MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧12 डिसेंबरपासून पोस्ट ऑफिसचा नवा नियम.

जर तुमचे सुद्धा पोस्ट ऑफिसमध्ये खाते असेल तर तुम्हाला आता हे नवीन नियम माहीत असणे आवश्यक आहे. 12 डिसेंबर 2020 पासून पोस्ट ऑफिसच्या नियमामध्ये बदल होणार आहेत.तर नव्या नियमानुसार, 11 डिसेंबरपर्यंत ग्राहकांना पोस्ट ऑफिस बचत खात्यात (Post Office Savings Account) किमान 500 रुपये शिल्लक (बॅलन्स) ठेवणे आवश्यक आहे.12 डिसेंबरला ग्राहकांच्या खात्यात किमान बॅलन्स नसेल तर देखभाल शुल्क (Maintenance Charges) द्यावे लागणार आहे.

इंडिया पोस्टने(India Post)ट्विटद्वारे याबाबत माहिती दिली आहे. इंडिया पोस्टने एका ट्वीटमध्ये लिहिले आहे की, आता पोस्ट ऑफिस सेव्हिंग खात्यात किमान बॅलन्स ठेवणे बंधनकारक आहे.

इंडिया पोस्टने माहिती देताना म्हटले आहे की, 11 डिसेंबर 2020 नंतर पोस्ट ऑफिसच्या बचत खात्यावर लागू होणारी देखभाल फी टाळण्यासाठी आपल्या खात्यात लवकरच किमान 500 रुपयांचा बॅलन्स निश्चित करा. अन्यथा आर्थिक वर्षाच्या अखेरीस देखभालच्या नावाखाली खात्यातून 100 रुपये वजा केले जातील.इंडिया पोस्टच्या अधिकृत वेबसाइटनुसार पोस्ट ऑफिस बचत खात्यावर वार्षिक व्याज दर 4 टक्के आहे.

व्याज कमीतकमी बॅलन्स रकमेच्या आधारे महिन्याच्या 10 व्या आणि महिन्याच्या शेवटी कॅलक्युलेशन केले जाते. ग्राहक जवळच्या कोणत्याही पोस्ट ऑफिसमधून त्यांच्या सोयीनुसार ते खाते उघडू शकतात.
🟧विश्वनाथन आनंद आता प्रशिक्षकाच्या भूमिकेत.

भारताचा महान बुद्धिबळपटू विश्वनाथन आनंद आता प्रशिक्षणाकडे वळला असून वेस्टब्रिज कॅ पिटलच्या सहकार्याने त्याने बुद्धिबळ अकादमीची स्थापना केली आहे. त्यामुळे पाच वेळचा जगज्जेता आनंद आता युवा खेळाडूंना मार्गदर्शन करताना दिसणार आहे.

वेस्टब्रिज-आनंद बुद्धिबळ अकादमीतर्फे प्रशिक्षणासाठी देशातील पाच उभरत्या बुद्धिबळपटूंची निवड करण्यात आली आहे. त्यात 15 वर्षीय आर. प्रज्ञानंद, निहान सरिन, रौनक साधवानी, डी. गुके श आणि प्रज्ञानंदची बहीण आर. वैशाली यांचा समावेश आहे.

तसेच या उपक्रमांतर्गत प्रत्येक वर्षी गुणी खेळाडूंचा शोध घेतला जाणार असून त्यांना जागतिक बुद्धिबळ क्रमवारीत अव्वलस्थानी आणण्यासाठी सर्वतोपरी मदत केली जाईल.

करोनाच्या प्रादुर्भावामुळे सध्या आभासी पद्धतीने खेळाडूंना मार्गदर्शन केले जाणार आहे. ‘‘युवा खेळाडूंसाठी आपल्या कच्च्या दुव्यांवर मेहनत घेण्याची हीच योग्य वेळ आहे. सध्या जगभरातील स्पर्धा लांबणीवर पडल्याने खेळाडूंनी आता प्रदीर्घ कारकीर्दीचा विचार करता आपल्या खेळात सुधारणा करावी,’’ असेही आनंदने सांगितले.

तर आनंदला या उपक्रमासाठी जर्मनीचा ग्रँडमास्टर आर्टर जुस्सूपो, पोलंडचा ग्रँडमास्टर ग्रेगोर्झ गजेवस्की आणि भारताचा ग्रँडमास्टर संदीपन चंदा हे प्रशिक्षणासाठी मदत करणार आहेत.
🟧गूगलवर ‘करोना’चा नव्हे; ‘आयपीएल’चा सर्वाधिक शोध

करोना विषाणूने जगभरात धुमाकूळ घातला असताना, गूगल या सर्च इंजिनवर जास्तीतजास्त लोकांनी याच शब्दाचा शोध घेतला असावा असे कुणालाही वाटणे साहजिक आहे. मात्र, शोधविषयाच्या बाबतीत इंडियन प्रीमियर लीगने (आयपीएल) करोना विषाणूवरही मात केल्याचे बुधवारी जाहीर करण्यात आलेल्या गूगल इंडियाच्या ‘सर्च इन २०२०’मुळे उघड झाले आहे. यामुळे भारताचे क्रिकेटप्रेम पुन्हा एकदा सिद्ध झाले आहे.

गेल्या वर्षी ‘आयसीसी क्रिकेट वर्ल्डकप’ ही गूगल सर्चवरील ‘टॉप ट्रेंडिंग क्वेरी’ होती.

क्रीडा आणि वृत्त कार्यक्रमांपैकी आयपीएलचा सर्वाधिक शोध घेण्यात आला. यानंतर करोना विषाणू, अमेरिकेच्या अध्यक्षीय निवडणुकीचे निकाल, प्रधानमंत्री किसान सन्मान निधी, बिहार निवडणूक निकाल आणि दिल्ली निवडणूक निकाल याचा गूगलवर सर्वात जास्त शोध घेण्यात आलेल्या विषयांमध्ये समावेश आहे.

कोविड-१९ च्या प्रादुर्भावामुळे आयपीएलची तेरावी आवृत्ती संयुक्त अरब अमिरातींमध्ये १९ सप्टेंबर ते १० नोव्हेंबर या कालावधीत आयोजित करण्यात आली. गेल्या वर्षीपेक्षा तिच्या प्रेक्षकसंख्येत या वर्षी २८ टक्क्यांनी वाढ झाल्याचे दिसले.
🟧ई-न्यायालय प्रकल्पाच्या अंतर्गत 2927 न्यायालयीन संकुले जोडण्यात आली.

विधी व न्याय मंत्रालयाने ई-न्यायालय प्रकल्पाच्या अंतर्गत देशभरातल्या 2927 न्यायालयीन संकुलांना वाइड एरिया नेटवर्क (WAN) याने जोडण्याचे काम पूर्ण केले आहे.

न्यायालयीन संकुलांना जोडण्यासाठी न्याय विभाग व BSNL यांच्यावतीने संयुक्तपणे प्रयत्न करण्यात येत आहेत. सर्वसामान्य नागरिकांना कमी खर्चात न्याय मिळण्यासाठी डिजिटल तंत्रज्ञानाचा मोठा लाभ होवू शकणार आहे.

▪️ठळक बाबी.

लक्ष्यीत 2992 उद्दिष्टापैकी आत्तापर्यंत 97.86 टक्के काम पूर्ण झाले आहे.
ई-न्यायालय प्रकल्पाच्या अंतर्गत जगातले सर्वात मोठ्या डिजिटल नेटवर्क तयार करण्याच्या कामामध्ये सर्वोच्च न्यायालयाच्या ई-समितीसह अतिवेगवान वाइड एरिया नेटवर्क (WAN) मार्फत वेगवेगळ्या माध्यमाने जोडण्यात येत आहे. त्यामध्ये ऑप्टिक फायबर केबल (OFC), रेडिओ लहरी (RF), व्ही-सॅट (व्हेरी स्मॉल अपर्चर टर्मिनल) यांच्या माध्यमातून जोडणीचे काम चालले आहे.BSNLने पूर्वोत्तर राज्ये, जम्मू व काश्मिर, उत्तराखंड, अंदमान व निकोबार बेटे या स्थानांसह भारताच्या कानाकोपऱ्यात आपली संपर्क यंत्रणा उपलब्ध करून दिली आहे.देशाच्या 14 दुर्गम भागामध्ये बऱ्याच संख्येने ई-न्यायालये आहेत.

तिथे डिजिटल विभाजनाचे प्रमाण कमी करण्यासाठी RF, व्ही-सॅट या पर्यायांचा वापर करण्यात आला आहे. त्या दुर्गम भागातल्या सर्वसामान्य नागरिकांना ई-न्यायालयाचा लाभ होऊ शकणार आहे.न्याय विभागाने नव्याने उद्‌घाटन झालेल्या सबमरीन केबलचा (समुद्राच्या खालच्या भागातून जाणाऱ्या) वापर करण्याचा निर्णयही घेतला आहे.
🟧‘जिनोव्हा’च्या लसीला मानवी चाचण्यांसाठी मान्यत.

पुण्यातील जिनोव्हा
बायोफार्मास्युटिकल्सने विकसित केलेल्या ‘एचजीसीओ 19’ या कोरोना लसीच्या पहिल्या व दुसऱ्या टप्प्यातील मानवी चाचण्यांना भारतीय औषध महानियंत्रकांकडून मान्यता देण्यात आली आहे. ही देशातील पहिली एमआरएनए आधारीत लस आहे.पंतप्रधान नरेंद्र मोदी यांनी काही दिवसांपुर्वी व्हिडिओ कॉन्फरन्सद्वारे जिनोव्हाच्या शास्त्रज्ञांशी संवाद साधत लसीच्या प्रगतीची माहिती घेतली होती.

अमेरिकेतील एचडीटी बायोटेक कॉर्पोरेशनच्या सहकार्याने ही लस विकसीत करण्यात आली आहे.तर केंद्रीय जैवतंत्रज्ञान विभागाने या लसीच्या विकसनासाठी अर्थसहाय्य केले आहे.

जिनोव्हा कडून काही दिवसांपुर्वीच चाचण्यांसाठी प्रस्ताव सादर केला होता. त्यानुसार तज्ज्ञ समितीने काही अटींच्या आधारे चाचण्यांना मान्यता दिली आहे.पहिल्या टप्प्यातील चाचण्यांची अंतरिम माहिती समितीकडे सादर केल्याशिवाय चाचणीचा दुसरा टप्पा सुरू करता येणार नाही, असे समितीने म्हटले आहे.

दरम्यान, पुण्यातील सिरम इन्स्टिट्युटकडून ‘कोविशिल्ड’ लसीच्या आपत्कालीन वापरासाठी औषध महानियंत्रकांकडे परवानगी मागितली आहे. त्यातच पुण्यातीलच ‘जिनोव्हा’च्या ‘एमआरएनए’ आधारीत लसीचीही लवकरच चाचणी सुरू होणार असल्याने संपुर्ण जगाचे लक्ष पुण्याने वेधले आहे.
🟧शरद पवारांना मिळणार यूपीएच अध्यक्षपद.

महाराष्ट्रात महाविकास शिवसेना, राष्ट्रवादी काँग्रेस आणि काँग्रेस या तीन पक्षांचं सरकार स्थापन करण्यात राष्ट्रवादी काँग्रेसचे सर्वेसर्वा शरद पवार यांचा महत्त्वाची भूमिका असल्याचं म्हटलं जातं. तर दुसरीकडे सध्या देशात सध्या शेतकरी आंदोलन सुरू आहे. अशा परिस्थितीत राष्ट्रपतींची भेट घेत नवे कृषी कायदे मागे घेण्याची रणनीती शरद पवार आणि सीपीएमचे महासचिव सीताराम येचुरी यांनी तयार केली आणि यासाठी शरद पवार यांच्या निवासस्थानीही भेट झाली.
दरम्यान, शरद पवार हे आता केंद्रात विरोधकांच्या नेतृत्वाच्या भूमिकेत येणार का याची चर्चा राजकीय वर्तुळात रंगू लागली आहे.

रिपब्लिक टीव्हीनं दिलेल्या वृत्तानुसार लवकरच ते यूपीएच्या अध्यक्षपदाची सूत्रं स्वीकारू शकतात अशी माहिती सूत्रांकडून देण्यात आली.
तर या प्रकरणी सुरूवातीच्या टप्प्यातील चर्चा पूर्ण झाल्या असल्याची माहितीही सूत्रांकडून देण्यात आली. बिहार विधानसभा निवडणुकांमध्ये आणि हैदराबाद महानगरपालिकेच्या निवडणुकांमध्ये काँग्रेसला चांगली कामगिरी करता आली नव्हती. त्यानंतर पक्षाच्या काही ज्येष्ठ नेत्यांनी नेतृत्वाकडे याबाबत विचारणा केली होती.

तर काही नेत्यांनी काँग्रेसची सूत्र पुन्हा राहुल गांधी यांच्याकडे सोपवण्याची मागणीही केली होती. परंतु राहुल गांधी यांनी यापूर्वी काँग्रेसचं अध्यक्षपद स्वीकारणार नसल्याचं स्पष्ट केलं आहे. तर दुसरीकडे सोनिया गांधी यांच्याकडून यूपीएचं अध्यक्षपदही स्वीकारण्यास नकार दिल्याचं सूत्रांनी रिपब्लिक टीव्हीशी बोलताना सांगितलं.

देशात सध्या कृषी कायद्यांविरोधात शेतकऱ्यांचं आदोलन सुरू आहे. विरोधकांच्या एका शिष्टमंडळानं राष्ट्रपती रामनाथ कोविंद यांच्याशी यासंदर्भात चर्चा केली होती. त्यावेळी राहुल गांधीदेखील त्या ठिकाणी उपस्थित होते. अशावेळीही त्या शिष्टमंडळाचं नेतृत्व शरद पवार यांनी केलं होतं. 2004 पासून सोनिया गांधी या यूपीएच्या अध्यक्ष म्हणून कार्यरत आहेत.
🟧इटलीच्या पावलो रोस्सी यांचे निधन.

१९८२मध्ये इटलीच्या फिफा विश्वचषक विजयात मोलाचा वाटा उचलणारे तसेच त्यानंतर समालोचक म्हणून नावलौकिक मिळवणारे पावलो रोस्सी यांचे गुरुवारी निधन झाले. ते ६४ वर्षांचे होते.

गुरुवारी पावलो यांनी झोपेतच अखेरचा श्वास घेतला, असे त्यांच्या पत्नी फेडेरिका यांनी सांगितले. १९८०मध्ये सट्टेबाजी प्रकरणात बंदीची शिक्षा भोगल्यानंतर पावलो यांनी धडाकेबाज पुनरागमन करत इटलीला १९८२मध्ये फिफा विश्वचषकाचे जेतेपद मिळवून दिले. स्पेनमध्ये झालेल्या या स्पर्धेत पावलो यांनी तब्बल सहा गोल झळकावले. अंतिम फेरीतही त्यांनी पश्चिम जर्मनीविरुद्ध सलामीचा गोल नोंदवला होता. त्याच वर्षी त्यांना फिफाच्या सर्वोत्तम फुटबॉलपटूच्या पुरस्काराने गौरवण्यात आले होते.

इटली फुटबॉल महासंघाचे अध्यक्ष गॅब्रिएल ग्रॅविना आदरांजली वाहताना म्हणाले की, ‘‘इटली फुटबॉलमधील महान खेळाडू तसेच आम्ही चांगला मित्र गमावला आहे.’’
🟧"आत्मनिर्भर भारताला साक्ष ठरणार नवं संसद भवन”

नवीन संसद भवनाची निर्मिती ही नव्या व जुन्याच्या सहअस्तित्वाचे उदाहरण आहे. आज १३० कोटींपेक्षा जास्त भारतीयांसाठी अत्यंत सौभाग्याचा व गर्वाचा दिवस आहे. आपण या ऐतिहासिक क्षणाचे साक्षीदार ठरत आहोत. काळ आणि गरजेच्या अनुषंगाने स्वतःमध्ये परिवर्तन आणण्याचा प्रयत्न आहे. नवीन संसद भवन हे आत्मनिर्भर भारताला साक्ष ठरणारं असेल असं पंतप्रधान नरेंद्र मोदी यांनी आज दिल्ली येथे सेंट्रल व्हिस्टा’ प्रकल्पाअंतर्गत नवीन संसद भवन उभारण्यासाठी पार पडलेल्या भूमिपूजन सोहळ्यानंतर बोलताना म्हटलं.

‘सेंट्रल व्हिस्टा’ प्रकल्पाअंतर्गत नवीन संसद भवन उभारण्यासाठी आज(गुरूवार) पंतप्रधान नरेंद्र मोदी यांच्या हस्ते भूमिपूजन सोहळा पार पडला.

याप्रसंगी पंतप्रधान मोदी म्हणाले, “आपल्या सध्याच्या संसद भवनाने स्वातंत्र्याचे आंदोलन व नंतर स्वतंत्र भारताला घडण्यासाठी आपली महत्वपूर्ण भूमिका निभावली आहे. स्वतंत्र भारताच्या पहिल्या सरकारची निर्मिती देखील इथेच झाली व पहिली संसद देखील इथंच बसली. याच संसद भवनात आपल्या राज्यघटनेची रचना झाली. आपल्या लोकशाहीची पुर्नस्थापना झाली.

संसदेची सध्याची इमारत स्वतंत्र भारताचे प्रत्येक चढ-उतार, आपली प्रत्येक आव्हानं, आपल्या आशा-आकांक्षा, समाधान, आपल्या यशाचे प्रतीक राहिलेली आहे. या इमारतीत बनलेला प्रत्येक कायदा, या कायद्याच्या निर्मिती दरम्यान झालेल्या अनेक गंभीर चर्चा, हे सर्व आपल्या लोकशाहीचा ठेवा आहे. मात्र संसदेच्या शक्तीशाली इतिहासाबरोबरच यथार्थ स्वीकारणे तेवढंच आवश्यक आहे. ही इमारत आता जवळजवळ १०० वर्षांची होत आहे. मागील दशकात तत्कालीन गरजांना लक्षात घेता सातत्याने यामध्ये बदल केले गेले. या प्रक्रियेत अनेकदा भिंती तोडण्यात आल्या आहेत, अन्य सुविधांमध्ये बदल केले गेले. सदस्यांना बसण्यास पुरेसी जागा मिळावी यासाठी भिंती देखील हटवल्या गेल्या आहेत. एवढं सर्व झाल्यानंतर हे संसद भवन आता विश्रांती मागत आहे.
🟧भारत-ASEAN संरक्षण मंत्र्यांची 14 वी ‘मिटिंग प्लस’ बैठक व्हिएतनाममध्ये संपन्न.

ASEAN संरक्षण मंत्र्यांच्या ऑनलाईन ‘मिटिंग प्लस’ बैठकीच्या (ADMM+) 10 व्या वर्धापन दिनानिमित्त 10 डिसेंबर 2020 रोजी व्हिएतनामच्या हनोई शहरात ‘ASEAN संरक्षण मंत्र्यांच्या 14 वी ऑनलाईन बैठक पार पडली. बैठकीला संरक्षण मंत्री राजनाथ सिंग उपस्थित होते.

राजनाथ सिंग यांनी आशियामधला बहुलवादी, सहकार्यात्मक सुरक्षा व्यवस्थेच्या दिशेने संवाद आणि सहभागाला प्रोत्साहित करण्यात ASEAN केंद्रित मंचाची महत्त्वपूर्ण भूमिका अधोरेखित केली.

▪️ठळक बाबी.

व्हिएतनामचे पंतप्रधान गुयेन झुआन फुक यांच्या अध्यक्षतेखाली ही बैठक आयोजित केली गेली होती.ADMM+ ही 10 ASEAN देशांच्या आणि आठ भागीदार देशांच्या संरक्षण मंत्र्यांची वार्षिक बैठक आहे. वर्ष 2020 ADMM+ फोरमच्या स्थापनेचे दहावे वर्ष आहे.2021 साली ADMM+चे नवीन अध्यक्ष म्हणून ब्रुनेई दारुसलाम या देशाची निवड करण्यात आली.

▪️आग्नेय आशियाई राष्ट्र संघ (ASEAN) विषयी.

आग्नेय आशियाई राष्ट्र संघ (Association of Southeast Asian Nations -ASEAN) ही आग्नेय आशियामधली एक राजकीय व आर्थिक संघटना आहे. त्याची स्थापना इंडोनेशिया, मलेशिया, फिलिपाईन्स, सिंगापूर व थायलँड या देशांनी 8 ऑगस्ट 1967 रोजी केली. जकार्ता (इंडोनेशिया) शहरात त्याचे मुख्यालय आहे. आज समूहात ब्रुनेई, कंबोडिया, इंडोनेशिया, लाओस, मलेशिया, म्यानमार, फिलिपिन्स, सिंगापूर, थायलँड आणि व्हिएतनाम या 10 देशांचा समावेश आहे.