د ایران په سراوان کي شاوخوا ۱۷ افغانان د تندي له امله مړه سوي
د ایران د بشري حقوقو یو سازمان (حال وش) ویلي، د ایران د سیستان او بلوچستان ولایت په سراوان ولسوالۍ کي شاوخوا ۱۷ تنه افغانان، چي ښځي او کوچنیان هم په کښي شامل وو، د تندي له امله مړه سوي دي.
دغه سازمان تېره شپه ناوخته په یوه راپور کي ویلي، دا پېښه تېره پنج شنبه سوې او د هغوی جسدونه د خاش روغتیايي مرکز سړې خوني ته لېږدول سوي دي.
تر اوسه اسلامي امارت او ایران په دې اړه څه نه دي ویلي.
تر دې مخکي هم د افغان کډوالو یوې ۱۹ کسیزي ډلي، چي غوښتل ئې په قاچاقي ډول ایران ته ولاړ سي، د نیمروز په مارګو دښت کي لادرکه او د تندي او ګرمۍ له امله مړه سول چي جسدونه ئې څو اوونۍ وروسته وموندل سول.
#MillatZagh

نن د افغانستان او هند ترمنځ ۲مه لوبه ترسره کېږي
نن ماښام د افغانستان پر وخت پر شپږ نیمي بجې د افغانستان او هندوستان کرکټ ملي لوبډلي ترمنځ د درو ۲۰ اوریزه لوبو دوهمه لوبه ترسره کېږي.
دا لوبه به د هند په نوي ډهلي کي او د افغانستان په کوربتوب ترسره سي.
د دې لوبلړۍ لومړۍ لوبه هند د اوو ویکټو په توپیر ګټلې ده.
#MillatZagh

امیر خان متقي د قرغزستان د بهرنیو چارو له وزیر سره د دوه اړخیزه اړیکو په اړه خبري کړي
د بهرنیو چارو وزیر مولوي امیر خان متقي او قرغزستان د بهرنیو چارو وزیر ژینبېک کولوبایف د افغانستان او قرغزستان د دوه اړخیزه سیاسي اړیکو، اقتصادي تعاملاتو، سوداګرۍ، پانګوني او ګډو پروژو د پراختیا په اړه خبري کړي دي.
یاد وزارت ویلي، متقي او کولوبایف دا خبري په یوه ټلیفوني اړیکه کي کړي او متقي د دې خبرو پر مهال د افغانستان او قرغزستان ترمنځ د موجودو تفاهماتو د عملي کېدلو او د نوو همکاریو د رامنځ ته کولو په برخه کي د افغانستان چمتووالی څرګند کړی دی.
د سرچینې په وینا، متقي د ملګرو ملتونو د امنیت شورا په غیر دایمي غړو کي د قرغزستان ګډون مهمه لاسته راوړنه یاده کړې او په دې چوکاټ کي ئې د افغانستان او قرغزستان ترمنځ د ګډو همکاریو او متقابل ملاتړ پر اهمیت خبري او ټینګار کړی دی.
#MillatZagh

د افغانستان ۹۶،۲ سلنه سړکونه لا هم خامه دي
د احصایې او معلوماتو عمومي ادارې د افغانستان د سړکونو د شبکې اوږدوالی ۲۴۵ زره او ۷۲ کیلومتره تثبیت کړی، چي ۱۸ زره او ۲۴۱ کیلومتره ئې پاخه او ۲۲۶ زره او ۸۳۱ کیلومتره، چي ۹۶،۲ سلنه کېږي، خامه سړکونه دي.
یادي ادارې ویلي، کابل د څلور زره او ۸۴ کیلومتره پخو سړکونو په درلودلو سره لومړی او نورستان د ۱۲ کیلومتره پوخ سړک په درلودلو تر ټولو وروستی ځای لري او زیاتوي چي، د دوه کیلومتره واټن معیار له مخي شاوخوا ۴۱ سلنه کلیوالي خلک پخو، ۶۳ سلنه عمومي او ۹۶ سلنه خلک د سړکونو ټولي شبکې ته لاسرسی لري.
یادي ادارې همدارنګه ویلي، په دې سروې کي ئې د هیواد په کچه څلور زره او ۷۴۷ لوی او کوچني پلونه، اته زره او ۶۸۱ پلچکونه پلچکونه او ۸۵۴ د سېلابونو د تېرېدلو ځایونه هم تثبیت کړي دي.
د دې ادارې د معلوماتو له مخي، د هیواد په سړکونو کي ۱۶ ویجاړ سوي پلونه بیا رغولو او ۲۴۹ ځایونه د پلونو جوړولو ته اړتیا لري.
#MillatZagh

نن منځنۍ د وږي میاشتي ۲۴مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۱۸۰ افغانۍ.
لس لېټره غوړي: په ۱۰۹۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۴ افغانۍ.
ډېزل: لېټر په ۷۳ افغانۍ.
ګاز: په شرکت کي کیلو په ۶۲ او په عام بازار کي کیلو په ۶۴ او ۶۵ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۴،۶۰ افغانۍ.
یو ډالر: ۲۸۵ کلداري.
یو ریال: ۱۶،۹۰ افغانۍ.
یو درهم: ۱۷،۴۰ افغانۍ.
یوه یورو: ۷۴ افغانۍ.
زر افغانۍ: ۴۴۱۵ کلداري.
زر کلداري: ۲۲۶ افغانۍ.
زر بانکي تومن: ۰،۲۸ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh

سردار داود خان روغتون کي د یوه کس له معدې ۳۰ مېخونه را وایستل سول
د دفاع وزارت اړوند د شهید سردار محمد داود خان په ۴۰۰ بستریز کمپلکس روغتون کي د یوه کس له معدې څخه ۳۰ فولادي مېخونه را ایستل سوي دي.
یاد وزارت ویلي، دا مېخونه د عصمت الله په نوم د یوه ناروغ له معدې څخه د انډسکوپي عملیاتو پر مهال را ایستل سوي او یاد عملیات ئې کامیاب یاد کړی دی.
#MillatZagh

جوزجان کي د "وسله والو غلو" ۱۳ کسیزه ډله نیول سوې
د جوزجان امنیه قومنداني وايي، د دغه ولایت په اقچه ولسوالۍ کي ئې د "وسله والو غلو" ۱۳ کسیزه ډله نیولې، چي له یوه کور څخه د سرو زرو او نقدو پیسو په غلا کولو تورنه ده.
د یادي قومندانۍ ویاند عبدالستار حلیمي ملت ږغ راډیو ته ویلي، له هغوی سره درې کلاشینکونه، دوې توپګنچې، یو لاسي بم، ۲۵۲ مرمۍ، برچې او ځیني نور د غلا کولو وسایل نیول سوي دي.
د حلیمي په وینا، له یادو کسانو څخه تحقیقات روان دي او وروسته به ئې عدلي او قضايي ارګانونو ته وسپاري.
#MillatZagh

د پنجشېر له کانونو څخه د ۱۶،۷ میلیونه افغانیو زمرد خرڅ سول
د پنجشېر ولایت ویاند سیف الدین لټون وايي، د دغه ولایت له کانونو څخه دوه زره او ۹۵۵ قیراطه زمرد په ۱۶ میلیونه او ۷۶۲ زره افغانۍ خرڅ سول.
د لټون په وینا، یاد زمرد نن (سه شنبه) د همدې ولایت د کانونو او پټرولیم ریاست تر چتر لاندي د یوې داوطلبۍ پر مهال پلورل سوي دي.
#MillatZagh

کندهار کي رضاکارانه اشر ترسره سو
کندهار ښاروالۍ نن (سه شنبه) د سلګونو رضاکاره ځوانانو، زده کوونکو او عامو هیوادوالو په همکارۍ د کندهار ښار په ټولو ناحیو کي د ښار د پاکوالي اشر ترسره کړ.
یادي ښاروالۍ ویلي، دا اشر ئې د ښار د پاک ساتلو په اړه د عامه پوهاوي او هیوادوالو ته د ښار د پاکوالي د پیغام رسولو په موخه ترسره کړ.
کندهار ښاروالۍ له ټولو هیوادوالو څخه غوښتنه کړې چي، د "ښار د پاکوالي، ښکلا او سالم چاپېریال" په ساتنه کي فعاله ونډه واخلي او دا کار ئې د ټولو "ګډ مسؤلیت" یاد کړی دی.
#MillatZagh

زابل د خاک افغان له لاري له روزګان سره ونښلول سو
له پېښو سره د مبارزې او امادګۍ اداره وایي، روزګان او زابل ولایتونه ئې د خاک افغان او خاص روزګان ولسوالیو له لاري سره نښلولي دي.
یادي ادارې ویلي، دا سړک ۲۵ کیلومتره اوږدوالی او شپږ متره پراخوالی لري، چي د زابل له خاک افغان څخه پیل او د روزګان تر خاص ولسوالۍ پوري رسېږي، په جغلي ډول د یادي ادارې په بودجه جوړ او ګټي اخستني ته سپارل سوی دی.
د سرچینې په وینا، د یادي لاري پر جوړولو څلور میلیونه او ۲۹۳ زره افغانۍ لګښت راغلی او په جوړېدلو سره ئې د دواړو ولایتونو اوسېدونکو ته د تګ راتګ اسانتیاوي برابري سوي دي.
#MillatZagh

ایران یو ۲۵ کلن افغان په دار کړ
د هه نګاو په نوم د ایران د بشري حقونو سازمان وایي، د ایران حکومت د خلیل افغان په نوم یو افغان په دار ځړولی دی.
یاد سازمان ویلي، افغان تېره یک شنبه سهار مهال د زاهدان په مرکزي زندان کي د نشه يي توکو د تور له امله په دار ځړول سوی دی.
د سرچینې په وینا، خلیل افغان د ۲۰۲۲ زېږدیز کال پر مهال پر د ایران د سیستان او بلوچستان ولایت په کونارک ولسوالۍ کي د نشه يي توکو په تور ونیول سو.
ایران د رواني سپټمبر میاشتي پر دوهمه نېټه هم یو افغان په داسي حال کي په دار وځړاوه، چي د حرکت توان ئې نه درلود او په ویچلر بایسکل کي ئې ژوند کاوه.
#MillaZagh

د ټاپي پروژې ۸۰ سلنه چاري بشپړي سوي
د کانونو او پټرولیم وزارت وايي، په هرات د ټاپي (T.A.P.I) ګازو نل لیکي غځولو پروژې ۸۰ سلنه کارونه بشپړ سوي او د روان ۲۰۲۶ زېږدیز کال تر پایه به ټول بشپړ سي.
د دغه وزارت ویاند همایون افغان ویلي، د یادي پروژې ۱۲۲،۳ کیلومتره نل لیکه ویلډینګ او غځول سوې او د ۱۵۳ کیلومتره مسیر له برخي څخه ۱۵۰،۳ کیلومتره مسیر د نل لیکي غځولو له پاره چمتو سوی دی.
د افغان په وینا، په یاد ولایت کي د ټاپي د ګازو د وېش شبکې د ډیزاین او سروې چاري هم رواني دي او په نژدې راتلونکي کي به ئې عملي کارونه هم پیل سي
همایون افغان وايي، د دې شبکې په جوړېدلو سره به د ټاپي پروژې ګاز د هرات صنعتي، سوداګریزو او استوګنیزو سیمو ته ورسول سي.
#MillatZagh

د سبا (څلنۍ) ورځي د یو شمېر ولایتونو او سیمي د هوا حالات:
کندهار: اسمان لمر، د تودوښي لوړه درجه ۳۷، کښته ۱۹    
کابل: څه ناڅه د باران اټکل، د تودوښي لوړه درجه ۲۶، کښته ۱۴
هرات: اسمان لمر، د تودوښي لوړه درجه ۳۱، کښته ۱۸
هلمند: اسمان لمر، د تودوښي لوړه درجه ۳۸، کښته ۲۲       
روزګان: اسمان لمر، د تودوښي لوړه درجه ۳‍۱، کښته ۱۵         
بلخ: اسمان لمر، تودوښي لوړه درجه ۳۴، کښته ۲۱ 
ننګرهار: د باران اټکل، د تودوښي لوړه درجه ۲۷، کښته ۱۸       
کوټه: اسمان لمر، د تودوښي لوړه درجه ۳۱، کښته ۱۴       
نوی ډهلی: اسمان لمر، د تودوښي لوړه درجه ۳۴، کښته ۲۵
#MillatZagh

اقتصادي کمېسیون ۶۶ معیارونه او ازمایښتي طریقې تائید کړي
د رئیس الوزرا د اقتصادي مرستیال ملا عبدالغني برادار اخند په مشرۍ اقتصادي کمېسیون ۳۶ معیارونه او ۳۰ د ازمایښت طریقې تائید کړي دي.
اقتصادي معاونیت ویلي، دا معیارونه او طریقې د یاد کمېسیون په نننۍ ناسته کي تائید سوي، چي د کرهڼیزو محصولاتو، خوراکي توکو، درملو، نساجي، کېمیا او پلاسټیک، مخابراتو او الیکتریک، کان کیندني، ساختماني موادو، چاپېریال ساتني او په ځینو نورو برخو کي دي.
د سرچینې په وینا، په دې ناسته کي په کندهار، خوست، پکتیا، پکتیکا او ننګرهار کي د ډبرو سکرو د تخلیې، بارګیرۍ، پروسس او بسته بندۍ د مرکزونو د مالکیت معلومولو په اړه تر خبرو وروسته پرېکړه سوې، چي د یادو مرکزونو چاري به د ټرانسپورټ او هوايي چلند وزارت او کمرګي چاري به ئې د مالیې وزارت پر غاړه وي.
اقتصادي معاونیت ویلي، یادي پرېکړي د اخري پرېکړي په خاطر د اسلامي امارت د مشر دفتر ته استول سوي دي.
#MillatZagh

افغانستان بانک شاوخوا ۶۶۰ میلیونه زړې افغانۍ وسوځولې
افغانستان بانک وايي، په سوداګریزه راکړه ورکړه کي د اسانتیاوو په موخه ئې ۶۶۰ میلیونه او ۲۰۰ زره زړې افغانۍ سوځولي دي.
یاد بانک په یوه خبرپاڼه کي ویلي، دا بانکنوټونه، چي د افغانۍ ټولي انواعي په کښي شاملي وې، له مرکزي، سوېل ختیځ او ختیځ زونونو څخه راټول او نن (سه شنبه) یوه پلاوي په ځانګړو بټیو کي سوځولي دي.
د یادو پیسو د سوځولو پر مهال د افغانستان بانک دوهم مرستیال ملا محمد اخند پر هیوادوالو ږغ کړی چي، له بانکنوټونه سره احتیاط وکړي، خطونه پر و نه لیکي او په بټوو کي ئې وساتي؛ ترڅو ژر زړې نه سي.
#MillatZagh

د افغانستان او ازبکستان د سپکو صنایعو ګډ نندارتون پرانستل سو
د صنعت او سوداګرۍ وزارت خبر ورکړی چي، د ازبکستان په ترمذ نړیوال سوداګریز مرکز کي د افغانستان او ازبکستان د لاسي صنایعو ګډ نندارتون پرانستل سوی دی.
د صنعت او سوداګرۍ وزیر نور الدین عزیزي پرون (سه شنبه) د یاد نندارتون د پرانستل کېدلو پر مهال ویلي، افغانستان او ازبکستان په دې وروستیو کي د اقتصادي، سوداګریزه او ټرانزیټي اړیکو د پراختیا له پاره مهم ګامونه اخستي او د دغو ګامونو موخه ئې د دواړو هیوادونو د سوداګریزي راکړي ورکړي زیاتوالی یاد کړی دی.
د عزیزي په وینا، کابل او تاشکند د یو او بل بشپړوونکي دي او ازبکستاني پانګوالو ته ئې ډاډ ورکړی چي، په افغانستان کي د پانګوني په کولو سره هر ډول اسانتیاوي ورته برابروي.
یاد وزارت ویلي، یاد نندارتون به درې ورځي دوام وکړي، چي په ۱۰۰ غرفو کي د افغانستان کرهڼیز محصولات، لاسي صنایع، زعفران، قیمتي او نیمه قیمتي ډبري، پنبه، وچي مېوې او د ازبکستان تولیدات نندارې ته په کښي وړاندي سوي دي.
#MillatZagh

اسلامي امارت له ټولو هیوادونو سره د ښو اړیکو غوښتونکی دی
د بهرنیو چارو وزارت ویاند عبدالقهار بلخي وايي، اسلامي امارت د امریکا متحده ایالتونو په ګډون له ټولو هیوادونو سره ښې ډیپلوماټیکي اړیکي غواړي.
بلخي له (C.B.S News) نړیوالي خبري شبکې سره په یوه ویډیويي مرکه کي ویلي، غواړي له نړیوالي ټولني سره ښه تعامل ولري او ټینګار ئې کړی چي، د افغانستان خاوره د هیڅ هیواد پر وړاندي نه کارول کېږي.
هغه له افغانستان څخه د امریکايي ځواکونو وتل او د امنیتي وضعیت ښه کېدل د اسلامي امارت لاسته راوړني یادي کړي او زیاته کړې ئې ده، چي له دې سره، سره افغانستان له ځینو ستونزو سره مخ دی؛ خو هڅه کېږي، ترڅو هغه هم حل سي.
عبدالقهار بلخي په یاده مرکه کي د افغان نجونو د زده کړو په اړه ویلي چي، هغوی په خپلو کورونو کي انلاین زده کړو ته دوام ورکولای سي.
#MillatZagh

راتلونکې اوونۍ په ټول هیواد کي د پولیو ناروغۍ د واکسین کمپاین پیلېږي
له پولیو څخه پاک افغانستان بنسټ (Polio Free Afghanistan) وايي، راتلونکې اوونۍ په ټول هیواد کي د پولیو ناروغۍ د واکسین کمپاین پیلېږي.
یاد بنسټ په یوه خبرپاڼه کي ویلي، دا کمپاین به د راتلونکي اوونۍ په دوشنبه (د وږي ۳۰مه نېټه) له سوېلي زون پرته په ټول هیواد او په یاد زون کي به یوه ورځ وروسته (سه شنبه) پیل سي.
د ګوزڼ ناروغۍ د واکسین دا کمپاین داسي مهال پیلېږي چي تېره اوونۍ د روغتیا نړیوال سازمان خبر ورکړ چي په افغانستان کي د سږ ۲۰۲۶ زېږدیز کال له پیل راهیسي د پولیو ناروغۍ ۲۳ مثبتي پېښي ثبت سوي دي.
#MillatZagh

افغانستان او ترکمنستان د دوه اړخیزه اړیکو د پراختیا په اړه خبري کړي
د هرات والي مولانا نور احمد اسلام جار د ترکمنستان له سرکونسل باتور یولوف سره د افغانستان او ترکمنستان د اقتصادي او سوداګریزه همکاریو د پراختیا، د تورغونډۍ- هرات اوسپني پټلۍ د انتقالاتو او خدماتو د زیاتوالي او له یاد هیواد څخه فراه ته د برېښنا د لېږد په اړه خبري کړي دي.
د هرات ولایت د رسنیو دفتر وايي، دواړه لوري په یوه لیدنه کي پر یادو مسایلو ږغېدلي او په دې لیدنه کي اسلام جار ویلي چي، هرات چمتو دی، ترڅو د تورغونډۍ بندر کمرګي خدمات ۲۴ ساعته او د هرات- تورغونډۍ اوسپني پټلۍ انتقالات زیات سي.
د سرچینې په وینا، اسلام جار په دې لیدنه له یولوف سره له ترکمنستان څخه د هرات له لاري فراه ولایت ته د برېښنا د لېږد په اړه خبري هم کړي، په یادو برخو کي ئې له ترکمنستان څخه د همکارۍ غوښتنه کړې او باتور د یادو مسایلو د تعقیب او همکارۍ ډاډ ورکړی دی.
#MillatZagh

نن څلنۍ د وږي میاشتي ۲۵مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۱۸۰ افغانۍ.
لس لېټره غوړي: په ۱۰۹۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۸ افغانۍ.
ډېزل: لېټر په ۷۴ افغانۍ.
ګاز: په شرکت کي کیلو په ۶۲ او په عام بازار کي کیلو په ۶۴ او ۶۵ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۴،۶۵ افغانۍ.
یو ډالر: ۲۸۵،۹۰ کلداري.
یو ریال: ۱۷ افغانۍ.
یو درهم: ۱۷،۵۰ افغانۍ.
یوه یورو: ۷۴ افغانۍ.
زر افغانۍ: ۴۴۲۴ کلداري.
زر کلداري: ۲۲۶ افغانۍ.
زر بانکي تومن: ۰،۲۸ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh