Bakıda keçirilən Beynəlxalq #Nəqliyyat Forumunun (#BNF) Nəqliyyatın İdarə Olunması Şurasının iclasında iştirak edən Türkiyə Nəqliyyat Nazirliyinin nümayəndəsi Oral Erdoğan təəssüratlarını bölüşüb.

#RİNN #ITF

Cənab Prezident İlham Əliyevin Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında Sərəncamı əsasında 25 oktyabr #Qubadlı Şəhəri Günü kimi qeyd edilir.

Bu gün Qubadlı yeni inkişaf dövrünü yaşayır.

#RİNN #QubadlıŞəhəriGünü

#Rəqəmsal İnkişaf və #Nəqliyyat Nazirliyinin “Rəqəmsal Dialoq” layihəsi “ASAN Radio”da davam edir.

Bu gün saat 19:05-də İnnovasiya və Rəqəmsal İnkişaf Agentliyinin (#İRİA) Rəqəmsal məhsulların inkişafı departamentinin müdiri Emil Rüstəmov “#mygov platformasında son yeniliklər” mövzusunda çıxış edəcək.

Canlı yayımı həmçinin nazirliyin və radionun “Facebook” səhifəsi üzərindən izləyə bilərsiniz.

#RİNN #ASANRadio

Azərbaycan Respublikasının Prezidenti İlham Əliyev oktyabrın 28-də Zəngilan rayonunun Məmmədbəyli və Ağalı kəndlərinin sakinləri ilə görüşüb.

#Rəqəmsal inkişaf və #nəqliyyat naziri Rəşad Nəbiyev Çin Xalq Respublikasının Sian şəhərinin meri Ye Niupinqlə görüşüb.

Görüş zamanı iki ölkə, xüsusilə də Sian vilayəti ilə Azərbaycan arasında dəmir yolu və ümumilikdə nəqliyyat sahəsində əməkdaşlığın mövcud vəziyyəti və gələcək perspektivləri müzakirə edilib.

Həmçinin Sian şəhəri ilə birbaşa #hava əlaqələrinin yaradılması imkanları, süni #intellekt, #rəqəmsallaşma və digər istiqamətlərdə əməkdaşlıq imkanları barədə fikir mübadiləsi aparılıb. Bu məqsədlə müvafiq işçi qrupunun yaradılması barədə qərar verilib.

#RİNN

#Rəqəmsal inkişaf və #nəqliyyat naziri Rəşad Nəbiyev “Huawei Enterprise Business Group”un Yaxın Şərq və Mərkəzi Asiya ölkələri üzrə prezidenti Hao Zhichen ilə görüş keçirib.

Görüşdə Azərbaycanın süni #intellekt strategiyası, süni intellekt həllərinin tətbiqi istiqamətində müvafiq infrastrukturun formalaşdırılması və bu sahədə “Huawei” şirkətinin beynəlxalq təcrübəyə əsaslanan həllərinin təqdim edilməsi məsələləri müzakirə olunub.

Eyni zamanda #elektron #hökumət platformalarında süni intellekt texnologiyalarının tətbiqi imkanları, “Huawei”in təcrübəsindən irəli gələrək “Ağıllı şəhər” konsepsiyasının reallaşdırılması, insan kapitalının inkişafı məqsədilə birgə təşəbbüslərin həyata keçirilməsi barəsində fikir mübadiləsi aparılıb.

#RİNN

#Rəqəmsal inkişaf və #nəqliyyat naziri Rəşad Nəbiyev Dünya Bankının Avropa və Mərkəzi Asiya regionunun rifahı üzrə regional təcrübə direktoru Asad Alam və tanınmış iqtisadçı alim Ufuk Akçiğit ilə görüş keçirib.

Görüşdə Azərbaycanda #innovasiya və sahibkarlıq ekosisteminin inkişafı, dövlət qurumları və özəl sektorda səmərəliliyin yüksəldilməsi, eləcə də rəqəmsal transformasiyanın tətbiqi ilə #innovativ iqtisadi artım modelləri istiqamətində geniş müzakirələr aparılıb.

#RİNN

Bu ilin 17-28 noyabrında keçiriləcək Ümumdünya Telekommunikasiyanın İnkişafı Konfransı və 16 noyabrda keçiriləcək Qlobal Gənclər Sammiti tədbirlərini işıqlandırmaq istəyən #media nümayəndələri üçün ayrıca qeydiyyat prosesi nəzərdə tutulub.

Tədbirdə iştirak etmək üçün hər bir media nümayəndəsi aşağıdakı üç sənədi doldurmalıdır:
1. Ümumi qeydiyyat forması;
2. “WTDC-25” üzrə media akkreditasiyası forması;
3. “GYC-25” üzrə media akkreditasiyası forması.

Formalara keçid üçün təqdim olunan QR kodu skan etmək kifayətdir. Bütün sənədlər tam şəkildə doldurulduqdan sonra info@wtdc2025.az elektron ünvanına göndərilməlidir.

#Akkreditasiya məlumatları əsasında media nümayəndələrinə tədbir boyunca giriş nişanı təqdim olunacaq.

Ətraflı: https://wtdc2025.az/

#RİNN #WTDC25 #GYC25

#Rəqəmsal İnkişaf və #Nəqliyyat Nazirliyinin “Rəqəmsal Dialoq” layihəsi “ASAN Radio”da davam edir.

Bu gün saat 19:05-də İnnovasiya və Rəqəmsal İnkişaf Agentliyinin (#İRİA) İnformasiya təhlükəsizliyi departamentinin müdir müavini İlkin Əzizov və Rəqəmsal İnkişaf və Nəqliyyat Nazirliyinin (RİNN) Rəqəmsal inkişaf və innovasiya şöbəsinin böyük məsləhətçisi Arzu Abdullayeva “Kibertəhlükəsizlik sahəsində maarifləndirmə və kadr potensialının artırılması” mövzusunda çıxış edəcəklər.

Canlı yayımı həmçinin nazirliyin və radionun “Facebook” səhifəsi üzərindən izləyə bilərsiniz.

#RİNN #ASANRadio

Noyabrın 3-də Azərbaycan Milli Elmlər Akademiyasının 80 illik yubileyinə həsr olunmuş yığıncaq keçirilib.

Azərbaycan Respublikasının Prezidenti İlham Əliyev tədbirdə çıxış edərək bildirib ki:

- Biz rəqəmsallaşmanı ölkəmizdə geniş miqyasda tətbiq edirik və bunun faydasını görürük. Yəni, bəlkə də geniş ictimaiyyət bunu yaxından izləmir. Ancaq biz görürük ki, rəqəmsallaşma olan sahələrdə artıq işin keyfiyyətinin əmsalı da artır, səmərə də artır və nəticə etibarilə daha gözəl nəticələr hasil edilir. Ona görə təsadüfi deyil ki, artıq bir müddət bundan əvvəl bizim hökumət strukturunda nazirliyə “Rəqəmsal İnkişaf və Nəqliyyat Nazirliyi” adı verilmişdir və bu istiqamətdə də addımlar atılır. Azərbaycan alimlərini burada yenə də fəal olmağa dəvət edirəm.

- Digər vacib məsələ kibertəhlükəsizliklə bağlıdır. İndi dünyada kiberhücumlar geniş vüsət alıb. Azərbaycan da bu hücumlara bu il məruz qalmışdır və Kibertəhlükəsizlik Mərkəzinin yaradılması vaxtında atılmış addımdır. Biz beynəlxalq tərəfdaşlarla, bu sahədə böyük təcrübəyə malik olan şirkətlərlə çox geniş proqramlar üzərində işləyirik ki, özümüzü maksimum dərəcədə qoruya bilək, müdafiə edə bilək.

Hazırda 5 milyondan çox yüklənmə sayı olan “SİMA İmza” mobil tətbiqi vətəndaşlarla xidmətlər arasında sürətli, təhlükəsiz və məsafədən əlaqəni təmin edir.

Məqsədimiz istifadəçilərin maliyyə, sığorta, dövlət və digər sahələrdəki onlayn əməliyyatları maksimum əlçatan, vaxt baxımından daha səmərəli və təhlükəsiz şəkildə həyata keçirmələrinə şərait yaratmaqdır.

#RİNN #AzInTelecom #SİMAİmza