*[ عادتك الإحسان ]*
( يا ماي بعدك نشربه يا ماي )

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtu.be/AZ49BiFDvfw

مجالس شهر محرم الحرام لسنة 1448 هـ - 2026 م
ليالي العشرة الأولى من شهر المحرم
عزاء حسينية غريب طوس عليه السلام - العراق - البصرة

مونتاج وتنفيذ: إعلام الموكب

اللَّهُمَّ عَجِّلْ لِوَلِيِّكَ الفَرَجْ

*[ أمن العدل يابن الطلقاء ]*

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtu.be/gK5JzkfZpeY

مجالس شهر محرم الحرام سنة 1448 هـ - 2026 م
ليالي العشرة الثانية من شهر المحرم
عزاء هيئة مجانين الحسين عليه السلام - العراق - البصرة

مونتاج وتنفيذ: قنبريون للإنتاج الحسيني

اللَّهُمَّ عَجِّلْ لِوَلِيِّكَ الفَرَج

أَمِنَ العَدْلِ يا ابْنَ الطُلقاءْ
نِسَاكَ تُحجَبُ .. و تُسبى زَينَبُ
ــــــــــــــــــــــــــــــــــــــــ
ما چنْت أظن هيچ الدَّهر .. ایْنـزّلـنـي من عالي الگِدَر
يجْبرنـي أكلمك .. او ما تسوه أحِشْمَك
و إنته أحقر امْن العَتَب .. هذا هُو زمان العَجَب

جالِس على كرسي الحُكُم .. و إحنه ابدواوين الهظم
او هالكرسي بِسِمنه .. يالچنتوا خَدَمنه
لاچن الزَّمان انگلب .. هذا هُو زمان العَجب

راسك ترفْعه .. او راس أخيِّي بالطّشِت !
او بالخيزرانه .. ثغره بيدك ينِّكِتْ
عَمْيه عسَاني .. او لا أشوف اللي شِفِت

فِلماذا القِيَامَةُ لا تَقُوم ؟
حُسينٌ يُضْرَب .. و تُسبى زَينَبُ

ـــــــــــــــــــــــــــــــــــــــــــــــــــــــــــــــــــــــــــــــــــــــ
حضّر جوابك بالحشُر .. من يشهد اعليك اليسُر
يشهَد عله ظلمك .. و المصطفى خَصْمك
بِتْ محمَّد او تنسبي ؟ .. شنهو عذرك امْن النّبي ؟

لو شافنه جدنه اشتظِن .. و احنه سبايه اعْله الهِجِن
و اِبچفنه حِبالك .. و اتحفنه رِجالك
او يحدي بالحرَم أجنبي .. شنهو عذرك امْن النّبي ؟

نسكِن خرايب .. و إنته تسكن بالقصر !
من جدنه باچر .. يا يزيد اشتعتذر ؟
تهتك خدرنه .. و إحنه ربَّات الخدر

أفهِنْدٌ تُصانُ هذا العُجابْ
نعَم , والأعجَبُ .. وتسبى زينبُ

ــــــــــــــــــــــــــــــــــــــــ

ابوَّابة السَّاعات إلي .. ساعات و آنه بِت علي
او تدري ابعُلُو شاني .. مو هذا مِچاني
امچاني بالخدر و الشَّرف .. بالمَدينه لو بالنَّجف

ما تستحي امْن أهْل الكِسه .. تستشرف اوْجوه النسه
و الما إله غِيره .. شوفه إلنه يدِيره
و آنه صوتي بهْلي هِتَف .. بالمَدينه لو بالنَّجف

وين العشيره .. هاشم الكلهم بخَتْ
أصوات أهلكم .. بحَّت ابگد ما نِخَت
نوگ السّبايه .. يم عدُوكم نوِّخَت

أربابٌ وَ رَمْلةُ تُزْجَرَانْ ؟
و ليلى تُسلَبُ .. و تُسبى زيْنَبُ

ــــــــــــــــــــــــــــــ
[ أَمِنَ العَدْلِ يا ابْن الطلقاءْ ]
ميرزا عادل أشكناني
الكويت - 1448

قصيدة [ خطار إجاني ]

‏[ ليلة 6 #صفر_1448هـ ]

https://youtu.be/37S6IMbhmDE?si=jL1bego9yEvK60n_

‏الحاج ⁧#باسم_الكربلائي⁩
‏للشاعر الميرزا #عادل_أشكناني

ديوان أنصار الحسين (ع)
#البصرة_الجنينة

*[ يا ماي بعدك نشربه يا ماي ]*

عادتك الإحسان
( من أدب ساقي العطاشى الناس تتعلم أدبها )

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtube.com/shorts/jR8UsTXCpYY

مجالس شهر محرم الحرام لسنة 1448 هـ - 2026 م
ليالي العشرة الأولى من شهر المحرم
عزاء حسينية غريب طوس عليه السلام - العراق - البصرة

اللَّهُمَّ عَجِّلْ لِوَلِيِّكَ الفَرَجْ

🔸 جديد : *في حال الإمام المهدي (عج) بعد تجهيز أبيه العسكري (ع)*:

---

🔻 نعي :

بس ما گضه المسموم حتفه
إبنه عگب عينه تخفّه
غاب او عليْه ايدير طرفه
چي ماله بالتشييع وگفه
او سار النعش ما سار خلفه
او لا ربِّع التابوت چفّه(١)
بس الذي ايْهوِّن الكلفه
موجوده أحبابه التحفّه

لاچن يوَسْفه او ألف وسفه
عالمنخضب من فيض نزفه
محد إجاه ابْچفن لفّه
مرمي ثلاثه ابگاع صَلفه
و اللّي يزيد اللّهفه لهفه
إخته عله الناگةِ العجفه
تمشي ابطريج الما تعرفه
او حادي الظعن بيها تشفّه
چم سوط يضربها او تشگفه
___

(١) من مستحبات تشييع الجنائز تربيعها - أي حمل التابوت من أربعة جهات - ، عن أبي جعفر الباقر عليه السّلام : عن أبي جعفر (ع) قال: "مَن حمل جنازةً من أربع جوانبِها غفر اللهُ له أربعينَ كبيرة" / - الكافي الشريف للكليني الكليني ٣/١٤٧

🔸🔹🔸🔹🔸🔹

ميرزا عادل أشكناني

https://t.me/mirza_adel_ashkanani

🔸 " رُويَ أنّ فاطمة الزهراء عليها السلام لا زالت بعد النبيّ مُعصَّبةَ الرأس ، ناحلةَ الجسم ، مُنْهدَّةَ الركن من المصيبة بوفاة النبي ( صلّى الله عليه وآله ) وهي مهمومةٌ مغمومة ، محزونةٌ مكروبة ، كئيبةٌ حزينة ، باكيةُ العينِ محترقةُ القلب ، يُغشى عليها ساعةً بعد ساعة .. في كل ساعة " (1) .
--------------------------------
🔻 (مجاريد) :

ليش الما وصَل عشرين سنها ؟
تموت امعصّبه الراس ابحزنها
عليمن ناحله او منهد ركنها ؟!
او عليش امْن البچي ما فتر ونها ؟!
و الهيّج لروحي او زاد حَنها
يوم المرتضى غسّل بدنها
شاف السّوط شِمسوّي ابمَتِنها
الوديعه اليوم رجّعها لچَنها
ضلعها امهشّم او أحمَر جِفنها
_______
(1) روضة الواعظين ، للفتّال النيسابوري : ص١٦ .
🔹🔸🔹🔸🔹
ميرزا عادل أشكناني

*🔹جديد :*
_

*🔸المصيبة : الحسين عليه السّلام يسأل أخاه الحسن عليه السّلام عن حال أمه الزهراء (صلوات الله عليها) وهو يستمع إلى طول أنينها و بكائها :*

🔻(الموشح) :

*توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*

🔸🔶🔸🔶🔸🔶🔸

*ميرزا عادل أشكناني*
قم المقدّسة
ربيع الثاني ١٤٤٥ هـ

‏قصيدة [ لِمَ لا يُجيبُ ]

‏ليالي استشهاد السيدة فاطمة الزهراء (ع)

‏https://youtu.be/v2zomTtbKYg

‏الحاج ⁧ #باسم_الكربلائي⁩
‏للشاعر #الميرزا_عادل_أشكناني

‏هيئة خدمة علي الأكبر (عليه السلام)
‏⁧ #كربلاء_المقدسة⁩ | 1448هـ

لِمَ لا يُجيبُ الحبيبُ الحَبِيبا ؟
و ما كانَ عَهْدِي بَأنْ لا يُجِيبا
أمَا إنَّها فارَقَتْـنـِي فإنّـِي :
أمُوتُ غريباً و أحْيَـى غريبـاً
غريبا
ـــــــــــــــــــــــــــ
غريبًا إجيتچ
يمهضومه اللّي تشعر باهْتِضامي
"سَلامٌ عليكُم"
يزهره آنه علي رِدِّي سلامي
لساني دُموعي
او سكوتي اوياچ أبلغ من كلامي
مقامچ شهيده
و أنا المغصوب من عگبچ مقامي

إذا لَمْ تَرُدِّي عليَّ جَوابي
فلله وَجدي و فتْكُ الجَوى بي
وَيَا بَهْجَةَ القَلبِ إن غِبْتِ عَنِّي :
أمُوتُ غريباً و أحْيَـى غريبـاً

ـــــــــــــــــــــــــــ
عهدنه سويَّه
نعيش انموت شُو قبلي مِشيتي !
الليالي اخْنگتني
دخَّان او هظم متروسه رِيـتـي
اشيسدَّه مَكانچ
صدْر ابلا عَجِز خلِّيتي بيتي
أنا الما خِفت يوم
لچن خايف عَلَيْ تِبطي مِنيتي

فماذا عسَى اليومَ يُجِدي نُواحِي ؟
و جَفْنُكِ غافٍ و جَفْنِيَ صاحي
سيُنبيكِ ليْلي و تَسهَادُ جَفني :
أمُوتُ غريباً و أحْيَـى غريبـاً
ـــــــــــــــــــــــــــ
أبّلل ترابچ
او انگْعِ الطِّين من دْمع النواظِر
المگابِر صِحِتها
أحاچیها لچن خرسه المگـابِر
مَغيبچ لِواني
او رمُح فرگاچ نابِت بالخواصر
أسكِّن دُموعي
لچنها رايحه او جايه الخواطِر

فكسْر الضلوعِ انسكارٌ لداري
و آثارُكِ في شُقوقِ الجِدارِ
لقد كُنتِ حِصْنِي و مِن بَعْدِ حِصْني :
أمُوتُ غريباً و أحْيَـى غريبـاً
ـــــــــــــــــــــــــــ
ونينچ أسِمعه
من حدْر التُـرب تارس أذاني
ضلوعچ تألمچ
عسَّنچ سالمه او ميِّت عساني
دِليلي تفطّر
كعبه او طَرْها بالرِّكن اليماني
يركني او يِميني
عگبچب منهدم ركني الثَّاني

ترَكْتِ فؤادي قطيعَ النِّياطِ
و دنيايَ ضاقتَ كَسَمِّ الخِيَاطِ
لذا إنّني بعدَما هُد رُكني :
أمُوتُ غريباً و أحْيَـى غريبـاً
ــــــــــــــــــــــــــ
اشتركنه ابجرِحنه
لچن جرْح الفگِد لاجمني وحدي
سكوتچ ذبحني
علي ايحاچیچ یم احسین رِدّي
مشيتي او تراني
عگب عينچ وحيد او كلها ضِدّي
أغيِّب ضريحچ
إلى أن يظهر ابطلعة المَهدي

أتذوي وُريْداتُ غُصْنِ الرَّبيعِ ؟
و يدفُن روحي ترابُ البَقيعِ ؟
وهل تُدفَنُ الرُّوحُ من قبلِ دَفني ؟
أمُوتُ غريباً و أحْيَـى غريبـاً
ـــــــــــــــــــــــــــ
أجيلچ لچنّي
أجيچ املثَّم امن الليل يغِشه
او بديَّه أمانه
دمع زينب عله قبرچ أرشَّه
تگلّچ ييمه
عگب عينچ علينه البيت وَحشه
دمعها تسيله
او بقماط الطفل محسن تِمِشَّه

فكيف إن استَيقَظَت في بُكاها
إذا لم تَجِد أمَّها أو أباها
لغربَةِ زينبَ إنِّي بِحُزني
أمُوتُ غريباً و أحْيَـى غريبـاً
ـــــــــــــــــــــــــــ
نحيبي گظيته
ولوْ بيدي عشِت كل عمري أنحَب
ضلوعچ ضلوعي
العصَره اعليچ بس گلبي التصوَّب
اليودِّع خليله
عيب انچان من النوح يتعَب
لونِّي أعوفچ
لأن بالبيت تنطر جيْتي زينب

فإنْ أمَضِ عنْكِ فلا عنْ مَلاله
و إلّا فما كفَّ دمعي انهمالَه
فبينَ الرَّجا و الأسى و التمنِّي :
أمُوتُ غريباً و أحْيَـى غريبـاً
ـــــــــــــــــــــــــــ
[ لمَ لا يجيب الحبيب ]
ميرزا عادل أشكناني
1448 هـ - الكويت

*[ العمر ما أريده ]*

الرادود الحسيني الحاج #عمار_الكناني
كلمات: الشاعر #الميرزا_عادل_أشكناني

https://youtu.be/A2E4QXa_-MY

مجالس شهر ربيع اﻵخر لسنة 1448 هـ - 2026 م
ليالي إستشهاد موﻻتنا أم اﻷئمة اﻷبرار الصديقة الطاهرة البتول الزهراء فاطمة صلوات الله عليها وآلها
الليالي الفاطمية الأولى - العتبة العسكرية المقدسة
مجلس عزاء تجمع بغداد الحسيني في سامراء

اللَّهُمَّ عَجِّل لِوَلِيِّكَ الفَرَجْ

🔸*جديد : في ظلامة وغربة سيّد النساء عليها السّلام :*
__

🔹عَنِ الْحُسَيْنِ بْنِ عَلِيٍّ عَنْ أَخِيهِ الْحَسَنِ بْنِ عَلِيِّ بْنِ أَبِي طَالِبٍ ع قَالَ: «رَأَيْتُ أُمِّي فَاطِمَةَ ع قَامَتْ فِي مِحْرَابِهَا لَيْلَةَ جُمُعَتِهَا فَلَمْ تَزَلْ رَاكِعَةً سَاجِدَةً حَتَّى اتَّضَحَ عَمُودُ الصُّبْحِ وَ سَمِعْتُهَا تَدْعُو لِلْمُؤْمِنِينَ وَ الْمُؤْمِنَاتِ وَ تُسَمِّيهِمْ وَ تُكْثِرُ الدُّعَاءَ لَهُمْ وَلَا تَدْعُو لِنَفْسِهَا بِشَيْ‏ءٍ فَقُلْتُ لَهَا يَا أُمَّاهْ لِمَ لَا تَدْعِينَ لِنَفْسِكِ كَمَا تَدْعِينَ لِغَيْرِكِ فَقَالَتْ يَا بُنَيَّ الْجَارَ ثُمَ‏ الدَّارَ»(١)

**

🔻 *الموشّح :*

*گبْل أهلها تِندعي لجيرانها*
*وينهم يوم اوْجِرَت نيرانها ؟*

**
الجار قبْل الدَّار بس الجار وين
چان , يوم احترگ بيت امِّ الِحْسين ؟
اشلون جار أمِّ الحسن تغمضله عين
*او هي حَمره امن الضّرب أجفانها ؟*
**
الجار قبْل الدَّار بس الجار خان
او لا فزع من شاف بعْيونه الدّخَان
الجار عجبه عايش ابِّيته ابأمان
*او فاطمه عاشت ابِّيت أحزانها*
**
الجار قبْل الدَّار بي وصّه المَلَك
او جارها اوْيه الغاصب ابدربه سِلَك
اثنين رادت يشهدون إلها بفدَك
*ضاع حگها او ما فزع عوَّانها*
**
الجار قبْل الدَّار بس الجار غاب
اتْحِشَّمه الزّهره ولا ردِّ الجواب
تِفْتَر اعْليه او تدگِّ ابـ باب باب(٢)
*و ابوجِهْهَا غلِّگوْا بيبانها !*
**
الجار قبْل الدَّار بس الجار جار
او ما حفَظ ويْ فاطمه حقِّ الجوار
گال : تبچي ابليل لو تبچي ابنهار
*لو اتشيل او تطلع امْن اوطانها*
**
الجار قبْل الدَّار بس شوف اِشْجره
نار فگد النّبي لسَّه اموجَّره
او فاطمه اتنُوحه حدِر فيْ اِشْجَره
*عِمْدوا اعليها اگطعوا أغصانها*
**
عاشت او ماتت وَلا عنهم رِضَتْ
كاظمه اعْله الغيظ و ابهمها گِضَتْ
اضلوعها ابردِّة الباب اترضرَِضَتْ
*و السِّياط اعْله المتِن نيشانها*

***

♦️ميرزا عادل أشكناني
الكويت / 1448

🔹🔸🔹🔸🔹🔸🔹

(١) علل الشرائع للصدوق 1/182

(٢)« .. عن أبي عبد الله (عليه السلام) قال: لما قُبض رسول الله (صلى الله عليه وآله) وجلس فلان مجلسه .. ثم خرجت -فاطمة (ع)- وحملها عليٌّ على أتانٍ عليه كساءٌ له خمل، فدارَ بها أربعينَ صباحا في بيوت المهاجرين والأنصار، والحسنُ والحسينُ (عليهما السلام) معها وهي تقول: يا معشر المهاجرين والأنصار انصروا الله فإنِّي ابنةُ نبيِّكم، وقد بايعتُم رسولَ الله (صلى الله عليه وآله) يوم بايعتموه أنْ تمنعوه وذريتَه ممَّا تمنعون منه أنفسَكم وذراريكم، فَفوا لرسول الله (صلى الله عليه وآله) ببيعتِكم، قال: فما أعانَها أحدٌ، ولا أجابَها، ولا نصرها ...» الإختصاص للمفيد ١٨٥

*[ يا أسماء 3 ]*

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtu.be/qBKtUAwRikQ

مجالس شهر ربيع الآخر لسنة 1448 هـ - 2026 م
مجالس ليالي إستشهاد سيدة النساء الطاهرة البتول الصديقة الكبرى فاطمة الزهراء صلوات الله عليها وآلها (الفاطمية الأولى)
عزاء موكب دموع الزهراء عليه السلام - العراق - السماوة

مونتاج وتنفيذ: إعلام الموكب

اللَّهُمَّ عَجِّلْ لِوَلِيِّكَ الفَرَج

*[ طبع الأبو ]*

اداء: الملا #محمد_باقر_الخاقاني
كلمات: الشاعر #الميرزا_عادل_أشكناني

https://youtu.be/9rOrkwQm8HE

مجالس عزاء الليالي الفاطمية 1448 هـ - 2026 م
ليالي إستشهاد سيدة الوجود الصديقة الطاهرة الكبرى فاطمة الزهراء صلوات الله عليها وآلها
عزاء مضيف قمر بني هاشم عليه السلام - العراق - بغداد

مونتاج وتنفيذ: الكافل ميديا للإنتاج الحسيني

اللَّهُمَّ عَجِّلْ لِوَلِيِّكَ الفَرَج

طبع الأبو لو فارگ الحياةْ
يوصِّي على ابنَيْتَه .. عُگب فَـيْـتَـــه
واشلون لو چان الأبو الرسولْ !؟
واشلون لو چانت الزهره ابْنَـيْـتَه !؟
ــــــــــــ
يِمُوت .. بس گلبه يحِن
عاللّي تظل عُگبه يتيمه
يِمُوت .. او جسمه يندفِن
او روحه تصير اعْليها خيمه

اشحال الرّسولْ .. و ابنَيْـتـه ما بين الغرُب
و اهيَه البتول .. يم گبره تبچي او تنضرُب

تلثِم تُرابه او تِنادي آه .. وا غوثاه .. أدركني
و اتنادي وا محمدَّاهْ .. وا أبتاهْ .. أدركني
او ردِّ الصَّده وا محمدَّاهْ .. وا أبتاهْ .. أدركني

دار .. وحْي الله او حرگوها الدّار
يالغارس خير ابهالأمة غرسولي ابصدري البسمار
نار .. وينك ياللّي اتطفّي النار !
اتلوذ اِبنيْتك من الگوم او مابيهم واحد نغّار

قصدوني و آنه ابفاتِحة مُصابي
او رادوا يبويه ينهتِك حِجابي
لكنَّني لذتُ وراءَ البابِ

ويل .. من عقبك راوُوني الويل
ردتك سدِّ ابوجه أنذال اعْليه انهدَّوا هدَّة سيل
حيل .. وينك ياللي اتشدِّ الحيل
عشْت اخلافك ظيم او غربه الصارت بيها أيَّامي ليل


وا أبتاهْ .. وا أبتاهْ
وا أبتاهْ .. وا محمَّداه

****

طبع الأبو لو فارگ الحياةْ
يوصِّي على ابنَيْتَه .. عُگب فَـيْـتَـــه
واشلون لو چان الأبو الحُسين !؟
واشلون لو چانت رُقيَّه ابْنَـيْـتَه !؟
ــــــــــــ
يِمُوت .. بس گلبه يحِن
عاللّي تظل عُگبه يتيمه
يِمُوت .. او جسمه ابلا دفِن
او راسه يصير اعْليها خيمه

اشحال الذّبيح .. و ابنَيْـتـه ما بين الغُرب
اتقوم او تطيح .. يم نحره تبچي او تنضرُب

تلثِم وريده او تِنادي آه .. وا أبتاه .. أدركني
و اتنادي وا محمدَّاهْ .. و جدَّاه .. أدركني
او ردِّ الصَّده وا محمدَّاهْ .. و جدَّاه .. أدركني

دار .. خيل او عسكر بينه اندار
چانك حيْ يا بويه أدركني شرْكض و اتراب الطّف حار
نار .. وينك ياللّي اتطفّي النار !
اتلوذ اِبنيْتك من الگوم او مابيهم واحد نغّار

و العسكر اعله اخيامنا تگرَّب
رادوا يبويه اسْاورتي تتسلَّب
لكنَّني لذتُ وراءَ زينب

ويل .. من عقبك راوُوني الويل
السلّاب ايهد ابكل حيله او جسْمي الناحل ما بي حيل
خيل .. وينك ياللي اتردِّ الخيل
فرهود او ما ظلّت خيمه بيها انبات ابهذا الليل

وا أبتاهْ .. وا أبتاهْ
وا أبتاهْ .. وا حُسيناهْ

وا يُتماه ..
وا ويلاه ..
وا عطشاه ..
وا غُربتاهْ ..
___
طبْع الأبو
ميرزا عادل أشكناني
جمادي الأولى 1448 هـ