#Hududlardan_xabarlar
#Kuz_qish

⛈❄️ Kuz-qish mavsumiga tayyorgarlik ishlari o‘rganildi

Bugun Qurilish va uy-joy kommunal xo‘jaligi vazirligi vakillari boshchiligidagi ishchi guruh tomonidan Qashqadaryo viloyati hududida ko‘p kvartirali uylarni 2026-2027-yillar kuz-qish mavsumiga tayyorlash borasida amalga oshirilayotgan ishlar o‘rganildi.

Jarayonda belgilangan vazifalarning ijrosi, ko‘p kvartirali uylarning mavsumga tayyorgarlik holati hamda mavjud muammolar tahlil qilindi.

Shuningdek, mas’ul tashkilotlar tomonidan amalga oshirilayotgan ishlarning sifati va belgilangan vazifalarning bajarilish holatiga e’tibor qaratildi. O‘rganish davomida aniqlangan kamchiliklarni bartaraf etish, ishlarni belgilangan muddatlarda yakunlash yuzasidan mas’ullarga tegishli topshiriq va ko‘rsatmalar berildi.

#Qashqadaryo

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🎓 Talabalar uchun mehnat yarmarkasi tashkil etildi

Bugun Toshkent arxitektura-qurilish universitetida Qurilish va uy-joy kommunal xo‘jaligi vazirligi ko‘magida talabalar uchun mehnat yarmarkasi tashkil etildi.

Tadbir talabalarning kasbiy qiziqishlari, mavjud bo‘sh ish o‘rinlari va kelgusidagi mehnat faoliyatiga oid takliflar asosida o‘tkazilib, yoshlar va ish beruvchilar o‘rtasida bevosita muloqot maydonini yaratdi.

Yarmarkada vazirlik tizimidagi tashkilotlar, loyiha institutlari hamda qurilish, arxitektura, loyihalash va kommunal infratuzilma yo‘nalishlarida faoliyat yurituvchi tashkilotlar ishtirok etib, mavjud vakant lavozimlar, ish sharoitlari hamda mutaxassislarga qo‘yiladigan talablar haqida ma’lumot taqdim etdi.

💼 Talabalar esa o‘zlarini qiziqtirgan yo‘nalishlar bo‘yicha ish beruvchilar bilan suhbatlashib, amaliyot va ishga joylashish imkoniyatlari yuzasidan bevosita ma’lumot olishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|