#iqtibos

"Idrok – shaxs yoki holatga baho berayotganda tug‘ilgan ichki taassurotlarimizni tahlil qilish jarayonidir.  Biz idrok qilgan o‘ylar tashqi voqelikdan sezilarli darajada farq qilishi mumkin. Tashkiliy xulq-atvorni o‘rganishda idrokning o‘rni shundaki, odamlarning qarorlari haqiqatning o‘ziga emas, ular nimani haqiqat deb idrok qilishiga asoslanadi. Ya’ni, voqelik bizning harakatga ko‘chgan o‘y-xulosalarimizdir. Aytaylik, yaponiyalik xodim bilan onlayn muloqotda bo‘lgan braziliyalik xodimning suhbatida to‘satdan sukut cho‘kdi, bu hol kim uchundir o‘ta g‘ayritabiiy tuyulishi mumkin, biroq bu holat Osiyodagi ayrim mamlakatlarda somelikdan, ya’ni suhbatdoshini diqqat bilan tinglayotganlikdan darak beradi".

📚 "Tashkiliy xulq-atvor asoslari"
✍ Stiven Robbins, Timoti Jaj.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

📚1000Kitob loyihasi qanday davom etyapti?

▫️Shu kungacha loyiha doirasida nima ishlar qilindi va yana nimalar qilinishi kerak?
▫️Loyihada kimlar faoliyat yurityapti?

Loyiha bilan bog‘liq shu kabi savollarga javob olmoqchi bo‘lsangiz, 18-may kuni soat 15:00 da Yoshlar ishlari agentligi yoshlar press-klubida bo‘lib o‘tadigan matbuot anjumaniga taklif etamiz.

Anjumanda ushbu Loyiha yuzasidan o‘zingizni qiziqtirgan savollarga mutaxassislar, hamkor nashriyotlar vakillari, ekspertlar atroflicha javob beradi.

Matbuot anjumanida kutamiz!

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#videorolik

Bugun 1000KITOB loyihasi boʻyicha matbuot anjumani boʻlib oʻtdi. Ishtirok eta olmaganlar uchun anjumanning kirish qismidagi videorolikni taqdim etamiz.

Ming kitob qanday loyiha? Nima uchun kerak? Qisqacha videoroligimiz shu haqida.

Anjumandagi savol-javoblarni ham ijtimoiy tarmoqlardagi sahifalarimizda yoritamiz. Kuzatib boring:👇

Telegram | Facebook | Instagram | YouTube | X

#matbuot_anjumani

Bugungi 1000KITOBga doir matbuot anjumanidan lavha

Anjumanda Yoshlar ishlari agentligi direktori, loyiha koordinatorlari, ekspertlar guruhi vakillari, noshirlar, tarjimon va muharrirlar, jurnalist, bloger hamda boshqa jamoatchilik faollari ishtirok etishdi.

Yigʻilish qizgʻin savol-javob hamda muhokamalarga boy boʻldi. Jamoatchilik faollari oʻzlarini qiziqtirgan savollarga javob olib, takliflarini ham bildirishdi.

Anjumandan muhim videotasvirlar, savol-javoblarni ijtimoiy tarmoqlardagi sahifalarimizda ulashib boramiz:👇

Telegram | Facebook | Instagram | YouTube | X

​​#Izoh

Nega aynan shu kitoblar, nega boshqasi emas?

Loyihada 2024-yil uchun qanday kitoblarni tanlab olish bo‘yicha avvalboshda ekspertlar orasida bahs bo‘lgan edi. O‘shanda ikki guruh ajralib qolgandi: boshlang‘ich qo‘llanmalar, darsliklar, ommaboproq kitoblar o‘girilsin deydiganlar va fundamental, klassik, ilmiy adabiyotlar o‘girilishi kerak deb hisoblaydiganlar. Tortishuv uzoq davom etgan. Nihoyat, loyiha bir yillik emasligi, qarorda 1000 ta kitob nazarda tutilgani, demak, strategiya uzoq muddatli bo‘lishi hisobga olindi. Birinchi boshqichda yengilroq, muqaddima kitoblar ko‘proq o‘girilishiga kelishildi.

❓Nima uchun shunday qilindi:

Birinchidan, o‘zbek tilida boshlang‘ich kitoblar ham, fundamental kitoblar ham taqchil. Har ikki turdagi kitoblar bizga kerak. Ayniqsa, boshlang‘ichlar. Chunki fundamental kitoblarni o‘qiy oladigan darajaga yetganlarning aksariyati rus va ingliz tillarida shundoq ham o‘qiydi. Demak, avval qo‘llanmalar, darsliklarni o‘giramiz. Keyingi bosqichlarda asta fundamentalroq adabiyotlarga o‘tib boramiz. Qolaversa, fundamental va sof ilmiy kitoblarni ixtisoslashgan ilmiy markazlar, akademiyalar va OTM grantlar asosida tayyorlashi ham mumkin. Ammo ommabop kitoblar va qo‘llanmalar ko‘pincha bunday markazlar e’tiboridan chetda qoladi.

Ikkinchidan, noshirlik va tarjimonlik ahvolidan boxabarlar biladiki, bizda fundamental, mumtoz va murakkab kitoblarni tarjima qilish salohiyatiga ega tarjimonlar ham, bunday kitoblarni nashrga tayyorlay oladigan nashriyotlar ham ko‘p emas. Inglizchadan tarjima qilish tajribasi endi shakllanib kelyapti. Demak, avval-boshdan murakkab kitoblarga qo‘l urish yaramaydi. Chunki, kitob qancha fundamental va ilmiy bo‘lsa, undagi atamalar shunchalik murakkablashadi. O‘zbek tilida hatto boshlang‘ich atamalar yetarlicha ishlab chiqilmagan. Bunday og‘ir yukni tajribasiz nashriyotlar yetkasiga birdan yuklash va ulardan qisqa muddatda sifatli tarjima talab qilish adolatsizlik bo‘lar edi. Mablag‘ yetarli bo‘lishi mumkin, ammo shu mablag‘ga yarasha salohiyat, kadrlar kerak.

Loyiha ish jarayonida ham ko‘rildiki, manaman degan ayrim tarjimonlar oddiy qo‘llanmani o‘girishda jiddiy xatolarga yo‘l qo‘ymoqda. Muharrirlar esa xatoni o‘tkazvoryapti. Mutaxassislar ham yetarli emas, borlari ham bu loyihaga unchalik qiziqish bildirayotgani yo‘q.

Yana bir tanqid bor: nega falon soha bo‘yicha kitob yo‘q?

Biz takliflar bo‘yicha ro‘yxat tuzganmiz. Qaysi soha mutaxassislari faollik ko‘rsatib, harakat qilgan, o‘z taklifini asoslagan bo‘lsa, o‘sha sohalar bo‘yicha kitoblar ko‘proq. Biz mutaxassislarni, o‘z sohalari jonkuyarlarini faollikka chaqiramiz. Loyiha kelgusi yillarda ham davom etadi. Bu yil qo‘shilmagan zaruriy kitoblar kelgusi yillarda chiqib qolsa, ajabmas. Bu orada noshir va tarjimonlarimiz tajribasi ham ancha yaxshilanib qolar.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

Ekspertlar kengashi a’zolari vazifalari nimalardan iborat?

Ekspertlar kengashi muayyan sohada ilmiy ish qilgan yoki o‘sha soha bo‘yicha faoliyati bilan nom chiqargan, jonkuyar mutaxassislar orasidan tanlab olinadi. Kengash a’zolari ro‘yxati O‘zbekiston Yoshlar ishlari agentligi va Axborot va ommaviy kommunikatsiyalar agentligi rahbarining qo‘shma ma’qullovidan so‘ng tasdiqlangan hisoblanadi. Ekspertlar kengashi tarkibi har yili qayta tasdiqlanadi.  

🔰Ekspertlar kengashi a’zolari vazifalari:

🔹 Kengashdagi har bir ekspert o‘z sohasi bo‘yicha ilmiy jamoatchilik va “1000Kitob” loyihasi o‘rtasida aloqalarni ta’minlaydi;   

🔹 O‘z tegishli sohalari doirasida tarjima qilinishi kerak bo‘lgan, zaruriy kitoblar bo‘yicha tavsiyalarni o‘rganib chiqadi, o‘zi ham tavsiyalar beradi. Kitobning qiymati, ahamiyatini baholash uchun o‘z hamkasblari bilan maslahatlashgan holda uni yillik tarjima ro‘yxatiga kiritadi. Tarjima qilinajak kitob qiymati bo‘yicha o‘z asosnomasini beradi;

🔹 Tarjima qilinadigan kitoblarning yillik ro‘yxati shakllangach, Kengashning barcha a’zolari uni tasdiqlashi lozim. A’zolarning kamida uchdan ikki qismi imzolagach, ro‘yxat tasdiqlangan hisoblanadi;

🔹 Har bir ekspert o‘z sohasiga daxldor kitoblar tarjimasi, tahriri jarayonida ularning sifatini baholab boradi. Qilingan tarjima ekspertning ijobiy xulosasini olgandan keyingina Loyiha ofisi uni tahrirlashni boshlash uchun nashriyotga ruxsat beradi. Ekspertlar xulosa berishdan oldin Kengash tarkibida bo‘lmagan hamkasblari bilan ham bamaslahat ishlashi maqsadga muvofiq va bu tarjimaga yanada obyektiv baho berilishini ta’minlaydi;

🔹 Ekspertning tarjimaga bergan xulosasi yetarlicha asosli, dalillangan bo‘lishi lozim. Ekspertning salbiy xulosasi tarjimani butkul rad etishga sabab bo‘lishi mumkin. Shu bois ekspertlardan xulosa berishda mas’uliyatni his etgan holatda, matnni jiddiyroq ko‘rib chiqish talab etiladi;

🔹Ekspert kitob tarjimasi uchun taqrizchi sifatida ko‘rsatiladi;

🔹Ekspertlar nashriyotlar bilan bevosita emas, faqat Loyiha ofisi orqali ishlaydi;

🔹Bir kitob tarjimasi sifatini birdan ortiq ekspert nazorat qilishi, baholab borishi mumkin;

🔹Hajmi, murakkabligidan kelib chiqib, har bir kitob uchun ekspertga belgilangan tartibda haq to‘lanadi.

➡️ Ekspertlar kengashi tarkibi bilan ushbu havola orqali batafsil tanishishingiz mumkin.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

Kitoblar ro‘yxati qanday talablar asosida tuzilgan?

Avvalroq ma’lum qilganimizdek, loyihaning boshlang‘ich bosqichlarida muqaddima kitoblar, qo‘llanmalar, darsliklar, umuman sohani tanishtiradigan kitoblar tarjima qilinadi. Bunda ayrim umumiy mezonlarga amal qilinadi:

a) xarajati qoplanmagani uchun xususiy nashriyotlar bosmaydigan, ammo jamiyat uchun zarur kitoblar. Nashriyotlar shundoq ham o‘z mablag‘i hisobidan chiqarib, foydasini ham chiqarib olishi mumkin bo‘lgan, bozori chaqqon kitoblar byudjet mablag‘i hisobidan chiqarilishi maqsadga muvofiq emas;

b) kitoblar tili va ifodasi sodda, nomutaxassis bo‘lsa ham, nisbatan o‘qiydigan omma, talabalar ham tushunadigan bo‘lishi kerak;

d) kitob tili soddaroq bo‘lsa ham, ilmiy asosi bo‘lishi lozim. Ya’ni ilgari qilingan ilmiy ishlar, ilmiy kitoblardan kelib chiqishi kerak. Kitoblar tegishli soha bo‘yicha yetakchi mutaxassislar tomonidan yozilganiga alohida e’tibor qaratiladi. Nomutaxassis, havaskor mualliflarniki qabul qilinmasligi kerak;

e) u yoki bu nazariyaga yoki mafkuraga ortiqcha yon bosadigan, targ‘ibot xarakteridagi kitoblar, ayniqsa, ular ijtimoiy-gumanitar yo‘nalishda bo‘lsa, ro‘yxatga kiritilmasligi kerak;

f) kitoblar nafaqat bilim berishi, ayni paytda, mustaqil va tanqidiy fikrlay olish malakasini shakllantirishga xizmat qilishi ustuvor maqsad bo‘lib qolishi kerak.

Mazkur umumiy mezonlar loyihaning boshlang‘ich bosqichida asos qilib olinadi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#javob

1000KITOB loyihasiga doir ko‘plab savollar yo‘llanmoqda. Biz ularning har biriga kanalimizda javob berib boryapmiz.

🔰 Quyida shu paytgacha eng koʻp berilgan savollarga javoblar bilan tanishishingiz mumkin:

📌 Har bir kitobning tarjima huquqi olinadimi?|Batafsil

📌 Asosan qaysi yo‘nalishlardagi kitoblar chop etiladi?|Batafsil

📌 Nega aynan shu kitoblar, nega boshqasi emas?|Batafsil

📌 Kitoblar ro‘yxati qanday talablar asosida tuzilgan?|Batafsil

📌 Tarjima uchun kitoblar qanday mezonlar asosida tanlanadi, kimlar tanlaydi?|Batafsil

📌 Ekspertlar kengashi a’zolari vazifalari nimalardan iborat?|Batafsil

📌 Kitoblar qachon nashr etiladi?|Batafsil

📌 Kitoblar bepul tarqatiladimi yoki sotuvga chiqariladimi?|Batafsil

📌 Har yili nechta kitob nashrga tayyorlanadi?|Batafsil

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

✍️ “Vatandosh TV” sayti muxbiri Ilyos Safarov: “...dunyoga mashhur va bizlarga kerak bo‘lgan, millatning siyosiy bilimini oshiradigan asarlar tarjimasini judayam istagan bo‘lardim”.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

✍️ Bekzod Zakirov, siyosiy fanlar doktori, Loyiha doirasidagi “Order without design: How Markets Shape Cities” kitobi tarjimoni: “...kunimning deyarli 80 foizi mana shu kitob tarjimasi ustida kechyapti”.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#nega_aynan

📚“Kuch qonuni: Venchur kapital va yangi kelajak qurish”: tarjima uchun asos faktlar

❕Dasturlash va sun'iy intellekt jadal rivojlangani sayin “Venchur kapitali” tushunchasiga ham tez-tez duch kelinyapti. Xo‘sh, u nima?

Venchur kapitali – tadbirkorlik va istiqbolli startaplarni moliyaviy qo'llab-quvvatlash, innovatsiyalarni rag'batlantirishga qaratilgan yuqori xavfga ega investitsiya.

▫️ Venchur kapitalistlar istiqbolli startap loyihalarini qanday aniqlashadi?
▫️Ular daromadini maksimal oshirish uchun qanday strategiyalardan foydalanadi?
▫️Startaplarning muvaffaqiyat qozonishi yoki omadsizlikka uchrashida qanday omillar rol o‘ynaydi?
▫️Venchur kapitalistlari investitsiya kiritish qarorlaridagi xavf va noaniqlikni qanday boshqaradi?
▫️Venchur kapitali kiritish bilan bog‘liq qanday muvaffaqiyatli va muvaffaqiyatsiz misollar mavjud? Ulardan qanday saboq olish mumkin?
▫️Venchur kapitalining sanoat, iqtisod va jamiyatga ta'siri qanday?

➡️ Kitobdan shu va shu kabi savollarga javob topasiz.

❓Kitob kim uchun

Kitob sodda tilda yozilgani va fikrlar turli misollarda izohlangani bilan ham soha tadqiqotchilariga, moliya va tadbirkorlikka qiziqqan talabalarga qimmatli maʼlumotlar beradi.

❓Nima haqida

Kitobda startap loyihalarining rivoji yoki yo‘q bo‘lib ketishiga ta'sir etuvchi omillar qayd etiladi. Muallif chuqur tahlil va hikoyalar orqali muvaffaqiyatli venchur kapitalistlarning tafakkuri, investitsiyalari dinamikasi hamda sanoat va iqtisodiyotga ta'siri haqida tushuncha beradi. Kitob bozorlar va jamiyatlarni qayta shakllantirish potensialiga ega kuchli innovatsiyalarni oldindan payqash va rivojlantirish ilmi va san'atini ham yoritadi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#tarjima_huquqi

✍️ So‘nggi yillarda ko‘p murojaat etilgan ilmiy-ommabop asarlardan biri – “A Short History of Nearly Everything” (“Hamma narsaning qisqa tarixi”, muallif Bill Brayson) kitobining tarjima huquqi bo‘yicha kelishuvga erishildi.

Ushbu asar 2004-yilda ilmiy kitoblar bo‘yicha “Aventis” mukofotiga sazovor bo‘lgan.

Nega aynan ushbu kitob, boshqasi emasligiga navbatdagi postlarda yanada batafsil to‘xtalamiz.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000Kitob_noshirlari

📄 Noshirlik sohasida uzoq yillik tajribaga ega “Akademnashr” – Loyihamiz hamkori. Nashriyotda tarjima ishlarining borishi, loyihaning samarasi yuzasidan nashriyot rahbari Sanjar Nazar fikrlari bilan o‘rtoqlashdik.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#tarjima_huquqi

✍️ Iqtisod sohasida “Nobel” mukofoti laureatlari – Abhijit Banerji va Ester Duflo hammuallifligidagi “Good Economics for Hard Times” (“Og‘ir davrlar uchun yaxshi iqtisodiyot”) asarining tarjima huquqi bo‘yicha kelishuvga erishildi.

📚Kitobda ijtimoiy-iqtisodiy muammolarni yengishda islohotlar ahamiyati, kambag‘allikka qarshi kurashishning samarali yechimlari aks etgan.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

❗️Loyiha ofisi matbaa sifatini ta’minlash uchun alohida standart ishlab chiqadi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

Har yili nechta kitob nashrga tayyorlanadi?

📝 Loyiha doirasida tarjima qilinadigan kitoblarning yillik ro‘yxati tegishli mezonlar asosida Ekspertlar kengashi tomonidan shakllantiriladi.

📚 Loyihaning dastlabki bosqichida jahonda mashhur 50 nomdagi kitobni (ilmiy-ommabop kitoblar, talabalar uchun darsliklar, qo‘llanmalar) nashrga tayyorlash va chop etish belgilangan.

❗️Har yili nechta kitob chop etilishi uning hajmi, murakkablik darajasiga ham bog‘liq. Chunki tanlab olingan asarlar nashrga sifatli tayyorlanishi uchun bir necha bosqichdan o‘tadi.

➡️ Shunga ko‘ra, nashrga tayyorlanadigan kitoblar ehtiyojdan kelib chiqib bundan ko‘proq ham bo‘lishi mumkin.

☝️Loyiha yuzasidan eng ko‘p berilgan savollarga javoblar bu yerda.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000Kitob_noshirlari

Firuz Allayev, “Asaxiy Books” asoschisi: “Ilmiy-ommabop kitoblar badiiy yoki psixologik asarlarga o‘xshab ko‘p sotilmaydi... lekin umumiy saviya, millat rivojlanishi uchun ilmiy kontentlar kerak”.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#iqtibos

“Shaharlarni boshqarishda g‘alati vaziyatga duch kelyapmiz: bozor natijalarini turli qonun-qoidalar orqali o‘zgartirishga mas'ul mutaxassislar (shaharni rejalashtiruvchi shaharsozlar) bozorlar haqida juda oz bilishsa, bozorni tushunadigan mutaxassislar (shaharsozlik iqtisodchilari) shaharlar loyihasida deyarli ishtirok etmaydi. Ular orasida o‘zaro munosabat yo‘qligi bois shaharlar ravnaqida jiddiy muammolar ro‘y beryapti. Bu xuddi o‘zi tanlagan yo‘ldan paypaslab yurayotgan ko‘r va shol holini eslatadi. Shaharsozlar ko’rmasdan harakat qilayotgan so‘qirga, iqtisodchilar esa ko‘zi ochiq, lekin qimirlashga madori yo’q sholga o’xshaydi”.

📚 Kitob: “Loyihasiz tartib: Bozorlar shaharlarni qanday shakllantiradi”
✍️ Muallif: Alen Berto
🔄 Tarjimon: siyosiy fanlar doktori Bekzod Zakirov

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X