بصفي صيدلية يجي كل فترة مريض مو جبير بالعمر بس حالته منتهية حجيت وياه اكثر من مرة ذاك المرض بي الله يبعده عنكم وره فترة كطع صار فترة مشايفه اليوم شفته بأحسن حال وراح المرض يمكن فرحت اكثر منه شوف الحياة ممكن تتبدل بلحظة خبر تعرفه مكالمة من شخص نتيجة تحاليل تعب مفاجئ خيانة شخص الك كلمة من فلم تغير تفكيرك لحظة تغير كل شي بحياتك غني يصير فقير وفقير يصير غني امان يتحول لخوف وخوف يتحول لأمان موقف يقربك من ناس وحجاية تبعدك عن ناس الحياة بلحظة تتغير يرجع حقك يجبر بخاطرك او يشفيك مثل هذا الأنسان الجان يائس من حياته

#الكاتب_مستر_عبودي❤️

‏يارب عوضنا عن كل هالمحاولات الخطوات و العثرات و الوگعات عن كل طريق مشينه بي واحنه خايفين ‏انو مايطلع هو الطريق الصح بس وثقنه بيك وبقينه نمشي
‏عن كل خطوة حسينه بعدها انو مانگدر نكمل من التعب وكملنا يارب خلي نهاية كل هالسعي هو الوصول لمحطة راحة تكفي للي تبقى من عمرنا مو أكثر

#الكاتب_مستر_عبودي❤️

الصراحة مااتمنى انجاز ينحسب للعراق بكافة المجالات إذا صاحب الأنجاز شخص عقله صغير ومايحسب حساب لتصرفاته ويرافق حثالات المجتمع هيج انجاز إذا تحقق راح ينطي دافع للعالم ان الشخصية والأتزان واحترام الغير شي ثانوي وغير مهم .

كل ماتنطي الشخص اكبر من حجمه
ينقص هواي من حجمك ...

1 شعبان

باسمك يا الله نبدأ هذا الشهر فبارك لنا فيه وبلغنا رمضان لافاقدين ولامفقودين♥🌙

يامن بشرت زكريا ب يحيى
بشرني بما انتظره ياالله .

اغلب الناس الي طلعوا غلط بحياتي اني جنت منطيهم الشعور الصح أغلب الطرق الغبية الي مشيت بيها مشيتها بقمة حماسي وكل اختيار سيء اختاريته جنت مصر عليه وبمرور الوكت كمت اعرف نهايته مأساوية لو بس موجه كل مجهودي لمرة وحدة على شي صحيح ماراح أوصل لهل مرحلة بالمختصر حظنا مو موزين بس احنه تعوّدنا على سوء الاختيار والتعب وعوّدناه علينا إنت شايفها تتعقد بس هي تترتب أحسن من الي تتمناه

“لُطفه يجرِي و عبده لا يَدرِي”

#الكاتب_مستر_عبودي❤️

‏في فترةٍ ما من حياتك ستجبر قلبك على التخلي عن كل الأشياء التي تؤذيه رغم تعلُّقه الشديد بها ستنسحب من العلاقات المرهِقة ولن تكترث لما يُقال عنك لن تحاول تجميل صورتك وتبرير أفعالك لأي شخص لن تضع آمالًا على أحد لن تراهن على أي شخص وستحتفظ بتفاصيلك الخاصة لنفسك

#الكاتب_مستر_عبودي❤️

ليس كُل ما صرفهُ الله عنك شر لَك
لعّلَك أنتَ ألخير الذي لا يستحقونه 🤍

تنفسوا رائحة المطر وادعوا الله ما شئتم فإن في المطر دعوات لا ترد يا رب مع كل قطرة مطر ارزقنا ما نتمنى

عندما توصل للمكان الي انته بي وتباوع الي وياك كلها تتمنالك عكس الي انته واصله وبنفس الوقت عيونهم الي ماترحم فعلم انته مصدر الاول لتعاستهم خليك دائما بالمقدمة وخليهم منك يتعلمون ...

دير بالك تفكر أنو صلاتك و صومك راح يغفرلك شهادتك الزور أو ظلمك لأي شخص أو أفترائك او قلة أدبك ولسانك على بشر ماشفت من عنده بس الخير ولا حتى كسرة خاطر أنسان وسديت نفسه عن الدنيا او حتى جذبك وتأليفك قصص من الخيال بس حتى ترضي نفسك المريضة وتخرب بيوت وتهدم علاقة بين أي اثنين وتمرض ناس عمرهم ما مأذيك بـ شي
الأمام علي يكول الأنسان بناء الله فويل لمن هـُدمه دائماً خليها ع بالك أن الله يغفر الذنوب جميعاً الأ ظلم العباد فـأنه مرهون بعفوهم يعني لازم الشخص الي ظلمته يسامحك المشكلة فئة چبيرة من الظالمين عايشين ب قناعة خطأ يلا نصوم ونصلي ورب العالمين غفور رحيم لا ومقتنعنين قناعة تامة هم وعند الله تجتمع الخصوم

#الكاتب_مستر_عبودي❤️

طنش وعيش حياتك صح
تصير عصبي وتجاوب واعصاب وتوتر على شنو ؟صير هادئ وطنش خلي هالجمله شعارك اذا متمشون بهذا الشعار متكدرون تعيشون مشي وخلي الامور هي تاخذ مجراها هذا كال فلان كلمه للصبح مانمت فلانه كالت فلان كلمه صارلي عشر ايام افكر بيها لتخلون افكاركم وعقلكم يدورن بدوائر مالها اهميه بحياتكم عيش يومك مشي وعيش حياتك احقد على هذا واحقد على هذا واشيل بقلبي على هذا على شنو والمن مو انت تضر نفسك قبل متضر غيرك حتى لو اكو شغلات متكدر تعديها لو تنساها بمرور الوكت راح تنساها بسهوله

#عيش_يومك

#الكاتب_مستر_عبودي❤️

لحد يلوم واحد ما اله نفس يحجي
ولحد يلوم واحد محتاج يبتعد من كلشي انسان مشتت و محتاج يتصافى ويه نفسه حتى الاشياء الي جانت تفرحه صارت متعنيله يمكن الواحد صار يدور على نفسه بين هوسه الايام الي تمر بسرعة صرنه نخاف نترك اي اثر بقلوب البشر صرنه منعرف نتعامل ويه اغلب الناس بسبب الناس الي تتصنع صرنه منعرف نشكي الي بداخلنه للناس بحيث الواحد يسوي اشياء بسيطة على امل تغيرله مزاجه لحد يلوم الناس على حياتهم شو ماجانت انت ماتعرف حجم الضغط والوجع الي يحسوه بأيامهم كم مرة انكسروا كم مرة نامو علمود بس يهربون من واقع ميعرفون يتعايشون وياه كم مرة انهاروا بصلاتهم لان ملاكين كلام يحجونه يوصف الي كاعد يمرون بي كم مرة لحكتهم ذكرياتهم و حاولت توكف حاضرهم ظروف بعض البشر مدفونة بداخلهم اذا ماتعرفها فأكرمهم بحسن الظن لاتلومون مشاعر الناس لان صدك كل واحد الي بي كافي

#الكاتب_مستر_عبودي❤️

انت وتدعي الله يرزقك بيت وسيارة وفلوس تكضي بيها اجازة بتركيا لتنسى تدعي الله بشغلتين : العافية والستر كل حلمك وطموحك يّنسف بلحظة اذا صابك مرض وبقيت نايم بفراشك تتمنى كل شي تعبتله وسعيتله يروح بس توكف على رجلك من جديد عندك فلوس بس متعرف شتسوي بيها اذا عندك تعب او قولون تكرهك باللكمة التاكلها هاي أمراض تافهة مقارنة بالامراض الثكيلة الي ربك عافاك منها او ابتلاك بيها الأمراض الي مهما امتلكت مال وجاه راح تنهش بلحمك وماتكدر تسويلها شي . والأصعب اذا هالمرض صار بواحد عزيز عليك تبيع الدنيا والبيها حتى ابنك يرجع يمشي لو يبطل كحه ويصير زين .
والستر تخيل الله شال ستره عليك . وكل التسوي والتنوي بداخلك فجأة ينكشف للناس ذنوبك ومشاعر الغيرة الضامهن وره وجه الذوق والاحترام تخيل انت بأعمق نقطة مدفونة عن عيون البشر النور يبين فجأة وتكتشف انت بمسرح واكو جمهور غفير كاعد يباوع عليك الهالسبب بالحديث الشريف يذكر من اصبح آمن في سربه ومعناها الستر معافى بجسده معناها الصحة كأنما امتلك الدنيا حتى لو يشتغل بس على قوت يومه اطلبوا من الله كل التتمنوه بالحياة فلوس سيارات موبايلات محلات بس قبل كل شي ادعوله يكملها بأهم حاجتين الصحة والستر

#الكاتب_مستر_عبودي❤️

‏بعد أيام قليلة سينقلب روتين حياتنا سُنحب الليل بزياراته واجتماعنا بعد غروب الشمس، سنتراكض قبل آذان الفجر لشرب الماء، وتعلو المساجد بأصوات التراويح، سنشعر بجرعات إيمانية في أوردتنا، اللهم بلغنا رمضان في أحسن حال، ومن غير أن نرى دمعة حبيب ولا فراق غالي. ♥️

اكبر خطأ تحكم على شخص بالعمل من خلال عقيدته او مذهبه اشتغلت ويه هواي عالم تشوفه بالظاهر مرتب هو ولبسه وساعته ومعلوماته بالأخير يطلع منافق لو حرامي لو يسوي مشاكل وتشوف شخص بالظاهر تكول هذا متأمن بي ويطلع امين ومتربي وابن اوادم القناعات الشخصية من الدين والعقائد للأنسان مو شغلك ولاانت مسؤول على غيرك شيحب ويكره
التعامل يصير على عطائه وحرصه بالعمل ولاانت كعامل او موظف تنجبر تغير قناعاتك حتى ترضي ابو العمل المن يميل ويعتقد لأن راح تصير حالك حال العبد بدون كرامة وشرف

#الكاتب_مستر_عبودي❤️

امشي . والمكتوبلك يركض وراك ...✈️

من تشوف وتسمع سوالف الناس تخليك تتاكد وتتيقن ان الي يريد يكدر والما يريد يطلع الف حجه حتى يقنع نفسه ويقنعك

#الكاتب_مستر_عبودي❤️

لتتوسل حتى تحصل مقعد ...🙄

اصنع طاولتك الخاصة ...🙂