ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម អញ្ជើញជាអធិបតីក្នុងពិធីបើកសម្ពោធជាផ្លូវការ «ពន្លាជាតិកម្ពុជា (Cambodia Pavilion)» ក្នុងពិព័រណ៍ពាណិជ្ជកម្មម្ហូបអាហារអន្តរជាតិ SIAL PARIS 2026 នៅរដ្ឋធានីប៉ារីស សាធារណរដ្ឋបារាំង
...
(ប៉ារីស, បារាំង)៖ នាព្រឹកថ្ងៃសៅរ៍ ទី១៧ ខែតុលា ឆ្នាំ២០២៦ នៅមជ្ឈមណ្ឌលពិព័រណ៍ Paris Nord Villepinte នារដ្ឋធានីប៉ារីស សាធារណរដ្ឋបារាំង ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ តំណាងរបស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកសម្ពោធជាផ្លូវការ «ពន្លាជាតិកម្ពុជា (Cambodia Pavilion)» ក្នុងពិព័រណ៍ពាណិជ្ជកម្មម្ហូបអាហារអន្តរជាតិ SIAL PARIS 2026។ ពិធីនេះ ក៏មានការអញ្ជើញចូលរួមពី ឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម, លោកស្រី ឡាំ បញ្ចពរ អគ្គទីប្រឹក្សានៃស្ថានឯកអគ្គរាជទូត នៃព្រះរាជាណាចក្រកម្ពុជា ប្រចាំសាធារណរដ្ឋបារាំង និងលោក Till Ahnert នាយកគម្រោង EU-German GATE នៃអង្គការ GIZ កម្ពុជា ព្រមទាំងភ្ញៀវកិត្តិយស តំណាងក្រុមហ៊ុន-សហគ្រាសកម្ពុជា និងដៃគូពាណិជ្ជកម្មអន្តរជាតិជាច្រើនរូប។

ពន្លាជាតិកម្ពុជា (Cambodia Pavilion) នេះ ត្រូវបានរៀបចំឡើងដោយក្រសួងពាណិជ្ជកម្ម ក្រោមកិច្ចសហការពីសហភាពអឺរ៉ុប និងរដ្ឋាភិបាលសហព័ន្ធអាល្លឺម៉ង់ ក្នុងគោលដៅលើកកម្ពស់វត្តមាន និងកិត្យានុភាពរបស់កម្ពុជា ជំរុញការនាំចេញ ព្រមទាំងពង្រឹងឧត្តមភាពប្រកួតប្រជែងរបស់កម្ពុជា ក្នុងនាមជាដៃគូផ្គត់ផ្គង់ដ៏មានទំនុកចិត្តនៅលើទីផ្សារអន្តរជាតិ។ ពន្លាជាតិកម្ពុជា មានទីតាំងនៅសាលទី៧ (Hall 7, Stand J-347) ដោយបាននាំមកជាមួយនូវបណ្តាក្រុមហ៊ុន-សហគ្រាសកម្ពុជាចំនួន ១៦ ជាមួយនឹងផលិតផលសក្តានុពលខ្ពស់មកតាំងបង្ហាញ ដូចជា៖ ស្វាយចន្ទី ផ្លែឈើសម្ងួត (ជាពិសេសស្វាយសម្ងួត) ម្រេច គ្រឿងទេស និងម្ហូបពាក់កណ្តាលសម្រេច (Ready-to-Cook) ព្រមទាំងផលិតផលផ្សេងៗជាច្រើនទៀត។ ជាមួយគ្នានេះ ក្រសួងពាណិជ្ជកម្មក៏បានអញ្ជើញអ្នកបញ្ជាទិញ អ្នកចែកចាយ និងវិនិយោគិនអន្តរជាតិ មកទស្សនាស្វែងយល់ពីសក្តានុពលផលិតផលកម្ពុជា និងពិភាក្សាស្វែងរកកាលានុវត្តភាពសហប្រតិបត្តិការធុរកិច្ចថ្មីៗដោយផ្ទាល់នៅទីតាំងនោះផងដែរ។…
---
His Excellency SAMHENG Bora, Secretary of State of the Ministry of Commerce, Presides Over the Official Opening Ceremony of the "Cambodia Pavilion" at the SIAL PARIS 2026 International Food Exhibition in Paris, French Republic
...
(Paris, France): On the morning of Saturday, 17 October 2026, at the Paris Nord Villepinte Exhibition Center in Paris, French Republic, His Excellency SAMHENG Bora, Secretary of State of the Ministry of Commerce and Head of the Export Promotion Task Force, High Representative of Her Excellency CHAM Nimul, Minister of Commerce, presided over the official inauguration ceremony of the "Cambodia Pavilion" at the SIAL PARIS 2026 International Food Exhibition.

The ceremony was attended by His Excellency KY Chanromduol, Undersecretary of State of the Ministry of Agriculture, Forestry and Fisheries; His Excellency Dr. KAO Thach, Delegate of the Royal Government of Cambodia in charge as Chief Executive Officer of the Rural Development and Agriculture Bank (ARDB); Mrs. Lam Pachapor, Minister Counsellor of the Royal Embassy of the Kingdom of Cambodia to the French Republic; and Mr. TILL Ahnert, Project Director of EU-German GATE (GIZ Cambodia); as well as distinguished guests, representatives of Cambodian enterprises, and numerous international trade partners…
👉 អានបន្ត…
…
ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖
Connect with Ministry of Commerce:
🌐 Facebook
🌐 Telegram
🌐 Website
🌐 YouTube
🌐 X (Twitter)

លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម អញ្ជើញដឹកនាំកិច្ចប្រជុំពិនិត្យវឌ្ឍនភាពការងារយុទ្ធនាការផលិតផលជាតិ #MadeInCambodia
...
(ភ្នំពេញ)៖ នាព្រឹកថ្ងៃចន្ទ ទី១៩ ខែតុលា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំវឌ្ឍនភាពការងារយុទ្ធនាការផលិតផលជាតិ #MadeInCambodia ដោយមានការចូលរួមពី ឯកឧត្តមអនុរដ្ឋលេខាធិការ ថ្នាក់ដឹកនាំអគ្គនាយកដ្ឋានពាណិជ្ជកម្មក្នុងប្រទេស លោក-លោកស្រី ប្រធានមន្ទីរពាណិជ្ជកម្ម និងមន្ត្រីជំនាញនៃនាយកដ្ឋានអភិវឌ្ឍន៍វិស័យឯកជន និងទីផ្សារ ព្រមទាំងមន្ត្រីជំនាញនៃមន្ទីរពាណិជ្ជកម្មទាំង ២៥ រាជធានី-ខេត្ត។

កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យលើលទ្ធផលការងារដែលសម្រេចបាន បញ្ហាប្រឈម និងលើកទិសដៅបន្តសម្រាប់យុទ្ធនាការផលិតផលជាតិ #MadeInCambodia សំដៅបង្ហាញ និងផ្សព្វផ្សាយឱ្យកាន់តែទូលំទូលាយបន្ថែមទៀតនូវភាពសម្បូរបែបនៃផលិតផលផលិតក្នុងស្រុក ជូនដល់ប្រជាពលរដ្ឋជាអតិថិជន និងជាអ្នកប្រើប្រាស់ ព្រមទាំងលើកកម្ពស់អំណាចអ្នកប្រើប្រាស់ តាមរយៈការបង្កើនការយល់ដឹងអំពីផលិតផលជាតិពាក់ព័ន្ធនឹងតម្លៃ គុណភាព និងអនុលោមភាព។

លើសពីនេះ យុទ្ធនាការនេះក៏មានគោលដៅតភ្ជាប់ទីផ្សារ តាមរយៈការផ្តល់ឱកាសដល់សិប្បកម្ម និងសហគ្រាសផលិតក្នុងស្រុក ពង្រឹងទំនាក់ទំនងជាមួយបណ្តាផ្សារទំនើប ម៉ល ម៉ាត និងមីនីម៉ាត ព្រមទាំងសិក្សាអំពីតម្រូវការទីផ្សារ ស្តង់ដា និងនីតិវិធីនានា ដើម្បីពង្រឹងគុណភាព និងបង្កើនលទ្ធភាពនាំយកផលិតផលជាតិឱ្យកាន់តែទូលំទូលាយចូលទៅក្នុងបណ្តាញលក់រាយទំនើបទាំងនោះ ផងដែរ៕
…
ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖
Connect with Ministry of Commerce:
🌐 Facebook
🌐 Telegram
🌐 Website
🌐 YouTube
🌐 X (Twitter)