O‘zMU talabalari Qoraqalpog‘istonda o‘tkazilgan “Talabalar bahori” festivalida ishtirok etdi

🗣12-14 may kunlari Qoraqalpoq davlat universitetida an’anaviy “Talabalar bahori” festivali bo‘lib o‘tdi. Ushbu nufuzli yoshlar forumida mamlakatimizdagi 10 ta oliy ta’lim muassasasi qatorida O‘zbekiston Milliy universitetining bir guruh iqtidorli talabalari ham ishtirok etdi.

Uch kunlik boy dastur doirasida talabalar turli ma’naviy-ma’rifiy va intellektual tadbirlarda o‘z bilimlarini namoyish etdilar. Xususan, yoshlar “Zakovat Quiz” va “Munozara” intellektual tanlovlarida, shuningdek, “Yosh kitobxon” to‘garagi tomonidan tashkil etilgan she’riyat kechalarida qatnashdilar. Bundan tashqari, talabalar Nukus shahridagi diqqatga sazovor maskanlar — “Qatog‘on qurbonlari” muzeyi, Berdaq nomidagi Qoraqalpoq adabiyoti va tarixi muzeyi hamda “Oq qush” turizm kompleksiga tashrif buyurib, hududning boy tarixi va madaniyati bilan tanishdilar.

🗣Festival davomida sport musobaqalariga ham keng o‘rin berildi. Talabalar futbol, voleybol, stol tennisi va shaxmat-shashka bo‘yicha o‘zaro kuch sinashib, sog‘lom turmush tarzini targ‘ib qildilar.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

Mirzo Ulug‘bek nomidagi O‘zbekiston Milliy universitetida “Uch avlod uchrashuvi” bo‘lib o‘tdi

 
⏺Bugun, 25-may kuni Mirzo Ulug‘bek nomidagi O‘zbekiston Milliy universitetida O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi bilan hamkorlikda “Uch avlod uchrashuvi” deb nomlangan madaniy-ma’rifiy tadbir tashkil etildi.

⏺Tadbirni universitet rektori Inom Madjidov kirish so‘zi bilan ochib berib, uch avlod vakillarining bir davrada jam bo‘lishi ma’naviy davomiylikni ta’minlashda muhim ahamiyat kasb etishini ta’kidladi. Uchrashuvda asosiy mehmon sifatida O‘zbekiston Qahramoni, Senator, “Nuroniy” jamg‘armasi Respublika Boshqaruvi raisi Sodiqjon Turdiyev ishtirok etdi. Shuningdek, tadbirga mehnat faxriylari, davlat va jamoat tashkilotlari vakillari hamda universitetning faxriy professor-o‘qituvchilari taklif etildi.

 ⏺Muloqot davomida O‘zFA akademigi Abdulla A’zamov, taniqli jurnalist Ahmadjon Meliboyev hamda universitetning ko‘zga ko‘ringan olimlari — Mersaid Aripov, Nigina Shermuhammedova, Ne’mat Norqulov va Xurshid Toshovlar so‘zga chiqdilar. Ular o‘z hayotiy yo‘llari, ilm-fan sohasidagi mashaqqat va zafarlari haqida so‘zlab berib, talabalarni yurt taraqqiyoti yo‘lida fidoyi bo‘lishga chorladilar.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

⭕️Magistratura talabalari uchun mukofot jamg‘armasi 10 000 000 so‘m bo‘lgan “Eng yaxshi ilmiy ma’ruza” tanlovi o‘tkazildi.

Ma’lumki, oxirgi yillarda “Akademik Qori Niyoziy merosi” ilmiy-metodik markazi va V.I.Romanovskiy nomidagi Matematika instituti hamkorligida muntazam ravishda “Eng yaxshi ilmiy ma’ruza” tanlovi o‘tkazib kelinmoqda.

2026 yil 31 may kuni tanlov onlayn rejimda zoom platformasi orqali o‘tkazildi. Ma’ruzalar qizg‘in savol-javoblar bilan o‘tkazildi.

Tanlov yakunida hakamlar hay’atining qaroriga ko‘ra quyidagi magistrantlar g‘olib deb topildi va pul mukofoti bilan taqdirlandi:

1-o‘rin: Beg‘amov Sirojiddin Najmiddin o‘g‘li (O‘zbekiston Milliy universiteti) – 2 200 000 so‘m;
2-o‘rin: Abdullayeva Shahnoza Hamid qizi (O‘zbekiston Milliy universiteti) – 1 800 000 so‘m;
2-o‘rin: Bekiyeva Azada Ashirmatovna (Qoraqalpoq Davlat universiteti) – 1 800 000 so‘m;
3-o‘rin: Salayeva Dilnur Sattor qizi (O‘zbekiston Milliy universiteti) – 1 400 000 so‘m.
3-o‘rin: Xamdamkulova Sevinch Ikrom qizi (O‘zbekiston Milliy universiteti) – 1 400 000 so‘m.
3-o‘rin: Nurmatova Madinabonu Abrorjon qizi (Farg‘ona Davlat universiteti) – 1 400 000 so‘m.

📝Barcha g‘oliblarini tabriklaymiz. Shuningdek, tanlovda munosib qatnashgan To‘ychiboyeva Gavharoy Shuxratjon qizi, Mardonova Gulnoza O‘ktam qizi, Muzaffarova Dilshodaxon Botirjon qizi, Turg‘unova Gullola Maxammadjon qizi, Bahronova Shaxinabonu Ziyodullo qizi va Axmadjonova Nodiraxon Murodiljon qiziga kelgusi faoliyatida ilmiy cho‘qqilarni zabt etish nasib qilishiga ishonch bildiramiz.

Tanlov har yili o‘tkazilishi hisobga olinsa, keyingi sovrindor Siz bo‘lishingiz mumkin, aziz bilimdon talabalar!

✅ mathnet.uz - Milliy matematika onlayn platformasi

💻 Ijtimoiy tarmoqlardagi sahifalarimiz:
Telegram | YouTube