mincom.gov.az
✔
520 subscribers
2.54K photos
115 videos
457 links
Rəqəmsal İnkişaf və Nəqliyyat Nazirliyi
Download Telegram
#Rəqəmsal inkişaf və #nəqliyyat naziri Rəşad Nəbiyev Astana şəhərində Qazaxıstanın nəqliyyat naziri Nurlan Sauranbayev və Prezidentin müşaviri Asel Janasova ilə görüşüb. Görüşlər zamanı #innovasiya, #rəqəmsallaşma və informasiya-#kommunikasiya texnologiyaları (#İKT) sahələrində əməkdaşlıq perspektivləri müzakirə edilib.

Səfər çərçivəsində Azərbaycan nümayəndə heyəti “Astana Hub” İnnovasiya mərkəzinin fəaliyyəti ilə tanış olub. Burada İKT sahəsində peşəkar mütəxəssislərin hazırlanması, startapların inkişafı və rəqəmsal ekosistemin gücləndirilməsi üzrə həyata keçirilən layihələr barədə ətraflı məlumat verilib. Tərəflər rəqəmsal inkişaf sahəsində təcrübə mübadiləsi imkanları barədə fikir mübadiləsi aparıblar.

Nazir Rəşad Nəbiyevin Qazaxıstanın Baş nazirinin müavini – rəqəmsal inkişaf və süni intellekt naziri Jaslan Madiyev ilə görüşündə isə rəqəmsal hökumət həlləri, süni #intellekt, #kibertəhlükəsizlik və #kosmik texnologiyalar sahəsində əməkdaşlığın genişləndirilməsi məsələləri müzakirə olunub.

#RİNN
❤5
#Rəqəmsal inkişaf və #nəqliyyat naziri Rəşad Nəbiyev Astanaya səfər çərçivəsində Qazaxıstanın dövlət aktivlərinin idarə edilməsi məqsədilə təsis edilən “Samruk-Kazyna” Milli Rifah Fondu və İnvestisiya Holdinqində görüş keçirib.

Görüş zamanı “Samruk-Kazyna” Holdinqi ilə AZCON Holding arasında mümkün əməkdaşlıq istiqamətləri, birgə layihələr, o cümlədən nəqliyyat-#logistika və #telekommunikasiya sahələrində tərəfdaşlıq imkanları müzakirə edilib.

#RİNN
❤4
Tehran şəhərində Azərbaycan və İran arasında mobil #rabitə şəbəkələrinin koordinasiyası üzrə görüş keçirilib. 

Görüşdə Azərbaycan tərəfindən #Rəqəmsal İnkişaf və #Nəqliyyat Nazirliyinin, İnformasiya Kommunikasiya Texnologiyaları Agentliyinin, Dövlət Radiotezliklər İdarəsinin və mobil rabitə operatorlarının mütəxəssisləri iştirak ediblər.

Ətraflı: http://bit.ly/47e16zO

#RİNN
❤4
Oktyabrın 21-də Astanada Azərbaycan Respublikasının Prezidenti İlham Əliyevin və Qazaxıstan Respublikasının Prezidenti Kasım-Jomart Tokayevin iştirakı ilə Azərbaycan-Qazaxıstan Ali Dövlətlərarası Şuranın ikinci iclası keçirilib.

Dövlətimizin başçısı iclasda çıxış edib.
❤3
❤3
mincom.gov.az
Photo
Oktyabrın 21-də Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev mətbuata bəyanatlarla çıxış ediblər.

Dövlətimizin başçısı çıxışında bildirib ki:

- Bu gün yeni nəqliyyat yolları açıldıqca, geniş Avrasiya regionu ilə bağlı layihələr həyata keçirildikcə Cənubi Qafqaz və Mərkəzi Asiya daha çox bir-birinə bağlanır və bir çox hallarda vahid coğrafi məkan çərçivəsində çıxış edir.

- Zəngəzur dəhlizi layihəsi də böyük potensiala malikdir. Azərbaycan ərazisində avtomobil və dəmir yolu əlaqəsi üzrə bütün işlər gələn ilin ortalarında başa çatdırılacaq. Ümid edirik ki, digər ölkələrin ərazisində də bütün bunlar analoji sürətlə həyata keçiriləcək və belə olan halda Zəngəzur dəhlizinin açılışı 2028-ci ilin sonuna qədər baş verə bilər.

- Bildiyiniz kimi, avqustda keçirilən Vaşinqton sammitinin nailiyyətlərindən biri TRIPP (The Trump route for international peace and prosperity) layihəsidir. Prezident Tramp layihəyə öz adını verib və bu, layihənin mütləq reallaşdırılacağından xəbər verir. Bununla da Orta Dəhlizin daha bir marşrutu açılır. Ənənəvi olanlara daha biri əlavə olunur – Zəngəzurdan ən yüksək müasir standartlarla 15 milyon ton yük dövriyyəsi. Beləliklə, Asiyadan Avropaya və əks istiqamətdə bizim ölkələrimizdən keçən yüklərin həcmi özlüyündə artım potensialına malikdir, amma həm də onların qəbulu və göndərilməsi üçün daha da böyük potensial olacaq.
❤3
2025-ci ilin yanvar-sentyabr aylarında Azərbaycanın #informasiya və #rabitə sektoru üzrə gəlirləri 2024-cü ilin müvafiq dövrü ilə müqayisədə 6,9% artaraq 2,740.7 milyon manat təşkil edib.

#RİNN
❤4
2025-ci ilin yanvar-sentyabr aylarında Azərbaycanın #nəqliyyat sektoru üzrə gəlirləri 2024-cü ilin müvafiq dövrü ilə müqayisədə 3,6% artaraq 10,645.9 milyon manat təşkil edib.

#RİNN
❤4
Bakıda Beynəlxalq #Nəqliyyat Forumunun (#ITF) 4-cü rüblük iclasları keçirilir. 4 günlük toplantı çərçivəsində Tədqiqat Komitəsinin iclasları təşkil edilib. İclaslarda 42 üzv ölkə təmsil olunub ki, bu da Komitənin tarixində ən yüksək göstəricidir.

Beynəlxalq Nəqliyyat Forumunun Baş katibi Yunq Ta Kim çıxışında Azərbaycanın toplantıya ev sahibliyini yüksək qiymətləndirib. Baş katib ITF-in fəaliyyətinə dair hesabat təqdim edib, həyata keçirilən proqramlar, araşdırmalar və beynəlxalq əməkdaşlıq istiqamətləri barədə məlumat verib.

Ətraflı: http://bit.ly/47iOUOl

#RİNN
❤2
#Rəqəmsal inkişaf və #nəqliyyat naziri Rəşad Nəbiyev Gürcüstanda keçirilən 5-ci Tbilisi İpək Yolu Forumunda iştirak edib.

Nazir Azərbaycanın Orta Dəhliz üzrə həyata keçirdiyi məqsədyönlü və müasir infrastruktur yatırımları, həmçinin daxili nəqliyyat şəbəkəsinin gücləndirilməsi istiqamətində atılan addımların nəticələrini diqqətə çatdırıb.

Rəşad Nəbiyev çıxışı zamanı #Zəngəzur dəhlizi üzrə aparılan sürətli infrastruktur işlərini və bu layihənin region üçün strateji əhəmiyyətini xüsusi vurğulayıb.

Nazir, həmçinin Azərbaycanın nəqliyyat sahəsindəki strateji mövqeyi, müasir #logistika imkanları və gələcəyə hesablanmış təşəbbüsləri barədə ətraflı məlumat verib.

#RİNN
❤3
#Rəqəmsal inkişaf və #nəqliyyat naziri Rəşad Nəbiyev Beynəlxalq Nəqliyyat Forumunun (#BNF) Baş katibi Yunq Ta Kimlə görüş keçirib.

Azərbaycanın BNF-yə prezidentliyi ilə bağlı məsələlər, bu dövr üçün müəyyən edilən prioritetlər və təşkilatla əməkdaşlığın genişləndirilməsi imkanları müzakirə edilib.

Qeyd olunub ki, BNF-nin hazırda Bakıda keçirilən 4-cü rüblük iclasları uğurla davam edir.

Görüşdə, həmçinin nəqliyyat sahəsində #rəqəmsallaşma, #kadr potensialının gücləndirilməsi istiqamətində əməkdaşlıq məsələləri, cari və növbəti ildə Bakıda keçiriləcək BNF tədbirləri barədə fikir mübadiləsi aparılıb.

#RİNN
❤4
Pakistanın paytaxtı İslamabad şəhərində Regional Nəqliyyat Nazirləri Konfransı keçirilir. 27 ölkənin iştirak etdiyi tədbirdə Azərbaycanı #rəqəmsal inkişaf və #nəqliyyat nazirinin müavini Rəhman Hümmətov təmsil edir.

Nazir müavini Rəhman Hümmətov toplantıda çıxış edərək Azərbaycanda və regionda nəqliyyat dəhlizlərinin inkişafı barədə məlumat verib. Bildirib ki, Şərq və Qərb, Şimal və Cənub arasındakı kəsişmə nöqtəsində yerləşən Azərbaycan uzun illərdir, Avropanı Mərkəzi və Cənubi Asiya ilə birləşdirən mühüm #tranzit mərkəzi kimi çıxış edir. Ölkəmiz böyük infrastruktur layihələrinə sərmayə yatırıb və #multimodal nəqliyyat şəbəkəsi yaradıb. 2024-cü ildə ümumi tranzit həcmi 2019-cu illə müqayisədə 2,5 dəfə artaraq 14,5 milyon tona çatıb və bu yükün təxminən 30%-i Orta Dəhliz vasitəsilə daşınıb.

Ətraflı: http://bit.ly/4o7bKQj

#RİNN
❤3