Ta’ziya

O‘zbekiston Qahramoni, adabiyotshunos, tarjimon, tanqidchi, “Yoshlar uchun ming kitob” loyihasi Ekspertlar kengashi raisi Ibrohim G‘afurovning vafoti munosabati bilan oila a'zolari va yaqinlariga hamdardlik bildiramiz.

Ibrohim Gʻafurov jahon adabiyotidan Mopassanning “Azizim“ asari bilan tarjimonlik olamiga kirib kelgan. Keyinchalik “Jinoyat va jazo”, “Telba”, “Qimorboz”, “Aka-uka Karamazovlar”, “Iblislar”, “Ayrilmas er” (Fyodor Dostoyevskiy), “Alvido, qurol”, “Chol va dengiz” (Ernest Xeminguey), “Qiyomat”, “Chingizxonning oq buluti” (Chingiz Aytmatov), “Yongʻin” (Valentin Rasputin), “Buzrukning kuzi” (Gabriel Garsia Markes) singari asarlarni oʻzbek tiliga tarjima qilgan. Eng mashhur tarjimalaridan biri Jeyms Joysning “Uliss” shoh asaridir.

“Moziyga qaytib ish ko‘rmak xayrlikdir”

Ertaga Buxoroda “Tashabbuslar marafoni”ning “Devon” ma’rifiy muloqoti doirasida “Turkistonda jadidchilik” (Adib Xolid) kitobi taqdimoti o‘tkaziladi.

Ushbu kitob 1860–1920-yillarda Turkistonda shakllangan jadidchilik harakatini O‘zbekiston, Rossiya, Buyuk Britaniya va Fransiya arxivlari hamda ilgari kam foydalanilgan manbalar asosida tadqiq etadi.

“Yaqin Sharq va Markaziy Osiyo” kitobi muallifi Deyl Eykelman ta’biri bilan aytganda, “Boshqa olimlar ham jadidchilik harakatini tadqiq qilgan, ammo hech kim bu tadqiqotga Adib Xolid kabi ilmiy va ijtimoiy tarix nuqtayi nazaridan kontekstli yondashmagan”.

Tadbirda Osiyo xalqaro universiteti professori, filologiya fanlari doktori Shoira Ahmedova hamda “Bukhara Books” nashriyoti asoschisi Jahongir Bafoyev ishtirok etadi.

Barcha yoshlar va kitobxonlarni taqdimotda kutib qolamiz.

Boshlanish vaqti: 7-iyun, soat 11:00
Manzil: Buxoro shahri, Somoniylar istirohat bog‘i.

Telegram | Facebook | Instagram | YouTube

#tashabbuslarmarafoni

Buxoroda Adib Xolid qalamiga mansub “Turkistonda jadidchilik” kitobining taqdimoti bo‘lib o‘tdi.

Kitob bozoridagi kontrafakt nashrlar va ularning oqibatlari haqida “Bukhara Books” nashriyoti asoschisi Jahongir Bafoyev fikrlari.

Telegram | Facebook | Instagram | YouTube

Navbatdagi manzil – Navoiy!

Ertaga “Tashabbuslar marafoni”ning “Devon” ma’rifiy muloqoti doirasida “Insonga mos sun’iy intellekt va nazorat muammosi” (Styuart Rassel) kitobi taqdimotini o‘tkazamiz.

Sun’iy intellekt insoniyat uchun ulkan imkoniyatmi yoki yangi xavf? Tadbir davomida aynan shu savolga javob izlaymiz.

Tadbirda filologiya fanlari doktori, dotsent Nargiza G‘ulomova ishtirok etadi. Sun’iy intellektning til va tafakkurga ta’siri xususuda ham fikr yuritamiz.

Barchani taqdimotda kutamiz.

Boshlanish vaqti: 8-iyun, soat 16:00
Manzil: Navoiy shahri, A.Navoiy istirohat bog‘i.

Telegram | Facebook | Instagram | YouTube

#tashabbuslarmarafoni

Ko‘proq badiiy asarlar tarjima qilinishi kerakmi yoki ilmiy-ommabop? NEGA?