نن واخان ګټي اخستني ته سپارل کېږي
ټاکل سوې چي نن (یک شنبه) د افغانستان او چین ترمنځ واخان دهلېز ګټي اخستني ته وسپارل سي.
یاده لاره شاوخوا ۱۲۲ کیلومتره اوږدوالی لري چي افغانستان له چین سره نښلوي.
#MillatZagh

د افغانستان او ملګرو ملتونو ترمنځ د تعامل د پراختیا په اړه خبري سوي
د بهرنیو چارو وزیر مولوي امیر خان متقي د ملګرو ملتونو د سولي او سیاسي چارو له مرستیالي روزمیري ډیکارلو سره، چي د افغانستان له پاره د ملګرو ملتونو نوې استازې رباب فاطمه هم ورسره وه، د افغانستان او ملګرو ملتونو ترمنځ د تعامل او همکاریو د پراختیا، بشري مرستو، د راستنېدونکو کډوالو د ملاتړ او د افغانستان د اړتیاوو په اړه خبري کړي دي.
یاد وزارت وايي، دواړو لورو پرون (شنبه) د یوې لیدني پر مهال د افغانستان او ملګرو ملتونو ترمنځ د تعامل د پراختیا، د دوحې پروسې د ناستو پر دوام او د متقابل تفاهم په اړه خبري او ټینګار کړی دی.
د سرچینې په وینا، دغه پلاوي د پاکستان له خوا پر افغان خاوره د وروستیو بریدونو په اړه هم اندېښنه څرګنده کړې او د ملکي کسانو پر خوندیتوب ئې ټینګار کړی دی.
#MillatZagh

نن یونۍ د تلي میاشتي ۱۲مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۱۸۰ افغانۍ.
لس لېټره غوړي: په ۱۰۹۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۴ افغانۍ.
ډېزل: لېټر په ۷۳ افغانۍ.
ګاز: په شرکت کي کیلو په ۶۲ او په عام بازار کي کیلو په ۶۴ او ۶۵ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۵ افغانۍ.
یو ډالر: ۲۸۴،۳۰ کلداري.
یو ریال: ۱۷،۲۵ افغانۍ.
یو درهم: ۱۷،۷۵ افغانۍ.
یوه یورو: ۷۳،۱۰ افغانۍ.
زر افغانۍ: ۴۳۷۳ کلداري.
زر کلداري: ۲۲۸ افغانۍ.
زر بانکي تومن: ۰،۲۴ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh

د کندهار والي ملا شېرین اخند ولسوالانو ته؛ ټول باید خپل مسؤلیتونه په سم ډول ادا کړي
د کندهار والي ملا شېرین اخند د کندهار د ۱۶ ولسوالیو ولسوالانو ته ویلي چي، ټول باید ور سپارل سوي مسؤلیتونه په ښه ډول ادا کړي.
د کندهار ولایت مقام د رسنیو دفتر وایي، ملا شېرین اخند له هغوی سره د یوې ناستي پر مهال دا څرګندوني کړي او ټینګار ئې کړی چي، ټول ولسوالان باید وخت په وخت د ملکي او نظامي ادارو چاري و ارزوي؛ ترڅو مسؤلین په ښه ډول د هیوادوالو خدمت وکړي.
د سرچینې په وینا، هغه په دې ناسته کي یادو ولسوالانو اړیني لارښووني او سپارښتني هم کړي دي.
#MillatZagh

په ننګرهار کي ترافیکي پېښي ۶ کسانو ته مرګ ژوبله اړولې
د ننګرهار امنیه قومنداني وايي، د دغه ولایت د بټي کوټ ولسوالۍ په څلورم فارم سیمه کي د یوې ترافیکي پېښي له امله درې کسان وژل سوي او درې نور ژوبل سوي دي.
یادي قومندانۍ ویلي، دا ترافیکي پېښه نن (یک شنبه) د ویټز او کراس روډ موټرانو ترمنځ د ټکر په نتیجه کي سوې ده.
د سرچینې په وینا، ژوبل سوي کسان د درملني په موخه روغتون ته لېږدول سوي دي.
تېره پنج شنبه هم په یاده ولسوالۍ کي د یوې ترافیکي پېښي له امله دوه کسان ووژل سول او د ښځو او کوچنیانو په ګډون ۱۳ تنه نور ژوبل سول.
#MillatZagh

واخان ګټي اخستني ته وسپارل سو
د کلیو د بیارغوني او پراختیا وزارت وايي، نن (یک شنبه) په بدخشان کي د افغانستان او چین ترمنځ واخان ټرانزیټي لاره، چي شاوخوا ۱۲۱ کیلومتره اوږدوالی لري، تر جغل کارۍ وروسته ګټي اخستني ته وسپارل سوه.
یاد وزارت ویلي، د دې لاري پر جوړولو شاوخوا ۳۶۵ میلیونه افغانۍ لګښت راغلی او د جوړولو کارونه ئې په درو کلونو کي بشپړ سوي دي.
د سرچینې په وینا، یاد سړک د بدخشان د سرحد بروغیل سیمي د پامیر د وغجیر له درې څخه د چین تر پولي پوري په جغلي ډول جوړ سوی چي د څلورو لویو پلونو، ۶۶ پلچکونو او د ۴۰۰۰ متره په اوږدوالي د استنادي دېوالونو جوړول هم په کښي شامل دي.
د اسلامي امارت مرستیال ویاند حمد الله فطرت په دې اړه غونډي ته ویلي چي، د اسلامي امارت د مشر شیخ صاحب په حکم په یاده سیمه کي عامه خدمتونو ته ځانګړې پاملرنه سوې او د روغتیا، مخابراتو او نورو خدمتونو په ګډون ګڼ نور عامه خدمات په کښي فعاله سوي دي.
د هغه په وینا، اسلامي امارت هڅه کوي، ترڅو د افغانستان ټولي لیري سیمي له عامه خدمتونو څخه برخمني کړي.
#MillatZagh

د رئیس الوزرا اداري مرستیال د کندهار له عمومي زندان څخه لیدنه کړې
د رئیس الوزرا د اداري مرستیال ملا عبدالسلام حنفي په مشرۍ یوه پلاوي، چي د مخابراتو وزیر ملا عبدالاحد فضلي، د کور او ښار جوړولو وزیر نجیب الله حیات او ځیني نور چارواکي په کښي شامل وو، پرون (شنبه) د کندهار له مرکزي زندان څخه لیدنه کړې او د دغه زندان چاري ئې له نژدې ارزولي دي.
ارګ په یوه خبرپاڼه کي ویلي، حنفي د ټولو بلاکونو له بندیانو سره لیدلي او هغوی ته ئې ویلي چي، پر تېرو ناسمو کړنو پښېمانه او توبه وباسي؛ ترڅو تر ازادېدلو وروسته د سالمو او د ګټورو وګړو په توګه ژوند وکړي.
د سرچینې په وینا، هغه او مل پلاوي د یاد زندان ستونزي او غوښتني هم اورېدلي او د حل ئې ډاډ ئې ورکړی دی.
#MillatZagh

په ۳۹،۲ میلیونه افغانۍ په پنځو ګمرکونو کي سکېنران نصب سول
د مالیې وزارت وايي، په ۳۹،۲ میلیونه افغانۍ ئې پنځه سکېنرونه رانیولي او په درو ګمرکونو کي ئې نصب کړي دي.
دغه وزارت ویلي، یاد سکېنرونه دوه د هرات په اسلام کلا، دوه د ننګرهار په تورخم او یو د خوست نړیوال هوايي ډګر په ګمرک کي نصب سوي دي.
د سرچینې په وینا، د دغو سکېنرونو په نصب سره به د مسافرو راوړل کېدونکي توکي په دقت او شفافیت سره پلټل او ارزول کېږي.
#MillatZagh

په پنجشېر کي په ۵۰ میلیونه افغانۍ ۱۸ پروژې بشپړي سوې
د پنجشېر ویاند سیف الدین لټون وايي، د دغه ولایت په عنابه او آبشار ولسوالیو کي په ۵۰ میلیونه افغانۍ ۱۸ پراختیايي پروژې بشپړي او ګټي اخستني ته سپارل سوي دي.
د لټون په وینا، په دغو پروژو کي د چک ډیمونو، د اوبو د کانالونو، استنادي دېوالونو، ګبیونونو او د کلیوالي سړکونو جوړول شامل دي.
#MillatZagh

امیر خان متقي د افغانستان په اړه په مسکو فارمټ غونډه کي ګډون کوي
د بهرنیو چارو وزارت وايي، د یاد وزارت د چارسمبالي مولوي امیر خان متقي په مشرۍ به یو افغان پلاوی روسیې ته سفر وکړي او د افغانستان په اړه د مسکو فارمټ په اتمه غونډه کي به ګډون وکړي.
ټاکل سوې دا غونډه سبا (دوشنبه- د اکټوبر ۵مه) په مسکو کي جوړه سي او د بېلابېلو هیوادونو ځانګړي استازي به د افغانستان د اوسني امنیتي او اقتصادي وضعیت، په افغانستان کي د ترهګرۍ او نشه يي توکو پر وړاندي د مبارزې، د سیمه ییزو همکاریو د پراختیا او د کابل او اسلام اباد د ترینګلتیاوو په اړه خبري په کښي وکړي.
د دغه وزارت مرستیال ویاند ضیاء احمد تکل ویلي، متقي به په یاده غونډه کي د ګډون او وینا سره، سره د سیمه ییزو هیوادونو له لوړپوړو چارواکو او پلاوو سره د د دوه اړخیزه اړیکو د پراختیا په اړه هم خبري وکړي.
تر دې مخکي د روسیې د بهرنیو چارو وزارت هم ویلي چي، متقي به د افغان پلاوي مشرۍ په دغه غونډه کي ګډون وکړي او د روسیې د بهرنیو چارو له وزیر سرګي لاوروف سره به هم په یوه جلا لیدنه کي د افغانستان او روسیې د دوه اړخیزه اړیکو د پراختیا په اړه خبري وکړي.
#MillatZagh

د فراه- فراه رود سړک د ډامبرولو کارونه پیل سول
د فراه ولایت د رسنیو دفتر وايي، نن (یک شنبه) په یاد ولایت کي د فراه- فراه رود لويي لاري د ډامبرولو کارونه پیل سوي دي.
د یاد ولایت مرستیال والي ګل محمد خیبر د یادو چارو د پیل په غونډه کي ویلي، دغه سړک د ټولګټو چارو وزارت په ۹۸۲ میلیونه، ۴۹۵ زره او ۸۰۴ افغانۍ جوړوي او ټول کارونه به ئې د روان ۱۴۰۵ لېږدیز لمریز کال د ۱۱مي میاشتي په لومړیو کي بشپړ سي.
د یاد ولایت د ټولګټو چارو رئیس محمد ولي ادریس ویلي چي، دا سړک به د ۶۱ کیلومتره او ۲۵۰ متره په اوږدوالي او د سړک د دواړو غاړو په ګډون د ۱۱ متره په پراخوالي سره په پاخه ډول ورغول سي.
#MillatZagh

د سبا (دونۍ) ورځي د یو شمېر ولایتونو او سیمي د هوا حالات:
کندهار: اسمان لمر، د تودوښي لوړه درجه ۳۶، کښته ۱۹    
کابل: اسمان لمر، د تودوښي لوړه درجه ۲۹، کښته ۱۵
هرات: اسمان لمر، د تودوښي لوړه درجه ۲۵، کښته ۱۵
هلمند: اسمان لمر، د تودوښي لوړه درجه ۳۷، کښته ۲۶       
روزګان: اسمان لمر، د تودوښي لوړه درجه ۲۹، کښته ۱۵         
بلخ: اسمان لمر، تودوښي لوړه درجه ۲۳، کښته ۱۶ 
ننګرهار: اسمان لمر، د تودوښي لوړه درجه ۳۱، کښته ۲۲       
کوټه: اسمان لمر، د تودوښي لوړه درجه ۳۰، کښته ۱۵       
نوی ډهلی: اسمان لمر، د تودوښي لوړه درجه ۳۶، کښته ۲۶
#MillatZagh

امیر خان متقي روسیې ته سفر وکړ
د بهرنیو چارو وزیر مولوي امیر خان متقي نن (یک شنبه) د افغانستان په اړه د مسکو فارمټ په غونډه کي د ګډون په خاطر د روسیې پلازمېني مسکو ته سفر وکړ.
یاد وزارت ویلي، متقي به په یاد سفر کي د روسیې د بهرنیو چارو له وزیر سرګي لاوروف او نورو لوړ پوړو چارواکو سره هم لیدني او خبري ولري.
ټاکل سوې سبا په مسکو کي د افغانستان په اړه د مسکو فارمټ اتمه غونډه پیل سي.
#MillatZagh

په بلخ کي په ۳۵ میلیونه افغانۍ د یوه کانال کارونه پیل سول
د مزار شریف ښاروالي وايي، په ۳۵ میلیونه افغانۍ ئې د دشت شور کانال د جوړولو کارونه پیل کړي دي.
یادي ښاروالۍ ویلي، د دغه کانال د جوړولو کارونه نن (یک شنبه) پیل سول او په شپږو میاشتو کي بشپړ سي.
د سرچینې په وینا، دا کانال د ۱۱۰۰ متره اوږدوالي، څلور متره پراخوالي او دوه متره په لوړوالي سره جوړېږي؛ ترڅو د سېلابي اوبو مخه ونیول سي.
#MillatZagh

یوناما د نجونو د زده کړو د دوام هیله څرګنده کړې
په افغانستان کي د ملګرو ملتونو سیاسي استازولۍ (یوناما) ویلي، هیله لري چي د نجونو له پاره هم د زده کړو د دوام زمینه برابره سي؛ ترڅو هغوی هم زده کړي وکړي او په راتلونکي کي د ټولني په جوړولو کي ونډه واخلي.
یوناما نن (د اکټوبر ۵مه) د ښوونکي د نړیوالي ورځي په مناسبت ټولو ښوونکو ته مبارکي ورکړې او ویلي ئې دي چي، ښځي هم باید زده کړو ته دوام ورکړي؛ ترڅو په راتلونکي کي ښوونکي سي او د نجونو د "پوهي او مهارتونو په وده او جوړونه" کي برخه واخلي.
نن د ښوونکي نړیواله ورځ ده او دا ورځ د ملګرو ملتونو فرهنګي او کلتوري سازمان (یونیسکو) له ۱۹۹۴ زېږدیز کال راهیسي په یاد نوم نومولې ده.
#MillatZagh

نن دونۍ د تلي میاشتي ۱۳مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۲۰۰ افغانۍ.
لس لېټره غوړي: په ۱۱۰۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۴ افغانۍ.
ډېزل: لېټر په ۷۳ افغانۍ.
ګاز: په شرکت کي کیلو په ۶۳ او په عام بازار کي کیلو په ۶۵ او ۶۶ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۵،۰۵ افغانۍ.
یو ډالر: ۲۸۴،۳۰ کلداري.
یو ریال: ۱۷،۲۵ افغانۍ.
یو درهم: ۱۷،۷۵ افغانۍ.
یوه یورو: ۷۲،۸۰ افغانۍ.
زر افغانۍ: ۴۳۷‍۱ کلداري.
زر کلداري: ۲۲۸ افغانۍ.
زر بانکي تومن: ۰،۲۴ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh

له هراته عربي هیوادونو ته د ۲ میلیونه ډالرو بېټرۍ صادري سوې
د هرات ولایت د رسنیو دفتر خبر ورکړی چي له دغه ولایت څخه عربي هیوادونو ته د دوه میلیونه امریکايي ډالرو بېټرۍ صادري سوي دي.
یاد دفتر ویلي، دا سوداګریزه محموله د یوه خصوصي شرکت له لوري صادره سوې او تر دې مخکي ئې درې نوري محمولې هم صادري کړي دي.
د سرچینې په وینا، یاد شرکت په ورځني ډول د شاوخوا ۴۰۰۰ بېټریو د تولید وړتیا لري او ۵۵۰ کسانو ته ئې کاري زمینه هم برابره کړې ده.
#MillatZagh

کرزی؛ د علم عامه زده کړه د ملت د "خپلواکۍ او عزت" له پاره حیاتي ارزښت لري
د افغانستان پخواني ولسمشر حامد کرزي د ښوونکي د ورځي په مناسبت د هیواد ټولو ښوونکو ته مبارکي ورکړې او په ټینګار سره ئې ویلي چي د علم عامه زده کړه د ملت د "خپلواکۍ او عزت" له پاره حیاتي ارزښت لري او باید ټول ځانونه ورڅخه برخمن کړي.
کرزي پر خپل ایکس په یوه بیان کي لیکلي چي "د معلم د ورځي په دې نېک مناسبت یو ځل بیا د ګران هیواد نجونو او هلکانو ته د زده کړي پر اهمیت ټینګار کوي او د عام عامه زده کړه د خپل ملت د خپلواکۍ او عزت له پاره حیاتي بولي."
هغه د ښوونکو پر ارزښت هم ږغېدلی او ښوونکی ئې هغه څوک بللی چي په "ملي رسالت، کمو امکاناتو، سختو شرایطو، وفادارۍ او ژمنتیا" ځوانان د علم په ګاڼه سمبالوي او دغه ځوانان دي چي هیواد ته د "دفاع، ساتني، پر ځان بسیایني او عزتمنده ژوندانه" زمینه برابروي.
#MillatZagh

ایران په افغانستان کي پانګوني ته لېوالتیا ښودلې
د ایران د بهرنیو چارو وزارت د اقتصادي ډيپلوماسۍ مرستیال حمید قنبري د یوه پلاوي په مشرۍ افغانستان ته راغلی او د بهرنیو چارو وزارت له مالي او اداري مرستیال دوکتور محمد نعیم وردګ سره ئې د افغانستان او ایران د اقتصادي، سیاسي او سوداګریزه اړیکو د پراختیا او د افغان کډوالو د ستونزو د حل په اړه خبري کړي دي.
یاد وزارت ویلي چي، دواړو لورو نن (دوشنبه) په کابل کي د یوې لیدني پر مهال په دې اړه خبري کړي او هغوی لېوالتیا ښودلې چي په افغانستان کي پانګونه کوي.
د سرچینې په وینا، دغه پلاوي ویلي، غواړي په افغانستان کي د هرات- مزار شریف پر اوسپني پټلۍ، د کانونو پر استخراج او د برېښنا پر تولید پانګونه وکړي او په دې برخه کي له افغانستان سره همکاري وکړي.
#MillatZagh

د سبا (منځنۍ) ورځي د یو شمېر ولایتونو او سیمي د هوا حالات:
کندهار: اسمان لمر، د تودوښي لوړه درجه ۳۲، کښته ۲۱    
کابل: اسمان لمر، د تودوښي لوړه درجه ۲۷، کښته ۱۴
هرات: اسمان لمر، د تودوښي لوړه درجه ۲۸، کښته ۱۳
هلمند: اسمان لمر، د تودوښي لوړه درجه ۳۳، کښته ۲۱       
روزګان: اسمان لمر، د تودوښي لوړه درجه ۲۸، کښته ۱۵         
بلخ: اسمان لمر، تودوښي لوړه درجه ۲۶، کښته ۱۵ 
ننګرهار: اسمان څه ناڅه وریځ، د تودوښي لوړه درجه ۲۷، کښته ۲۰       
کوټه: اسمان لمر، د تودوښي لوړه درجه ۲۷، کښته ۱۷       
نوی ډهلی: اسمان لمر، د تودوښي لوړه درجه ۳۵، کښته ۲۵
#MillatZagh