“Xavfsiz mahalla bilimdoni” tanlovining tuman bosqichi bo‘lib o‘tdi

O‘zbekiston Respublikasi Bosh prokuraturasi, Adliya vazirligi, O‘zbekiston mahallalari uyushmasi hamda mahalliy davlat hokimiyati organlari hamkorligida respublika miqyosida tashkil etilayotgan “Mahalla yettiligi” a’zolari o‘rtasidagi “Xavfsiz mahalla bilimdoni” intellektual tanlovining Mirishkor tumani bosqichi bo‘lib o‘tdi.

Mazkur tanlovdan ko‘zlangan asosiy maqsad mahalla yettiligi a’zolarining huquqiy bilim va savodxonligini oshirish, ularning intellektual salohiyatini namoyon etish hamda mahallalarda xavfsiz muhitni ta’minlash borasidagi bilim va ko‘nikmalarini mustahkamlashdan iborat.

Qizg‘in va murosasiz kechgan bellashuvda mahalla jamoalari zakovat savollari orqali o‘zaro kuch sinashib, bilimdonlik, tezkor fikrlash va jamoaviy hamjihatlik borasidagi mahoratlarini namoyish etdilar.

Tanlov yakunlariga ko‘ra, faxrli 1-o‘rin “Shirin” MFY, 2-o‘rin “Navro‘z” MFY, 3-o‘rin esa “Yangi Mirishkor” MFY “Mahalla yettiligi” jamoalariga nasib etdi.

G‘olib va sovrindor jamoalar a’zolariga tashkilotchilar tomonidan diplom hamda esdalik sovg‘alari topshirildi.

Birinchi o‘rinni qo‘lga kiritgan “Shirin” MFY jamoasi tanlovning viloyat bosqichida ishtirok etish uchun yo‘llanmani ham qo‘lga kiritdi.

😎😎😎😎😎😎😎😎

📌📌📌📌 / @mirishkorpress