السلام عليكم 🤚
في حاجات لو مختش بالك منها وانت بتتعامل مع عينة البول هترجع تزعل 👇👇👇
1- العينه متتاخرش عن ساعتين برا في درجة حرارة الغرفه بشرط درجه حراره الغرفه تكون من 15-25 ف الافضل شغلها مباشرتاً
2- لايفضل حفظ عينة البول في الثلاجه من الاساس للفحص العادي
3- ابقي اعمل الاختبارات التأكيديه للالبيومين والسكر والصفرا
وخلي بالك البليروبين بيتكسر بسرعة فلازم تنجز في عمل الاختبارات الكيميائيه
4- انتبه من كتابة الكثافة النوعيه وبلاش تضربها علشان ممكن تكون منافيه للتقرير وللحالة
5- العينه لو كلها دم او اصفر غامق ابقي دور العينه كويس وحط الشريط في الراشح اللي فوق لان لو حطيته مباشر من العينه الشريط هيغمق وهيعطي حاجات كتير ايجابي كاذب
6- عينة البول المفروض تتاخد صباحا وتكون من السريان الوسطي او علي الاقل المريض يكون حابس البول لمدة 4 ساعات علشان الشريط يقدر يحس النيتريت
7- اوعي تربط لون البول ب مقياس الكثافه والدليل علي كدا مرضي السكر البول بيكون watery والكثافة عاليه
8- الوسط القاعدي لما يكون زياده عن اللزوم ممكن يعطي false positive للالبيومين فلازم تعمل الاختبارات التاكيديه بالتسخين يعني
9- العينه لو فيها mucus زياده ممكن تعطي false positive للالبيومين فلازم تعمل الاختبارات التأكيديه ايضا
10- لما تيجي تشوف سكر في عينه بول وفيها بكتيريا كتير حاول متتاخرش في فحصها لان البكتيريا هتستهلك السكر
11- لو لقيت الشريط معطي مع ال red وتحت الميكروسكوب مش شايف حاجه مش معني كدا انه ميتكتبش لازم يكتب في التقرير ولازم تعرف الفرق بين الهيماتوريا والهيموجلوبينوريا والميجلوبينوريا
12- العينه لو لقيت كرات الدم الحمراء ماليه الشريحة ومش شايف حاجه
هنا ممكن تدور العينه وتاخد جزء من الراسب وليكن 100 ميكرو من الراسب ل 100 من حمض الخليك وهتتركهم من 5-10 دقايق وهنا كرات الدم الحمرا هتتكسر
بس المهم تخلي بالك ان تضرب الحاجات اللي هتشوفها في معامل التخفيف والاملاح تشوفها قبل اضافة حمض الخليك وخاصه لو الوسط قاعدي
13- الشريط المفروض بعد ما تحطه في عينه البول اخره 60 ثانيه ماعدا لو بتكشف عن ال
Leukocytes تتركة دقيقتين
14- عينة البول الافضل لها الترسيب في تيوب مخصص لمدة نصف ساعه او تدار لمدة 5 دقايق في سرعة 3000 في السنترفيوج
15- حاول تتجنب كتابة كلمة trace في البروتين والسكر والكيتون
والله اعلم 🍀
# احمد الجابري

السلام عليكم ورحمه الله وبركاته ✋

مهم جدا انك تكون بتعرف تستخدم وتقرأ البامفلت في شغل الكيمياء

لكن نقطه ال REFERENCE VALUES

لا تعتمد عليها بشكل مؤكد في جميع التحاليل

اذاً في تحاليل النورمال رينج بناخدها من البامفلت وفي تحاليل لا نعتمد علي البامفلت فيها ومن امثله هذه التحاليل التي لا نعتمد علي البامفلت مثلا

👈السكر هنلاقي كتير من الشركات مش كاتبه النورمال رينج صح

والصح ان هنا لا اعتمد علي نورمال رينج البامفلت والنورمال رينج الخاص بيه هو ودا بناءا علي ADA 👇

1- FBS

Normal < 100

Pre-diabetes 100- 125

Diabetes 126 or higher

2- 2 hour post glucose

Normal < 140

Pre-diabetes 140-199

Diabetes 200 or higher

3- Random Blood Sugar

200 or higher

👈كذلك التراكمي

HbA1c

Normal < 5.7

Pre-diabetes 5.7-6.4

Diabetes 6.5 Or higher

طبعا في تحاليل تانيه نفس الموضوع لا اعتمد علي البامفلت في النورمال رينج بشكل اساسي

👈اكيد في تحاليل ايضا بناخد النورمال رينج الخاص بيها من بعض المراجع زي ال free t4 في الاعمار المختلفه في الاطفال من مرجع Tietz واخر تحديث 12/2024

👈كمان ملف الدهون كامل بنرجع للنورمال رينج بناءا علي ال AHA

طبعا في حاجات كتير هنذكرها في بوست مفصل بالنورمال رينج المظبوط بمعظم الوحدات

والله اعلم 🤚

#احمد_الجابري

Repost 🔄

قال رسول الله ﷺ:
«ما من أيامٍ العملُ الصالحُ فيها أحبُّ إلى الله من هذه الأيام»

ساهم معنا ولو بالقليل، فربّ صدقةٍ تُحيي أملًا وتكون لك أجرًا لا ينقطع 🤍

والدالُّ على الخير كفاعله.. انشرها لعلّها تصل لمن يساهم 💌

خير الدُّعاء دُعاء يوم عرفة، و خير ما قلت أنا والنبيُّون مِن قبلي: لا إلهَ إلا الله وحده لا شَريك له، له المُلك ولهُ الحَمد وهو علىٰ كل شيءٍ قدير.

‏اللَّهم في يوم عرفة اجبر خاطرَ كلِّ موجوع، وفرِّج عن كلّ محزون، وهوِّن على كل مكروب، وردَّ كل غائبٍ لأهلِه، وارزق كلّ من اشتاق للذُّريَّة، واستر كل عاصٍ وتبْ عليه، واجعل الصَّلاة بردًا وسلامًا على كلِّ من يستصعبها، وردَّه إليك ردًّا كريما.

كل عام وانتم بخير 🤍

س¹/ حد بيسأل بيقول ....
هو لو جالي مريض وبياخد ماريفان وكانت نتيجه ال inr قليله وراح للدكتور وزود له الجرعه
امتي اعيد التحليل له تاني ؟؟؟ .....

س²/ وسؤال كمان جالي مريض بياخد اسبرين ولقيت السيوله طبيعيه ازاي تطلع طبيعي ؟.....

الاجابه 👇👇👇👇

السلام عليكم
٭ بالنسبه لإجابه السؤال الاول
لو جالك مريض بياخد ادويه سيوله زي الماريفان او الوارفرين الادويه دي بتصل قمه فعاليتها مابين يومين ل تلاثه ايام
اذاً لو هعيد التحليل يبقي بعد زياده الجرعه علي الاقل ب 3 ايام علشان تسمع في التحليل

٭بالنسبه لإجابه السؤال التاني
الاسبرين مالوش علاقه بتحليل ال pt يعني مش هيأثر عليه ولا هيعلي قيمته ولكن الاسبرين له علاقه ب BT زمن النزف

والله اعلم 🤚

@MedicalAnalysis12

السلام عليكم ورحمه الله وبركاته ✋
معلومه سريعه لتصحيح بعض المعلومات الخاطئه 👇
👈هو انا لو لامست دم مريض مصاب بالفيروسات هل هتتنقل ليا العدوي ؟؟؟
الاجابه 👇
لا تنتقل العدوي طالما البشره سليمه يعني لايوجد بها جروح مفتوحه
اما اذا وجدت جروح ووقع عليها دم مريض مصاب بالفيروس هنا هتتعامل ببروتوكول كتيب منظمه الصحه العالميه لمكافحه العدوي ✋
👈 اعمل ايه لو اتشكيت بأبره وانا بسحب لمريض ؟
الاجابه 👇
لدي البعض مفهوم خاطئ بأنه اول ما يتشك يقعد يعصر في الجرح فهو معتقد انه كدا صح علشان يخرج اكبر كميه من الدم لكن الحقيقه دا اجراء غير صحيح وغير مرجح من المركز الامريكي لمكافحه العدوي
طيب الصح ايه 👇
هتغسل مكان الشكه جيدا بالماء باسرع وقت
مافيش مانع لو استخدمت ماء وصابون
هتترك الدم ينزف عادي اثناء الغسيل
مافيش داعي تستخدم كحول لتطهير الجرح
👈يبقي الصح نكتفي فقط بالغسيل بالماء مع ترك الدم ينزف اثناء الغسيل
🤏🏿طبعا فرصه انتقال العدوي اكيد هتزيد لو مثلا عدد الفيروسات في الدم عالي او لو وقع علي البشره دم كثير وكانت هناك جروح او لو كانت الشكه عميقه ✋
👈هل الفيروسات ممكن تنتقل عن طريق الاكل او الشرب او المصافحه او حتي التعرض لرزاز من سعال مريض او عن طريق الرضاعه ؟
الاجابه 👇
لم يثبت علميا انتقال الفيروسات عن هذه الطرق لذا لا تنتقل الفيروسات عن طريق الاكل ولا الشرب ولا المصافحه ولا التعرض للرزاز ولا حتي الرضاعه ✋
والله اعلم ✋

السلام عليكم ورحمه الله وبركاته ✋
بعض اخطاء النتائج اللي ممكن تحصل نتيجه خطأ تقني
👈التورنكيت 👇
وانت بتستخدم التورنكيت فى سحب العينات انتبه تتركه اكتر من دقيقتين ولو هتتركه اكتر من كدا يبقي تفكه لمده 5 دقايق وترجع تربطه تاني ويكون الربط gently
لان ترك التورنكيت اكتر من دقيقتين ممكن يأثر علي تحاليل بالزياده وتحاليل بالنقص
التحاليل اللي بتتاثر بالنقص 👇
البوتاسيوم وبيقل بنسبه مابين 6.0-6.2
التحاليل اللي بتتاثر بالزياده 👇
ال AST وبيتاثر بنسبه من 9-9.5 ٪
الحديد وبيتاثر بنسبه من 6.5-7.0 ٪
الدهون بتتاثر بنسبه من 4.5-5.0 ٪
التوتال بروتين 4.5-5.0 ٪
الالبيومين بتتاثر بنسبه من 4.5-5.0 ٪
الصفرا بتتاثر بنسبه من 8.0-8.5 ٪
يبقي الافضل نلتزم بالطريقه الصحيحه في استخدام الرباط المطاطي للحصول علي ادق وافضل النتائج
المفروض المعلومات دي كلها تكون كاتبها عندك في كتيب اسمه سياسه العمل داخل المختبر ✋
سؤال اخر مهم جدا يغفل عنه كثير من الزملاء لعدم المعرفه وهو
امتي اعرف ان اخفف انزيمات ال ALT و ال AST ؟؟؟
👈لو الأبزوربانس في أي وقت أثناء القياس قلت عن 0.9 أو 0.8 في بعض الكتس أو عن 1.0 في كتس أخرى يبقى خلاص مفيش substrate للتفاعل ولازم نخفف.🤚
كمان لو الكيرف بتاعك مش مظبوط يعني كان علي شكل زجزاجي زي رسم القلب كدا او ماشي بلاتوه وفجأه حصله انكسار او اي خلل في شكل الكيرف
والله اعلم ✋
#احمد الجابري

بوسترات المعمل 🌸

🤝 هدف الجروب إننا نساعد بعض

الجروب ده معمول علشان يكون فيه تعاون بين الزملاء، ونساعد بعض في شغل الزيارات المنزلية للتحاليل.

أي معمل محتاج زميل ينزل زيارة منزلية في منطقة معينة، يقدر يكتب تفاصيل الزيارة ومكانها في الجروب، وإن شاء الله نقدر نوفر له زميل من الزملاء يكون قريب من المنطقة أو قريب من المعمل ويقدر ينزل الزيارة.

الفكرة إننا نسهل الشغل على بعض، ونوفر الوقت والمجهود، وكل زميل يساعد زميله بما يستطيع. ❤️

يا ريت نحافظ على روح التعاون والاحترام بين الجميع، وإن شاء الله الجروب يكون سبب في فتح فرص وشغل لكل الزملاء.

ربنا يوفقنا جميعًا ويرزقنا من واسع فضله 🤲❤️

https://chat.whatsapp.com/DRHqHj4YqcEK79Q4bQrEur?s=cl&p=a&ilr=4

السلام عليكم ورحمة الله وبركاته
👈الاصل في السيرولوجي اللاتكس هو الكميات المتساويه بين السيرم و الرئيجنت
و نفس الوضع للفيدال و البروسيلا
الكميات متساويه
البدايه ٨٠ ميكرو مع نقطه رئيجنت و ده تتر ١/٢٠
ثم ٤٠ و نقطه و ده تتر ١/٤٠
ثم ٢٠ و نقطة و ده تتر ١/٨٠
و هكذا
او بعمل serial dilution و هو افضل للحصول علي تترات اعلي

المهم في الفيدال و البروسيلا و لان تتر ال ١/٨٠ هو بدايه التشخيص
لذلك لا داعي لعمل اول و تاني تتر
و بنبدء شغلنا من التتر الثالث
٢٠ علي نقطه و تتره ١/٨٠
و نكمل لو ايجابي
اما لو سلبي فتكتب ايا من التترين السابقين مش حتفرق الاتنين سلبي
الغلطه اللي بتحصل انك تشتغل ٢٠ مع نقطه و تسجلها اول تر اللي هو ١/٢٠ و طبعا ده خطأ
#احمد الجابري

السلام عليكم ورحمة الله وبركاته 🤚
بعض النصائح في فحص البول والبراز 👇
🤏🏿البكتيريا لا تكتب في البراز الا في حالتين
1- لو العينه فيها صديد
2- لو العينه diarrhea
🤏🏿كل الاملاح اللي بتشوفها في الاستول تهمل ماعدا نوع واحد
وهي كريستالات ال Charcot Leyden
🤏🏿لما السكر يكون عالي في الدم جدا اوعي تفكر اننا بنطلب بول علشان نشوف السكر في البول لو فكرت كدا تبقي غلطان
احنا بنفكر في الاول عن وجود الكيتون
🤏🏿في فحص البول لازم يتكتب كرات الدم الحمراء في الفحص الكيميائي والميكروسكوبي ان وجدت سواءا في وحده فيهم ظهرت او طهرت في الاتنين ومتربطش الاتنين ببعض في كل مره
🤏🏿في فحص البول مش لازم تكتب كرات الدم البيضاء في الفحص الكيميائي تكتب فقط في الفحص الميكروسكوبي
🤏🏿في فحص البول والبراز لو شفت بكتيريا وهتكتبها متحددش النوع الله يكرمك لان حضرتك معملتش الاختبارات التأكيديه لتحديد نوعها
🤏🏿في فحص البول والبراز الفطريات اللي تظهر معاك لا يفضل تحدد النوع يفضل تكتب فقط yeast حتي لو حضرتك بتشبه علي النوع زي ال الكانديدا مثلا في البول
ولانك بردوا معملتش الاختبارات التاكيديه ف لايفضل كتابه الا yeast
فقط
🤏🏿كل الكاست اللي بتنزل في البول بتكون اسببابها مرضيه الا ال hyaline
بتنزل مرضيه وفسيولوجيه
ولو لقيت كاست في البول ومافيش بروتين يفضل بتكتب كومنت ب
Alb/creat ratio
والله اعلم
#احمد الجابري

السلام عليكم ورحمه الله وبركاته ✋

👈سيتم شرح منحني السكر كاملا مع الملاحظات العامه لعمله للحصول علي ادق النتائج 👇👇

🤏🏿اولا ال Ogtt بيتعمل بالجرعات الاتيه

1- 50 جرام جلوكوز

2- 100جرام جلوكوز

3- 75جرام جلوكوز

4- 1.75 جرام جلوكوز لكل كيلو حتي وزن 43 كيلو

الشرح 👇

1- بالنسبه لل 50 جرام جلوكوز ودا بيتعمل للحوامل ويسمي O’Sullivan test

ودا بنطلب من المريضه تأتي صائمه ثم يتم اعطاء المريضه 50 جرام جلوكوز مذابين في كميه مياه لا تقل عن 150 مل ولا تذيد عن 300 مل وبعد ساعه هنسحب من المريضه عينه ونحللها

لو طلع السكر اقل من 140 تمام النتيجه اما لو طلع اعلي من 140 ملجم /ديسيليتر هنضطر نعمل المنحني كامل ✋

2- بالنسبه ل 100 جرام جلوكوز ودا هنا بيتعمل المنحني كاملا والجرعه دي بتعطي للحوامل

وهنا بيتم سحب سكر صايم ثم بيتم اعطاء المريضه 100 جرام جلوكوز مذابين في كميه مياه لا تقل عن 150 مل ولا تذيد عن 300 مل ونقيس السكر بعد ساعه وساعتين وتلاته ومع كل عينه دم عينه بول

3- بالنسبه ل 75 جرام جلوكوز ودا هنا بيتعمل للاشخاص العاديين وهنا بيتم سحب سكر صايم ثم يتم اعطاء المريض 75 جرام جلوكوز مذابين في كميه مياه لا تقل عن 150 مل ولا تذيد عن 300 مل ويتم سحب عينه بعد نصف ساعه وساعه وساعتين وثلاثه ومع سحب كل عينة دم معاها عينه بول

4- جرعه ال 1.75 ودي بتعطي لوزن كل كيلو اقل من وزن 43

يعني لو طفل وزنه 15 كيلو بنقوم عاملين الاتي

1.75* 15=26.25

يبقي هنا بنعطي للطفل دا 26 جرام جلوكوز مذابين في نفس كميه المياه اللي في الاعلي وقبل ما يشرب الطفل المحلول بنسحب منه صايم ثم يشرب المحلول ونسحب منه بعد نصف ساعه وساعه وساعتين وثلاثه

بنقعد نحسب ونضرب في الوزن طول ما الوزن اقل من 43 اكثر من 43 كيلو بيتم معاملته زي الاشخاص العاديين البالغين

🤏🏿ملاحظات مهمه جدا

1- الصيام واجب في المنحني

2- الصيام ليلا ويتم عمل التحليل صباحا

3- لا يتم التقليل من الكربوهيدرات قبل اجراء الفحص يعني تكون بطبيعتك عادي ونفس اكلك

4- الصيام في الحوامل من 8-10ساعات وفي الاشخاص العاديين من 8-14 ساعه

5- ال ogtt افضل من التراكمي للحوامل ودا بناءا علي توصيات ال WHO و ال ADA

6- يوصي بعدم عمله لمتابعه تشخيص مرضي السكر سواء من النوع الاول او الثاني بناءا علي كلام ال ADA و ال WHO

7-يوصي بعمل ال ogtt للحوامل مابين الاسبوع ال 24 و الاسبوع 28

8-نتجنب ممارسه الرياضه وكثره الحركه والتدخين وشرب القهوه والشاي وعدم تناول اي ادويه اثناء اجراء الاختبار

9-- مافيش داعي لعمل المنحني للحوامل لو السكر في الدم طبيعي يعني لو الصايم اقل من 126 او العشوائي اقل من 200 مافيش داعي اعمله

لكن لو تخطي الارقام دي يعني لو تخطي الصايم 126 والعشوائي 200 او كان في تاريخ مرضي او كان عندها قبل الحمل هنا يتعمل عمل ال ogttمافيش مشكله

ودا بناءا علي كلام ال WHO و ADA

10- بعض الاخطاء اللي بنسمعها من بعض المعامل تقول للمريض قبل الاختبار بكام يوم ما تتحركش كتير وخليك مريح او نايم ودا خطأ لان كدا هيقل اكيد مستوي السكر ف هياثر علي الاختبار

11- الاختبار كان اول بيتعمل صايم وبعد نصف ساعه وساعه وساعه ونصف وساعتين ودا غير مفضل ومبقاش يوصي به

12- السكر المستخدم هو دكستروز مونوهايدرات ودا الافضل وممكن نستخدم محلول جلوكوز 25 في الميه وتعطي علي حسب الجرعه او حاليا في عصير جاهز وبه تركيزات السكر المختلفه

13- المنحني بيتعمل في حالات كتير مثلا في حالات الحوامل ومرضي الكبد ولو في سكر وراثي في العائله وفي السمنه المفرطه وفي التهاب الاعصاب ومرضي التهاب شبكه العين

وفي الحالات اللي مينفعش فيها نعمل التراكمي ولا الفراكتوزامين

14- لا يفضل ال O’Sollivan test في الحوامل ويفضل ال ogtt كاملا

🤏🏿هذا اعتقد تقريبا كل ما يخص ال Ogtt بجميع خطواته

وباذن الله هننزل بتفسير النتائج

والله اعلم 🍀

#احمد الجابري

🌹دلالات ع وجود السكر في البول🌹
🌹Glucosuria indications🌹

يظهر الجلكوز في البول لعده اسباب مرضيه او غير مرضيه
الحالات المرضيه
وجود السكر في البول قد يكون نتيجه لارتفاع السكر في البول وتجاوز العتبه الكليه التي هي عاده 180 mg لكنه ليس قطعي الدلاله على مرض السكر اذا ان وجود السكر في البول يحتاج الى استقصاءات اخري
more investegation
من الاسباب الاخرئ لوجود السكر في البول في حاله ما اذا كان السكر في الدم طبيعيا مرض فانكوني
funchoni ,s syndrom
وهي حاله يكون هناك عجز جزئي او عدم المقدره على اعاده امتصاص الكلويه من الانيبيبات الكلويه
tubulers
مما يودي الى خروج السكر في البول بالرغم من انه في الدم طبيعيا
ومن الاسباب ايضا لوجود السكر في البول اضطراب الغدد كالغده النخاميه والدرقيه اذا ان امراض هذه الغدد كزياده نشاط الغده الدرقيه تؤدي الى حاله اضطراب في تحمل السكر في الساعه الاولى ويرتفع السكر في نهايه الساعه الاولى ال 200 او اقل قليله وهنا يخرج السكر في البول نتيجه تجاوزه العتبه الكلويه في الدم ثم يعود بعد الساعه الاولى الى الحد الطبيعي.هذه الحاله تشابهها في النتيجه والمعطيات مرض سكر الحوامل
gestation diabetes mellitus
حاله اضطراب الغدد نسميها
Impired glucose tolerance
ويكشف عن الحالتين بفحص
Glucose tolerance test

كمان في
في حاله وجود السكر في البول بينما السكر طبيعي في الدم هو بسبب حاله وراثيه genetic تكون فيها العتبه الكلويه threshold اقل من 180
غالبا هذه الحاله الوراثيه تكون فيها العتبه الكلويه 120 وبالتالي مازاد عن 120 يطرح في البول وبالتالي يظهر في البول بينما يكون طبيعي في الدم

السلام عليكم

🤏🏿بعض التريكات المهمه 👇

بالنسبه للكبار 👇👇👇

👈هيموجلوبين اقل من او يساوي 7 g/dl

اكبر من او يساوي 20.0 g/dl

👈عد ابيض اقل من او يساوي 1.5 الف

اكبر من او يساوي 30.0 الف

👈صفائح اقل من او يساوي 40 الف

اكبر من او يساوي مليون

🤏🏿بالنسبه ل New born

👈هيموجلوبين اقل من او يساوي 10 g/dl

اكبر من او يساوي 22.0 g/dl

👈عد ابيض اقل من او يساوي 1.5 الف

اكبر من او يساوي 30 الف

👈الصفائح الدمويه اقل من او يساوي 40 الف

اكبر من او يساوي مليون

اول ما تشوف اي من القيم دي عندك في حالة

اكد علي العينه وجهز كونترولك واكد شغلك

ولو تأكد النتيجة بلغ الطبيب ف خلال 10 دقايق

لان النتيجة بتكون كريتيكال

والله اعلم 🤚
# احمد الجابري