#tashabbuslar_marafoni

1000KITOB haqida filolog O‘tkirbek Muhammad Sobir fikrlari.

Telegram | Facebook | Instagram | YouTube

#tashabbuslar_marafoni #devon

▫️Nega ayrim xabarlarni tekshirmasdan ulashamiz?
▫️Nima uchun ba'zi yolg‘onlar haqiqatdan ham ishonchliroq tuyuladi?

27-iyun – Matbuot va ommaviy axborot vositalari xodimlari kuni arafasida barchani, ayniqsa jurnalistlar, blogerlar, kontent yaratuvchilar va media sohasiga qiziqadigan yoshlarni navbatdagi “Devon” ma’rifiy muloqotiga taklif qilamiz.

Bu safar Loyihamiz doirasida chop etilgan “Misinformatsiya psixologiyasi” (“The Psychology of Misinformation”) asari yuzasidan fikrlashamiz.

Kitob aynan yuqoridagi kabi savollarga javob izlaydi va misinformatsiya avvalo insonning fikrlashi va qarorlariga qanday ta'sir qilishini ochib beradi.

Zero, birgina yolg‘on xabar minglab, millionlab odamlar fikrini o‘zgartirib yuborishi mumkin. 2025-yili Jahon iqtisodiy forumi ham misinformatsiyani dunyo uchun eng dolzarb xavflardan biri deb baholadi.

Xo‘sh, Siz bu xavfni qayerlarda va nimalarda ko‘rasiz? Fikringizni jamlab turing. Muloqotda uchrashamiz.

Tadbir ertaga – 26-iyun soat 17:00 da boshlanadi.
Manzil: Chirchiq shahri, Kimyogarlar bog‘i

Telegram | Facebook | Instagram | YouTube

#tashabbuslar_marafoni

Kitoblar zamon dolg‘alarida suzuvchi va o‘zining qimmatbaho yukini avlodlardan-avlodlarga avaylab eltuvchi tafakkur kemalaridir.

Farg‘onadagi tadbirdan videolavha.

Telegram | Facebook | Instagram | YouTube

#tabrik

Hurmatli jurnalistlar!

Sizni 27-iyun – Matbuot va ommaviy axborot vositalari xodimlari kuni bilan chin dildan tabriklaymiz!

Xolis va ishonchli axborotni xalqimizga yetkazish, So‘z qadrini yuksaltirish, kitobxonlikni va ma’rifat g‘oyalarini keng targ‘ib qilish yo‘lida munosib hissa qo‘shib kelmoqdasiz.

Bu sharafli va mashaqqatli mehnatingizni yuksak qadrlaymiz. Ayniqsa, loyihamizning bugungi natijalarida muharrirlar va musahhihlarning zahmatli mehnati, so‘zga mas’uliyatini alohida e’tirof etamiz.

Barchangizni kasb bayramingiz bilan qutlagan holda, Sizlarga mustahkam sog‘liq, oilaviy xotirjamlik, yangi ijodiy parvozlar tilaymiz.

Hurmat bilan,
1000KITOB loyihasi jamoasi

Telegram | Facebook | Instagram | YouTube

#tashabbuslar_marafoni #devon

Yoshlar kuni tobora yaqin. Bayram arafasida “Tashabbuslar marafoni”ning yakuniy manzilida uchrashamiz!

▫️Yoshlar kelajagini nima belgilaydi: yaxshi ta’limmi, to‘g‘ri iqtisodiy qarorlarmi yoki imkoniyatlar?
▫️Nega ayrim mamlakatlar tez rivojlanadi, boshqalari esa bir xil muammolar bilan yillar davomida yashaydi?

Bu safar Nobel mukofoti sovrindorlari Abhijit Banerji va Ester Dufloning “Qiyin davrlar uchun to‘g‘ri iqtisodiyot” asari yuzasidan fikrlashamiz.

Kitob iqtisodiyot emas, aslida insonlar haqida. Ta’lim, bandlik, imkoniyatlar va kundalik hayotimizga ta’sir qiladigan qarorlar haqida. Mualliflar dunyoning turli mamlakatlarida o‘tkazilgan amaliy tadqiqotlar asosida savollarga javob izlaydi.

Yoshlar kuni arafasida kelajak haqida gaplashmaslikning iloji yo‘q. Kelajak esa to‘g‘ri qarorlardan boshlanadi.

Tadbirimiz ertaga – 28-iyun soat 17:00 da boshlanadi.
Manzil: Toshkent shahri, Yoshlar ijod saroyi

“Tashabbuslar marafoni”ning yakuniy muloqotida ko‘rishguncha!

Telegram | Facebook | Instagram | YouTube

#tabrik

Qadrli yoshlar!

30-iyun – Yoshlar kuni muborak bo‘lsin!

Yoshlik – o‘zni izlash, orzular sari dadil qadam tashlash, intilish pallasi. Bugun atrofimizda e’tiborimizni chalg‘itadigan minglab narsalar bor. Biroq insonni chindan o‘zgartiradigan, fikrini charxlab, dunyoqarashini kengaytiradigan va kelajagini mustahkamlaydigan eng katta boyliklardan biri, shubhasiz, kitobdir.

Kitob yo‘limizni topishga ko‘maklashadi. Ishonch va qat’iyat beradi. Barchangizga ana shu ishonch, qat'iyat, ishtiyoq doimiy hamroh bo‘lishini tilaymiz!

1000KITOB loyihasi jamoasi

Telegram | Facebook | Instagram | YouTube

Kitob – ma'rifat, ilhom va kelajak manbayi

Telegram | Facebook | Instagram | YouTube

#tashabbuslar_marafoni #devon

O‘zingiz va boshqalar uchun kitob tanlash ilmgina emas, san’at hamdir.

San’at darajasidagi asarlar – Siz uchun!

Toshkent viloyatidagi tadbirdan videolavha.

Telegram | Facebook | Instagram | YouTube

#tashabbuslar_marafoni #devon

Mutolaaga berilish – turmushda sodir bo‘lib turadigan zerikarli soatlarni cheksiz huzur-halovat soatlariga aylantirishdir.

Biz bilan mutolaa zavqini ko‘proq his qiling!

Telegram | Facebook | Instagram | YouTube

#tez_orada

“Kitob o‘qish uchun ikki asos bor: birinchisi – sen bundan rohatlanasan. Ikkinchisi esa – sen bu bilan maqtanishing mumkin”.

Bertran Rassell

Siz uchun rohatbaxsh tuhfalar hozirlayapmiz.

Telegram | Facebook | Instagram | YouTube

#muhokama

Yoshlar ishlari agentligining 1000KITOB loyihasi hamda Oliy Majlis Qonunchilik palatasi huzuridagi Yoshlar parlamenti hamkorligida “O‘zbekistonda yoshlar kitobxonligini rivojlantirish: dolzarb masalalar va istiqboldagi vazifalar” mavzusida muhokama majlisi o‘tkaziladi.

Tadbirda ilm-fan, madaniyat, san’at, adabiyot va boshqa sohalarda tajriba va yetuk bilimga ega olimlar, tarjimonlar, Loyiha Ekspertlar kengashi va Yoshlar parlamenti a'zolari ishtirok etadi.

Muhokamada yoshlar kitobxonligini rivojlantirishning dolzarb masalalari, mutolaa madaniyatini yuksaltirish bo‘yicha takliflar hamda 1000KITOB loyihasining navbatdagi bosqichida o‘zbek tiliga o‘girilishi rejalashtirilayotgan xorijiy asarlar ko‘rib chiqiladi.

Manzil: Green University
Boshlanish vaqti: 2026-yil 10-iyul, soat 15:00

Telegram | Facebook | Instagram | YouTube