‏الاختيار الغلط غلطتك انت مادخل الحظ و الحياة لاترضى بشي أقل من طموحك و لا تعطي الناس اكثر من قيمتها ‏و لمّا تعرف إنو الشخص مو مريح الا تقرّبه منك اختياراتك الغلط هي نتيجة تحمّلك لقصص فوق طاقتك حاول تفهم كلشي حواليك ‏و توعى لكلّ التّفاصيل حتى
‏ما تزيد الأشياء الغلط بحياتك

#الكاتب_مستر_عبودي ❤️

"الراضي رب العالمين راح يراضي بكلشي ،
الكلام هذا حقيقي لأقصى درجة، ماكو مرة راح ترضى بيها بوضع صعب لو ابتلاء ثكيل إلا وراح تشوف رب العالمين انطاك القدرة تستحمله ويراضي قلبك بجوانب ثانيه بحياتك، وماكو مرة راح ترضى بيها بأمر واقع او فقدان عزيز إلا وراح تشوف ربنا منزّل عليك كل الصبر ويعوضك من عنده واذا جان هالشي عكسي ومو راضي على أقدار الله والابتلاءات الي تواجهك راح تشوف قلبك دائماً مهموم ونفسيتك تعبانة و بالنازل والدنيا داير مدايرك ضيقة رغم وسعها رب العالمين يرضينا بأقداره ويراضي قلوبنا بكرمه وعوضه ويخلي نفوسنا ساكنة مُطمئنة لحكمته

#الكاتب_مستر_عبودي ❤️

الناس متاخذ بالها وهي بتضغطك بس تاخذ بالها من طريقتك تتغير متاخذ بالها وهي كاعد تجرحك و تستنزف طاقتك بس تاخذ بالها انك صاير عصبي متاخذ بالها من تستصغرك وتقلل من قيمتك بس ياخذون بالهم إذا انت لابسهم وممهتم لاحد مياخذ باله وهو كاعد يأذي المقابل بس ياخذ باله من توكفه عند حده

#الكاتب_مستر_عبودي ❤️

لتوصل الي كدامك لمرحلة اللا عودة وترجع تكول هو ليش هيج كاعد يتصرف ويايه لو ليش هيج تغير عليه ماكو شجرة توكع من ضربة فاس وحده، ولا كلاص ينملي من نقطة وحده ولا واحد يمسح كلشي من غلطة أو كلمة وحده احترموا الفرص والتفويت لأن التراكمات تصفر رصيد الغلاوة والمعزة وكلش سهل تنكسر اقوى وأمتن وأقدم علاقة

#الكاتب_مستر_عبودي ❤️

ننتقد الأعوج ونحجي عليه وحتى نتنمـ.ر لأن هو يجيبها لنفسه وبنفس الوقت نشجع اللي يمشي عدل واللي يصحح من نفسه ويعدلها.
هذولة الاثنين اغلبكم شايف مقاطعهم كانوا ضايعين بمستنقع الفساد والتفاهة وحتى الشـ.ذوذ وكان يتعرضون للسب والشتم والتـ.نمر وربما حتى للتهديد بسبب ما يقدموه ويفعلوه لكن شاء القدر وعادوا لرشدهم وربما هناك من كان سبب بتغيرهم وتحويلهم من اشخاص ضائعين تائهين شـ.واذ الى اشخاص محترمين اسوياء ليساهم بإنقاذهم من الضياع واتمنى ان يستمروا على هذا الحال كل إنسان منا مُعرض للخطأ ويقولون الإعترف بالخطأ فضيلة لكن الأصح ليس الاعراف بالخطأ هو الفضيلة بل عدم تكراره والتعلم منه سبحان من لا يُخطئ وحياتنا جميعاً مليئة بالأخطاء والأشياء السلبية منها متعمدة نندم عليها لاحقاً ولا نكررها ومنها غير متعمدة وأيضاً نحاول عدم تكرارها والتعلم منها

#الكاتب_مستر_عبودي❤️

الي نحبه شلون نضمنه مرات نحب شخص ودنا نملكه بس بنفس الوقت نكون خايفين خاف نخسره خاف يروح عنا خاف ينهي العلاقه ..الخ نشوفه حباب ومابيه شي بس بالنهايه يتغير بعد فتره يعني او يبقى حباب بس تصرف تصرفين يخلونا نشك انه مو حبيب هذا او نشوفه يحجي شي ويطبق شي ثاني يعني هواي حالات المهم الحاصل انو تريده الك تضمنه وتطمئن انو حيبقى وياك او ميتغير على الاقل تريد الصدك متكدر تضمن شخص الاشخاص اسرار واشكال الوان ( خوب علاقات النت هاي مصيبه ترا !) يعني مرات شخص وياك وفترات طويله وبموقف واحد ينكشف على الحقيقية ف كيف الحال اذا وراء الشاشه يعني انت واختيارك بعد مرات اختيارك موقف وتحصل شخص بيه خير وفعلا اصيل ميعوفك مو ابو وجهين مو كذاب ومرات لا والله تلكأ شلونه بالبدايه نوب بالاخير يگلب اذا هي مساله انت وشطارتك تحلل تصرفاته واكيد بعض التصرفات تكون استثنائيه مثل بحاله عصبيه او هيج امور حسب يعني بس تاخذ بصوره عامه شوفه خوش ادمي لو لاسواء لا ف لاتكول لا اني احبه ف حبقى ويا وهو يتعدل ومن هلحجي نسبه ٩٩٪؜ منهم ميتغيرون هو أطباعهم متعبه هيج ف انت انسحب واطلع باقل خسائر #الكاتب_مستر_عبودي❤️

إذا أفرحتك عثرة أخيك
‏فأعلم أن في قلبك مرض

شو كلها تحب المسيح وتباركلهم بعيدهم
لعد منو هجرهم واشترى بيوتهم واخذ املاكهم جانو يشكلون 10‎%‎ من الشعب العراقي هسه يمكن مابهم 1‎%‎

الحلو بالشخص يكون واضح ببدايه اي علاقه داخلها احسن منما ينكشف بعدين بكميه القذاره الشايلها جوا يعني الزباله خلي يكول اني زباله وخلص

وفي الجمعه الأخيره من عام ٢٠٢٣
‏يارب راضيني..وارضيني..وارضي عني.♥️

يقول محمد علي كلاي
تريد النجاح ثق بالله ثم بنفسك وتجاهل من يقول هذا صعب وهذا مستحيل.
عش ضعفك أمام الله فقط واخرج لهم بكامل قوتك.❤️

‏لن تصل إلى قمة النجاح دون أن تمر بمحطات التعب والفشل واليأس كن صاحب إرادة وعزيمة قوية ولا تقف كثيرا في تلك المحطات قاوم وجاهد لتصل إلى هدفك

الف الحمدالله احلى فرحة 2023/12/31...❤️

سنه سعيدة على الناس الوكفت ويانه وماخذلونه سنة سعيدة على شكو واحد ضل يحبنه وماغيرته سوالف الناس الناس التحب الخير لاي شخص حتى لو متعرفه سنة سعيدة على الموجودين ويانه بفرحنه وحزنه الناس الي ماملوا منه بوكت برودنه وعصبيتنه الناس الي ويانه عالحلوه وعالمره الناس الي تجبر بخاطرنه كل لحظه ويوم وسنه الناس الي تحب جمال وجوهر الروح وميغرها الشكل الناس الي تذكرنه بابسط الاشياء
سنة سعيدة عليكم

#الكاتب_مستر_عبودي❤️

1 يناير 2024

بداية عام جديد اللهم أجعله عام جبر و خير و فرحة يارب ...❤️

كل انسان يشوف الآخرين من خلال نفسه، من خلال أفكاره، وأخلاقه الطيب يظن الكل طيب مثله، لهذا يتعرض للأذى الصادق ما يتوقع أنه في ناس أحياناً بدون سبب تكذب، لهذا يتعرض للخداع الكريم ما يفهم البخل، لهذا ممكن ما ينتبه لما يتعرض للاستغلال الشهم لما يحتاج مساعدة يظن راح يشوف احد يوكف يمه ويسنده، لهذا يتعرض للخذلان الوفي يثق بالآخرين، لهذا يتعرض للغدر هذا واقعنا نعيش لنجرب لنتألم، لنتعلم والرابح هو يلي يقدر ويضل نظيف بزمن ضاعت فيه المبادئ وصارت فيه المصالح هي المحرك والدافع الأساسي في الحياة

#الكاتب_مستر_عبودي❤️

‏من اهم الدروس اللي المفروض تفهمها بالحياة هي " اذا المكان مو إلك لاتحارب "
‏حارب اذا چان الربح مضمون تربح قضية قلب شعور انسان الخ..
بس لاتحارب علمود ولاشي لأن راح تخسر نفسك

#الكاتب_مستر_عبودي❤️

2024/1/3

اول شغلة اريد اسويها لدخول السنة الجديدة ما اريد بعد ناس جدد بحياتي لان الي بحياتي اريد اصفيهم و اخلي بس الي فعلا يستحق يكون بحياتي و من الاوليات

الي حيشوف نفسه بقائمة البلوك وبالواقع حيشوف وجودة وعدم وجودة صار واحد ليسالني السبب شنو وليش حضرتني فرصة سعيدة و اتمنى الك حياة سعيدة بس مو بحياتي ...

خلص لهنا و كافي ...🙂

تصبحون على خير❤️

حسب الدراسة الي اني سويتها على كم نفر سرسري سيبندي اعرفهم اذا ولد او بنيه حق المعرفة
تارسين حساباتهم بالفيس والواتساب والانستا ادعية وايات قرأنية وترقيه عن الحسد لتطهير الجسد ماكو سبب يخليهم هيج ينشرون غير سببين
الاول:-انو همه ضايفين اهل نسوانهم او بنات عده او ولد عدها حتى يبين انو هوه ادمي گدامهم

والثاني:- حتى من يتعرف على بنيه تكون منشوراته بيها اطمئنان للضحيه يعني ماكو مبرر يخليك هيچ تتصرف يعني انت بالواقع سرسري او انتي تستشرفين وطايح حظ وسربوت وقفاص تجي تستشرف بالفيس والانستا و الواتساب
ماعتقد هالشي رح يغفر ذنوبك اشتغل على اخلاقك بالواقع وعوف الشكليات لان حالياً الدين الشكلي بالعراق هوه اكثر دين منتشر

#الكاتب_مستر_عبودي❤️