲሆን መባዕ ማይክሮ ፋይናንስ 4ኛ እና ከአዲስ አበባ ውጪ የመጀመሪያ የሆነውን አዳማ ቅርንጫፍ ዛሬ በመክፈቱ ለማኅበረሰቡ የሚያቀርበውን አገልግሎት ተደራሽ ለማድረግ ትልቅ መሠረት መሆኑን ገልጸዋል፡፡ አክለውም መባዕ ማይክሮ ፋይናንስ ማኅበረሰቡ ላይ ለውጥ የሚያመጡ ሥራዎችን ለመሥራት የተቋቋመ በመሆኑ ለማኅበረሰቡ ትኩረት ሰጥቶ እንደሚሠራ ገልጸዋል፡፡ ተቋሙ ዓላማውን ማሳካት እንዲችል ለተለያዩ አካላት በጋራ እንሥራ የሚል ጥሪ አቅርበዋል፡፡

የተቋሙ ዋና ሥራ አስፈጻሚ ወ/ሮ አዜብ ማሞ በበኩላቸው ተቋሙ 4ኛውን ቅርንጫፍ አዳማ ከተማ ላይ ሥራ በማስጀመሩ የእንኳን ደስ አላችሁ መልዕክት አስተላልፈዋል፡፡ አክለውም መባዕ ማይክሮ ፋይናንስ ዓላማውን ለማሳካት ከባለአክሲዮኖች፣ ከተለያዩ ድርጅቶች እና ግለሰቦች ጋር እንደሚሠራ ገልጸው በጋራ እንዲሠሩ ጥሪ አቅርበዋል።

መባዕ ማይክሮ ፋይናንስ ተቋም አ.ማ አራተኛው የሆንውን ቅርንጫፍ በአዳማ ከተማ ቅድስት ማርያም ካቴድራል አጠገብ አዳማ ቅርንጫፍ በሚል ስያሜ ሥራ የጀመረ መሆኑ በመርሐ ግብሩ ላይ ተገልጿል፡፡

Follow Us

Website | LinkedIn | Twitter(X) | TikTok | Facebook | Telegram Group | Telegram channel