សូមថ្វាយព្រះរាជកុសល និងអបអរសាទរខួបលើកទី២២ ព្រះរាជពិធីគ្រងព្រះបរមរាជសម្បត្តិ "ព្រះករុណា ព្រះបាទសម្តេច  ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា"
 
ទូលព្រះបង្គំ តាងនាមថ្នាក់ដឹកនាំ ព្រមទាំងមន្ត្រីរាជការទាំងអស់នៃក្រសួងរ៉ែនិងថាមពល សូមព្រះបរមរាជានុញ្ញាតលំឱនកាយ វាចា ចិត្ត ក្រាបបង្គំទូលថ្វាយនូវមនោសញ្ចេតនាប្រកបដោយកតញ្ញូកតវេទិតាធម៌ដ៏ជ្រាលជ្រៅ និងស្មោះស្ម័គ្រជាទីបំផុត ព្រមទាំងសូមក្រាបបង្គំទូលថ្វាយព្រះរាជសព្ទសាធុការពរជ័យ បវរសួស្តី សិរីមង្គល និងវិបុលសុខគ្រប់ប្រការ ថ្វាយចំពោះព្រះករុណាជាអម្ចាស់ជីវិតលើត្បូង ក្នុងឱកាសដ៏មហានក្ខត្តឫក្សឧត្តុង្គឧត្តម នៃខួបលើកទី២២ នៃព្រះរាជពិធីគ្រងព្រះបរមរាជសម្បត្តិរបស់ព្រះអង្គ។

ក្នុងឱកាសដ៏វិសេសវិសាលនេះ ទូលព្រះបង្គំទាំងអស់គ្នា សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមតាមជួយអភិបាលប្រោះព្រំប្រសិទ្ធពរជ័យ ថ្វាយព្រះករុណាជាអម្ចាស់ជីវិតលើត្បូង សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះពលានុភាពមាំមួនក្លៀវក្លា ព្រះបញ្ញាញាណភ្លឺថ្លាវាងវៃ និងព្រះជន្មាយុយឺនយូរជាងរយព្រះវស្សា ដើម្បីទ្រង់គង់ប្រថាប់គ្រងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំដល់ប្រជានុរាស្ត្រជាកូនចៅរបស់ព្រះអង្គ ឱ្យបានរស់នៅប្រកបដោយសុខសន្តិភាព សុភមង្គល និងសុខដុមរមនាជានិច្ចនិរន្តរ៍តរៀងទៅ។

២៩ តុលា ២០០៤ – ២៩ តុលា ២០២៦

🌐 Ministry of Mines and Energy Cambodia
🌐 Telegram
🌐 YouTube
🌐 Website

#ក្រសួងរ៉ែនិងថាមពល #MinistryofMinesandEnergy #MMECambodia #អរគុណសន្តិភាព