#news

❗️Hukumat keyingi haftadan Iyun oyi oxirigacha noqonuniy chet elliklarga reydlarni kuchaytiradi

Keyingi haftadan boshlab Koreya hukumati noqonuniy istiqomat qilayotgan chet elliklarga nisbatan, ayniqsa narkotik savdosi bilan shug'ullanayotgan, ko'ngilochar joylar, xususan bar va tungi klublarda ishlayotgan, noqonuniy holatda qurilish ishlarida mashg'ul bo'lganlar va Koreyaga soxta hujjat tayyorlash bilan shug'ullanayotgan xorijiy fuqarolarga nisbatan keng qamrovli reydlarni boshlashini e'lon qildi.

Ehtiyot bo'lishingizni so'rab qolamiz!

👉@misterberd👈

F-2-3 vizasi haqida (F-5 doimiy yashash vizasi oilasi)

Agarda siz Koreyada F-5 doimiy yashash vizasiga ega bo'lsangiz, oilangiz, ya'ni turmush o'rtog'ingiz va farzandlaringiz F-2-3 vizasiga topshirishlari kerak bo'ladi.

F-2-3 vizasi esa 영주자격 소지자의 배우자 및 미성년 자녀 비자 ham deb ataladi.

Bu vizaga topshiriladigan hujjatlar ro'yxati juda uzun, shuning uchun bugun farzandimning ushbu vizasini cho'zdirish uchun qanday hujjatlar kerak bo'lganini shu yerda qoldirmoqchiman:

- 여권, 외국인등록증, 통합신청서 (별지 34호) - F5 viza egasining va bolaning ID va passportlari, 34-sonli ariza blankasi
- 수수료 (기간연장 6만원) - 60ming won to'lov
- 체류지 입증서류 -Uy sharnoma qog'ozi

❗️Yana bir narsa, agarda siz F5 vizani olganizdan so'ng Koreyada farzandingiz tug'ilgan bo'lsa, siz endi farzandingizga F-2-3 vizaga topshirib o'tirmay, darhol unga F-5 vizaga topshira olasiz!

👉@misterberd👈

Koreyada farzandingiz tug'ildi, ammo siz ishni nimadan boshlashni bilmayapsiz..

Bolani sug'urtangizga o'tkazishgacha bo'lgan bosqichlar:

1. Uzb elchixonasiga boradigan kunni bron qilish (Kasalxonadan chiqqach, 1hafta 10kun ichida borganiz yaxshi);
2. Kasalxonada bolaning tug'ilganlik guvohnomasini (출생증명서) ham ingliz ham koreys tilida olish (Ingliz tilidagisi Uzb elchixonasida so'raladi);
3. Tug'ilganlik guvohnomasida bolaning ism-familya ma'lumotlari to'g'riligini tekshirish:
4. Uzb elchixonasiga bron kuni oilaviy farzand bilan borib, ham metrkaga ham zagran passportga hujjat topshirish (metrka shu kunning o'zida, passport 3-4 haftada chiqadi)
5. Passport chiqqunicha bola vizasi uchun Immigratsiyani bron qilish (passport chiqish sanasidan keyinga);
6. Pogonsoga borib, bolaga 임시관리번호 ochtirish;
7. Bolaning zagran passport va boshqa tegishli hujjatlarni olib, Immigratsiyada ID kartaga topshirish;
8. ID chiqqach, 국민건강보험공단 sug'urta tashkilotiga borib, o'z sug'urtangizga bolani ham qo'shish.

👉@misterberd👈

세월호 kemasining halokatiga 10 yil bo'ldi

Bugun Koreya zamonaviy tarixidagi eng mudhish halokatlaridan biri - Sewolho kemasining ag'darilib ketganiga roppa-rosa 10 yil bo'ldi.

2014-yil 15-aprelda Incheondan Jeju oroliga yo'lga chiqqan 6,800 tonnalik kema 16-aprel kuni erta tongda orolga yetib bormasdan, ekipajning xatoligi bilan halokatga uchragan edi.

Natijada kemadagi 476ta yo'lovchidan (ekipaj bilan) 304 kishi halok bo'ldi. Halok bo'lganlarning 250ga yaqini yuqori maktab o'quvchilari edi.

👉@misterberd👈

Ayrim vizalardan F-2-7, so'ngra F-5 vizasiga topshirish haqida

Yuqoridagi jadval F-2-7 Visa Korea guruhidan olingan bo'lib, F-2-7 vizasiga qanday topshirish mumkinligi haqidagi xarita desak ham bo'ladi.

Siz agar o'qishni tamomlayotgan bo'lsangiz, va hali ish topmagan bo'lsangiz u holda D-10 vizasiga hujjat topshirishingiz kerak.D-10 vizada ishga joylashsangiz, keyinchalik E-7-1, F-2-7 va F-2-R kabi vizalardan biriga topshira olasiz.

O'qishni tamomlashingiz bilanoq, vizada yordam beradigan ishni topa olsangiz, yuqoridagi 3ta vizalarga darhol topshira olasiz (talablariga qarab).

Xullas, yuqoridagi rasmda E7-1 va boshqa ko'rsatilgan vizalarda kamida 3 yil ishlagan bo'lsangiz va F-2-7 ning ballik sistemasida kamida 80 ball to'play olsangiz, F2-7 vizaga topshira olasiz. Keyinchalik yana 3 yil F-2 da yurib, F-5-10 kabi vizalarga ham o'zgartira olasiz.

❗️E7-1 vizasida 3 yil ishlamagansiz, lekin yillik soliqqa tortilgan daromadingiz 40mlndan oshayotgan bo'lsa ham F-2-7ga topshira olasiz.

👉@misterberd👈

2023-yilda Koreyada 1 kishidan iborat oilalar 33.6%ni tashkil qildi

2023-yil bo'yicha o'tkazilgan tadqiqotlarga ko'ra, 1 kishidan iborat, yolg'iz yashaydigan oilaviy xo'jaliklar soni (1인가구) jami oilalarning 33.6%ini tashkil etdi.

Yolg'iz oilalarning umumiy ulushida ayollarning salmog'i 62.3%, erkaklarniki esa 37.7% bo'lib, jami yolg'izlikda yashayotgan oilalarning 27.1%ini 70 yoshdan oshgan qariyalar tashkil qilmoqda.

👉@misterberd👈

Koreyada kasalxonalarning ham darajalari borligini bilarmidingiz?

J.Koreyada kasalxonalar asosan 3 turga bo'linadi: 1차 병원, 2차 병원 va 3차 병원.

1차 병원 - 1 bosqich kasalxonalari deb nomlanib, bularga 의원, 보건소, 보건지소 kabilar kiradi. Bu kabi kasalxonalarda asosan kasallikni oldini olish (vaksinalash) ga qaratilgan tibbiy harakatlar, shuningdek, yengil turdagi: shamollash, bosh og'rig'i kabi kasalliklar tekshiriladi. Bunday kasalxonalarda bemorlar uchun yotoqlar soni 30tadan oshmasligi belgilangan.

2차 병원 - 2 bosqich kasalxonalari bo'lib, bularga oddiy 병원 va 종합병원 (ko'p tarmoqli kasalxona) lar kiradi. Bunday kasalxonalarda yotoq joylar soni 100tadan 300tagacha va tibbiy bo'limlari soni 7tadan oshishi kerak (내과, 치과 kabilar).

3차 병원 - 상급종합병원, ya'ni yuqori darajadagi kasalxona bo'lib, 대학병원 darajadagi kasalxonalar ham shu turkumga kiradi, ammo barchasi ham emas. Bu tipdagi kasalxonalarda tibbiy bo'limlar soni kamida 9ta bo'lishi va yotoqlar soni 300+ bo'lishi belgilangan.

👉@misterberd👈

Islom dinini qabul qilgan Koreyalik Youtuber Incheonda masjid qurmoqchi

Youtubeda 5.5mln obunachiga va Instagramda 3.5 mln obunachiga ega mashhur vlogger Daud Kim o'tgan hafta shanba kuni ijtimoiy tarmoqlar orqali Incheonda masjid uchun yer olib, shartnoma tuzganini e'lon qildi.

Ushbu qurilajak masjidga ehson qilishni istaganlar quyidagi JAIHAN KIM nomidagi (Daud Kimning koreyscha ismi) hisobraqamga ehson qilishlari mumkin: (Hisobraqam ma'lumotlari Daud Kimning Facebook sahifasidan olindi)

Bank nomi: Keb Hana
Hisobraqam: 232-910216-44707 (JAIHAN KIM)
Paypal: kjh91922@naver.com

Koreya Musulmonlar Federatsiyasining ma'lum qilishicha, ayni damda Koreyada 19ta masjid mavjud bo'lib, koreys musulmonlarining soni 35,000tani, boshqa millatdagi musulmonlar soni esa 150,000 tani tashkil etmoqda.

👉@misterberd👈

#contest

Universitet talabalari uchun iqtisodiy insholar tanlovi

The KoreaTimes Koreyada bakalavr va magistratura bosqichlarida o'qiyotgan xorijiy talabalarni o'zining 20-chi Ingliz tilidagi Insholar Tanloviga taklif qiladi.

Qatnashishni istaganlar 800 ta so'zdan iborat insholarini quyidagi mavzulardan birida yozishlari kerak:

1) Chet elliklar Koreya jamiyatining ajralmas qismiga aylandi va ularning soni oshishda davom etmoqda. Chet elliklar mijozlarni jalb qilish va ularga yanada yaxshi xizmat qilish uchun bank sanoatiga tavsiyalaringiz

2) Koreya aksiya bozorining xronik muammolaridan biri, ya'ni Koreya chegirmasi (Korean discount, listed kompaniyalarning o'z qadridan past baholanishi). Shu muammoni tahlil qiling va uni yechishda takliflaringizni bildiring.

Jo'natishning oxirgi sanasi: 31-may, 2024-yil
E-mail: essaykoreatimes@gmail.com
G'oliblar e'lon qilinadi: Iyun oyida (Oliy sovrin 2 kishiga 3mln KRWdan).

Batafsil ma'lumot bu yerda.

👉@mistberberd👈

#news

Deportatsiyaga hukm qilingan chet elliklarni hibsda saqlash 3 yil bilan cheklanadi

Keyingi yildan boshlab endi jinoyat sodir etgani uchun yoki nolegal ravishda Koreyada yashagani uchun chet elliklarga deport hukmi beriladigan bo'lsa, ularni faqat maksimum 3 yilgacha hibsda saqlashga ruxsat beriladi.

Bu Konstitutsion sudning o'tgan yilda chiqqan deport tufayli chet elliklarni umrbod qamoqda saqlash Konstitutsiyaga zid degan qaroriga muvofiq ravishda amalga oshiriladi.

Hozirgi qonunchilikda esa agarda deport qilinishi kerak bo'lgan shaxsning passporti yoki uchib ketishga puli bo'lmasa Immigratsiya belgilagan boshpana (hibsxona)da toki ular o'zlari chiqib ketgunlaricha saqlanar edi. Qo'shimcha qilinishicha, o'tgan yil holatiga ko'ra 34,580 nafar chet ellik deport qarori ostida saqlanib kelingan.

👉@misterberd👈

Student vizadagilarga Immigratsiya ruxsat bergan ish soatlari jadvali

Jadvaldan ko'rish mumkinki, faqat 사회통합프로그램 (KIIP), TOPIK va 세종학당 sertifikatlari bilangina studentlarga qo'shimcha ishlashga ruxsat berilishi mumkin.

Masalan, TOPIK 4 yoki KIIP 4 darajaga ega bo'lgan bakalavr 3-4 kursda o'qiydigan talaba haftada 25 soatgacha, dam olish kunlarida va ta'til vaqtida esa cheklovsiz ishlashlari mumkin. Ular agarda 인증대학, 성적우수자 yoki 한국어우수 imtiyoziga ega bo'lishsa, 30 soatgacha ham ruxsat beriladi.

Ammo TOPIK 4, KIIP 4 yoki 세종학당 중급2 darajaga ega bo'lmagan 3-4 kurs bakalavr talabalari haftada faqat 10 soatgacha ishlashiga ruxsat berilgan.

👉@misterberd👈

⚡️Koreyada E-9, H-2 yoki boshqa vizadagilar o'tgan yillarda to'langan soliqlarni qaytarib olishlari mumkin

Koreya davlati kichik va o'rta hajmdagi zavod va fabrikalarda ishlagan yoki ishlayotgan yoshlarni qo'llab-quvvatlash maqsadida har yili 15-34 yoshdagi yoshlarning o'tgan yillardagi soliqlarini 90%gacha qismini qaytarib beradi (so'nggi 5 yilnikini).

Soliqlarni qaytarib olishni istagan ishchi korxonada ishlagan vaqtda 15-34 yosh oralig'ida bo'lgan bolishi lozim.

Quyidagi korxonalarda ishlaganda soliqdan vozvrat bo'lmaydi:
- servis sohasi (huquq, buxgalteriya va soliq kabi sohalar)
- sogliqni saqlash;
- ta'lim sohasi;
- moliya va sug'urta faoliyati bilan shug'ulanuvchi kompaniyalar.

Ariza topshirish muddati: 1 Maydan- 31 Maygacha (Bu vaqtdan keyin ham o'tgan yillar uchun topshirsa bo'ladi).

❗️Soliqlarni qaytarib olishga ariza berish Hometax sayti orqali onlayn yoki shahringizdagi soliq ofisiga borib amalga oshiriladi.

👉@misterberd👈

#news

Yuqori maktab o'quvchisi matbuotda olqishlarga sazovor bo'lmoqda

Janubiy Gyongsang viloyatidagi ko'chalardan birida 1mln 220ming won (taxminan 1000dollar) pulni yo'lda tushurib qo'ygan velosipedchi va pulni ko'rib qolib, militsiyaga olib borib bergan qiz haqida ko'p yozilmoqda.

Qizdan nega pulni qaytarding deb so'rashganlarida, "odamlarda hali ham vijdon borligini va ko'chada hech kim yo'q bo'lsa ham baribir keyinchalik pulni ishlatsa afsuslanishi" ni aytib o'tgan.

Koreya qonunchiligiga ko'ra, topib olingan buyum yoki mulkni oshkor qilmaslik 1 yilgacha qamoq yoki 3mln wongacha jarima bilan jazolanadi.

👉@misterberd👈

F-5 vizaning turlari haqida qisqacha

Immigratsiya ma'lumotlariga ko'ra, F-5 (doimiy yashash) vizasining turlari umumiy 21 tani tashkil etar ekan. Va ularning talablari ham turlicha, ya'ni ayrimlarida KIIP 5 daraja talab qilinmaydi, ayrimlarida ish stajingiz 3-5 yil emas, 1 yil bo'lsa ham yetarli. Ayrimlariga daromaddan GNI 1 talabi yetarli bo'lsa, (F-5-10), boshqalariga GNI 2 odatta so'raladi (masalan, F-5-1).

Quyida bu vizaga topshirish talablari haqida emas, balki Koreyadagi chet elliklar F-5 vizaning asosan qaysi turiga ko'proq topshirishi to'g'risida qisqacha ma'lumot beramiz:

F-5-1 - 5년 이상 대한민국에 체류하고 있는 사람
F-5-4 - 영주자격 (점수제 영주자격 취득 제외) 소지자의 배우자 또는 미성년 자녀
F-5-9 - 첨단산업 분야 박사학위 소지하고 국내기업에 고용된 사람
F-5-10 - 첨단산업 분야 학사, 일반 분야 석사 이상 학위, 기술자격증 소지하고 국내 기업에 고용된 사람
F-5-15 - 국내대학원에서 정규과정을 이수하여 박사학위를 취득한 후 국내기업에 고용된 사람
F-5-16 - 점수제 거주 자격으로 3년 이상 체류한 사람

Shuningdek, agarda kamida 500ming dollar Koreyaga investitsiya qilib, 5ta Koreya fuqarosini ishga olgan bo'lsangiz, F-5-5 vizasiga topshira olasiz.

👉@misterberd👈

Koreyadan O'zbekistonga oson pul yuborish

Koreyadan O'zbekistonga pul yuborish usullari xilma-xil. Quyida Koreyadan turib O'zbekistonga uydan chiqmasdan turib 1-2 daqiqada bankka va kartalarga pul yuborish mumkin bo'lgan asosiy ilovalar va ulardagi xizmatlarni qisqacha tanishtiraman (bu ilovalarga Android telefonlar uchun havola ham biriktirilgan):

1. Hanpass - Naqd pul (Zolotaya Korona, Western Union), Uzcard, Humocard

2. Gmoneytrans -Naqd pul (Zolotaya Korona), Uzcard, Humo, Visa-Master kartalar

3. GME - Naqd pul (Zolotaya Korona), Uzcard, Visa, Master, UnionPay (USD) kartalar

4. Coinshot - Naqd pul (Western Union, Korona), Uzcard va Humo

5. E9pay - Naqd pul (Zolotaya Korona), Uzcard, Humo, UnionPay, Visa, Mastercard

6. SentBe - Naqd pul (Moneygram), Uzcard, Humo va Visa (tez orada)

7. WireBarley - Naqd pul (Moneygram)

|𝘙𝘦𝘬𝘭𝘢𝘮𝘢|

👉@misterberd👈

#soliq

May oyi o'tgan yildagi barcha daromadlarni oshkor qilish oyi

Koreyada mehnat faoliyatini amalga oshirgan va soliq to'lagan barcha kishilar (chet elliklar ham) o'tgan yildagi daromadlarini Soliq Qo'mitasiga 1-maydan 31-maygacha oshkor qilishlari kerak. Bu daromadlarga ish haqi, freelancerlik, biznes daromadlari, va boshqa 연말정산 vaqtida hisobga olinmagan barcha daromadlar kiradi.

Bu daromadlarni oshkor qilish orqali, siz ortiqcha to'langan soliqlarni qaytarib olishingiz yoki kam soliq to'langan bo'lsa, qo'shimcha to'lashingiz kerak bo'ladi.

Shuningdek, 1-maydan boshlab rasmiy ravishda faqat ish haqi olib ishlaganlar Hometax saytining 국세증명 bo'limi orqali 소득금액증명서 - 2023 yildagi daromad hujjatini yuklab olishlari mumkin. Bu hujjat esa E-7, F-2 va F-5 kabi ishchi vizalarga hujjat topshirishda talab qilinadi.

👉@misterberd👈

Koreyada kasalingiz jiddiy bo'lmasa katta kasalxonalarga borishga shoshilmang!

Agarda sizni shamollash, bosh og'rig'i, isitma kabi jiddiy bo'lmagan kasalliklar qiynayotgan bo'lsa va kasalingiz yengil ko'rinishda bo'lsa, siz oldin kichikroq turdagi kasalxonaga borishingiz kerak (Masalan, 의원, kichik 병원). Ularda ham kasalingizga davo topilmasa, shu kasalxonadan 진료의뢰서, ya'ni davolanganingiz, ammo kasalingizga shifo topilmagani haqida shifokor yozib bergan ma'lumotnomani olib keyin kattaroq kasalxonaga vaqtni belgilab borishingiz kerak.

Shu orqali siz Sog'liq sug'urtasi (건강보험) imtiyozlariga ega bo'lasiz va katta kasalxonada tekshiruvdan so'ng to'lov qilganizda ko'proq pulni tejab qola olasiz.

👉@misterberd👈

Hanshin Universiteti ishi bo'yicha Immigratsiya xodimi ham aloqadorlikda ayblanmoqda

O'tgan yili Noyabr oyida Hanshin Universiteti til kursida o'qiydigan 22ta o'zbek talaba Koreyadan noqonuniy ravishda majburiy chiqarib yuborilgan edi. Ma'lum qilinishicha, bu ishda Hanshin Universiteti bilan bordi-keldisi borligi gumon qilinayotgan Immigratsiya xodimi tergov qilinmoqda.

Aytilishicha, bu Immigratsiya xodimi o'zbek talabalariga ular belgilangan talablarga mos kelmagan bo'lsa ham Koreyaga kirib kelishlari uchun viza tayyorlab berishda va Hanshin universitetidan bu uchun yegulik va ichimliklar olganlikda ayblanmoqda.

Ayni vaqtda Busan Immigratsiyasining Gimhe bo'limida ishlayotgan bu xodim bunday ayblovlarni rad etmoqda.

👉@misterberd👈

Busandagi qiz haykali oldida politsiya nazorati kuchaytiriladi

Busanda joylashgan va 2-Jahon urushi hamda Yaponiya bosqini vaqtida jinsiy zo'ravonlikka uchragan koreys ayollarni aks ettiruvchi qiz haykali bir qancha vandalizm holatlaridan so'ng politsiya nazoratiga olinadigan bo'ldi.
Shulardan biri, 27-aprel kuni 30yoshlar atrofidagi erkak bu haykal boshiga Yapon vinosini qo'yib, yonidagi bo'sh stulga esa sushini qo'ygan holatda bu holatni rasmga olib ijtimoiy tarmoqqa joylashtirgan.
2016-yil dekabrda o'rnatilgan bu haykal oldiga shundan so'ng jamoat teginmasligi uchun to'siq ham o'rnatildi.

👉@misterberd👈

Koreyada oilaviy holatni ifodalovchi so'zlar

Koreyada bo'lsangiz, albatta ishda, intervyu jarayonlarida yoki tanishuv vaqtlarida oilaviy holatingiz, ya'ni turmush qurgan-qurmaganligizni so'rab qolishlari mumkin. Bunday holatlarda ko'pchilik "결혼했어요/결혼 안 했어요" kabi so'zlarni ishlatishadi.

Lekin buni ifodalash uchun yana alohida so'zlar ham bo'lib, bu so'zlarni bilish nafaqat koreys tilida lug'at boyligingizni oshirishda, balki koreyslarda til nuqtai nazaridan yaxshi taassurot qoldirishizda xizmat qiladi. Quyidagi so'zlarni albatta bilib qo'ygan yaxshi (결혼 상태 - turmush holati):

미혼 (mihon) - turmush qurmagan (uylanmagan)
기혼 (kihon) - turmush qurgan (uylangan)
초혼 (chohon) - ilk (birinchi bor) turmush qurgan
약혼 (yakhon)- unashtirilgan
이혼 (ihon) - ajrashgan
사별 (sabyol)- turmush o'rtog'idan ayrilgan (vafoti sababli)

👉@misterberd👈