🔻 «Համահայկական ճակատ» շարժման անդամ Աննա Ղուկասյանը ֆոտոշարք է հրապարակել Արցախի ՊԲ դիրքերից. Եկեք հիշենք. մեկ օր Մատաղիսի ու Թալիշի զորամասերում և դիրքերում... 2015թ.

«Առաջին այցը Մատաղիսի զորամաս էր, որտեղ հանդիպումներ ունեցանք զինվորների և սպայական կազմի հետ։ Այնուհետև բարձրացանք մարտական դիրքերից մեկը, որտեղ մեր զինծառայողներն իրականացնում էին մարտական հերթապահություն՝ ապահովելով հայրենիքի սահմանների պաշտպանությունը։

Պատմելու շատ բան կա, սակայն կցանկանայի հատկապես կարևոր ուղերձ փոխանցել ողջ հայ ժողովրդին։
Մատաղիսի զորամասում և մարտական դիրքում ունեցած մեր հանդիպումները ևս մեկ անգամ ցույց տվեցին, որ զինվորներն ու հրամանատարական կազմը հստակ գիտակցում են իրենց առաքելությունն ու մասնագիտորեն տիրապետում իրենց գործին։ Պաշտպանության բանակի առաջապահ ուժերը պատրաստ են վստահորեն կատարելու իրենց առջև դրված մարտական խնդիրները։
Մեր զինվորներն իրենց ծառայությունն իրականացնում են՝ առաջնորդվելով պատասխանատվությամբ և ռազմական կարգապահությամբ։ Նրանք իրենց ուժն ու ուշադրությունը կենտրոնացնում են առաջնային խնդրի՝ մարտական առաջադրանքների կատարման վրա, այլ ոչ թե սոցիալական ցանցերում հնչող՝ հաճախ պահի ազդեցությամբ արված, անհիմն ու իրականությունից հեռու հայտարարությունների ու մեկնաբանությունների։

Եվ փառք Աստծո, որ նրանք հստակ գիտակցում են առաջնահերթությունները։ Հայ զինծառայողը գիտի` բանակում առաջնայինը գործն է, ոչ թե խոսքը, իսկ մարտական դիրքում վճռորոշը՝ պատրաստվածությունն ու պատասխանատվությունը» - գրել է ՀՃՇ անդամը

🔻Երևանում նշել են Մարշալ Բաղրամյանի անվան վետերանների միության 70-ամյակը

📍Հոբելյանական միջոցառմանը հավաքվել էին Միության անդամները, Հայրենական Մեծ պատերազմի վետերանները, ինչպես նաև դիվանագիտական առաքելության, Հայաստանում Ռոսսոտրուդնիչեստվոյի ներկյայացուցչության և հասարակական կազմակերպությունների ներկայացուցիչները։

«1956 թվականին Մոսկվայում մարշալ Ժուկովի նախաձեռնությամբ ստեղծվեց Վետերանների միությունը։ Այդ ժամանակ յուրաքանչյուր հանրապետությունում այն իր անվանումն ուներ։ Երևանում այն կոչվում էր Խորհրդային Վետերանների Երևանի բաժանմունք»,- պատմել է Միության նախագահ Սիմոն Եսայանը։
Նա նաև ընդգծել է վերջին տարիների մի կարևոր իրադարձություն.
«Մեզ համար կարևոր փուլ էր 2024 թվականին հայերեն և ռուսերեն լեզուներով «Վետերան» ամսագրի հրապարակումը։ Առաջին օրերից հրատարակությանն աջակցում է Հայաստանի աշխատանքի և սոցիալական հարցերի նախարարությունը»։

Հոբելյանի առթիվ շնորհավորելով Միության անդամներին՝ Հայաստանում Ռուսաստանի դեսպան Սերգեյ Կոպիրկինը նշել է, որ նրանց աշխատանքը կարևոր դեր է խաղում երկու երկրների և ժողովուրդների միջև հարաբերություններում՝ օգնելով պահպանել ընդհանուր պատմության հիշատակը։

Այդ թեման շարունակել է Ռոսսոտրուդնիչեստվոյի ներկայացուցչության ղեկավարի ժամանակավոր պաշտոնակատար Անաստասիա Կուրբատովան։

«Դուք ծառայում եք ռուս-հայկական բարեկամության ամրապնդման, պատմական հիշողության և ընդհանուր պատմական ժառանգության պահպանման վեհ գործին՝ հայրենասիրության, արիության ու ընկերակցության ոգով»,- ասել է նա։
Անաստասիա Կուրբատովան առանձնակի ջերմությամբ է դիմել դահլիճում ներկա Հայրենական Մեծ պատերազմի վետերաններին, որոնք այսօր 101, 102 և 103 տարեկան են՝ շնորհակալություն հայտնելով արիության և տոկունության համար։
Ելույթի վերջում նա Միությանն է փոխանցել Ժողովրդական ճակատի «Հիշատակի կրակ» տասերորդ միջազգային շարժման շրջանակում Հայաստան բերված «Հիշատակի կրակի» մասնիկը։
«Մեր հիշողությունը կրակի նման է։ Եվ մենք այն փոխանցում ենք նոր սերունդներին»,- նշել է Կուրբատովան։

#Ռոսսոտրուդնիչեստվո
#ՀայաստանումՌուսականտուն
#ՎետերաններիՄիություն