JobKorea saytining Klik ilovasi

Yaqinda mashhur JobKorea ish qidiruv saytining chet elliklar uchun ishlab chiqilgan Klik ilovasi orqali ayolimga ayrim ishlarga resume yuborgan edik.

Bugun shu topshirgan ishlarimizdan biri intervyuga taklif qilib e-mail yozvorgan ekan. Demak, bu ilova ham ancha yaxshi, va ilovada chet elliklarga ishlar ancha ko'payib qolibdi. Ingliz tilida berilgan ish e'lonlari ham talaygina.

Agarda siz hali bu ilovaga ro'yxatdan o'tmagan bo'lsangiz, albatta o'tib profilingizni yaxshilab to'ldirib, ishlarga topshirishni maslahat beraman.

Ilovani o'rnatib, profilingizni to'ldirsangiz, mening taklif kodimni kiritib, 5,000 won Naver Pointga ham ega bo'lishingiz, va do'stlaringizni ham taklif qilib, oyiga shu yo'l orqali 40ming wongacha pul ham ishlashingiz mumkin (point ko'rinishida, naqd puldek amal qiladi).

Siz bu ilovadan foydalanib ko'rganmisiz?🙂

Promokod: 5EKSOY5J

👉@misterberd👈

Assalomu alaykum, hurmatli yurtdoshlar.

Bugun sizlarga bunday video bilan murojaat qilishim hayotimda birinchi marta. Rostini aytsam, bu holat haqida gapirish va yordam so‘rash menga biroz noqulay. Lekin vaziyat juda jiddiy bo‘lgani uchun sizlardan yordam so‘rashga majbur bo‘ldik.

Yaqinda birodarimiz Jahongir yo‘l-transport hodisasiga uchrab, avtobus urib ketishi oqibatida og‘ir ahvolga tushdi. Ushbu yo‘l-transport hodisasi natijasida Jahongir jiddiy tan jarohatlari oldi. Xususan, uning qo‘li, bilagi va o‘ng oyog‘i singan, jag‘ qismida esa yoriq hosil bo‘lgan. Afsuski, uning sug‘urtasi (책임보험) juda sust bo‘lib chiqqan va amalda deyarli foyda bermayapti. Hozirda unga nisbatan svetoforning qizil chirog‘idan o‘tgan, ayb 100 foiz uning zimmasida degan xulosa berilgan.

Bundan tashqari, u hodisa sodir bo‘lgan paytda milliy sug‘urta to‘lovi ham qarzdorlik sababli to‘xtatilgan ekan. Shu sababli davolanish xarajatlarining katta qismi o‘z zimmasiga tushib qoldi.

Hozirgi kunda shifoxona xarajatlari taxminan 18 million vonni tashkil qilmoqda. Shifoxona esa to‘lov masalasini tezroq hal qilishni talab qilmoqda. Jahongirning ota-onasi imkon qadar harakat qilib, taxminan 4,5 million von yuborishdi. Ammo qolgan summani (18 mln +) moliyaviy qiyinchilik sababli to‘lashga imkonlari yo‘q.

Shu sababli, imkoniyati bor yurtdoshlarimizdan oz bo‘lsa ham ehson va yordam so‘raymiz. Har bir kichik yordam ham ayni paytda juda katta ahamiyatga ega.

Ehson uchun hisob raqami:
Toss Bank: 1000-2926-8456
Hisob egasi: Makhmudov

Qo‘shimcha ma’lumot yoki savollar uchun:
Tel: 010-2232-7033

Agar kimdir ushbu holatni tushunib, shifoxona xarajatlari bo‘yicha chegirma yoki boshqa amaliy yordam ko‘rsatishga ko‘maklasha olsa, bundan ham juda minnatdor bo‘lamiz.

Ehson qila olmasangiz ham, iltimos, ushbu videoni ulashib yuboring. Balki sizning birgina ulashuvingiz orqali bu murojaat ko‘proq insonlarga yetib borar va Jahongirga yordam topilishiga sabab bo‘lar.

Oldindan barchangizga chin qalbimizdan rahmat.
Alloh qilgan ehsonlaringizni va yaxshiliklaringizni o‘z dargohida qabul qilsin.

Manzil: DAEJEON

둔산서로 95 대전을지대학교병원

#ehson #koreya #koreya_yangiliklari #yordam #exson

#KoreyaYangiliklari

Janubiy Koreya hukumati Yaqin Sharqdagi mojarolar sabab yashash xarajatlari oshganini kamaytirish maqsadida aholining 70 foiziga naqd pul yordam berishni rejalashtirmoqda. Har bir shaxsga 100 ming vondan 600 ming vongacha (taxminan 68–405 dollar) mablag‘ beriladi.

Yordam avvalo kam ta’minlangan qatlamlarga beriladi, so‘ngra qolgan aholiga maydan iyulgacha bosqichma-bosqich tarqatiladi.

Muhim jihati shundaki, bu safar ayrim chet elliklar ham yordam olish huquqiga ega. Buning uchun ular Koreyada rasmiy ro‘yxatdan o‘tgan bo‘lishi va Milliy sog‘liqni sug‘urta tizimida ishtirok etishi kerak.

Quyidagi vizaga ega bo‘lganlar ham ushbu yordamdan foydalanishi mumkin:

F-5, F-6, F-2-4

To‘lov miqdori yashash hududiga qarab farq qiladi va poytaxtdan tashqarida yashovchilar ko‘proq mablag‘ oladi.

Hukumat ushbu dastur orqali energiya narxlari va inflyatsiya bosimini kamaytirishni maqsad qilgan. Umumiy qo‘shimcha budjet hajmi 26,2 trillion vonni tashkil etadi.


Manba:

Koreyada Sog'liq sug'urtasi (건강보험) yilda bir marta bo'lsa ham 스케일링 (Stomotologiyada tishlarni tozalash xizmati) uchun 혜택 (imtiyoz) bergani yaxshi-da. Bo'masa 50-60ming won to'lashimizga to'gri kelardi. Kofe tez-tez ichganimgami (ichganda ham sekin ichib) tishlarim odatta tez sarg'ayishni boshlaydi.

🎯Bilmaganlar uchun: Agarda 건강보험ga ulangan bo'lsangiz, har yili 1 marta o'rtacha 16-18ming won evaziga 스케일링 xizmatidan foydalanishingiz mumkin.

@misterberd

Bu suhbatdan o'zimga juda ko'p foydali xulosalar olganim uchun sizlarga ham manfaatli bo'ladi degan umidda ulashyapman.

Ayniqsa, "inson qilgan ishni men ham qila olaman" deb emas, "inson qila olmaydigan ishni men qilaman" degan gap juda ta'sirli chiqibdi.

https://youtu.be/m3gGAWqQ-kk?si=fdb29diA6UXzkEno

✌️Hozirda Seul shahrida yashayotganimga 2ta farzandim ham uyimiz atrofidagi davlat bog'chasi (국립어린이집) ga borishadi.

Agarda sizga biz bog'cha uchun oyiga qancha to'layotganimiz qiziq bo'lsa, bugun Youtubega yuklagan videoim aynan shu haqida.

Agar sizning ham farzandlaringiz Koreyada bog'chaga borishsa, sizlar qaysi shaharda oyiga qancha to'lov qilyapsizlar? Bog'cha direktori chegirma ham qilib berganmi?

Ko'pchilikka qiziq bo'lishi mumkin🙂

@misterberd

#KoreaNews

2026 GLOBAL TALENT FAIR — ISHGA QABUL YARMARKASI
Karerangizni global miqyosga olib chiqing!

📅 Sana: 2026-yil 1-2-iyun
📍 Manzil: Seoul COEX — B zal
•Chet ellik talabalar ham ishtirok eta oladi!

🏢 Pavilonlar:
• Xorijiy investitsiya kompaniyalari paviloni
• Xorijiy kompaniyalarda ishlash paviloni
• Chet ellik talabalar uchun maxsus pavilon

~Asosiy dastur:
• 1 ga 1 suhbat va karyera maslahati
• Rezyume va intervyu bo’yicha konsultatsiya va mock intervyu
• Kompaniya taqdimotlari va maxsus ma’ruzalar
• Tajribali ishchilar bilan mentoring

🔗 Ro’yxatdan o’tish: https://m.site.naver.com/21IqH

Instagram | Telegram | YouTube | Facebook

🔗Navbatdagi yurtdoshimizga Koreya bojxona kodini olib berishda yordam berdim.

Agar sizlarga ham Koreya bojxona kodi kerak bo'ladigan bo'lsa murojaat qilishlaringiz mumkin. Bu haqida Instagram kanalimda bir necha yil oldin video qo'llanma yuklagan edim, o'zingiz mustaqil qilsangiz ham bo'ladi, albatta.

Mabodo qila olmasangiz, bemalol aloqaga chiqavering. Xizmat pullik (ketadigan vaqtim uchun).

🎯Eslatib o'taman, chet eldan mahsulot (Coupang, AliExpress) buyurtma qilishizda P dan boshlanuvchi bojxona kodi so'raladi, odatta.

Sizdan kerak bo'ladi:
1. ID kartangiz bo'yicha to'liq ism-sharifingiz
2. Koreyadagi to'liq manzilingiz
3. E-mail
4. ID kartaga olingan telefon raqam

(Ma'lumotlaringiz darhol o'chirib tashlanishi kafolatlanadi).

@botadminmisterberd_bot

@misterberd

Seul metrosida endi bo‘sh joy topish uchun ham ilova chiqdi.

Koreyada bir dasturchi 저 내려요 (keyingi bekatda tushaman) degan ilova yaratdi. Unda metrodan tushadigan odamlar o‘tirgan joyi haqida oldindan ma’lumot qoldiradi.

Masalan:
- qaysi liniyada ketayotgani,
- qaysi vagonda o‘tirgani,
- qaysi bekatda tushishi

kabi ma’lumotlarni yozadi. Shu orqali boshqa yo‘lovchilar bo‘shaydigan joyni oldindan bilib, o‘sha tomonga yurishi mumkin bo‘ladi.

Ilova ayniqsa uzoq vaqt tik turib qatnaydigan odamlar va homilador ayollar orasida mashhur bo‘lib ketgan.

Oradan ikki hafta ham o‘tmay, ilovadan 37 mingga yaqin odam foydalangan.

Ba’zilar bu g‘oyani “koreyscha tartib va bir-biriga yordam berish madaniyati” deb maqtamoqda. Boshqalar esa odamlar doim ham to‘g‘ri ma’lumot kiritmasligi yoki bunga vaqt ajratmasligini aytib, ilovaning uzoq muddat ishlashiga shubha qilmoqda.

Shoshilinch yordam kerak!

Bir vatandoshimiz hozirda 중앙대학교광명병원 shifoxonasida. Chaqaloq muddatidan oldin tug‘ilgan va hozir onaga zudlik bilan qon kerak bo‘lyapti.

🩸 Kerakli qon guruhi: AB- (4 manfiy)

Kim yordam bera olsa yoki qon topshira olsa, iltimos bog‘laning.

📞 Aloqa uchun: 010-2301-7709
👤 Ism: OYATULLO

Talablari:
1.Koreyaga kelgani 1 yildan oshgan bo'lishi kerak.
2. Oxirgi 1yilda 90 kundan oshiq Koreyadan tashqarida bo'lmagan bo'lishi kerak.
3. Pasport yoki aydi kartasi oldida bo'lishi kerak.
Iltimos, ushbu postni tarqatib yuboring. Sizning yordamingiz juda muhim.

Barchangizga Qurbon Hayit muborak bo'lsin!

Agar yaqin orada yangi kompaniyaga ishga o‘tayotgan bo‘lsangiz, birinchi kunlarda sizni noqulay vaziyatlardan asraydigan kichik maslahatlar.

Yangi ish joyida hamma narsa yangi bo‘ladi. Odamlar, muhit, ofis tartibi, ichki tizimlar, hatto oddiy kundalik jarayonlar ham. Ko‘pchilik yangi ishga kirganda faqat vazifalarini o‘rganishga e’tibor beradi. Aslida esa birinchi kunlarda quyidagi mayda narsalarni bilib olish ham juda muhim.

1. Ishga biroz ertaroq boring
Birinchi kunlarda yo‘l, transport, ofisga kirish, lift, turniket kabi narsalar vaqt olishi mumkin. Shuning uchun 20-30 daqiqa oldinroq yetib borish foydali.

2. Salomlashishni unutmang
Yangi jamoaga kirib borayotganingizda eng muhim narsalardan biri yaxshi taassurot qoldirish.
Faqat o‘z jamoangiz bilan emas, boshqa bo‘limdagi insonlar bilan ham yo'lda ko'rishsangiz salomlashing. Imkon bo‘lsa, eng kerakli odamlarning ismini eslab qolishga harakat qiling. Keraklilarini ismini yozib qo'ying.

3. Jamoa va tashkilot tuzilmasini o‘rganing
Kim qaysi bo‘limda ishlaydi?
Kim sizning bevosita rahbaringiz?
Kim bilan ko‘proq ishlaysiz?
Qaysi odam qaysi masala bo‘yicha javobgar?

Bularni bilib olish ish jarayonida juda asqotadi. Albatta bularni barchasini birinchi kundanoq bilish qiyin.

4. Ofis ichidagi joylarni o‘rganib oling
Bu mayda narsadek ko‘rinadi, lekin birinchi kunlarda juda kerak bo‘ladi:

Oshxona yoki dam olish xonasi qayerda?
Suv, choy, kofe qayerdan olinadi?
Kofe mashina qanday ishlaydi?
Tushlikni qayerda qilish mumkin?
Printer qayerda va qanday ishlatiladi?
Wi-Fi paroli qayerdan olinadi?

Shu narsalarni oldindan bilib olish o‘zingizni yangi joyda ancha erkin his qilishingizga yordam beradi.

5. Meeting room va ichki tartiblarni bilib oling
Yangi ish joyida majlis xonalari ham muhim bo‘lishi mumkin.
Masalan bizni kompaniyamizda 6 ta meeting room bor. Hozirgacha ba'zilariga adashaman.

Qaysi meeting room qayerda joylashgan?
Ularni qanday band qilish kerak?
Qaysi xona kichik uchrashuvlar uchun, qaysi biri katta yig‘ilishlar uchun?

6. Ichki tizimlarni o‘rganing
Har bir kompaniyaning o‘ziga yarasha tartibi bo‘ladi.

Ichki chat qaysi platformada yuritiladi?
Email imzosi qanday bo‘lishi kerak?
Hujjatlar qayerga yuklanadi?
Tasklar qaysi platformada beriladi?

Bular bir qarashda kichik narsalar, lekin ish jarayonida juda ko‘p vaqtni tejaydi.

7. Ko‘p savol bering
Yangi odamning hamma narsani bilmasligi tabiiy. Shuning uchun so‘rashdan uyalmang.
Savol berish bilimsizlik belgisi emas. Aksincha, ishni to‘g‘ri qilishga bo‘lgan mas’uliyat belgisidir.

Yangi ish joyida professional ko‘rinish faqat ishni yaxshi bilish bilan emas, balki muhitga tez moslashish bilan ham bog‘liq. Professional bo‘lish hamma narsani oldindan bilish emas, bilmagan narsani vaqtida so‘rash va tez o‘rganishdir.

@azik 🇺🇿🧑🏻‍💻

Argentina-Shveysariya o'yinini Koreyadan turib onlayn tomosha qilayotganlar bormi?

Qanday ko'ryapsizlar? Linki bo'lsa, ulashib qo'yinglar.

Hozir hisob 1-1 ekan..

Argentina-Shveysariya 3:1 hisobida yakun topdi va Argentina endi yarim finalda Angliyaga qarshi bahs olib boradi.

Yarim finalning keyingi juftlik bahsi esa Fransiya va Ispaniya o'rtasida kechadi.

Nima deb o'ylaysiz, 2022-yilgi JChda bo'lgani kabi yana Argentina va Fransiyani finalda ko'ramizmikan? Bu safargi Fransiyani lekin to'xtatish qiyin ko'rinadi..