#tashabbuslar_marafoni #devon

Har birimiz deyarli har kuni axloqiy tanlovlar qilamiz. Ammo ularning hammasi haqida ham chuqur o‘ylab ko‘ramizmi?

Navbatdagi manzil – Qashqadaryo!

Ertaga “Devon” ma’rifiy muloqoti doirasida amerikalik faylasuf va axloqshunos, Ostindagi Texas universiteti professori Juliya Drayverning “Etika: asoslar” asari haqida suhbatlashamiz.

Kitobda yaxshilik va yomonlik, to‘g‘ri va noto‘g‘ri, niyat va oqibat kabi tanlovlarga turli falsafiy yondashuvlar orqali javob izlanadi. Muallif murakkab axloqiy nazariyalarni sodda va hayotiy misollar bilan tushuntirib, o‘quvchini mustaqil fikrlashga undaydi.

Muloqotda jurnalist Elyor Darxonov ishtirok etadi.

“Nega?” deb so‘rashni yaxshi ko‘radiganlar uchun yaxshi uchrashuv bo‘ladi.

Shahrisabz shahri, “Oqsaroy”da soat 11:00 da kutamiz!

Telegram | Facebook | Instagram | YouTube

#tashabbuslar_marafoni #devon

📈Obunachilar soni, reytinglar, test natijalari, baholar, foizlar, so‘rovnomalar, statistika... Ular hayotimizga ta’sir qiladi. Lekin biz ularni qanchalik tushunamiz?

Navbatdagi manzil – Sirdaryo!

Ertaga “Devon” ma’rifiy muloqotida amerikalik iqtisodchi Charlz Uilanning “Yalang‘och statistika” asari haqida suhbatlashamiz.

Kitob millionlab o‘quvchilarga statistikani qo‘rqinchli formulalar emas, dunyoni tushunish vositasi sifatida ko‘rsatib beradi. Muallif murakkab tushunchalarni hayotiy voqealar, qiziqarli kuzatishlar va sodda misollar orqali izohlaydi.

Bu safar raqamlarni yodlamaymiz. Ularning ortida nima yashiringanini anglashga harakat qilamiz.

Tadbir 18-iyun soat 17:00 da boshlanadi.

Manzil: Guliston shahri, Bilimdonlar maskani

Qiziq savollar, yangi qarashlar va yaxshi suhbat izlayotgan yoshlarni kutamiz.

Telegram | Facebook | Instagram | YouTube | X

#tashabbuslar_marafoni #devon

Har yangi g‘oya taraqqiyotga olib keladimi? Nega ayrim qadriyatlar asrlar davomida yashab qoladi?

Navbatdagi manzil – Namangan!

Bu safar “Devon” ma’rifiy muloqotida amerikalik mutafakkir, zamonaviy konservatizmning eng taniqli namoyandalaridan biri Rassel Kirkning “Muhofazakorlik” asari haqida suhbatlashamiz.

1950-yillarda yozilgan bo‘lishiga qaramay, ushbu kitob hanuzgacha konservatizm haqidagi eng muhim asarlardan biri sifatida tilga olinadi. Muallif jamiyatni faqat siyosat yoki iqtisodiyot orqali emas, qadriyatlar, an’analar, erkinlik va mas’uliyat orqali tushinishga, tushintirishga harakat qiladi.

Tadbirda Yozuvchilar uyushmasi Namangan viloyati bo‘limi mas’ul xodimi, “Do‘stlik” ordeni sohibasi Dilorom Ergasheva qatnashadi.

Manzil: Namangan shahri, Adiblar xiyoboni
Boshlanish vaqti: 20-iyun, soat 16:00

Bahsdan cho‘chimaydigan, fikrchan yoshlarni kutamiz.

Telegram | Facebook | Instagram | YouTube

#tashabbuslar_marafoni #devon

Nega ayrim odamlar qiyinchilikda ham xotirjamligini yo‘qotmaydi? Nega ba'zi gaplar bizni kunlab bezovta qiladi? Inson o‘zini qanday boshqaradi?

Xullas, savollar ko‘p. Javoblarni esa birga izlaymiz.

Navbatdagi manzil – Andijon!

Bu safar “Devon” ma’rifiy muloqotida Rim imperatori, faylasuf Mark Avreliyning “O‘zimga o‘gitlar” asari haqida suhbatlashamiz.

Qariyb ikki ming yil avval yozilgan bu asar aslida kitobxonlar uchun emas, muallifning o‘zi uchun yozilgan kundalik qaydlardir. Shunga qaramay, undagi fikrlar bugun ham millionlab odamlarni o‘ylantirib keladi.

Muloqotda adabiyotshunos olim, Andijon davlat universiteti kafedrasi mudiri, dotsent A’zamjon Hamroqulov hamda O‘zbekiston Yozuvchilar uyushmasi a’zosi Nurmuhammad Aziz ishtirok etadi.

Manzil: Andijon shahri, Navoiy bog‘i
Boshlanish vaqti: 21-iyun soat 10:00

Telegram | Facebook | Instagram | YouTube

#tashabbuslar_marafoni #devon

▫️Nega ayrim xabarlarni tekshirmasdan ulashamiz?
▫️Nima uchun ba'zi yolg‘onlar haqiqatdan ham ishonchliroq tuyuladi?

27-iyun – Matbuot va ommaviy axborot vositalari xodimlari kuni arafasida barchani, ayniqsa jurnalistlar, blogerlar, kontent yaratuvchilar va media sohasiga qiziqadigan yoshlarni navbatdagi “Devon” ma’rifiy muloqotiga taklif qilamiz.

Bu safar Loyihamiz doirasida chop etilgan “Misinformatsiya psixologiyasi” (“The Psychology of Misinformation”) asari yuzasidan fikrlashamiz.

Kitob aynan yuqoridagi kabi savollarga javob izlaydi va misinformatsiya avvalo insonning fikrlashi va qarorlariga qanday ta'sir qilishini ochib beradi.

Zero, birgina yolg‘on xabar minglab, millionlab odamlar fikrini o‘zgartirib yuborishi mumkin. 2025-yili Jahon iqtisodiy forumi ham misinformatsiyani dunyo uchun eng dolzarb xavflardan biri deb baholadi.

Xo‘sh, Siz bu xavfni qayerlarda va nimalarda ko‘rasiz? Fikringizni jamlab turing. Muloqotda uchrashamiz.

Tadbir ertaga – 26-iyun soat 17:00 da boshlanadi.
Manzil: Chirchiq shahri, Kimyogarlar bog‘i

Telegram | Facebook | Instagram | YouTube

#tashabbuslar_marafoni #devon

Yoshlar kuni tobora yaqin. Bayram arafasida “Tashabbuslar marafoni”ning yakuniy manzilida uchrashamiz!

▫️Yoshlar kelajagini nima belgilaydi: yaxshi ta’limmi, to‘g‘ri iqtisodiy qarorlarmi yoki imkoniyatlar?
▫️Nega ayrim mamlakatlar tez rivojlanadi, boshqalari esa bir xil muammolar bilan yillar davomida yashaydi?

Bu safar Nobel mukofoti sovrindorlari Abhijit Banerji va Ester Dufloning “Qiyin davrlar uchun to‘g‘ri iqtisodiyot” asari yuzasidan fikrlashamiz.

Kitob iqtisodiyot emas, aslida insonlar haqida. Ta’lim, bandlik, imkoniyatlar va kundalik hayotimizga ta’sir qiladigan qarorlar haqida. Mualliflar dunyoning turli mamlakatlarida o‘tkazilgan amaliy tadqiqotlar asosida savollarga javob izlaydi.

Yoshlar kuni arafasida kelajak haqida gaplashmaslikning iloji yo‘q. Kelajak esa to‘g‘ri qarorlardan boshlanadi.

Tadbirimiz ertaga – 28-iyun soat 17:00 da boshlanadi.
Manzil: Toshkent shahri, Yoshlar ijod saroyi

“Tashabbuslar marafoni”ning yakuniy muloqotida ko‘rishguncha!

Telegram | Facebook | Instagram | YouTube

#tashabbuslar_marafoni #devon

O‘zingiz va boshqalar uchun kitob tanlash ilmgina emas, san’at hamdir.

San’at darajasidagi asarlar – Siz uchun!

Toshkent viloyatidagi tadbirdan videolavha.

Telegram | Facebook | Instagram | YouTube

#tashabbuslar_marafoni #devon

Mutolaaga berilish – turmushda sodir bo‘lib turadigan zerikarli soatlarni cheksiz huzur-halovat soatlariga aylantirishdir.

Biz bilan mutolaa zavqini ko‘proq his qiling!

Telegram | Facebook | Instagram | YouTube