متذكر كل موقف صار وياي وما لكيت احد يمي و متذكر كل شخص عرف يحتويني بالوقت الي جنت بي مااعرف حتى احتوي نفسي ومتذكر كل موقف سكتت عليه حتى ما اجرح الي كدامي وهو ما قدر هالشي متذكر كل موقف اتعرفت بي على ناس نظيفه وضلت معزتهم عندي وماانساهم حتى لو الدنيا بعدتنا عن بعض، متذكر كل كلمة انكالت كدامي حتى تزعجني و اني ابتسمت متذكر كل موقف ضحكت بي من قلبي و شفت الشخص الي كدامي فرحان بس لاني فرحان ، متذكر كل موقف ترك اثر بداخلي . متذكر من انطيت الثقه للشخص الغلط واستغلني ، ومتذكر كل كلمة دعم انكالت بوقت جنت اريد اسمع اي شي يشجعني ،و متذكر كل الخذلان الي شفته من اي شخص جان املي بي كلش جبير وخيب ظني و اخيراً متذكر كلش زين ان رب العالمين جان اله حكمة من كل المواقف الي تعرضت الها اني تعلمت من كل هالمواقف بحلوها و مُرها و تفاصيلها و تعاستها و جمالها بالنهايه اني ممكن اتعب وأزعل و انقهر بس مستحيل راح انكسر

ف #شكرا_للمواقف

#الكاتب_مستر_عبودي❤️

بمناسبة عيد ميلاد السيد المسيح نهنى ونبارك اخوتنا واصدقائنا المسيحين في العراق والعالم اعيادالميلاد المجيدة كل عام وانتم بالف خير

فعلاً مو كلشي يجيك مثل ماتريد
اعظم نعمه ممكن يرزق بيها الانسان هي الصبر دائماً تصير أشياء ضدنه نتذمر ونكره كلشي كبالنا لمجرد خرب فدشي معين الغرض الله بعده عنا كونه شر النا بس ما راح ندرك الحقيقه اله تمر فتره ونبدي نشكر الله على كل عثره عثرناها حتى مانبقه نمشي بهالطريق نحتاج هواي أشياء بحياتنه وأشياء تخلينه أشخاص مثاليين بس مو بسهوله نوصل الها الشي الاساسي للنجاح هو الصبر

#الكاتب_مستر_عبودي❤️

اصعب شي من يكون الشخص عنده اخلاق بس بمواقع التواصل الاجتماعي ويروج بأخلاقه وتصرفاته وسوالفه الرسميه والمثقفه ويستخدم كلمات مهذبه ولكن من ترجع للواقع تلكاه فاشل ومنحط ومبتز وكل صفات النذاله والحقاره بيه ومن تنصدم بيه تحس اكو فرق بين حياه الكيبور وحياه الواقع

#الكاتب_مستر_عبودي❤️

كاعد افكر بموضوع من جانب واقعي و مختلف شويه على كل موقف ضوجني شغلني اخذ مساحة من وكتي واني احلل بي بطريقة او بغيرها اكتشفت كل موقف ترك اثر بداخلي جان هذا الدافع الي يخليني ع طول اعيد صياغة قائمة حساباتي بالحياة جان دائماً يخدمني لما فهمت الصورة الصح و اكلب الصفحة بكل ثقة جان دائماً يساعدني انو اخلي النقاط ع الحروف و يسعفني واني ابالغ ببعض الامور و اكول المايريدني ماريده وضميري مرتاح جان دائماً يخليني اخلي حدود، خطوط حمر و مساحات بالمرات الجايه و ابني اطار لنفسي ولشخصيتي شكراً لكل احد علمني دروس بالحياة و لكل شخص ساعدني اعرف مكانته الحقيقية و لكل واحد سلط الضوه على الشي الي بداخله و ع نواياه و هو ميعرف و خلاني اعرف اني ويه منو كاعد اتعامل خلاني اعرف منو هو هذا الشخص من دون مجهود مني اكو اشياء ميصير ننساها بسهولة لازم دائما نتذكر انو كلشي مُحبط جان اله جانب ثاني جانب خلاني شخص انضج واباوع ع نفسي من خارج الدائره الي اني بيها شكرا لانو هالاشياء عرفتني قيمة نفسي و صحتني ع اشياء مجنت منتبه عليها اكو ناس تسوي خير ويانه مع انه قصدهم يكون شر مرات لحظة من الضعف ممكن تخليك باقي حياتك قوي و مرن اكثر

#الكاتب_مستر_عبودي❤️
⁣

اكو فرق بين الي يلزمك من ايدك ويعدي وياك الايام الصعبة وبين الي ينتظرك بنهايه الطريق علمود يسلم عليك ويكلك مو كتلك راح تعدي !
اختاروا الي يحبونكم .

اكثر شي تعلمته بهاي السنة انه مراح نعيش الحياة الي نحلم بيها بسهولة ولا بيوم و ليلة وان ماكو شي مثالي لو حياة سعيدة دائماً الحياة بيها هواي تغيرات ومراحل تعلمت منها ان الصبر هو المفتاح لهواي ابواب اتعلمت انه كلشي يجي النا بالوكت المناسب ماكو واحد عايش احسن من واحد كل واحد عنده نواقص بحياته واذا ردنا نسلط الضوء ع النواقص عمرنا ما راح نعرف نعيش تعلمت انه الناس مو دائماً كلامهم صادق و لا الي يحاولوا يظهروه النا ممكن يكون فعلا واقعهم الحقيقة الها مليون وجه و احنه ما نشوف منها الا وجه واحد اتعلمت انه كلش غلط نقيس الناس ع حسب مبادئنا و اي خسارة بحياة الانسان تعتبر زيادة رصيده من القوة و اي شي حلو بحياتنا اله عمر افتراضي لهذا السبب عيش يومك بالموجود وياك قبل ما تفقده خسرت هواي بهاي السنه بس لكيت الي يكفي عنهم وعن غيرهم والاهم من هذا لكيت نفسي هالسنة ماجانت ختامها مسك ‏بس ضاعفت شعوري بالرغبة بالهدوء والبرود مهما زادت المشاكل والصعوبات عندي تعلمت هواي اشياء بهاي السنة و اني فرحان بيها وفرحان اكثر بالثبات الداخلي الي زاد وبشعور الاكتفاء

#الكاتب_مستر_عبودي❤️
⁣⁣
⁣

أكثر شي لازم تخاف منه هو الوقت
لان بعد فترة راح تكعد ويه نفسك وتسأل اني شنو جنت اسوي وين جنت مضيع وقتي بعد فترة راح تشوف الچان طالب تخرج والعاطل لكه شغل والفاشل نجح والوحيد كون عائلة وانت بعدك واكف هنا الوقت چان يمشي وانت ممشيت ويا والاسوء انو مراح تكون عندك طاقة تركض حتى تلحك للشي الفاتك لان اساساً ما جنت مستعد ان تركض اسأل نفسك اني وين واكف وشمنتظر وشنو جاي اسوي واذا ملكيت إجابة فـ عيد النظر بحياتك والكي شي تركض ورا حتى مظل واكف هنا

#الكاتب_مستر_عبودي❤️

راح نختم 2022 الله يعوضنا عن كل شغلة جانت نفسنا بيها ومصارت .

الجلب من تخاف منه ينجلب عليك ومن تلبسه وتغلس و تسوي نفسك متشوفه ما ینچلب ويصير فقير و طبعاً اني ما اقصد الكلب

احنه ناس منطلع بالشتاء لان بارده ومنطلع بالصيف لان حاره ومنطلع جمعه وسبت لان ازدحام ومنطلع ب باقي لايام لان دوام
واذ صارت النه فرصه ونريد نطلع لآزٍمٍ تصير طنكوره وعركه وناس تبوز ع ناس ونرجع متندمين ونحلف منطلع بعد

مرات لازم تنكسر علمود تعرف توكف وتسند نفسك بنفسك ومرات لازم تنام وأنـتَ في قمة أنكسارك علمود تكعد الصبح شخص ثاني تماماً مو محتاج لأي أحد شخص يعرف ينقذ نفسه بنفسه شخص لو ما خسر ما جان أكتـشف شكد بداخله قوه وأراده وصبر مرات لازم يموت شي بداخلك علمود تعرف تعيش صح تعيش بـ أسلوب جديد تعيش بضحكه جديده ضحكه كلها كبرياء وقوه ونرجع ونكول ﭑلنـاس الي تنام زعلانه راح تكعد متغيره ما راح تكعد راضيه وبس

#الكاتب_مستر_عبودي❤️

‏تخيّل توصل لمرحلة استقرار نفسي ومادي وجسدي توصل لحلمك وتعيشه بكل تفاصيله تحقق انجاز كل الي حوليك يفتخروا فيه وتروح لكل مكان كان نفسك تزوره يمكن بالسنة الجديدة يكون حلمك اقرب إلك من باب غرفتك بس خلّيك صابر ومؤمن الّي يأمن بربنا ما يرجع مكسور

#الكاتب_مستر_عبودي❤️

⁩

الخصومة هي الشغله الوحيدة الي تبين الشخص على حقيقته ابن الأصول يبين والي يحبك يبين والاصيل يبين الحاقد يبين والي مامتربي يبين لان بس بلحظات المشاكل والخِلاف حقيقة المقابل تبين ويطلع المعدن الحقيقي للشخص علمود هالشي اني مُدان بالشكر للخلافات والمشاكل الي فتَّحت عيني على شغلات هواي مُستحيل جنت اخذ بالي منها لوحدي

#الكاتب_مستر_عبودي❤️