متفيد بعد سالفة حساب الحكم وتروح تغلط علّي لاراح يفتهمك والوحيد انت التحرك اعصابك عدا الطرد الغير مستحق المنتخب ماقدم اداء بهالمباراة يشفعله الشوط الاول لوما سيد جلال خسرانين ٣
من انولدت للحياة دفاعنا متصيرله جارة لازم كاساس يلكه حل سريع مدرب محترم واداء بالثلاث مباريات مقنع واللاعبين ماقصروا وهذي المباراة درس للمستقبل وعندي قناعة كاملة منتخبنا يكدر يتأهل لكأس العالم كل الدعم لكم بهيج جمهور مُحب ومساند تكدرون توصلون والحسرة وحزن اليوم حق مشروع وماكو داعي تروح لبيجات يستفزوك بيها كرة القدم فوز وخسارة كما هي الحياة ايضاً

#الكاتب_مستر_عبودي❤️

هاي الفترة من بين كل الفترات ما الها شعور محدد مرات تكعد من النوم وتتمنى تختفي ومره تكون متصالح ويا الحياة مره تگعد قلقان بدون سبب مره تتمنى يمشي اليوم و انت ساكت وهذا غير انك تتمنى تنام لساعات طويلة كلش بدون
ما يزعجك شي

النصائح الي من نوعية لاتقارن حياتك بغيرك نصيحة كاذبة وغير عملية وهي محاولة لأرضاء النفس مؤقتاً الأنسان بكل زمان ومكان يقارن نفسه بالغير ومرات تتعجب شلون هذا الشخص المتزن او الثكيلة وصلت مرحلة هيج تلبس او تسولف او يسخف من نفسه بفيديوات تحقيق الذات بكل الوسائل المتاحة ممكن يستخدمها الأنسان في سبيل راحته او شهرته فتشوف السياسي يستخدم الوسيلة المذهبية لكسب جمهوره وتشوف الجسمها حلو تغلط وتركص لأن هذا السلوك يثير غريزة الغير وتجيها عروض اكثر وتشوف الاعلامي يحاول يسقط بكل انجاز حتى يصير المختلف واسمه يوصل للعالم وللعلم الناس الغلط ادمان شلون ادمان ؟ من تتعود على وحدة وفية او تتعودين على شخص مخلص برغم هالصفة الحلوة بي بس يصير كتاب مفتوح وممل بنظر الناس المريضة او المجتمعات المضطهدة فمن تشوف وحده عدها ملايين المتابعين ومحتواها بس ستوريات بالسيارة متكول شنو الخلاها تشتهر او شنو الدافع الي خله العالم تتابعها الناس الغلط ادمان مو بس بالفيس او الاتستغرام حتى بالعلاقات وحدة شريفة تنعاف لأجل وحدة مو راحة وامين بالعمل يبطلوه لأجل منافق جبان وكلما تبقى على طبيعتك او اصلك راح تعاني بهذا المجتمع او هذي الحياة

#الكاتب _مستر_عبودي❤️

قبل 3 سنين جنت اتناقش ويه واحد بموضوع وبنهايه الكلام كلي : امنيتي افهم الناس مثلك هسه " وكتها صفنت حوالي نص دقيقة وضليت ساكت وبيني وبين نفسي كلت: "نيالك انته لحد هسه مفتهمت الناس ولا شفتهم على حقيقتهُم"تروح السنين وتجي واشوف نفس الشخص هذا قبل كم يوم اجاني يكلي: "اني كلش ندمان بعد ما فهمت الناس وشفتهم على حقيقتهُم شفت حقد من القريب قبل الغريب شفت الاذيه من الناس الي اسويلهم معروف واقدملهم الخير شفت النفاق بالناس الي تضحك بوجهي شفت الحقارة والغل من الناس الي اتمنالهم الخير ومن وكتها اني ممرتاح ولا اعرف اتعامل ويه اي احد بسبب فهمه وإدراكه لكُلشي يصير داير مدايره أحيانًا فهمك الزايد عن اللزوم يضرك إنتَ بس يوعيك

#الكاتب_مستر_عبودي❤️

هاي اكو ناس هلكد ما گلبهم ابيض ، اول ما تحجيلهم عن شي يخرب وما يصير 🙂

هُنا إنسان يُقاوم نفسه والدنيا دائمًا؛
ليُصبح النسخة الأفضل مِنه
وفخور دائمًا بمحاولاته التي لا يراها أحد غيره. ❤️

بصفي صيدلية يجي كل فترة مريض مو جبير بالعمر بس حالته منتهية حجيت وياه اكثر من مرة ذاك المرض بي الله يبعده عنكم وره فترة كطع صار فترة مشايفه اليوم شفته بأحسن حال وراح المرض يمكن فرحت اكثر منه شوف الحياة ممكن تتبدل بلحظة خبر تعرفه مكالمة من شخص نتيجة تحاليل تعب مفاجئ خيانة شخص الك كلمة من فلم تغير تفكيرك لحظة تغير كل شي بحياتك غني يصير فقير وفقير يصير غني امان يتحول لخوف وخوف يتحول لأمان موقف يقربك من ناس وحجاية تبعدك عن ناس الحياة بلحظة تتغير يرجع حقك يجبر بخاطرك او يشفيك مثل هذا الأنسان الجان يائس من حياته

#الكاتب_مستر_عبودي❤️

‏يارب عوضنا عن كل هالمحاولات الخطوات و العثرات و الوگعات عن كل طريق مشينه بي واحنه خايفين ‏انو مايطلع هو الطريق الصح بس وثقنه بيك وبقينه نمشي
‏عن كل خطوة حسينه بعدها انو مانگدر نكمل من التعب وكملنا يارب خلي نهاية كل هالسعي هو الوصول لمحطة راحة تكفي للي تبقى من عمرنا مو أكثر

#الكاتب_مستر_عبودي❤️

الصراحة مااتمنى انجاز ينحسب للعراق بكافة المجالات إذا صاحب الأنجاز شخص عقله صغير ومايحسب حساب لتصرفاته ويرافق حثالات المجتمع هيج انجاز إذا تحقق راح ينطي دافع للعالم ان الشخصية والأتزان واحترام الغير شي ثانوي وغير مهم .

كل ماتنطي الشخص اكبر من حجمه
ينقص هواي من حجمك ...

1 شعبان

باسمك يا الله نبدأ هذا الشهر فبارك لنا فيه وبلغنا رمضان لافاقدين ولامفقودين♥🌙

يامن بشرت زكريا ب يحيى
بشرني بما انتظره ياالله .

اغلب الناس الي طلعوا غلط بحياتي اني جنت منطيهم الشعور الصح أغلب الطرق الغبية الي مشيت بيها مشيتها بقمة حماسي وكل اختيار سيء اختاريته جنت مصر عليه وبمرور الوكت كمت اعرف نهايته مأساوية لو بس موجه كل مجهودي لمرة وحدة على شي صحيح ماراح أوصل لهل مرحلة بالمختصر حظنا مو موزين بس احنه تعوّدنا على سوء الاختيار والتعب وعوّدناه علينا إنت شايفها تتعقد بس هي تترتب أحسن من الي تتمناه

“لُطفه يجرِي و عبده لا يَدرِي”

#الكاتب_مستر_عبودي❤️

‏في فترةٍ ما من حياتك ستجبر قلبك على التخلي عن كل الأشياء التي تؤذيه رغم تعلُّقه الشديد بها ستنسحب من العلاقات المرهِقة ولن تكترث لما يُقال عنك لن تحاول تجميل صورتك وتبرير أفعالك لأي شخص لن تضع آمالًا على أحد لن تراهن على أي شخص وستحتفظ بتفاصيلك الخاصة لنفسك

#الكاتب_مستر_عبودي❤️

ليس كُل ما صرفهُ الله عنك شر لَك
لعّلَك أنتَ ألخير الذي لا يستحقونه 🤍

تنفسوا رائحة المطر وادعوا الله ما شئتم فإن في المطر دعوات لا ترد يا رب مع كل قطرة مطر ارزقنا ما نتمنى

عندما توصل للمكان الي انته بي وتباوع الي وياك كلها تتمنالك عكس الي انته واصله وبنفس الوقت عيونهم الي ماترحم فعلم انته مصدر الاول لتعاستهم خليك دائما بالمقدمة وخليهم منك يتعلمون ...

دير بالك تفكر أنو صلاتك و صومك راح يغفرلك شهادتك الزور أو ظلمك لأي شخص أو أفترائك او قلة أدبك ولسانك على بشر ماشفت من عنده بس الخير ولا حتى كسرة خاطر أنسان وسديت نفسه عن الدنيا او حتى جذبك وتأليفك قصص من الخيال بس حتى ترضي نفسك المريضة وتخرب بيوت وتهدم علاقة بين أي اثنين وتمرض ناس عمرهم ما مأذيك بـ شي
الأمام علي يكول الأنسان بناء الله فويل لمن هـُدمه دائماً خليها ع بالك أن الله يغفر الذنوب جميعاً الأ ظلم العباد فـأنه مرهون بعفوهم يعني لازم الشخص الي ظلمته يسامحك المشكلة فئة چبيرة من الظالمين عايشين ب قناعة خطأ يلا نصوم ونصلي ورب العالمين غفور رحيم لا ومقتنعنين قناعة تامة هم وعند الله تجتمع الخصوم

#الكاتب_مستر_عبودي❤️

طنش وعيش حياتك صح
تصير عصبي وتجاوب واعصاب وتوتر على شنو ؟صير هادئ وطنش خلي هالجمله شعارك اذا متمشون بهذا الشعار متكدرون تعيشون مشي وخلي الامور هي تاخذ مجراها هذا كال فلان كلمه للصبح مانمت فلانه كالت فلان كلمه صارلي عشر ايام افكر بيها لتخلون افكاركم وعقلكم يدورن بدوائر مالها اهميه بحياتكم عيش يومك مشي وعيش حياتك احقد على هذا واحقد على هذا واشيل بقلبي على هذا على شنو والمن مو انت تضر نفسك قبل متضر غيرك حتى لو اكو شغلات متكدر تعديها لو تنساها بمرور الوكت راح تنساها بسهوله

#عيش_يومك

#الكاتب_مستر_عبودي❤️

لحد يلوم واحد ما اله نفس يحجي
ولحد يلوم واحد محتاج يبتعد من كلشي انسان مشتت و محتاج يتصافى ويه نفسه حتى الاشياء الي جانت تفرحه صارت متعنيله يمكن الواحد صار يدور على نفسه بين هوسه الايام الي تمر بسرعة صرنه نخاف نترك اي اثر بقلوب البشر صرنه منعرف نتعامل ويه اغلب الناس بسبب الناس الي تتصنع صرنه منعرف نشكي الي بداخلنه للناس بحيث الواحد يسوي اشياء بسيطة على امل تغيرله مزاجه لحد يلوم الناس على حياتهم شو ماجانت انت ماتعرف حجم الضغط والوجع الي يحسوه بأيامهم كم مرة انكسروا كم مرة نامو علمود بس يهربون من واقع ميعرفون يتعايشون وياه كم مرة انهاروا بصلاتهم لان ملاكين كلام يحجونه يوصف الي كاعد يمرون بي كم مرة لحكتهم ذكرياتهم و حاولت توكف حاضرهم ظروف بعض البشر مدفونة بداخلهم اذا ماتعرفها فأكرمهم بحسن الظن لاتلومون مشاعر الناس لان صدك كل واحد الي بي كافي

#الكاتب_مستر_عبودي❤️