اكبر غلطة يغلطها الانسان ميستغل الوقت
والفرص التضيع عليه لان الي يروح بعد ميرجع الفرص تمر مر السحاب خليك مترقبها لان باي لحظة تمر من يمك ومتشوفها وتتندم عليها اهلك انطيهم حب لان بس حبهم يبقى ازلي وياك اصدقائك شاركهم بحزنهم وبفرحهم حتى يجي اليوم التحتاجهم وتلكاهم كبالك لتنطي الشخص اكبر من حجمه لتصغر من قيمتك يم احد خلي كبريائك قوي حتى لو عصرتك الدنيا عصر اليوم تعصرك باجر الله يفتحها بوجهك
گلبك هذا : لتنطيه وتستنزفه لشخص ما ممكن يكون ألك خلي كلبك للأنسان الصح اليقدره ويستاهله وشكد اكو ايام صعبة وسوداوية شفتها بحياتك باچر اكيد راح تصير من ذكرياتك الحلوة

#الكاتب_مستر_عبودي

أكو أبواب بحياتك مانفتحت لانها مو الك واكو اشخاص اختفوا من حياتك لان انطوك درس ودورهم خلص واكو امنيات ماتحققت لأنو وكتها ماأجهً واكو قصص مكملت للاخير لان راح يجي بمكانها قصص جديده اصدق بهواي بالمحصلة الله راح يعوضك عن كلشي وبحياتك ماراح تكون خسران

#الكاتب_مستر_عبودي

البشر غريبون سقطت تفاحة فعرفوا معنى الجاذبية وسقطت آلاف الج-ثث ولم يعرفوا معنى الانسانية

‏شوف الفكره كُلها مُتعلقه ب الامان
‏حسّيت بالامان خلّيك ماحسّيت بي
‏إمشي ولو كان المكان بيتك

هناك جملة أعجبتني كثيرًا تقول:
"لو نيّتك صافية راح توصل أسرع من أي احد".
والحقيقة إن فعلًا طول ما نيّتك زينه ومن جواك طيب وتحب الخير لغيرك ومركز في شغلك وحياتك وأهدافك ممكن تحقق في أيام وشهور اللي غيرك بيحققه في سنين. "على نياتكم تُرزقون

#الكاتب_مستر_عبودي

خليك دائماً مكتفي بنفسك ولتسأل احد ولاتعاتب نهائياً خليك دائماً مقتنع ان كل واحد يتعامل وياك على حسب مكانتك عنده ومشاعره ناحيتك .

ونحمد الله على خطواتٍ لم تكتمل، لو اكتملت لكانت شرًا كبيرًا، ونحمد الله على اختياره الجميل، ونحمد الله على كل أفعاله، فسبحانه بيده كل الخير. 🤍

#الكاتب_مستر_عبودي

بمرور الأيام، راح تعرف قيمتك الحقيقية، ومو أي واحد يستاهل تكون لطيف وياه بالكلام، راح تعرف قيمتك الحقيقية من تشوف الي جنت زين وياه شلون يعاملك بقلّة أصل راح تعرف ان مشاعرك مو أي احد يستاهلها و الإيد الي راح تحتاجها مراح تلاكيها راح تدرك حجمك الحقيقي من تشوف نفسك زعلان على شخص ميستاهلك، من تتعب علمود الي مشايفك وميعرف شي عنك من الأساس راح تعرف ان اكو ناس لازم تصير حدي وياهم وان الأنانية مطلوبة حتى تقدر نفسك راح تعرف مو أي احد حجالك كلمة حلوة معناها يتمنالك الخير، راح تعرف قيمة الوكت الي ضيعته ويه شخص مو قيمتك او حتى تنسى موقف باقي بذاكرتك.
من تعرف قيمتك الحقيقية، كل الآشياء الي تحبها، بنظرك راح تصير عادية، عادية كلش

#الكاتب_مستر_عبودي

اكو ناس ترد غيبتك من غير ما يوصلولك الكلام الي صار لو يحملوك منيّة دفاعهم عليك واكو ناس معدنهم طيب يوكفون بظهرك من غير ما يعرفون شنو السالفة واكو ناس تتعارك على مودك وكأنما انت واحد من اهـلهم واكو ناس تخسر ناس علمودك واكو ناس تحطك گبل مصلحتها واكو ناس على الرغم من خلافك وياهم من يجي طاريّك يگولون كلمة حق وما يسيئون الك معنى الكلام اكو ناس تنصفك حتى لو بيناتكم بس سلام وناس تدگ بيك الناقصة حتى لو چانوا اقرب الناس الك

#الكاتب_مستر_عبودي

رب العالمين عوضه جميل جدا يجي بعد تعب چبير وبعد ماتكون نسيت طعم الفرحة اساسا ومريت بأسوء الحالات وفجأة تلاكي ربنا فرجها عليك بشيئ ماتتوقعه ومن طريق جنت اشوفه مقفول مشروع ماتوفقت بي ونسد بنت رفضتك للزواج ونسدت بوجهك ربك وإن قال لشيئ كن فيكون فمهما كان طريقك صعب ومقفول اكيد اله نهاية ومخرج ولاتكول اني ماعدي حظ ونسدت كل الطرق بوجهي رب الخير لايأتي الا بالخير واكيد راح تفرح بالأخير رب العالمين راح يعوضك ويفتحلك اوسع ابوابه ويرزقك بالشيئ الي تتمناه اطمئن ثق بالله ولاتيأس

#الكاتب_مستر_عبودي

صباح التوكل على الله الذي لا يخيب، صباح الكرم الرباني و العطايا الجزيلة وبك أصبحنا يا من بيده مفاتيح التوفيق ‏والخير

صباح الخير ♥️

تجيك لحظات تكون متأكد بيها إن طيبتك غباء تتاذه من الناس الي جنت منطيهم الثقة و الأمان تتخلى بمواقف وتطلع انت الغلطان بدون سبب ينعتب عليك بدون ذنب وبنفس الوكت تنسند من ناس مجانوا على بالك، والله يعوضك بـ احسن من الي جنت مفكر ماكو مثلهم، وتتجازى بكل خير على نيتك الصافية الي عند رب العالمين مستحيل يضيع البشر عادي ينسى ويذمك ويطلع بيك اسوء العبر بس رب العالمين يعوضك ب الي يستاهلك ويعرف قيمتك هذا طبع الحياة تروح شغله تجي شغلات وينقفل باب ينفتح ألف باب

#الكاتب_مستر_عبودي ❤️

الكثير من الكلمات او النصائح التي تصدر من آبائنا يثبت لنا الزمن أنها صحيحة وأننا اذا اتبعناها ننجو

الصعوبة كلها مرات تواجهك بخطوة وحده مو اكثر مثل الي نايم ويريد يكعد بس كل شوية يكول اسوي للمنبه غفوه وأصحى وره خمس دقايق بس بالنهايه تشوفه هو اتأخر ساعة مثلاً حتى يكعد أو مو بعيد تشوفه مكعد أصلاً وراحت عليه نومه لازم تفهم إكو شغلات هواي بحياتك علمود تخلص منها ممحتاجة منك غير بس خطوة وحده تريد تكعد من النوم، لازم تكعد بالموعد المحدد تريد تنهي علاقة مؤذية لازم تكول لنفسك وللطرف الثاني خلاص مراح اكمل تريد تنسى شخص متعلق بي لازم تبطل مراقبته تريد تشتغل روح دور على شغل واشتغل أي شغله على كد خبرتك تريد أي شي بحياتك، لازم تاخذ القرار بسرعه ومادام صح لتأجل بدون فايدة ويروح عليك الوكت شغلات هواي بحياتنا واكفه على خطوة لو قرار من عدنه بس مرات تصير حرب داخلية ونفكر بكل الاحتمالات ونضل نضيع وكت لحد ما الوكت يروح ويعدي وللأسف أحياناً كل ما الوكت يعدي الوضع لو يتعقد اكثر لو نخسر شغلات هواي اخذ الخطوة الصح بأسرع وقت ممكن

#الكاتب_مستر_عبودي ❤️

راح تبقى تتحمل امور غلط وعلاقات متعبتك وتصرفات متكدر تتحملها ومواقف مالها اَي داعي مرة الخاطر العشرة ومرة الخاطر رزقك ومرة تتذكر بيها تربيتك وعمرك لحد ماتجي لحظة تنفر بيها الكل ومتخلي شي واكف بعينك حتى لو خسرت كلشي ماكو شي منكدر نستغنى عنه كلشي يتعوض ودائماً اتوقع الموزين من الزين

#الكاتب_مستر_عبودي ❤️

راح نودع شهر العاشر في سنة 2023 وراح ندخل شهر ال11 واحنا اساسآ مامفتهمين شي من سنة 2017 😎

لازم عندك مبدأ التخلي بأي علاقة بحياتك..
من تتعرض للأذى، وكف العلاقة وقيّمها، وشوف الذنب يُغتفر لو لا والغلطان يعرف هو غلطان ويحاول يصلح من نفسه لو لا، وراها تقرر هالشخص يستاهل تكمل وياه وإنت راضي وعندك أمل بي راح يتغير لو لا بس آذا تستحمل أشخاص ممرتاح وياهم بحياتك بدون أي مقابل أو علامات واضحة على سعي الغلطان حتى يتصلح ، هذا اكبر ظلم إنت كاعد تسوي تجاه نفسك ومرات اكو شخص متريد تخسره تحاول وياه بس بالنهايه متصير عنده قدرة على الإصلاح أصلاً ومراح ينصلح هنا لازم تقرر اما تكمل وإنت راضي ، يا تروح وإنت مشتري نفسك ومشتري راحتك

"إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ"

#الكاتب_مستر_عبودي ❤️

نعمة كلش جييرة من رب العالمين يخلي الواحد ميعرف شنو الي كاعد يصير من وره ضهره يخلي عايش على نيته ومحب لكل الي داير مدايرة ومتخيلهم يحبوه بس إذا اجيت ودورت راح تشوف أغلبية العالم على حقيقتها راح تشوف الكلام الي مو بحقك ينكال عليك من وراك راح تشوف الناس الي داخلها حقد وغل من ناحيتك راح تشوف مستعد يخرب كلشي حتى ميشوفك تصير احسن منه بنهايه سورة المائدة ( يَا أَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ ) مو بس متسأل لا المفروض متسعى حتى تعرف عوفها على الله وخليها تمشي مثل ماهيه ماشيه

#الكاتب_مستر_عبودي ❤️

🔴 عاجل
شركة كورك تتوقف عن خدمة الاتصال بآسيا سيل وشركة زين

يعني الي عنده خط كورك ميكدر يستقبل اتصال من خطوط اسياسيل وزين