⚡️ my.gov.uz orqali sug‘urta xizmatlarini onlayn rasmiylashtirish mumkin

🌐 Yagona interaktiv davlat xizmatlari portali — my.gov.uz orqali aholi va tadbirkorlar uchun sug‘urta xizmatlarini masofadan turib rasmiylashtirish imkoniyati yaratilgan.

📌 Portal foydalanuvchilari quyidagi sug‘urta xizmatlaridan onlayn foydalanishi mumkin:
- majburiy avtotransport vositalari egalarining fuqarolik javobgarligini sug‘urtalash;
- tashuvchining fuqarolik javobgarligini majburiy sug‘urta qilish;
- sportchilarni sug‘urtalash;
- gaz uskunasi o‘rnatilgan transport vositalarini sug‘urtalash;
- ko‘chmas mulkni sug‘urtalash;
- ixtiyoriy tibbiy sug‘urtani rasmiylashtirish;
- hujjatlarni sug‘urtalash.

🌐 Mazkur xizmatlar orqali sug‘urta polisini bir necha daqiqa ichida onlayn rasmiylashtirish mumkin. Tizim zarur ma’lumotlarni avtomatik shakllantiradi, polis elektron ko‘rinishda taqdim etiladi hamda barcha jarayonlarni masofadan turib amalga oshirish imkonini beradi.

🌐 Shuningdek, foydalanuvchilar xizmatlardan kunning istalgan vaqtida foydalanishi, to‘lovlarni onlayn amalga oshirishi va ariza holatini kuzatib borishi mumkin.

❗️ Eslatma: sug‘urta xizmatining qiymati tanlangan sug‘urta turi hamda sug‘urta qoplamasi miqdoriga qarab tizim tomonidan avtomatik hisoblab chiqiladi.

Sug‘urta xizmatlaridan foydalanish uchun my.gov.uz portaliga kirib, tegishli xizmatni tanlash kifoya.

Telegram | Facebook | Instagram | Youtube | LinkedIn | X

🇺🇿🇺🇿🇺🇿🇺🇿🇺🇿🇺🇿

#Mustaqillik35 #Uzb35

Yagona Vatan, yagona xalq boʻlib, yangi hayot va kelajak yaratamiz!

🇺🇿 O‘zbekiston Respublikasi mustaqilligining 🇺🇿 yilligi munosabati bilan mamlakatimiz raqamli taraqqiyotiga hissa qo‘shayotgan xalqaro hamkorlar va ekspertlar o‘z tabriklari hamda ezgu tilaklarini bildirmoqda.

Ushbu videoda Raqamli texnologiyalar vaziri maslahatchisi, AKT sohasida 40 yildan ortiq tajribaga ega yaponiyalik ekspert Akihiro Sakurai O‘zbekistonning mustaqillik bayrami munosabati bilan samimiy tabriklarini yo‘llaydi hamda mamlakatimizning so‘nggi yillardagi raqamli transformatsiyasi haqida o‘z fikrlari bilan o‘rtoqlashadi.

Akihiro Sakurai O‘zbekistonda raqamli infratuzilma, AT-ta’lim, raqamli hukumat va eksportga yo‘naltirilgan AT sanoati jadal rivojlanayotganini alohida e’tirof etdi. Shuningdek, u O‘zbekiston va Yaponiya o‘rtasidagi hamkorlikning yangi bosqichga ko‘tarilgani, yapon AT-kompaniyalari investitsiyalari, o‘yin sanoatidagi qo‘shma loyihalar hamda o‘zbek yoshlarining salohiyatiga yuksak baho berdi.

Ekspertning fikricha, O‘zbekiston "Raqamli O‘zbekiston – 2030" strategiyasi doirasida porloq raqamli kelajak sari dadil odimlamoqda. U o‘zining ko‘p yillik tajribasi va bilimlarini o‘zbek yoshlariga ulashish, ularning salohiyatini ro‘yobga chiqarishga hissa qo‘shishni o‘zining muhim maqsadi sifatida qayd etadi.

Akihiro Sakuraining O‘zbekistonning raqamli taraqqiyoti, O‘zbekiston–Yaponiya hamkorligi va yoshlar salohiyati haqidagi fikrlari bilan batafsil quyidagi video orqali tanishishingiz mumkin.

🔥https://youtu.be/P-tFnq_HL3M

Telegram | Facebook | Instagram | Youtube | LinkedIn | X

☄️ IT Park Uzbekistan HICOOL 2026 xalqaro sammiti uchun startaplar arizalarini qabul qilmoqda

➡️ IT Park Uzbekistan Xitoyning Pekin shahrida bo‘lib o‘tadigan HICOOL 2026 Global Entrepreneur Summit xalqaro sammitida ishtirok etish uchun O‘zbekiston startap delegatsiyasini shakllantirmoqda.

Saralashdan o‘tgan startaplar O‘zbekiston milliy pavilyonida o‘z stendiga ega bo‘lish, sammit doirasida investorlarga o‘z loyihalarini taqdim etish (pitch), ochilish hamda taqdirlash marosimlarida ishtirok etish, shuningdek, Pekin bo‘ylab tashkil etiladigan tanishuv dasturida qatnashish imkoniyatiga ega bo‘ladi.

❗️ Tanlovda Xitoy va Osiyo bozorlariga chiqishni rejalashtirayotgan IT Park rezident startaplari, sun’iy intellekt va robototexnika, dasturiy ta’minot va AT, IoT va aqlli shaharlar, chiplar va kvant texnologiyalari, FinTech, BioTech, MedTech hamda AgriTech yo‘nalishlarida faoliyat yurituvchi jamoalar ishtirok etishi mumkin.

Nomzod kompaniyalar mahsulotining ingliz tilidagi versiyasiga ega bo‘lishi, jonli demo namoyish etishga tayyorligi hamda taqdimotni asoschi (founder) yoki C-level rahbar amalga oshirishi talab etiladi.

HICOOL 2026 doirasida 70 dan ortiq tadbir o‘tkazilishi rejalashtirilgan bo‘lib, ularda 50 ta mamlakatdan 600 ta eksponent, 1 000 dan ortiq investor, 300 ta yetakchi kompaniya va 50 mingdan ziyod tadbirkor ishtirok etishi kutilmoqda.

Tadbir 2026-yil 26–29-avgust kunlari Pekin shahrida bo‘lib o‘tadi. Arizalar 10-avgustga qadar qabul qilinadi.

🔗 Hoziroq ro‘yxatdan o‘ting!

Eslatma: safar va yashash bilan bog‘liq xarajatlar ishtirokchi kompaniyalar tomonidan qoplanadi.

Startaplar StartupBase.uz platformasi orqali ro‘yxatdan o‘tib, tanlovda ishtirok etish uchun ariza topshirishlari mumkin.

Telegram | Facebook | Instagram | Youtube | LinkedIn | X

🎓 O‘zbekiston terma jamoasi IOI 2026 xalqaro informatika olimpiadasida ishtirok etadi

⚡️ 9–16-avgust kunlari Toshkent shahrida 38-Xalqaro informatika olimpiadasi (IOI 2026) bo‘lib o‘tadi. Mazkur nufuzli musobaqa ilk bor O‘zbekistonda tashkil etilmoqda.

Olimpiadada 97 dan ortiq davlatdan 745 nafar ishtirokchi qatnashishi rejalashtirilgan. O‘zbekiston sharafini esa milliy saralash bosqichi yakunlariga ko‘ra shakllantirilgan 8 nafar o‘quvchidan iborat 2 ta terma jamoa himoya qiladi.

1-terma jamoa:
🔵 Jahongirshoh Avazxonov — Namangan Prezident maktabi, 10-sinf;
🔵 Timur Kadirbergenov — Nukus Prezident maktabi, 11-sinf;
🔵 Jaxonali Xaydaraliyev — Muhammad al-Xorazmiy nomidagi ixtisoslashtirilgan maktab, 9-sinf;
🔵 Ulug‘bek Rahmatullayev — Namangan Prezident maktabi, 11-sinf.

2-terma jamoa:
🔵Sardor Salimov — Navoiy Prezident maktabi, 10-sinf;
🔵 Humoyun Abduraupov — Muhammad al-Xorazmiy nomidagi ixtisoslashtirilgan maktab, 8-sinf;
🔵 Ulug‘bek Kamalov — Vestminster akademik litseyi, 2-bosqich;
🔵 Ravshan Rahmiddinov — Toshkent axborot texnologiyalari universiteti akademik litseyi, 1-bosqich.

Terma jamoa a’zolari 2025-yil noyabr oyidan buyon Qozog‘iston, Polsha va Ruminiyadan jalb etilgan xalqaro ekspertlar ishtirokida 8 ta o‘quv yig‘inida qatnashdi. Shuningdek, ular Ruminiya va Qozog‘istonda tashkil etilgan xalqaro sport dasturlash oromgohlarida malaka va tajriba almashdi.

🗓 Raqamli texnologiyalar vazirligi O‘zbekiston terma jamoasiga IOI 2026 xalqaro informatika olimpiadasida muvaffaqiyat va yuqori natijalar tilaydi.

Telegram | Facebook | Instagram | Youtube | LinkedIn | X

☄️ Endi my.gov.uz orqali talabalar turar joyiga joylashish va vaqtincha ro‘yxatdan o‘tish mumkin

⚡️ 1-avgustdan boshlab oliy ta’lim muassasalari talabalarining talabalar turar joyiga (TTJ) joylashishi uchun arizalar qabuli boshlanadi.

🌐 Joriy yildan boshlab Yagona interaktiv davlat xizmatlari portali — my.gov.uz orqali talabalar turar joyiga joylashish va turgan joyi bo‘yicha vaqtincha ro‘yxatdan o‘tish xizmatlari yagona kompozit xizmat shaklida taqdim etilmoqda.

➡️ Mazkur yangilik natijasida talabalar yotoqxonaga joylashgandan so‘ng vaqtincha ro‘yxatdan o‘tish uchun alohida murojaat qilish yoki qo‘shimcha hujjatlar taqdim etish zaruratidan xalos bo‘ladi.

➡️ Ariza topshirish uchun my.gov.uz portalidagi "Talabalar turar joyiga joylashish uchun ariza yuborish" xizmatini tanlab, so‘ralgan ma’lumotlarni kiritish kifoya.

📌 Ariza ko‘rib chiqilgach, talabaga elektron shartnoma va yo‘llanma taqdim etiladi. Shartnomada belgilangan to‘lov amalga oshirilgandan so‘ng kompozit xizmat avtomatik ishga tushadi hamda turgan joyi bo‘yicha vaqtincha ro‘yxatdan o‘tish uchun to‘lov shakllantiriladi.

🌐 Ro‘yxatdan o‘tish to‘lovi amalga oshirilgach, foydalanuvchiga turgan joyi bo‘yicha ro‘yxatga olinganligini tasdiqlovchi qayd varag‘i elektron shaklda taqdim etiladi.

❗️ Eslatma: turgan joyi bo‘yicha vaqtincha ro‘yxatga olish muddati to‘lov amalga oshirilgan kundan boshlab shartnomada ko‘rsatilgan muddat davomida amal qiladi.

Bitta murojaat — ikki natija! my.gov.uz orqali vaqtingizni tejang.

Telegram | Facebook | Instagram | Youtube | LinkedIn | X

🏆 Xalqaro informatika olimpiadasi O‘zbekistonda! Keling, milliy terma jamoamizni birgalikda qo‘llab-quvvatlaylik!

🏆 9–16-avgust kunlari Toshkent shahri tarixda ilk bor 38-Xalqaro informatika olimpiadasi (IOI 2026) ga mezbonlik qiladi. Ushbu nufuzli musobaqada dunyoning eng iqtidorli yosh dasturchilari qatorida O‘zbekiston terma jamoasi ham yurtimiz sharafini himoya qiladi.

💻 Milliy saralash bosqichlaridan muvaffaqiyatli o‘tgan o‘quvchilar oylar davomida xalqaro ekspertlar ishtirokidagi mashg‘ulotlarda tayyorgarlik ko‘rdi va endi dunyoning eng kuchli ishtirokchilari bilan bilim va mahoratda bellashishga tayyor.

🇺🇿 Bugun ular nafaqat o‘z maktablari, balki butun O‘zbekiston nomidan maydonga chiqmoqda.

Keling, yoshlarimizni birgalikda qo‘llab-quvvatlaylik va ularga omad tilaylik!

Videoda IOI 2026da yurtimiz sharafini himoya qiluvchi O‘zbekiston terma jamoasi a’zolari bilan tanishing.

📲 IOI 2026 haqidagi yangiliklarni @xalqaro_it_olimpiada rasmiy Telegram kanali orqali kuzatib boring.

Telegram | Facebook | Instagram | Youtube | LinkedIn | X

💻 Sun’iy intellekt alyansi 2026-yil birinchi yarim yillik faoliyati yakunlarini sarhisob qildi

2026-yilning birinchi yarmida Sun’iy intellekt alyansi tomonidan mamlakatda sun’iy intellekt ekotizimini rivojlantirish, xalqaro hamkorlikni kengaytirish hamda yoshlarni qo‘llab-quvvatlash yo‘nalishlarida qator loyihalar amalga oshirildi.

👥 Alyans tarkibi kengaymoqda
Bugungi kunga qadar Alyans safiga 40 ta tashkilot qo‘shildi. Ularning 45 foizini xususiy sektor vakillari, 35 foizini oliy ta’lim va ilmiy muassasalar, 20 foizini esa davlat tashkilotlari tashkil etadi. Mazkur hamkorlik formati sun’iy intellektni rivojlantirishda davlat, biznes va ilmiy hamjamiyat o‘rtasidagi hamkorlikni mustahkamlashga xizmat qilmoqda.

🧠 Alyans tashabbusi bilan tashkil etilgan "National AI Hackathon" loyihasi doirasida respublikaning 8 ta hududida 3 ming nafar iqtidorli yosh qamrab olindi.
Loyiha ishtirokchilari tomonidan ijtimoiy va iqtisodiy muammolarga yechim taklif etuvchi 120 ta Boshlang‘ich mahsulot prototipi (MVP) ishlab chiqildi. G‘olib jamoalarni qo‘llab-quvvatlash maqsadida 2 milliard so‘mlik mukofot jamg‘armasi ajratildi.

Shuningdek, loyiha tajribasi qator xalqaro tadbirlarda taqdim etilib, xorijiy ekspertlar tomonidan e’tirof etildi.

⌨️ "5 Million AI Leaders" loyihasi doirasida 600 nafar iqtidorli yosh zamonaviy texnik vositalar bilan ta’minlandi, 200 nafar faol ishtirokchi uchun dunyoning yetakchi onlayn ta’lim platformalarida tahsil olish imkoniyati yaratildi.

Bundan tashqari, hududlarda sun’iy intellekt yo‘nalishida yoshlarni tayyorlashga hissa qo‘shayotgan 10 nafar informatika fani o‘qituvchisi Xitoyning yetakchi texnologik kompaniyalarida malaka oshirish dasturlarida ishtirok etdi.

🌎 Xalqaro hamkorlik
BMTning Xalqaro elektraloqa ittifoqi (ITU) bilan hamkorlikda "AI Sandbox Uzbekistan" loyihasi ishga tushirildi. Loyiha doirasida sun’iy intellekt va mashinali o‘qitish (AI/ML) bo‘yicha xalqaro ekspertlar ishtirokidagi treninglar tashkil etildi.

Shuningdek, 60 dan ortiq sohaviy datasetlardan hamda xalqaro GPU resurslaridan foydalanish imkoniyati yaratildi.
Alyans AI Alliance Network xalqaro tarmog‘iga a’zo bo‘ldi. Bu esa 24 ta davlat va 32 dan ortiq xalqaro tashkilot bilan hamkorlikni rivojlantirish imkonini berdi.

Xalqaro maydonlarda taqdimotlar
2026-yilning birinchi yarmida O‘zbekistonda sun’iy intellekt sohasida amalga oshirilayotgan islohotlar quyidagi nufuzli xalqaro tadbirlarda taqdim etildi:
- AI Impact Summit (Nyu-Dehli);
- GITEX AI Kazakhstan 2026 (Olmaota);
- KEY TECH AI Summit 2026 (Toshkent);
- Huawei Digital Week (Toshkent);
- AI Standardization Roundtable;
- AI for Good Global Summit (Jeneva).

Mazkur natijalar O‘zbekistonda sun’iy intellekt ekotizimini rivojlantirish, xalqaro hamkorlikni kengaytirish hamda sohada malakali kadrlarni tayyorlash borasida amalga oshirilayotgan ishlarning izchil davom etayotganini ko‘rsatmoqda.

Telegram | Facebook | Instagram | Youtube | LinkedIn | X

👉TATU 2026/2027-o‘quv yili uchun qabulni davom ettirmoqda

⚡️ Muhammad al-Xorazmiy nomidagi Toshkent axborot texnologiyalari universiteti 2026/2027-o‘quv yili uchun abituriyentlardan hujjatlar qabul qilishni davom ettirmoqda.

🎓 Abituriyentlar quyidagi ta’lim shakllari bo‘yicha hujjat topshirishlari mumkin:
🟢 Kunduzgi ta’lim
🟢 Masofaviy ta’lim
🟢 Magistratura
🟢 Ikkinchi va undan keyingi oliy ta’lim

📌 Davlat test sinovlari natijalari asosida zamonaviy axborot texnologiyalari va raqamli yo‘nalishlarda tahsil olish imkoniyati mavjud.

🏫 1–8-avgust kunlari universitetda "Open Days" (Ochiq eshiklar kunlari) tashkil etiladi.

Tashrif davomida abituriyentlar:
🟢 ta’lim yo‘nalishlari bo‘yicha mutaxassislardan maslahat olishi;
🟢 zamonaviy o‘quv binolari, laboratoriyalar va infratuzilma bilan tanishishi;
🟢 o‘ziga mos ta’lim yo‘nalishini tanlashi mumkin.

🌐 Davlat test sinovlarida ishtirok etmagan yoki kutilgan natijaga erisha olmaganlar uchun ham xalqaro ta’lim dasturi mavjud.

🇺🇿🇰🇷 Janubiy Koreyaning Kookmin universiteti bilan hamkorlikdagi Double Degree dasturi orqali talabalar 3+1 yoki 4+0 modeli asosida tahsil olib, TATU hamda Kookmin University diplomlariga ega bo‘lishlari mumkin.

📌 Xalqaro dastur IT va Business IT yo‘nalishlarini qamrab oladi hamda bitiruvchilarga xalqaro mehnat bozorida keng imkoniyatlar yaratadi.

🔗 Batafsil ma’lumot va hujjat topshirish: apply.tuit.uz

📞 Murojaat uchun: +998 55 055 42 42

Telegram | Facebook | Instagram | Youtube | LinkedIn | X

🚆 Avgust oyining birinchi yakshanbasi — O‘zbekiston Respublikasi temir yo‘l transporti xodimlari kuni

🟢 Bugun, 2-avgust, mamlakatimizda O‘zbekiston Respublikasi temir yo‘l transporti xodimlari kuni nishonlanmoqda. Ushbu kasb bayrami har yili avgust oyining birinchi yakshanbasida nishonlanadi. Mazkur sana temir yo‘l tizimida fidokorona mehnat qilayotgan xodimlar hamda ko‘p yillik samarali faoliyati bilan soha rivojiga munosib hissa qo‘shgan mehnat faxriylarini e’tirof etish va ularga hurmat bajo keltirish kunidir.

⭐️ Temir yo‘l transporti mamlakat iqtisodiyoti va transport tizimining muhim tayanchlaridan biri bo‘lib, hududlarni o‘zaro bog‘lash, yo‘lovchi va yuk tashishni ta’minlash, logistika infratuzilmasini rivojlantirish hamda xalqaro transport yo‘laklarini kengaytirishda muhim o‘rin tutadi.

💼 So‘nggi yillarda sohada zamonaviy infratuzilmani rivojlantirish, raqamli texnologiyalarni joriy etish, xizmatlar sifatini oshirish va transport tizimi samaradorligini yuksaltirish bo‘yicha izchil islohotlar amalga oshirilmoqda. Bu esa mamlakatning transport-logistika salohiyatini mustahkamlashga hamda aholiga ko‘rsatilayotgan xizmatlar sifatini yanada oshirishga xizmat qilmoqda.

➡️ Kasb bayrami munosabati bilan temir yo‘l transporti sohasining barcha xodimlari va mehnat faxriylarini samimiy muborakbod etamiz. Ularning mamlakat ravnaqi yo‘lidagi mas’uliyatli va fidokorona mehnatini yuksak qadrlaymiz hamda barchalariga mustahkam sog‘liq, oilaviy baxt, farovonlik va yangi zafarlar tilaymiz.

Telegram | Facebook | Instagram | Youtube | LinkedIn | X

Raqamli texnologiyalar sohasida faoliyat yuritasizmi? Endi ish faoliyatingizni to'xtatmasdan xalqaro magistratura darajasini qo'lga kiriting!

Toshkent shahridagi xalqaro Amity universiteti magistratura dasturida:

• Darslar dam olish kunlari — haftasiga atigi 2 kun

• 2 yil ichida xalqaro diplom

• Ish faoliyatingizga xalaqit bermaydigan qulay ta'lim formati

• IELTS 5.5+ bo'lsa — imtihonsiz, faqat suhbat

• IELTS bo'lmasa — ichki imtihon orqali qabul

• Vazirlik tizimidagi tashkilotlar xodimlari uchun kontrakt to'loviga 25% maxsus chegirma

📌Chegirmali o'rinlar soni cheklangan.

Ariza qoldirish uchun videodagi yoki profilimizdagi havola orqali ro'yxatdan o'ting.

📲 Aloqa uchun: 71 207 9006
🌐 Batafsil ma'lumot olish va roʻyxatdan o’tish uchun: http://amity.uz
✅ @amity_admission_bot

Telegram | Facebook | Instagram | Youtube | LinkedIn | X

⚡️ Samarkand-2028 giperspektral sun’iy yo‘ldoshi 5-avgust kuni orbitaga uchiriladi

🚀 5-avgust kuni STAR.VISION kompaniyasi tomonidan Xitoyning Shandun provinsiyasi qirg‘oqlari yaqinidagi dengiz start platformasidan Samarkand-2028 va Lampung-1 giperspektral sun’iy yo‘ldoshlari uchiriladi.

⭐️ So‘nggi yillarda Prezidentimiz rahbarligida milliy kosmik texnologiyalarni rivojlantirish, sun’iy yo‘ldosh dasturlarini kengaytirish hamda xalqaro kosmik hamkorlikni mustahkamlashga alohida e’tibor qaratilmoqda. Samarkand-2028 missiyasi ana shu siyosatning amaliy natijalaridan biri bo‘lib, O‘zbekistonning kosmik texnologiyalar va sun’iy intellekt yo‘nalishidagi salohiyatini xalqaro maydonda namoyon etuvchi muhim bosqich hisoblanadi.

🛰 Samarkand-2028 sun’iy yo‘ldoshi "O‘zbekkosmos" agentligi va STAR.VISION kompaniyasi o‘rtasida imzolangan strategik memorandum doirasidagi hamkorlikning amaliy natijasidir. Memorandumga muvofiq, Xitoy tomonidan fazoga uchiriladigan mazkur giperspektral sun’iy yo‘ldoshga "Samarkand-2028" nomi berildi. Bu nom Avstraliyaning Sidney shahrida bo‘lib o‘tgan Xalqaro astronavtika kongressida (IAC) 2028-yilgi kongressni Samarqand shahrida o‘tkazish to‘g‘risida qabul qilingan qaror sharafiga tanlangan.

🌍 Loyiha doirasida "O‘zbekkosmos" agentligi mutaxassislari tomonidan sun’iy yo‘ldosh borti uchun maxsus sun’iy intellekt moduli ishlab chiqildi. Mazkur modul giperspektral ma’lumotlarni bevosita orbitaning o‘zida qayta ishlash imkonini berib, Yer yuzasini masofadan zondlash samaradorligini sezilarli darajada oshiradi. Olingan ma’lumotlardan qishloq xo‘jaligi, ekologiya, tabiiy resurslarni monitoring qilish va boshqa yo‘nalishlarda foydalanish rejalashtirilgan.

🚀 Ayni paytda raketa start kemasi bortiga joylashtirilgan bo‘lib, uchirish hududi tomon yo‘l olgan. Barcha tayyorgarlik ishlari belgilangan reja asosida davom etmoqda.

На русском
In English

Telegram | Facebook | Instagram | Youtube | LinkedIn | X

🟥🟥🟥

Vazirlik stipendiyasi gʻolibi boʻling va 22 mln soʻmgacha stipendiyani qoʻlga kiriting!

⚜️Raqamli texnologiyalar vazirligi stipendiyasiga TATU, Inha, Amity va Cyber universiteti talabalari hamda TATU qoshidagi akademik litsey o‘quvchilari ariza topshirishlari mumkin.

✅Raqamli texnologiyalar vazirligi tomonidan joriy yilning 23-avgust (soat 23:59 gacha) sanasiga qadar Vazirlik stipendiyasi tanloviga hujjatlar qabul qilinadi.

➡️Ariza qoldirish uchun havola.

✅Eslatib o‘tamiz, belgilangan ko‘rsatkichlardan yuqori ballni qo‘lga kiritib, stipendiya g‘olibi bo‘lgan talabalar 2,2 mln so‘mdan (BHMning 5,0 barobari) 10 oy davomida jami 22 mln so'm, akademik litsey o‘quvchilari esa 880 ming so‘mdan (BHMning 2,0 barobari) 10 oy davomida jami 8,8 mln so‘m stipendiyaga ega bo‘ladilar.

✅ Shuningdek, tanlov g‘oliblari moddiy rag‘batlantirish bilan bir qatorda, respublika miqyosidagi nufuzli ta'lim loyihalari va tashabbuslarida faol qatnashishlari uchun vazirlik tomonidan yaqindan qo‘llab-quvvatlanadi.

❗️Imkoniyatni qoʻldan boy bermang, hoziroq ariza qoldiring!

Telegram | Facebook | Instagram | Youtube | LinkedIn | X

🌌 Oʻzbekistonda ilk bor oʻtkazilayotgan Xalqaro informatika olimpiadasiga bagʻishlangan matbuot anjumani boʻlib oʻtadi

🏆 Joriy yilning 9–16-avgust kunlari O‘zbekiston tarixda birinchi marta 38-Xalqaro Informatika Olimpiadasi (IOI 2026)ga mezbonlik qiladi.

⚜️Shu munosabat bilan 6-avgust kuni soat 11:00 da 38-Xalqaro informatika olimpiadasiga bagʻishlangan matbuot anjumani oʻtkaziladi.

✅Matbuot anjumanida Raqamli texnologiyalar vaziri oʻrinbosari Rustam Karimjonov hamda boshqa masʼul rahbarlar ishtirok etib, olimpiadaga tayyorgarlik jarayoni, ishtirokchilar koʻlami va tadbir dasturi yuzasidan maʼlumot berishadi.

📈Vaqti: 6-avgust, soat 11:00;
🗺Joyi: Milliy matbuot markazi.
🗺 Manzil: Toshkent shahar, Shayxontohur tumani, Alisher Navoiy koʻchasi, 16-uy

❗️Ushbu matbuot anjumaniga barcha OAV vakillarini taklif etamiz.

Telegram | Facebook | Instagram | Youtube | LinkedIn | X