دقايق و اجاوب الكل 😍

لحد يزعل اليوم حفلة نسوي 😂😂😂

مرات مو كل شغله بيها خير شغلات هواي تصير صعبة وشغلات تصير غريبة وشغلات محتاجة صبر وشغلات محتاجة تبتعد عنها شوية وتفكر بيها براحة علمود تحدد موقفك منها شغلات راح تضحك عليها وعلى خيبتك وياها وشغلات راح تخليك تبجي لما تطلع منها وشغلات محد راح يصدكك من تحجي عنها وشغلات كلش راح تغلى وتكول ياريتني اشتريتها أيام الرخص وشغلات ينصحك بيها غيرك ومراح تسويها حتى لازم تجربها بنفسك وشغلات كلش ثكيله متعرف تشيلها لوحدك. وشغلات تكتشفها بنفسك ومراح تصدك هي بيك وشغلات تجي بطريقك حتى تغيرك وتنجيك وشغلات راح تغير طريقك وتلكاها كدامك وشغلات قديمة راح تطلع أحسن من الجديدة وشغلات عمرك ماراح تاخذها وشغلات راح تجيك لحد عندك. وشغلات راح تصير رزقك حتى لو انت متستاهل وشغلات تصير زينه الك وانت بعيد عليها وشغلات مو زينه الك وانت تتقرب الها وكل هالشغلات رب العالمين يحلها الك

#الكاتب_مستر_عبودي❤️

كل عام و اني بخير ...🎉❤️


اول شي شكرا شكرا شكرا من القلب على كل رسالة وصلتني شكرا على كل هدية وصلتني شكرا على الناس الى اتصلت بيه اعتذر الي ملحكت اجاوب عليه ان شاء الله باجر اجاوب الكل ...

البعض من الرسائل او الاتصالات الي وصلتني مجامله جانت و البعض الثاني جان فعلاً من كل كلبه وحسيته فرحان اكثر مني وبهذا اليوم

كل سنه مثل هيج يوم اتخذ هواي قرارات بحياتي لازم اسويها او شنو الاغلاط الي سويتهن اعالجهن اكيد القادم افضل باذن الله

اول خطوه لازم اكمل بي برنامجي الي يوميه اهمل الموضوع مالته بس صار الوكت الي اكمل هل مشروع الي بحياتي وميتاجل خلاص راح اخصص وكت اله وابلش بمشروعي


الخطوة الاهم الي لازم اصير
(قلل ناسك يرتاح راسك)
(طنش الحمير تعيش امير)

مافرطت بيوم باحد ولا نكرت لاحد فضل ولا سويت عداوة ويه احد ولا عندي هل شي صريح كلش بمشاعري اذا كلتلك كلمة جميلة ف انه اعنيها من كل قلبي ما ممكن ازيف شعوري ولا اعرف الكذب والخدع لكن انه عزيز نفس اذا هان قلبي افارك للابد

أذا ما اجتني معجزة راح احاول اصنعها وأذا ما لكيت قصتي راح اكتبها واذا راح تهدم كلشي راح ابدي من جديد انه ما اخسر

‏مِن چنت صغَير چان عَبالي كُل الي يضحك بوجهَك معناها يحبك وكُل الي يحلف معناها صادق وكُل الي يوعد وَعد ميخلف بي بَس هذا الشي تغير مِن بديت أكبر واشوف العالم الحقيقي على بشاعته شگد چانت نظرتي للبشرية بريئة وشگد طلعت خطأ

#الكاتب_مستر_عبودي❤️

من تنطي فائض احتمال . فائض تفكير . فائض حب . فائض اهتمام . فائض ثقة . فائض شغل . فائض جهد ، راح يتدخل التوازن الكوني حتى ينطيك درس على هيئه صدمة والم يعيد الك توازنك . وتبتعد عن التعلق وعلى كل فائض ممكن تنطي لشي عبالك يستحق . صير متوازن بكلشي . كلشي سوي بس بتوازن مو بتعلق ولتنطي الشي اكبر من حجمه التحجيم والتوازنات تساعدك بهواي شغلات ومن ضمن هالشغلات راحة بالك

#الكاتب_مستر_عبودي

عزيزي اللي راح تضحي باجر.. ان شاء الله واصل ثوابك لكن خليك منصف مو تشوف جيرانك واحد طاك وعنده امكانية خير من الله وادزلة شي زين ومرتب وجيرانك الثاني شخص فقير ادزله شي حتى الحيوان اجلكم الله ماياكله هالله هالله بالناس الفقرة لان اللي عنده امكانية هذا اكيد شابع لحم واللي الفقير تلكا حسرة عليه اللحم لذلك حبينه انوه على هذا الشي

#الكاتب_مستر_عبودي❤️

جبرك جاي جاي مهما طول الوقت ومهما كان تعبك اذكر (لايكلف الله نفسا الا وسعها ) مستحيل رب العالمين يتخلى عنك ويتركك وحدك كل شغلة بداخلك تحطمت راح تهون وتعدي خليها على الله وراح اتفرج اطمئن 🤍

#الكاتب_مستر_عبودي❤️

احب اعايد الناس الوكفت ويانه وماخذلونه احب اعايد شكو واحد بقى يحبنه وماغيرته سوالف الناس احب اعايد الناس التحب الخير لاي شخص حتى لو متعرفه احب اعايد الموجودين ويانه بفرحنه وحزنه الناس الي ماملوا منه بوكت برودنه وعصبيتنه الناس الي ويانه عالحلوة وعالمرة الناس الي تجبر بخاطرنه كل لحظه ويوم وسنه الناس الي تحب جمال الروح ومايغرها الشكل الناس الي تذكرتها بأبسط الاشياء كل عام وأنتوا بخير

#الكاتب_مستر_عبودي❤️

احب الناس الي تحجي بلطافه الله هاي شنو ضعفان ما شاء الله صاير شباب هاي شنو القميص التحفه الروعه هاي منين مشتري هذا العطر الروعه بردت قلبي من رديت على فلان و كلتله كذا و كذا و كذا و مو بس يكتبلك شي روتيني بالفيس لا يكتبلك تعليق يخليك تفرح بي الناس هذوله لا تبتعد عنهم مو معناها حب المجامله ابداً من الله هيجي ناس مرتبين لطيفين نظيفين شبعانين و مليانين من الداخل خليك دائما ويه هيجي ناس وحاول تكون دائما قريب من هيج ناس

#الكاتب_مستر_عبودي❤️

(وقضينا اليه ذلك الامر)
يارب لاتنتهي هذه الايام المباركة الا واحنه عايشين شعور هذه الاية

تحية حب وتقدير كبيرة جداً لكل الشباب اللذين يعملون في ايام الاعياد هذهِ عمال المطاعم والاماكن الترفيهية اللذين يعملون بجهد بالغ ويقدمون لنا بلطف الخدمات ويشاهدونا نأكل ونلهو ونرفهه عن أنفسنا لكم أجر ابتسامتنا وفرحنا في هذه الاعياد شكراً لكم من القلب ♥️🙏🏻