⚡️POSCO Asia Fellowship 2025 - STEM yo'nalishlarida Bepul Magistratura va Phd

Topshirish sanasi: 2024-yil 1-may-31-May

Yo'nalishlar: STEM (Science, Technology, Engineering, Mathematics)

Universitetlar: Ewha Womans University, Hanyang University, KAIST, Korea University, Kyung Hee University, POSTECH, Seoul National University, Sungkyunkwan University, Yonsei University

Afzalliklari: Bepul o'qish, oylik stipendiya, bepul sug'urta, bepul onlayn koreys tili darslari va boshqalar

🔰To'liq ma'lumot bu yerda.

👉@misterberd👈

Ulling orolida (울릉도) tog'ning bir qismi qulab tushdi

Kyongpuk Ulling orolida 6-may kuni yo'l atrofida joylashgan tog'ning bir qismi qulab tushdi va bu vaqtda yo'lda harakatlanayotgan, bir guruh sayyohlarni olib ketayotgan avtobusga shikast yetdi. Avtobusga kelib urilgan diametri 50cm atrofidagi tosh parchasi natijasida undagi 3ta yo'lovchi yengil tan jarohatlarini olganligi aytilmoqda.

Ushbu tog' yon bag'rining qulashiga 1 kun oldin yog'gan yomg'ir va kuchli shamol ta'sir qilgan bo'lishi taxmin qilinmoqda.

👉@misterberd👈

Koreyadagi O'zbekiston elchixonasi faoliyatiga nazar

Seuldagi O'zbekiston elchixonasi faoliyati, ayniqsa Call Markazining deyarli ishlamasligi ko'pchilikning shikoyatlariga sabab bo'lib kelmoqda.

Elchixonaga e-navbat olib borsangiz ham (busiz hujjat qabul qilinmaydi deyishadi), u yerda navbat mashinasini ko'rishingiz mumkin (번호표발행기). Bu navbat olmay kelganlar uchunmi, tushunish qiyin.

Ish vaqti elektron navbat saytida 9:00dan 15:30gacha yozilgan (Seshanba kuni 15:00gacha), juda ham qisqa vaqt va har bir navbatga 30minut ajratilgan. Soat 12:30dan 14:00gacha tushlik vaqtini inobatga olsak, bu degani Elchixona 1 kunda 11 ta fuqaroni qabul qila olar ekan (Qizig'i saytda qayta-qayta urinsangiz, ba'zan band ko'rsatayotgan sanani ham bron qilish mumkin va bron qilingan sanani bekor qilishning iloji yo'q).

Kamchiliklarning ayrimlarini sanadik. Bu post orqali Elchixonani yomonlashdan yiroqmiz, shunchaki faoliyatini kengaytirib, fuqarolarga yanada samarali xizmat ko'rsatishi tarafdorimiz, xolos.

👉@misterberd👈

Seulda milliarderlar soni Tokyodan ko'proq

Statistik ma'lumotlarga ko'ra, 2023-yil dekabr holatiga ko'ra Seul shahrida 80,000 dan ortiq millionerlar (boyligi $1mlndan ortiq) va 195ta 100mln dollardan ortiq boylikka ega shaxslar istiqomat qilmoqda ekan.

Shuningdek, Seulda shaxsiy boyligi $1 mlrddan oshadigan boylar soni jami 20tani tashkil qilib, bu raqam bilan Seul dunyoda 19-o'rinni band etmoqda. Qo'shni davlat Yaponiya poytaxti Tokyoda esa milliarderlar soni ayni damda 14tani tashkil etadi.

👉@misterberd👈

Chet el tibbiyot guvohnomasiga ega bo'lganlarga Koreyada ishlashiga ruxsat berilishi mumkin

Koreya hukumati tibbiy xizmat inqirozining eng so'nggi bosqichini e'lon qiladigan bo'lsa, tez orada chet elda malaka litsenziyasini olgan tibbiyot xodimlariga bu davlatda ishlashlariga ruxsat berilishi mumkin.

Bu holat hukumatning tibbiy sohadagi talabalar kvotasining hozirgi 3058talik kvotasini yana 2000 nafarga oshirishga buyruq berganidan so'ng yuz berdi. Natijada davlatda jami 13ming nafar stajirovkadagi shifokorlarning 90%dan ortiq qismi ish tashlash amalga oshirdi.

Hukumat 20-mayda bo'ladigan o'zgarishni oldindan e'lon qilib chiqdi.

👉@misterberd👈

Immigratsiyaning "Yashil koridor" dasturi doirasida 24mingga yaqin chet ellik Koreyani tark etdi

Immigratsiyaning amnistiya siyosati tufayli o'tgan 2023-yil 11-sentabridan 2024-yil 29-fevralgacha bo'lgan muddat ichida 24mingga yaqin nolegal statusdagi chet elliklar Koreya hududidan chiqib ketgani ma'lum qilindi.

Shuningdek, ushbu amnistiya dasturida o'z xohishi bilan chiqib ketganlar 30mlngacha bo'lgan ($24,000) jarimalardan ozod bo'lishgan va ularga Koreyaga qayta kirishlariga ta'qiq qo'yilmasligi xabar qilinmoqda.

👉@misterberd👈

Prezident Yun Sok Yol turmush o'rtog'ining qilmishi uchun xalqdan uzr so'radi

Koreya Prezidenti Yun Sok Yol turmush o'rtog'i Kim Keon Heening 2022-yilda cherkov pastoridan (xristian cherkovi nazoratchisi) $2,200 turadigan Christian Dior sumkasini sovg'a sifatida qabul qilgani uchun omma oldida rasman uzr so'radi.

Bundan oldin Prezident bu ish to'g'risida shunchaki afsuslanishini aytgan, lekin xalq oldida rasman uzr so'ramagan edi.

👉@misterberd👈

#internship

LG Innotek chet ellik talabalarni yozgi amaliyot dasturiga taklif qiladi

Kimlar uchun: Koreyada bakalavr, magistratura va doktorantura (Phd) darajalarida o'qiydigan, TOPIKdan kamida 4-darajasi bor chet ellik talabalar

Yo'nalishlar: Mashinasozlik, Sanoat muhandisligi, Marketing va boshq.

Amaliyot o'tash joyi: Gumi shahri, Gyongsangpuk-do

Ariza topshirish muddati: 8-maydan 20-maygacha

Ariza topshirish va boshqa qo'shimcha ma'lumotlarni LG careers saytidan olishingiz mumkin.

👉@misterberd👈

Busan shahrida chet ellik talabalar uchun Ish Yarmarkasi (Job Fair)

Qachon: 23-may kuni 13:00-17:00gacha
Manzil: Busan Cinema Center

Ushbu Ish Yarmarkasi asosan D-2 va D-10 vizadagi talabalar uchun bo'lib, yarkarmada F-2-R vizasini bera oladigan, Busanda joylashgan kompaniyalar ishtirok etadi.

D-3, D-4, E-9 , E-10, G-1 kabi viza egalari F-2-R vizaga to'g'ridan -to'gri o'ta olisholmasligi sababli ular ushbu yarmarkada qatnasha olishmaydi.

Yarmarkada qatnashganlarga esdalik sovg'alari berilishi ko'zda tutilgan. To'liq ma'lumot bu yerda.

👉@misterberd👈

F-2-R viza qanday viza va uning talablari qanaqa?

F-2-R viza "Regional Specialization Foreign Talent visa" deb atalib, aholisi kamayib borayotgan hududlardagi aholi sonini oshirish va hududiy iqtisodiyotni rivojlantirish maqsadida ishlab chiqilgan.

Bu vizaga topshirishning asosiy talablari:
1) D-2 va D-10 vizadagi o'qishni bitirayotganlar va bitirganlar;
2) GNI miqdorining kamida 70%i ko'rsatilgan ish shartnomasi;
3) Hujjat topshirish vaqtida aholisi kamayib borayotgan hududda yashash;
4) Adliya Vazirligi belgilagan sanoat sohasida ishlash va zavod/fabrika hamda yashash joyining bitta hududda bo'lishi;
5) KIIP yoki TOPIKdan kamida 3-daraja bo'lishi;
6) Chet el va Koreya ichki qonunlarini buzmagan bo'lishlik.

Manba: Kowork (2024, yanvar holati bo'yicha)

👉@misterberd👈

Koreya fuqaroligiga topshirilgan arizalarni ko'rib chiqish davri haqida

Koreya Immigratsiya ishlari Boshqarmasi Fuqarolikka topshirilgan hujjatlarni qabul qilishning 2024-yil may holatiga ko'ra muddatlarini e'lon qildi. Unga ko'ra:

혼인귀화 - Koreys fuqarosiga turmushga chiqqan F-6 vizadagilar fuqarolikka topshirganda - 19oygacha; turmush davrining uzoqligi, farzand borligiga qarab - 10oygacha;

특별귀화 - Fuqarolikni tiklayotganlar va fuqarolikni qabul qilganlarning farzandlari uchun - 19oygacha; 15 yoshdan kichiklar uchun - 10oygacha;

간이귀화 - Ota-onadan biri Koreya fuqarosi bo'lgan kishi - 19oygacha; Koreyada tug'ilgan shaxs - 12oygacha; voyaga yetib asrab olingan shaxs - 19oygacha;

일반귀화 - Koreyada kamida 5 yil yashab F-5 vizasidan fuqarolikka topshirayotgan shaxs - 19oygacha vaqt olishi mumkin.

Manba: 법무부 출입국 외국인정책본부

👉@misterberd👈

#internship

SK kompaniyasi IT yo'nalishi bo'yicha amaliyotga taklif etadi

Soha va qilinadigan ish: Software Engineering yo'nalishida dasturlarni dizaynlash va boshqarish

Kimlar uchun: 2025-yil fevralda Koreyadagi universitetni tamomlashi kutilayotgan bakalavr/magistr talabalari

Talablar: Keyinchalik ishlab qolishi uchun ishchi vizaga o'tishda qonunlarni buzmagan bo'lishi va kamida TOPIK 4 daraja sertifikati. Shuningdek, C, C#, Java, Spring boot, SQL kabi dasturlash tillaridan xabardor bo'lishi kerak.

Topshirish muddati: 7-maydan - 15-maygacha (2024)

Batafsil: bu yerda

👉@misterberd👈

F-5 - doimiy yashash vizasi qancha muddatga beriladi?

Koreyada F-5 vizasi rasmdagidek 9999-12-31 sanagacha, ya'ni butun umrga beriladi. Buni Hikorea sayti orqali tekshirish mumkin. F-5 statusdagi ID karta esa 10yil muddatga beriladi. Ya'ni har 10 yilda F-5 vizani cho'zdirish lozim.

2018-yilgacha F-5 viza ID kartasiga 9999-12-31 sana urilar edi, ammo 2018-yil sentabr oyidan boshlab, F-5 statusdagi chet elliklarga 외국인등록증 o'rniga 영주증 (doimiy yashash) berilishi haqida qonun chiqdi va ID kartaga ham 10 yil muddat uriladigan bo'ldi. Shuningdek, bu narsa ID kartadagi rasmni har 10 yilda almashtirishni ham ko'zda tutardi.

➖Passport raqam orqali ID kartadagi muddatingizni quyidagi Hikorea sayti orqali ham onlayn tekshirishingiz mumkin.

👉@misterberd👈

2024 Chungcheongbuk-do Global Job Fair

충청북도 viloyatida iyun oyida chet ellik talabalar va D-10 vizadagilar uchun ish yarmarkasi bo'lib o'tadi.

Yarmarkada shu hududda joylashgan 30ga yaqin kompaniyalar ishtirok etadi va F-2-R vizasi bilan ishga olishadi. Arizalar ushbu sayt orqali 17-mayga qadar qabul qilinadi.

👉@misterberd👈

May oyidan yo'lovchilar K-pass kartasidan foydalanishlari mumkin

J.Koreyaning katta qismida amal qiluvchi K-pass kartasidan oyiga minimum 15 marta foydalanish orqali keyingi oyda 20%-53%gacha pulni hisobingizga qaytarib olishingiz mumkin. Transportga (avtobus, metro) oyiga o'rtacha 70ming won sarflaydigan yo'lovchilar bu karta orqali yiliga 170ming wondan 440ming wongacha pulni tejab qolishlari mumkin.

Bundan tashqari Incheon uchun "Incheon I-Pass" , Gyongi-do viloyati uchun "The Gyongi-do Pass", Seoul zonasi uchun alohida "Seoul Climate Card" kartalari ham chegirmalar taqdim qilmoqda.

👉@misterberd👈

Koreyada bozor kapitalizatsiyasi bo'yicha TOP-3 eng yirik kompaniyalar reytingi e'lon qilindi

TheChosun Daily nashrining xabariga ko'ra, 2024-yil may holatiga ko'ra, Koreyaning eng yirik kapitalga ega kompaniyalari quyidagilar bo'ldi:

1. Samsung Group ($518.46 mlrd)
2. SK Group ($145 mlrd)
3. LG Group ($124.4 mlrd)

👉@misterberd👈

Iyul oyidan sayoxatchilar uchun qisqa muddatli transport kartalari sotuvga chiqadi

The Climate Card (기후동행카드) transport kartasi Iyul oyidan boshlab Koreyaga tashrif buyuradigan sayyohlar uchun qisqa muddatlarga: 1, 2, 3, 5 va 7 kunlik ko'rinishda sotuvga chiqariladi. 5 kunlik kartaning to'lovi 20ming won ($15) qilib belgilanadi.

Bu hozirda Koreyada amal qilayotgan 15ming won qiymatdagi (5ming depozit puli va 500 won xizmat haqi ham qo'shilgan) 1 kunlik T-money kartasidan ancha arzon va samarali hisoblanadi.

👉@misterberd👈

Koreyada 20-may "Hamjihatlik" Kuni ("Together Day")

J.Koreyada 20-may o'zaro "Hamjihatlik" kuni bo'lib, Koreyada yashayotgan barcha koreyslar va chet elliklarni bir joyga to'plash va o'zaro do'stona muhitni shakllantirish maqsadida hukumat tomonidan tashkil qilingan va har yili o'tkazilib kelinadi.

Shu maqsadda bu yilgi 17-sonli "Hamjihatlik" kuni 20-may sanasida quyidagi manzilda tashkil qilinmoqda:

과천시민회관 3층 대극장 (경기 과천시 통영로 5)
Soat 14:00da

Joylar soni cheklangan va ishtirokchilarga marosimdan so'ng, esdalik sovg'alari beriladi. Qiziqqanlar ushbu sayt orqali ro'yxatdan o'tishlari mumkin.

👉@misterberd👈

Koreyada MBTIni bilish nimaga kerak?

MBTI (Myers-Briggs Type Indicator) - kishining xarakter va psixologiyasini aniqlab beruvchi test bo'lib, Koreyada asosan ishga kirish vaqtida yoki ishga kirgandan so'ng tez-tez so'raladigan test turi hisoblanadi. O'zingizning yoki boshqa insonning MBTI turini bilish orqali u insonning xarakteri to'g'risida boshlang'ich ma'lumotga ega bo'la olasiz.

MBTI ning 16ta turi bo'lib, har bir tur 4ta sifatlarning bosh harflari yig'indisidan iborat. Masalan, sizning MBTI ingiz agar ENTJ bo'lsa:

ENTJ - Extraversion (Chiqishuvchan), Intuition (Intuitsiya), Thinking (Fikrlash), Judgement (Tahlil qilish) - hamma bilan tez chiqishib keta oladigan va mulohazali xarakterdagi insonsiz.

Garchi MBTI ni bilish Koreyada ishga joylashishda majburiy narsa hisoblanmasa ham, boshqalarga o'z xarakteringizni bittada tushuntira olishingiz uchun yaxshi vosita. Agarda o'z MBTI ingizni aniqlamoqchi bo'lsangiz, ushbu sayt orqali tekshirishingiz mumkin.

👉@misterberd👈

Koreyada yirik savdo markazlarida savdo qilinganda parkovka uchun chegirmalar

Koreyada E-mart, Shinsegae, HomePlus va shunga o'xshagan savdo markazlariga agarda mashina bilan borib, savdo qiladigan bo'lsangiz, xariddan so'ng albatta kassirdan chekni oling. Chunki bu do'konlarda savdo qilinsa, parkovkadan ko'p hollarda bepul foydalanish mumkin.

Masalan, E-mart savdo markazida kamida 10ming won ($7.3) ga savdo qilsez, E-mart parkovkasidan (주차장) 2 soat bepul foydalana olasiz (xarid chekini stoyankadagi hisoblagichga tekkishiz kerak). 30ming wondan ortiq savdo qilsez - 3 soat bepul parkovka va hokazo.

Albatta, hamma shaharlarda bu har xil bo'lishi mumkin, shuning uchun mashinada bu kabi gipermarketlarga borishdan oldin 주차장 이용 요금 (parkovkadan foydalanish to'lovi) ni internetdan tekshirib oling.

👉@misterberd👈