#Dual ta'lim

Dual ta’lim — yoshlarni g‘oyaviy tahdidlardan asrash sari

😀 2026-yil 26-oktyabr kuni Imom Moturidiy xalqaro ilmiy-tadqiqot markazida O‘zbekiston xalqaro islomshunoslik akademiyasi talabalari uchun dual ta’lim doirasida navbatdagi amaliy mashg‘ulot o‘tkazildi.

➡️ Mashg‘ulotda Markaz katta ilmiy xodimi Madina Jo‘rayeva “Globallashuv asrida ayollarni g‘oyaviy tahdidlardan asrash” mavzusida ma’ruza qildi. Unda globallashuv sharoitida yuzaga kelayotgan turli mafkuraviy va axborot tahdidlari, ularning yoshlar, xususan, xotin-qizlar dunyoqarashiga ta’siri haqida so‘z yuritildi.

🧊 Dars davomida mavzuning bugungi kundagi dolzarbligi atroflicha tushuntirilib, yoshlarni yot va buzg‘unchi g‘oyalar ta’siridan himoya qilishda sog‘lom dunyoqarash, mustaqil fikrlash va axborotdan oqilona foydalanish ko‘nikmalarining ahamiyatiga alohida e’tibor qaratildi. Shuningdek, mavzu doirasida talabalarni qiziqtirgan savollarga batafsil javoblar berilib, o‘zaro fikr almashildi.

✔️ Mazkur mashg‘ulot talabalarning zamonaviy g‘oyaviy tahdidlar haqidagi bilimlarini mustahkamlash, ularda mafkuraviy immunitet va tanqidiy fikrlash ko‘nikmalarini rivojlantirish hamda nazariy bilimlarini amaliy yondashuvlar bilan boyitishga xizmat qildi.

Imom Moturidiy xalqaro ilmiy-tadqiqot markazi
Telegram | Instagram | Facebook

#Hakim Termiziy 1200

✍️Hakim Termiziy merosini o‘rganish sari

😀Imom Moturidiy xalqaro ilmiy-tadqiqot markazida O‘zbekiston xalqaro islomshunoslik akademiyasi talabalari uchun dual ta’lim doirasidagi navbatdagi amaliy mashg‘ulot tashkil etildi. Mashg‘ulot buyuk mutafakkir, muhaddis va tasavvuf ilmining yirik namoyandasi Hakim Termiziy tavalludining 1200 yilligiga bag‘ishlandi.

➡️ Unda Imom Moturidiy xalqaro ilmiy-tadqiqot markazi yetakchi ilmiy xodimi Zafar Faxriddinov ma’ruza qilib, allomaning hayoti, ilmiy faoliyati, boy ma’naviy merosi hamda islom ilmlari rivojiga qo‘shgan hissasi haqida batafsil ma’lumot berdi.

🧊 Mashg‘ulot davomida talabalar Hakim Termiziyning hadis, tasavvuf, axloq va ma’naviy kamolotga oid qarashlari bilan yaqindan tanishdilar. Alloma asarlarining mazmun-mohiyati, ularda ilgari surilgan ilmiy-ma’rifiy g‘oyalar va ularning bugungi kundagi ahamiyati manbalar asosida tahlil qilindi.Shuningdek, Hakim Termiziy merosini tadqiq etish, uning asarlarini tarjima qilish hamda ilmiy izohlar asosida o‘rganish bo‘yicha talabalarga amaliy tavsiyalar berildi.

🫥 Mazkur mashg‘ulot yoshlarning buyuk ajdodlarimiz ilmiy merosiga bo‘lgan qiziqishini oshirish, nazariy bilimlarini amaliy ko‘nikmalar bilan mustahkamlash hamda ularni kelgusidagi ilmiy-tadqiqot faoliyatiga tayyorlashga xizmat qiladi.

Imom Moturidiy xalqaro ilmiy-tadqiqot markazi
Telegram | Instagram | Facebook