له صیاد څخه کابل ته د اوبو د لېږد تخنیکي چاري پیل سوې
د اوبو او انرژۍ وزارت او د امارتي شرکتونو لوی ریاست نن (سه شنبه) د اسلامي امارت د مشر شیخ صاحب په حکم د کاپیسا له صیاد څخه کابل ښار او د نوي کابل پروژې ته د اوبو د لېږد پروژې تخنیکي کارونه پیل کړل.
د امارتي شرکتونو لوی رئیس احمد جان بلال د دې پروژې پرانستغونډي ته ویلي، د نړیوالو اټکلونو پر اساس ښايي کابل تر ۲۰۳۰ زېږدیز کال پوري د اوبو د کمښت له ستر بحران سره مخ سي او دا ئې یوه جدي ستونزه یاده کړې ده.
د هغه په وینا، د دې بحران د مخنیوي له پاره باید پر وخت او لازم اقدامات وسي.
د امارتي شرکتونو لوی ریاست ویلي، د دې پروژې د سروې او ډیزاین کارونه به په یوه کال کي د افغان انجنیرانو له لوري بشپړ سي او زیاتوي چي په بشپړېدلو سره به ئې په ثانیه کي څلور متره مکعبه اوبه کابل ته ولېږدول سي.
#MillatZagh

په هلمند کي یوه ښځه له ۱۴ کلن کورني بنده ازاده سوه
د هلمند ویاند محمد قاسم ریاض وايي، د دغه ولایت د ګرمسېر ولسوالۍ په کوپکه سیمه کي یوه ښځه له ۱۴ کلن کورني بنده ازاده سوې ده.
ریاض ملت ږغ راډیو ته ویلي، دا ښځه د خپل "پلار او وروڼو" له لوري په خپل کور کي بندي ساتل کېده او په ځنځیرانو تړل سوې وه.
د قاسم ریاض په وینا، یاده مېرمن د درملني په موخه د هزار جفت روغتون ته لېږدول سوې او د دې پېښي په تور څلور کسان نیول سوي دي.
#MillatZagh

د احمد فرید کوهستاني د وژلو په تور ۳ کسان نیول سوي
تخار امنیه قومنداني وايي، د احمد فرید کوهستاني په نوم د تېر جمهوري حکومت د يوه پوځي کس د وژلو په تور ئې درې کسان نیولي دي.
یادي قومندانۍ هغه راپورونه رد کړي چي ګواکي هغه ویشتل سوی او ویلي ئې دي چي، هغه د تېري یک شنبې په شپه په چاقو سره وژل سوی دی.
د سرچینې په وینا، یادو کسانو د هغه پر وژلو اعتراف کړی، د دې پېښي انګېزه ئې "شخصي او ناموسي" موضوع یاده کړې او هغوی ویلي چي، دا کار ئې د مقتول تر یوې کړني وروسته دوی ته د هغه د اخطارونو له امله کړی دی.
#MillatZagh

په نورستان کي د "شر او فساد او داع.ش" پر وړاندي عملیات پای ته ورسېدل
دفاع وزارت وايي، د نورستان په کامدېش ولسوالۍ کي د پاکستان له ملاتړه د برخمنو کسانو پر وړاندي پوځي عملیات پرون (سه شنبه) پای ته رسېدلي چي په نتیجه کي ئې د "شر او فساد او داع.ش" ډلو ۴۱ کسان وژل سوي او ۶۲ نور ژوندي نیول سوي دي.
یاد وزارت تېره شپه ناوخته په یوه خبرپاڼه کي ویلي، اسلامي امارت هیڅ څوک نه پرېږدي، چي په افغانستان کي نا امني رامنځ ته کړي او د دې هڅي په صورت کي به له "سخت" غبرګون سره مخ سي.
دا عملیات د تېري شنبې په سهار د نورستان د کامدېش ولسوالۍ په ګوردېش سیمه کي د هغو کسانو پر وړاندي پیل سوي وو چي د پاکستان په ملاتړ د ډیورنډ فرضي کرښي له ها غاړي څخه دې ولسوالۍ ته د جنګ او نا امنۍ له پاره را استول سوي وو.
#MillatZagh

په اسلام کلا بندر کي د نفتو او ګازو ۱۰ ټنه تخلیه او بارګیري جوړېږي
د ریاست الوزرا اقتصادي معاونیت وايي، د پانګوني بین الوزارتي کمېټې د هرات په اسلام کلا بندر کي د نفتو او ګازو د تخلیې او بارګیرۍ د تأسیساتو جوړولو طرحه تائید کړې ده.
یاد معاونیت ویلي، دا طرحه د دې کمېټې په پرونۍ ناسته کي تر هر اړخیزي ارزوني او بحث وروسته تائید سوې چي پر اساس به ئې خصوصي سکټور په یاد بندر کي د ۱۰ زره مټریک ټنه په ظرفیت سره د نفتو او ګازو زېرمي او اړوند تأسیسات جوړوي.
د سرچینې په وینا، د دې تأسیساتو په جوړېدلو سره به د نفتو او ګازو سوداګرو ته په هیواد کي دننه اسانتیاوي برابري، لګښتونه به ئې کم او شاوخوا ۳۰۰۰ کسانو ته به کاري زمینه هم برابره سي.
#MillatZagh

د ټولنیزو رسنیو په یوه ویډیو کي د یوه زده کوونکي وهونکی ونیول سو
د تخار امنیه قومنداني وايي، هغه کس ئې نیولی چي په دې وروستیو کي ئې یو زده کوونکی واهه او ویډیو ئې په ټولنیزو رسنیو کي خپره سوې ده.
یادي قومندانۍ ویلي، دا کس کرامت نومېږي، چي د دغه ولایت د رستاق ولسوالۍ په چغیان کلي کي د حضرت سلمان (رضي الله عنه) په مدرسه کي د "مدرس" دنده مخ ته وړي.
د سرچینې په وینا، دا موضوع د نورو اجراآتو له پاره اړوندو ارګانونو ته سپارل سوې او تر تحقیقاتو لاندي ده.
تر دې مخکي د کندهار په سپین بولدک ولسوالۍ کي هم دوه کسان ونیول سول چي د کوچنیانو په وهلو تورن وو.
#MillatZagh

له تاجکستان سره د برېښنا د وارداتو پر زیاتوالي خبري سوي
د افغانستان برېښنا شرکت عمومي رئیس ملا عبدالحق همکار د تاجکستان د برېښنا شرکت له رئیس محمد عمر آسوزاده سره له دغه هیواد څخه افغانستان ته د برېښنا د وارداتو د زیاتوالي په اړه خبري کړي دي.
یاد شرکت ویلي، د آسوزه په مشرۍ دغه پلاوی افغانستان ته راغلی او له ملا عبدالحق سره ئې په یوه لیدنه کي له تاجکستان څخه د واردېدونکي برېښنا د زیاتوالي، د برېښنا د لاینونو د پیاوړتیا او پراختیا او د ۵۰۰ کیلو ولټه پروژې د پلان او جوړولو په اړه خبري کړي دي.
د سرچینې په وینا، دغه پلاوي چمتووالی ښودلی چي له افغانستان سره د برېښنا د زیاتوالي په برخه کي همکاري کوي او د دې موضوعاتو د حل له پاره ئې د تخنیکي او سوداګریزو ټیمونو د خبرو پر دوام هوکړه کړې ده.
#MillatZagh

نن څلنۍ د تلي میاشتي ۸مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۲۰۰ افغانۍ.
لس لېټره غوړي: په ۱۱۰۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۵ افغانۍ.
ډېزل: لېټر په ۷۴ افغانۍ.
ګاز: په شرکت کي کیلو په ۶۲ او په عام بازار کي کیلو په ۶۴ او ۶۵ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۵،۱۵ افغانۍ.
یو ډالر: ۲۸۵،۲۰ کلداري.
یو ریال: ۱۷،۲۰ افغانۍ.
یو درهم: ۱۷،۷۰ افغانۍ.
یوه یورو: ۷۳،۶۰ افغانۍ.
زر افغانۍ: ۴۳۸۰ کلداري.
زر کلداري: ۲۲۸ افغانۍ.
زر بانکي تومن: ۰،۲۶ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh

په نژدې راتلونکي کي د دهلې بند د لوړولو عملي چاري پیلېږي
د اوبو او انرژۍ وزیر ملا محمد یونس اخندزاده وايي، په نژدې راتلونکي کي به په کندهار کي د دهلې بند د لوړولو پروژې عملي چاري پیل سي.
ملا محمد یونس اخندزاده پرون (سه شنبه) په کاپیسا کي له صیاد څخه کابل ښار او د نوي کابل پروژې ته د اوبو د لېږد پروژې د تخنیکي کارونو د پیل په مناسبت غونډي ته ویلي، د کندهار د دهلې بند د لوړوالي پروژې د ډیزاین کارونه د افغاني انجنیرانو له لوري سوي او تازه ئې د ارزوني له پاره پنځه کمپنۍ انتخاب سوي دي.
د اخندزاده په وینا، د ۴۰ سلنه اټکل په اطمنان سره به دا پروژه په شاوخوا یوه نیمه میاشت کي پیل سي.
ټاکل سوې دغه بند د اسلامي امارت د مشر شیخ صاحب په حکم ۱۳ متره لوړ سي.
#MillatZagh

د کابل- کندهار پر لویه لاره ۲ مسجدونه جوړ سول
د ټولګټو چارو وزارت وايي، په ۶۲،۷ میلیونه افغانۍ ئې د کابل- کندهار پر لویه لاره دوه مسجدونه جوړ او ګټي اخستني ته سپارلي دي.
یاد وزارت ویلي، یو مسجد د زابل په مرکز کلات ښار کي په ۳۰،۲ میلیونه افغانۍ او بل د میدان وردګ په سید اباد ولسوالۍ کي په ۳۲،۵ میلیونه افغانۍ جوړ سوی دی.
#MillatZagh

روزګان کي په ۳۰ میلیونه افغانۍ د یوه بند جوړولو کارونه پیل سول
د کرهڼي، اوبو لګولو او مالدارۍ وزارت وايي، د روزګان د چهار چېنو ولسوالۍ کي په یومني سیمه ئې په شاوخوا ۳۰ میلیونه افغانۍ د یوه بند د جوړولو کارونه پیل کړي دي.
یاد وزارت ویلي، د دغه بند د جوړولو کارونه نن (چهارشنبه) پیل سول او په یوه کال به بشپړ سي.
د یاد وزارت چارواکو د دغه بند د چارو د پیل په غونډه کي ویلي چي، دا بند به د ۳۰۰ زره متره مکعبه اوبو د ځایېدلو ظرفیت ولري او ۴۰۰ هکټاره مځکه به خړوبه کړي.
#MillatZagh

په ټولنیزو رسنیو کي د یوه زده کوونکي د وهلو ویډیو د تېر کال ده
د پوهني وزارت وايي، په ټولنیزو رسنیو کي خپره سوې وېډیو، چي په کښي ښکاري یو استاد خپل زده کوونکی وهي، د ۱۴۰۴ لېږدیز لمریز کال د کب میاشتي ده.
یاد وزارت په یوه خبرپاڼه کي ویلي، دغه پېښه د تخار د رستاق ولسوالۍ په چغیان کلي کي د حضرت سلمان فارسي (رضي الله عنه) په مدرسه کي سوې ده.
په خبرپاڼه کي راغلي چي، دغه کس نیول سوی او موضوع تر تحقیقاتو لاندي ده.
په دې وروستیو کي په ټولنیزو رسنیو کي یوه ویډیو نشر سوې چي د "کرامت" په نوم د یادي مدرسې یو استاد خپل شاګرد وهي او یاده ویډیو په ټولنیزو رسنیو کي د خلکو له غبرګونونو سره مخ سوې ده.
#MillatZagh

سږ کال شاوخوا ۷۱ زره زېږونپا‎ڼي وېشل سوي
د احصائیې او معلوماتو عمومي اداره وايي، د روان ۱۴۰۵ لېږدیز لمریز کال په لومړیو شپږو میاشتو کي ئې د ټول هیواد په کچه ۷۱ زره او ۳۴۷ کسانو ته زېږونپاڼي ورکړي دي.
یادي ادارې ویلي، په وېشل سوو زېږونپاڼو کي ئې ۴۹ زره او ۵۰۲ زېږونپاڼي لویانو او ۲۱ زره ۸۴۶ نوري ئې کوچنیانو ته ورکړي، چي تر ټولو ډېري ئې په کابل، ننګرهار، خوست او هرات ولایتونو کي وېشل سوي دي.
سرچینې همدارنګه ویلي چي، په دې موده کي ئې ۱۳ زره او ۵۸۴ کسانو ته د مړیني پارچې هم ورکړي دي.
#MillatZagh

د سبا (پنځنۍ) ورځي د یو شمېر ولایتونو او سیمي د هوا حالات:
کندهار: اسمان لمر، د تودوښي لوړه درجه ۳۶، کښته ۱۷    
کابل: اسمان لمر، د تودوښي لوړه درجه ۲۷، کښته ۱۴
هرات: اسمان ځای، ځای وریځ، د تودوښي لوړه درجه ۳۰، کښته ۱۶
هلمند: اسمان لمر، د تودوښي لوړه درجه ۳۸، کښته ۲۰       
روزګان: اسمان لمر، د تودوښي لوړه درجه ۲۹، کښته ۱۳         
بلخ: اسمان لمر، تودوښي لوړه درجه ۲۹، کښته ۲۱ 
ننګرهار: اسمان ځای، ځای وریځ، د تودوښي لوړه درجه ۲۹، کښته ۱۹       
کوټه: اسمان لمر، د تودوښي لوړه درجه ۲۹، کښته ۱۴       
نوی ډهلی: اسمان لمر، د تودوښي لوړه درجه ۳۴، کښته ۲۳
#MillatZagh

په هلمند او کونړ کي د پاکستان د بریدونو له امله ۲۰ کسانو ته مرګ ژوبله اوښتې
د اسلامي امارت ویاند ذبیح الله مجاهد وايي، پاکستاني پوځي رژیم تېره شپه یو ځل بیا پر هلمند او کونړ هوايي بریدونه کړي چي له امله ئې د ښځو او کوچنیانو په ګډون نهه ملکي کسان وژل سوي او ۱۱ تنه نور ژوبل سوي دي.
د مجاهد په وینا، دا بریدونه د هلمند په ګرمسېر او د کونړ په شلتن ولسوالیو کي سوي او درې کورونه هم په کښي بشپړ ویجاړ سوي دي.
ذبیح الله مجاهد پر خپل ایکس لیکلي چي، اسلامي امارت دا "جنایت" غندي او د ټولو منل سوو اصولو خلاف "تجاوز او جنایت" ئې بولي.
#MillatZagh

په اسلام کلا بندر کي د اورلګېدني له امله ۱۵ ټانکرونه سوځېدلي
د هرات امنیه قومنداني وایي، په اسلام کلا بندر کي د تېري شپې د اور لګېدني له امله ۱۵ د نفتو ټانکرونه په بشپړ ډول او درې نور په سطحي ډول سوځېدلي دي.
یادي قومندانۍ نن (پنج شنبه) سهار په یوه خبرپاڼه کي ویلي چي، د دې اورلګېدني د لامل او د کره زیانونو په اړه معلومات لا هم بشپړ سوي نه دي.
دا اورلګېدنه تېره شپه په اسلام کلا بندر کي رامنځ ته سوه چي تر شاوخوا نهه بجو پوري ئې دوام وکړ.
#MillatZagh

پاکستان باید د افغانستان په اړه خپل جګړه ماره پلانونه له سره وڅېړي
د افغانستان پخواني ولسمشر حامد کرزي پر هلمند او کونړ د پاکستان بریدونه غندلي او له پاکستاني مشرانو څخه ئې غوښتي چي، د افغان ښځو او کوچنیانو د وژلو او د پړه اچولو پر ځای خپله جګړه ماره تګلاره او دښمنانه پلانونه له سره وڅېړي.
کرزي ویلي، پاکستان باید له افراطیت خپرولو او نفاق اچولو څخه لاس واخلي او له افغانستان سره د یوه ګاونډي په توګه ښه ګاونډیتوب او اړیکو ته دوام ورکړي.
هغه دغه بریدونه په ښکاره ډول د افغانستان د حریم او ملي حاکمیت نقض ګڼلی او د هغو قربانیانو ته ئې د بشپړي روغتیا او شهیدانو ته ئې د جنت الفردوس دعا کړې ده.
پاکستان تېره شپه پر هلمند او کونړ بریدونه کړي چي له امله ئې د ښځو او کوچنیانو په ګډون ۲۰ ملکي کسانو ته مرګ ژوبله اوښتې ده.
#MillatZagh

د نن ارزښت؛ احمد صهیب حسرت
د ملت ږغ راډیو د "ارزښت" خپروني نننی مېلمه احمد صهیب حسرت دی، چي په دې خپرونه کي به د ده ژوند او په رسنیز ډګر کي د کار په اړه خبري ورسره وسي.
حسرت په کابل پوهنتون کي د ژورنالیزم په برخه کي د لسانس تر کچي زده کړي کړي او په ۲۰۱۷ زېږدیز کال کي رسنیو ډګر ته داخل سوی دی، چي په هغو کي ئې له شمشاد راډیو، معروف راډیو او ټلوېزیون او ژوندون ټلوېزیون سره دندي ترسره کړي دي.
نوموړی اوس له پژواک خبري اژانس سره د ایډیټر دنده مخ ته وړي.
دا چي حسرت صاحب په رسنيز ډګر کي د کار له پیله تر اوسه له کومو لاسته راوړنو او تجربو سره مخ سوی، دا او د هغه د ژوند په اړه نور معلومات به په نننۍ خپرونه کي نوموړی درسره شریک کړي.
کوربه: کمال الدین افغان.
مېلمه: احمد صهیب حسرت.
وخت: نن او سبا (پنج شنبه) غرمه دوې بجې، له ملت ږغ راډيو ۸۷،۸ ایف ایم څپو او ملت ږغ اپلیکېشن څخه.
د پلې سټور لینک:
https://play.google.com/store/apps/details?id=com.millat.radio
د آپ سټور لینک:
https://apps.apple.com/us/app/id6502879676
#MillatZagh

راتلونکې اوونۍ د افغانستان په اړه د مسکو فارمټ اتمه غونډه جوړېږي
د روسیې د بهرنیو چارو وزارت وايي، د رواني اکټوبر میاشتي پر پنځمه نېټه (راتلونکې دوشنبه) د افغانستان په اړه د مسکو فارمټ اتمه غونډه جوړوي.
د یاد وزارت ویاندي ماریا زاخارووا په یوه مطبوعاتي کنفرانس کي ویلي چي، په دې غونډه کي د افغانستان د پلاوي مشري به د اسلامي امارت د بهرنیو چارو وزیر مولوي امیر خان متقي وکړي.
د زاخارووا په وینا، متقي به په دې غونډه کي د ګډون سره، سره د روسیې د بهرنیو چارو له وزیر سرګي لاوروف سره هم وویني او د دوه اړخیزه اړیکو په اړه به خبري ورسره وکړي.
ټاکل سوې دا غونډه په مسکو کي جوړه او د روسیې، افغانستان، پاکستان، تاجکستان، ازبکستان، چین، قزاقستان، قرغزستان او هندوستان هیوادونو استازي او لوړپوړي مسؤلین به ګډون په کښي وکړي.
#MillatZagh

نن پنځنۍ د تلي میاشتي ۹مه نېټه، په کندهار کي نرخونه په لاندي ډول دي.
#خوراکي_توکي:
وطني ۴۴ کیلويي اوړه: په ۱۳۰۰، ۱۴۰۰ او ۱۴۵۰ افغانۍ.
قزاقي اول نمبر ۵۰ کیلويي اوړه: په ۱۵۵۰ افغانۍ.
شل لېټره غوړي: په ۲۱۸۰ افغانۍ.
لس لېټره غوړي: په ۱۰۹۰ افغانۍ.
درې لېټره غوړي: په ۳۷۰ افغانۍ.
سېله اولي هندۍ وریجي ۲۵ کیلویي: په ۲۰۰۰ افغانۍ.
وطني ۲۵ کیلويي وریجي: په ۱۶۰۰ افغانۍ.
سپیني وریجي ۲۵ کیلويي: په ۱۴۰۰ افغانۍ.
بوره: من په ۲۴۰ افغانۍ.
پلمېټ: من په ۲۶۰ افغانۍ.
کاناډایي نخود: من په ۵۰۰ افغانۍ.
ایراني اول نمبر نخود: من په ۴۴۰ افغانۍ.
ایراني دوهم نمبر نخود: من په ۳۰۰ افغانۍ.
سره لوبیا: من په ۴۰۰ افغانۍ.
سپینه لوبیا: من په ۳۴۰ افغانۍ.
مالګه: کڅوڼه په ۵۰ افغانۍ.
اولي شنې چای: کیلو په ۲۶۰ افغانۍ.
اولي توري چای: کیلو په ۲۷۰ افغانۍ.
مکروني: کڅوڼه په ۴۵ افغانۍ.
#پته: نوی سړک، د ناحیه اول چوک، د احمدې پلازې پر مخامخ، د حاجي معراج الدین او زامنو عمده پلورنځی.
#غوښي:
د پسه غوښه: له پوست سره چهاریاک په ۴۲۵ او بې پوسته په ۴۵۰ افغانۍ.
د سېرلي غوښه: چهاریاک په ۴۵۰ افغانۍ.
د غوایي غوښه: چهاریاک ۴۲۵ افغانۍ.
د چرګ صافه غوښه: کیلو په ۲۴۰ افغانۍ.
ژوندی چرګ: کیلو په ۱۶۰ افغانۍ.
#پته: د ښاروالۍ نرخونه.
#دسونتوکي:
پټرول: لېټر په ۸۵ افغانۍ.
ډېزل: لېټر په ۷۴ افغانۍ.
ګاز: په شرکت کي کیلو په ۶۲ او په عام بازار کي کیلو په ۶۴ او ۶۵ افغانۍ.
#پته: د حافظ په نوم ټول تېل پمپونه.
#داسعاروتبادله:
یو ډالر: ۶۵،۲۰ افغانۍ.
یو ډالر: ۲۸۵،۴۰ کلداري.
یو ریال: ۱۷،۲۰ افغانۍ.
یو درهم: ۱۷،۷۰ افغانۍ.
یوه یورو: ۷۳،۶۰ افغانۍ.
زر افغانۍ: ۴۳۷۹ کلداري.
زر کلداري: ۲۲۸ افغانۍ.
زر بانکي تومن: ۰،۲۶ افغانۍ.
یادونه: د صرافۍ بولۍ نه سته دا صرف یو اندازه ده. 
#پته: اتل صرافۍ مارکېټ، اول منزل، د منان حبیب صرافي.
#MillatZagh