الكتاب الصح ممكن يغير طريقة تفكيرك… مش بس يديك معلومة!📚✨

في كتب الواحد بيخلصها…
وفي كتب بتخلص النسخة القديمة منك وتبدأ تبني نسخة أقوى💛

تعالى أقولك شوية ترشيحات تستحق وقتك فعلًا👇🏻

📖 ترشيحات كتب لتطوير الذات:

■ كتاب العادات الذرية — عشان تفهم إزاي العادة صغيرة تقدر تغير حياتك.

■ كتاب نظرية الفستق — بسيط ومليان أفكار هتفتح دماغك.

■ كتاب الوحش الذي يسكنك يمكن أن يكون لطيفًا — هيخليك أهدى وأخف نفسيًا.

■ جلسات نفسية — دليل شامل لفهم نفسك ومشاعرك

⏰ ترشيحات كتب لتنظيم اليوم والوقت:

■ كتاب إدارة الوقت — هيساعدك ترتب يومك بذكاء.

■ كتاب العادات السبع للناس الأكثر فعالية — عملي جدًا للحياة والدراسة والشغل.

■ كتاب فن اللامبالاة — بيعلمك تركز على المهم فعلًا.

■ كتاب اصنع وقتًا — هيعلمك إزاي تضاعف وقتك وتركز على المهم.

🕌 ترشيحات لكتب دينية:

■ كتاب لأنك الله — هيخليك تعيش مع أسماء الله بطريقة مختلفة.

■ كتاب الرحيق المختوم — من أجمل كتب السيرة.

كتاب فاتتني صلاة — مناسب جدًا لأي حد عايز يقرب من الصلاة أكتر.

■ كتاب الداء والدواء — هيغير نظرتك بالكامل عن الذنوب ويقدر ياخد بإيدك للتوبة لو درسته بتمعن ونية صادقة.

وفي النهاية…
مش مهم أبدًا بتقرأ كام كتاب، المهم إن أي كتاب فيهم يسيب أثر حقيقي جواك.

📌 متنساش تعمل Save عشان ترجع للبوست في أي وقت وقولولي بقى 👀:

📚 إيه أكتر كتاب غيّر طريقة تفكيرك؟

■ منى محمد

إزاي تخلي يومك مليان بركة وإنجازات🥹✨️

في أيام بنصحى فيها بدري ومع ذلك بنكون مرهقين ومش بننجز فيها بالشكل المطلوب
وأيام بنصحى متأخر ونلاقي عندنا طاقة وبنعمل إنجازات كتيرة كأننا صاحيين الفجر تعالى أقولك السر:

https://www.facebook.com/share/p/18LhJCNm9K/

- منى محمد

إزاي تبني مستقبلك من الصفر بخطوات بسيطة🥹🙈

https://www.facebook.com/share/p/1FwaTT3ozK/

هيفيدكم جدا يا شباب متنساش لو مش متابع الصفحة تتابعها عشان أي تحديث يكون معاك✨️

- منى محمد

إزاي تكون متحدث شاطر وتقدر تقنع وتأثر في اللي قدامك البوست ده كنز للي عايز يتعلم البرزنتيشن سكيلز ببساطة:

https://www.facebook.com/share/p/19xD5Rfus9/

مهم تعمل Save وترجعله وقت البرزنتيشن بتاعك✨️

- منى محمد

لو قررت تبدأ مشروع من الصفر انهاردة تعمل إيه

بداية أي شخص في الغالب هتكون خطأ لأنه هيبدأ يختار اسم للبراند ويدور على تصميم مميز للوجو أويعمل صفحة للبراند...

طيب أنا لو مكانك هعمل إيه⁉️

✅️ هفهم مين الشخص اللي عنده المشكلة لأني مش هقدم خدمتي لكل الناس وكل ما جمهورك يكون واضح بيعك وخططك هتكون أسهل.✨️

✅️ هتأكد إني منتجي الناس محتاجاه فعلًا وإنه بيحل مشكلة مش حاجة أنا شايفة إنها حلوة وصح وخلاص.✨️

✅️ هتعلم التسويق حتى لو الأساسيات عشان لو منتجي كويس بدون تسويق فهو مش موجود فعليًا.✨️

✅️ أبني ثقة العملاء في البراند وأوضح ليهم ليه يشتروا مني وإيه المميز عندنا.✨️

✅️ الناس بتشتري من البراند اللي بيوفر التالي:

■ واضح في خدمته

■ الخدمة أو المنتج بتحل مشكلة فعلًا

■ مستمر ودايمًا موجود

■ فاهم كويس دماغهم واحتياجهم

أهم حاجة لازم تفهمها مفيش نسخة من أي مشروع كانت مثالية في بدايتها وده الطبيعي.✨️

كل المشاريع كانت بدايتها صغيرة جدًا لكن محدش كان شايفها وقتها.✨️

لو وصلت لهنا واستفدت متنساش تعمل لايك و save للبوست عشان ترجعله في أي وقت.

- منى محمد

لية الشاطرين بيفشلوا⁉️

البوست ده وضح السبب والحل فمهم تشوفوا👇
https://www.facebook.com/share/p/18ZhfHcwkj/

تابع الصفحة عشان يوصلك أي تحديث✨️

- منى محمد

ليه الشاطرين بيفشلوا🤧🩷

أوقات كتير بنلاقي الشاطرين واقفين مكانهم عارف ليه⁉️

لأن الشطارة لوحدها مش كفاية في ناس:

- بتفكر زيادة لحد ما فرصتهم تضيع
- مستنية الوقت المناسب اللي مش هيجي
- خايفة تغلط
- عايزة تكون مثالية من البداية

وفي المقابل...
ناس خبرتهم قليلة ومهاراتهم معدودة بدأت وغلطت واتعلمت وحاليًا ناجحين.

للأسف الشطارة أحيانًا بتكون سجن بتقيد كل حركاتك وهنا الشخص الجريء يكسب.

والحقيقة المؤلمة اللي محدش بيقولهالنا👇
السوق مش دايمًا بيفوز فيه الأشطر واللي بيكسب هو:

- الأسرع
- المرن
- اللي بيعرف يتصرف في وقت الضغط
- اللي بيتعلم من الغلط بدل ما يخاف منه

✅️الخلاصة: مفيش حد بينجح بالمعلومات بس لازم تتحرك وتخاطر حتى لو في خطوات صغيرة.

قولي إيه أكتر حاجة معطلاك وأنا هساعدك✨️

- منى محمد

ليه محدش بيلاحظ شغلك🤔

https://www.facebook.com/share/p/1Dfqqkfdwm/

بوست قصير بس فيه كل الأسباب وهيساعدك تفهم مشكلتك بسهولة فلازم تشوفوه

- منى محمد

احرصوا دومًا أن يكون ليومكم من التحصيل نصيبًا، تحصيلٌ في الدّين، في العلم، في العلوم عامة، استبدلوا الهمَّةَ بالهمِّ، والعزيمةَ بالركودِ، استبدلوا السّعي بالخوفِ؛ لا تتركوا العمر يمضي وكأن آفةً لم تَقع!

نكبةٌ هي؛ إن مرَّ نهار يلو آخر، ليلٌ يلو ليل، عامٌ يلو عام وأنت.. أنت قعيدُ الحَراك، مُكبدٌ، مُستأنفٌ لعُمرٍ من عُمرك، لا تستزيدُ عِلمًا، ولا تنثرُ نفعًا، والعُمر يمضي.

باللهِ أخبرني؛ كيف تكون الحياةُ حياةً إن ساد كلُّ من يحياها كمثلٍ واحد، مأكلٍ ، ومشربٍ، ونومٍ! حقًا، المرء منّا دون إضافتهِ شيئًا لنفسهِ ولمن حولهِ كالبيتِ الخَرِب، كالحَبِّ المُتناثر، لا منهُ الإفادة، ولا ذاته يُفيد.

أي أُخيَّ؛ أعِد للسؤالِ جوابًا، وعن عُمرك فيما أفنيت؟

عفا اللهُ عنَّا، وغفر لنا، وبارك لنا في أعمارنا، وتجاوز عمّا أخطأنا وأسرفنا، ربنا؛ جُد علينا بعظيم جودك.

••
قد ينال المُؤمن بدعاءِ أخيهِ ما لا يُدركه بدعائِه لنفسِه..

‏حفُّونا بدعواتِكم، لَا تَغْفَلوا عنّا فضلاً!.

دعواتكم ربنا يصلحني ويرزقني الجنة والتوفيق وييسر أمري كله ويحقق مرادي وأحلامي كلها في عفو وعافية ولنا عودة قريبًا إن شاء الله بعد الفاينل♥️

■ تحبوا أدعيلكم بإيه⁉️

- منى محمد

مساء الخير يا صديقي عساك بأفضل حال💙✨️

الفترة دي (تقريبًا هذا الشهر) مش هكون متواجدة عالصفحة لظروف دراستي لكن لنا عودة بإذن الله ستنال إعجاب الجميع:

■ كورسات وبوستات شرح لكتابة المحتوى
■ كورسات وبوستات شرح للتسويق
■ كورسات وبوستات شرح للإدارة
■ كورسات وبوستات شرح للبزنس والمشاريع

فانتظروا بحماس وهمة ولا تنسوني من دعائكم بالتوفيق والسداد ودُمتم موفقين🥹🙈

♡ منى محمد
#تيم_زغلولة_هتعلمك

إزاي تتعلم أي مهارة بسهولة✅️✨️

في الحقيقة أغلب الناس مش بيفشلوا لأنهم مش أذكية لكن بيفشلوا بسبب الطريقة الغلط اللي بيتعلموا بيها.

لو عايزة تتعلم أي مهارة صح برمجة، كتابة محتوى، تصميم..... أي حاجة نفذ الخطوات الجاية:

1- ابدأ بالأساسيات وبلاش تبدأ من نقطة أكبر من مستواك لأن ده هيعقدك وهيحبطك ومش هتعرف تكمل.

2- طبق من أول يوم وبلاش تستنى تخلص الدرس الأول أو التاني لا من أول يوم طبق وخد وقتك في التعلم من غلطك.

3- كرر كتير بلاش تستعجل تتعلم أكبر قدر ممكن في أقل وقت لأن المهم الكفاءة مش العدد.

4- اسأل دايمًا المنتور عن أخطائك واتعلم منها.

وأنت في رحلتك للتعلم عايزاك تعرف إن المهارة مش بتتبني بكمية المعلومات اللي عندك لكن بعدد مرات استخدامك ليها.

متنساش تعمل follow وريأكت، لأن الجاي هيختصر عليك سنين من التجربة.😍

■ منى محمد

إياك تكون من اللي بيقعدوا يغيروا أول سطر 20 مرة وتسيب باقي البوست🫣

في الحقيقة دي غلطة بيقع فيها عدد كبير من صناع المحتوى لأنهم بيركزوا كل طاقتهم على المقدمة وينسوا إن لو باقي البوست ممل محدش هيكمله.

الهوك وظيفته يخلي الناس تبدأ وتحس إنها مشدودة للقراءة يعني ببساطة لو الهوك قوي والمحتوى ضعيف القارئ مش هيفضل ثانيتين وهيكمل اسكرول.

فلو أنت بتقع في نفس المشكلة تعالى أقولك الحل👇

بعد ماتخلص كتابة البوست اسأل نفسك سؤال مهم هل اللي بعد الهوك يستحق القراءة ويضيف ليهم معلومة جديدة ولا لا وكده تقدر تقيم البوست بتاعك.

وأخيرًا بدل ما تكون مهووس بالهوك خليك مهتم إن كل ثانية القارئ هيقرأ فيها محتواك تضيف ليه قيمة.

لو حابب تطور من نفسك متنساش تعمل Follow وريأكت لأن كل بوست هنا هيخليك تتعلم أسرع... وتغلط أقل.💯

■ منى محمد

ماذا لو في بوست يقدر يوفر عليك آلاف في طريقك لتعلم كتابة المحتوى ومجاني تمامًا فمهم تستغل فرصتك:

https://www.facebook.com/share/1JuGaebrwk/

متنساش تعمل متابعة للصفحة عشان فرص غلطاتك تكون أقل💚✨️

■ منى محمد

مساء الخير يا شباب ازيكم عاملين إيه أتمنى تكونوا بأفضل حال♥️✨️

حقيقي بنعتذر منكم على الغياب الطويل الغير معهود ده بس كل حد من التيم كان عنده ظروف أخدت من وقته وطاقته فمقدرش يكون معاكم الفترة دي.

بس دلوقتي كلنا راجعين من جديد إن شاء الله عشان نساعدكم ونكون مساحة خضراء فعلًا قادرة إنها تغير منكم ولو شئ بسيط فانتظروا التحديات والكورسات الجاية😍🥳

أشوفكم قريب في تحدي مميز مش هيتكرر تاني فخليكم متابعين.

- منى محمد
#تيم_زغلولة_هتعلمك

مساء الخير يا شباب إن شاء الله كان يومكم لطيف♥️🌱

عايزة إجابة منكم للأسئلة الجاية عشان الكامب الجديد:

إيه أكتر مشكلة بتواجهكم الفترة دي؟

إيه العادة اللي محتاج تواظب عليها؟

إيه أكتر جانب مشوه عندك وفي قصور؟

عادة شايف إن لو بنيتها من دلوقتي هتتغير جامد الفترة الجاية؟

شايف نفسك محتاج إيه فعلًا عشان تبدأ؟

مين قدوتك في الحياة ولييه؟

إيه أكتر حاجة بتحفزك لقدام وإيه اللي بيحبطك؟

بس كده بعتذر لو طولت عليكم بس حابة أحط إيدي على نقاط الألم القوية والمتكررة ونبدأ نشتغل عليها مع بعض✨️

♡ منى محمد
#تيم_زغلولة_هتعلمك

مساء الخير يا أصدقاء... زغلولة جاية انهاردة ومعاها هدية ليكم فاستغلوها واستنوا الهدايا الجاية🤩♥️

نفسك تبدأ تتعلم فرنسي… بس مش عارف تبدأ منين؟

مش هقولك في البوست ده كل تفاصيل الكورس 👀

لكن هقولك حاجة واحدة:

إحنا مش بنبدأ بالحفظ وخلاص… بنبدأ بالأساسيات اللي تخليك تستخدم اللغة بنفسك خطوة بخطوة. 🗣️🇫🇷

لو حابب تعرف:

✨ الكورس مناسب لمين؟
✨ هتتعلم إيه؟
✨ التفاصيل والمواعيد؟
✨ وإيه العرض المتاح حاليًا؟

📩 ابعتلنا على واتساب: 01277262962

■ السيشن الأولى Free عشان تجرب وتحكم بنفسك😍

🔥 وفيه خصم لأصدقاء زغلولة لفترة محدودة.

العدد هيكون بسيط للمتابعة والتفاعل.

🇫🇷 خطوتك الأولى في الفرنسي ممكن تبدأ من هنا.

#تيم_زغلولة_هتعلمك

فرصة مجانية لن تتكرر😁🥳

نبدأ اللغة الفرنسية من الصفر؟ 🤍🇫🇷

لو نفسك تتعلم اللغة بس كل مرة بتحتار تبدأ منين، تعالى نبدأ سوا من أول خطوة وبشكل بسيط جدًا.

عملت جروب واتساب هنبدأ فيه الثلاثاء الجاي بإذن الله، وهنمشي فيه واحدة واحدة، من غير ما نحس إننا داخلين نذاكر كتاب كامل 😂🤍

هنبدأ بـ:

🔤 الحروف الأبجدية والمقاطع الصوتية
وبعدها نتعلم مفاتيح نطق الكلمة وإزاي نستخدمها في القراءة.

يعني مش هنتكلم في حاجات كبيرة من البداية…هنبني الأساس واحدة واحدة. 🇫🇷

لو حابب تبدأ معانا، أهلاً بيك 🤍
👇🏻
لينك الجروب:
https://chat.whatsapp.com/LYNDZvDoE7b2Je5yfi4Cg4?s=cl&p=a&mlu=4&ilr=4

نشوف بعض الثلاثاء ع خير ؟ 🇫🇷✨

#تيم_زغلولة_هتعلمك

📢 مطلوب مدرسين للانضمام لفريق أكاديمية تعليمية أونلاين 🎓✨

بنجهّز فريقنا من دلوقتي استعدادًا لانطلاق الأكاديمية مع بداية الترم الثاني بإذن الله ❤️

📚 التخصصات المطلوبة للمرحلة الابتدائية:

- حساب
- Math
- لغة عربية
- English
- علوم بالعربي
- Science
- دراسات اجتماعية

✅ شروط التقديم:

- التمكن من المادة والقدرة على توصيل المعلومة ببساطة.

- مهارات شرح وتواصل جيدة مع الأطفال.

- الالتزام بالمواعيد والجدية في العمل.

- يُفضّل وجود خبرة سابقة في التدريس.

📝 للتقديم، يُرجى إرسال البيانات التالية في رسالة خاصة:

1. الاسم.
2. التخصص المطلوب.
3. المؤهل الدراسي.
4. سنوات الخبرة.
5. الصفوف التي يمكن تدريسها.
6. نبذة مختصرة عن خبرتك في التدريس.
7. فيديو قصير يوضح أسلوب الشرح، إن أمكن.

📌 ملحوظة: التقديم والتجهيز من الآن، وبداية العمل ستكون مع انطلاق الترم الثاني بإذن الله.

📩 لو شايفة إنك مناسبة، ابعتي بياناتك على الرقم ده واتساب فقط:
01025609044

ويسعدنا انضمامك لفريقنا💙🌟

مساء الخير يا رفيقي🤎🌱

أخبرني كيف حالك مع الأيام هل تمشي حسب ما تريد أو تخطط أم أنها مثل سابق عهدها... أريد تذكيرك أن السنة شارفت على الإنتهاء وأنها ليست كما أراد الجميع ربما حققت القليل من الأشياء وربما لم تحقق شيئًا والإحتمال الضئيل أن تكون حققت الكثير من قائمة أمنياتك لهذا العام أيًا كان وضعك الآن لن تستطيع تغيير شيء مما فات فلا تبكي على اللبن المسكوب وامضي قدمًا للأمام لا بأس بالخسارة حتى لو كثُرت لا يزال أمامك وقت لإصلاح ما تبقى من السنة وإليك نصائحي:

♧ اجلس مع نفسك قليلًا وانظر ماذا تحتاج حتى تبدأ سنة أفضل هل تعلم الصبر والاستمرارية أم تنظيم وقتك إلخ..ثم ابحث كيف تتعلم ذلك.

♧ قيم علاقتك مع الله هل جيدة أم سيئة ثم ابحث عن تحسين وضعك الحالي ويوجد هنا العديد من الفيديوهات التي قد تساعدك.

♧ ابدأ في تعلم مهارة جديدة أو لغة تحتاجها وضع خطة بسيطة يوميًا.

♧ فتش داخلك عن أمر يستحق العناء كالوسواس القهري والقلق الزائد أو الرهاب الإجتماعي.... ثم اجتهد في محاولة علاجهم.

وأخيرًا ضع نية الإصلاح والصدق في كل محاولة وتذكر إنما الأعمال بالنيات ودُمت موفقًا يا رفيقي.🤎✨️

منى محمد
#تيم_زغلولة_هتعلمك