#MSone Release - 2959

Love Hostel (2022)
ലവ് ഹോസ്റ്റൽ (2022)

ഭാഷ : ഹിന്ദി
സംവിധാനം : Shanker Raman
പരിഭാഷ : പ്രജുൽ പി
പോസ്റ്റർ : ഉണ്ണി ജയേഷ്
ജോണർ : ക്രൈം, റൊമാൻസ്, ത്രില്ലർ

IMDb ⭐️ 7.3/10

ഉത്തരേന്ത്യയിലെ ദുരഭിമാനക്കൊലകളെ ആസ്പദമാക്കി ശങ്കർ രമൺ സംവിധാനം ചെയ്ത റൊമാൻ്റിക്ക് ത്രില്ലർ സിനിമയാണ് ലവ് ഹോസ്റ്റൽ.

ജ്യോതിയും ആശുവും വളരെ നാളുകളായി പ്രണയത്തിലാണ്. ജ്യോതിയുടെ വിവാഹം മറ്റൊരാളുമായി നിശ്ചയിച്ചതിനെ തുടർന്ന് അവർ ഒളിച്ചോടി വിവാഹം കഴിക്കുന്നു. മിശ്രവിവാഹമായതിനാൽ അവരുടെ ജീവന് ഭീഷണിയുള്ളതുകൊണ്ട് കോടതി അവരെ സേഫ് ഹോമിലേക്ക് അയക്കുന്നു. ഒളിച്ചോടുന്നവരെ ദുരഭിമാനക്കൊലകളിൽ നിന്ന് രക്ഷിക്കാൻ സർക്കാർ ഒരുക്കിയ അഭയ കേന്ദ്രമാണ് ഈ സേഫ് ഹോമുകൾ. ഈ വിവരം മനസ്സിലാക്കിയ ജ്യോതിയുടെ മുത്തശ്ശി അവരെ കൊല്ലാൻ ഡാഗർ എന്ന കൊടുംകുറ്റവാളിയെ പിന്നാലെ അയക്കുന്നു.

ബോബി ഡിയോൾ എന്ന മുൻകാല റൊമാൻ്റിക്ക് ഹീറോ, തൻ്റെ രണ്ടാം വരവിൽ ഡാഗറായി ഗഭീര പ്രകടനമാണ് കാഴ്ചവച്ചിരിക്കുന്നത്. ഒപ്പം മികച്ച പശ്ചാത്തല സംഗീതവും ഛായാഗ്രഹണവും, എഡിറ്റിങ്ങും ഒരു മികച്ച ത്രില്ലിങ്ങ് അനുഭവമായി ഈ സിനിമയെ മാറ്റുന്നു.

വയലൻസ് രംഗങ്ങൾ ഉള്ളതിനാൽ കുട്ടികളെ കാണിക്കാതിരിക്കുക.

അഭിപ്രായങ്ങൾ പങ്കുവെക്കാൻ

Categories : #Crime #Hindi #Romance #Thriller

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 03
എപ്പിസോഡ്‌സ്: 03

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

#MSone Release - 2960

Vikings: Valhalla - Season 01 (2022)
വൈക്കിങ്‌സ്‌: വൽഹാല്ല - സീസൺ 01 (2022)

Episodes: 01-04
എപ്പിസോഡ്‌സ്: 01-04

ഭാഷ : ഇംഗ്ലീഷ്
നിർമാണം : Metropolitan Films International
പരിഭാഷ : ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വെഞ്ചർ, ഡ്രാമ

IMDb ⭐️ 7.1/10

2013 പുറത്തിറങ്ങി 2020 യിൽ സംപ്രേക്ഷണം അവസാനിപ്പിച്ച ലോക പ്രശസ്ത സീരിസായ വൈക്കിങ്സിന്റെ സ്പിനോഫായി 2022 യിൽ നെറ്റ്ഫ്ലിക്സിലൂടെ പുറത്ത് വന്ന സീരീസാണ് വൈക്കിങ്സ്: വൽഹാല്ല.

വൈക്കിങ്സിലെ സീരിസിലെ സംഭവങ്ങൾക്ക് ശേഷം ഏകദേശം നൂറ് വർഷങ്ങൾ കഴിഞ്ഞുള്ള കഥയാണ് വൽഹാല്ലയിൽ കാണിക്കുന്നത്.

ഇന്ന് മഹാനായ റാഗ്നറിന്റെയും പുത്രന്മാരുടെയും വീര സാഹസികതകൾ ഇതിഹാസങ്ങളായി മാറിമറിഞ്ഞിരിക്കുന്നു. ഇംഗ്ളീഷുകാരുമായി സന്ധിയിലേർപ്പട്ട വൈക്കിങ്ങുകൾ ഇംഗ്ലണ്ടിൽ സ്ഥിരതാമസമാക്കിയിരിക്കുന്നു. വൈക്കിങ് ജനതയിൽ വലിയൊരു വിഭാഗം ക്രിസ്തു മതം സ്വീകരിച്ചു. പഴയ ദൈവങ്ങളെയും ഭാഷയും പോലും അവർ മറന്നു, പക്ഷേ ഇംഗ്ളീഷുകാരുടെ മനസ്സിൽ വരത്തന്മാരായ വൈക്കിങ്ങുകളോടുള്ള പക കെട്ടടങ്ങിയിട്ടില്ലായിരുന്നു.

വൈക്കിങ്ങുകൾ തങ്ങളുടെ രാജ്യത്ത് സുഖലോലുപരായി കഴിയുന്നതിൽ വൈകാതെ കിംഗ് ഈഥൽറെഡ് രണ്ടാമന് അസംതൃപ്തി തോന്നുകയും, ഒരു ദിവസം രാത്രിയിൽ വൈക്കിങ്ങുകളെ മൊത്തമായി കൂട്ടക്കൊല ചെയ്യാൻ അദ്ദേഹം ഇംഗ്ലീഷ് സൈന്യത്തിന് ഉത്തരവ് നൽകുകയും ചെയ്യുന്നു, ഈ സംഭവത്തിന് ശേഷം ഒരു വർഷം കഴിഞ്ഞു ഇംഗ്ലണ്ടിൽ നടന്ന ഈ കൂട്ടകുരുതിക്ക് പ്രതികാരം ചെയ്യാൻ വലിയൊരു വൈക്കിങ് സൈന്യം കിംഗ് കന്യുട്ടിന്റെ നേതൃത്വത്തിൽ ഇംഗ്ലണ്ടിലേക്ക് പുറപ്പെടുന്നു. ഗ്രീൻലാൻഡിൽ നിന്ന് ഒരു ദൗത്യവുമായി കട്ടെഗാറ്റിൽ വന്നിറങ്ങുന്ന ലീഫ് എറക്സൺ ഒരു പ്രത്യേക സാഹചര്യത്തിൽ ഈ സൈന്യത്തിന്റെ നേതൃത്വ നിരയിലേക്ക് വരുന്നു തുടർന്ന് ഉണ്ടാകുന്ന സംഭവങ്ങളാണ് ആദ്യ സീസണിൽ സീരീസ് കൈകാര്യം ചെയ്യുന്നത്.

സാങ്കേതിക പരമായും കഥാപരമായും വൈക്കിങ്ങിൻസിനോട്‌ നീതി പുലർത്താൻ സ്പിനോഫ് സീരിസിന് കഴിഞ്ഞിട്ടുണ്ട്

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

Playtest
പ്ലേടെസ്റ്റ്

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : ജീ ചാങ് വൂക്ക്
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

ഒരുപാട് യാത്ര ചെയ്യാന്‍ ഇഷ്ടപ്പെടുന്ന ആളാണ് കൂപ്പർ. അയാൾക്ക് Personal Problems ഉണ്ട്. Technology ഒക്കെ വികസിച്ച ആധുനിക ലോകം ഇഷ്ടപ്പെടുന്ന ആളാണ് കൂപ്പർ.

കയ്യിലെ കാശ് മൊത്തം തീർന്നപ്പോൾ, ഒരു ഗെയിമിൽ പങ്കെടുക്കാനുള്ള Paid Offer അയാൾ സ്വീകരിക്കുന്നു. അത് വെറുമൊരു ഗെയിമിനപ്പുറം, ഒരു ഗെയിമിംഗ് അനുഭവമാണ്. ‘Virtual Reality യുടെ കൂടിയ വേർഷൻ’ എന്നൊക്കെ വിശേഷിപ്പിക്കാവുന്ന ഒന്ന്. അയാളും അതിന്റെ ഒരു ഭാഗമാവും. അയാളുടെ ഉള്ളിലെ ഏറ്റവും വലിയ ഭയങ്ങള്‍ ആ അനുഭവത്തിൽ പ്രതിഫലിക്കും! തുടക്കത്തിൽ നിസ്സാരമെന്ന് തോന്നിയെങ്കിലും, കാര്യങ്ങൾ കൈവിട്ടു പോവാൻ അധികം നേരമെടുത്തില്ല!

കഥയിലെ Unexpected ട്വിസ്റ്റുകളും, ആ ഹൊറർ വൈബും കൊണ്ട് ബ്ലാക്ക് മിറർ ഫാൻസിനിടയിൽ ഒരു Separate Fanbase സൃഷ്ടിച്ചെടുത്ത എപ്പിസോഡാണ് പ്ലേ ടെസ്റ്റ്. ‘Psychological Horror’ ഗണത്തിൽ പെടുത്താവുന്ന ഈ എപ്പിസോഡിന്റെ Technical വിഭാഗം ഒരുപാട് പ്രശംസകൾ ഏറ്റു വാങ്ങി.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

ഈ അടുത്തായി എംസോൺ സൈറ്റ് പുതിയ സെർവറിലേക്ക് മാറിയ ശേഷം, പലർക്കും പല സബ്ബുകൾ ഡൗൺലോഡ് ചെയ്യാൻ സാധിക്കുന്നില്ല, ഡൗൺലോഡ് ബട്ടണിന്റെ സ്ഥാനത്ത് "Select a Package" എന്നാണ് കാണിക്കുന്നതെന്ന് പരാതി പറയുന്നുണ്ട്
2950+ സബ്ബുകൾ ഉള്ളതിനാൽ, ഏതിലൊക്കെ ഈ പ്രശ്നമുണ്ടെന്ന് കണ്ടെത്താൻ അഡ്മിൻസിന് സാധിക്കുന്നില്ല.

#MSone Release - 2961

Spider-Man: No Way Home (2021)
സ്പൈഡർ-മാൻ: നോ വേ ഹോം (2021)

ഭാഷ : ഇംഗ്ലീഷ്
സംവിധാനം : Jon Watts
പരിഭാഷ : വിഷ്ണു പ്രസാദ്
പോസ്റ്റർ : പ്രവീൺ അടൂർ
ജോണർ : ആക്ഷന്‍, അഡ്വെഞ്ചര്‍, ഫാന്റസി

IMDb ⭐️ 8.7/10

മാർവെൽ സിനിമാറ്റിക് യൂണിവേഴ്സ് (MCU) ലെ ഇരുപത്തിയേഴാമത്തെയും, സ്പൈഡർ-മാൻ: ഹോം കമിംഗ് (2017), സ്പൈഡർ-മാൻ: ഫാർ ഫ്രം ഹോം (2019) എന്നീ ചിത്രങ്ങളുടെ സീക്വലുമാണ് സ്പൈഡർ-മാൻ: നോ വേ ഹോം.

പീറ്റർ പാർക്കറാണ് യഥാർത്ഥ സ്പൈഡർ-മാനെന്ന വെളിപ്പെടുത്തലോടെയായിരുന്നു ‘സ്പൈഡർമാൻ: ഫാർ ഫ്രം ഹോം’ അവസാനിച്ചത്. എന്നാൽ തന്റെ ഐഡന്റിറ്റി രഹസ്യമായിത്തന്നെ നിലനിർത്താൻ സ്പൈഡർ-മാൻ, ഡോക്ടർ സ്ട്രേഞ്ചിന്റെ സഹായം തേടുന്നതാണ് ‘നോ വേ ഹോമിന്റെ’ പ്രമേയം.

മിസ്റ്റീരിയോയുടെ മരണമൊഴി വീഡിയോ പുറത്തുവന്നതോടെ പീറ്റർ പാർക്കറിന്റെ ജീവിതം തന്നെ മാറിമറിയുന്നു.
കാമുകിയായ MJയുടേയും ഉറ്റ ചങ്ങാതിയായ നെഡിന്റേയും സ്വകാര്യജീവിതത്തെ വരെ ഈ വെളിപ്പെടുത്തൽ കാര്യമായി ബാധിച്ചതോടെ പീറ്റർ ആശയക്കുഴപ്പത്തിലായി. സ്വസ്ഥമായി സ്കൂളിലും പുറത്തും പോകാൻ കഴിയാത്ത സ്ഥിതി. ഇതിനൊരന്ത്യം വരണമെങ്കിൽ പീറ്റർ പാർക്കറാണ് യഥാർത്ഥ സ്പൈഡർ-മാനെന്ന സത്യം ആളുകളുടെ മനസ്സിൽനിന്നു മായ്ച്ചു കളയണം. അതിനൊരാൾക്കേ കഴിയൂ. കാലത്തിന്റെ ഗതിപോലും മാറ്റാൻ കഴിയുന്ന സാക്ഷാൽ ഡോക്ടർ സ്ട്രേഞ്ചിന്.

അങ്ങനെ പീറ്റർ, ഡോക്ടർ സ്ട്രേഞ്ചിന്റെ അടുത്തെത്തി തന്റെ വിഷമം തുറന്നുപറഞ്ഞു. ആദ്യം സമ്മതിച്ചില്ലെങ്കിലും നിഷ്കളങ്കനായ പീറ്ററിന്റെ സങ്കടത്തിനു മുന്നില്‍ സ്ട്രേഞ്ചിന്റെ മനസ്സലിഞ്ഞു. ചെയ്താൽ വലിയ പ്രത്യാഘാതം നേരിടേണ്ടി വരുമെന്ന വോങിന്റെ മുന്നറിയിപ്പ് അവഗണിച്ച് ആ സ്പെൽ (മന്ത്രം) ഡോക്ടർ സ്ട്രേഞ്ച് ചെയ്യുന്നു. ഇവിടെയാണ് സ്പൈഡർ-മാൻ: നോ വേ ഹോം ട്രാക്ക് മാറി ബുള്ളറ്റ് സ്പീഡിലേക്കു മാറുന്നത്. പിന്നീടങ്ങോട്ട് ട്വിസ്റ്റുകളുടെ പൂരക്കാഴ്ചകളാണ് പ്രേക്ഷകർക്ക് കാണാൻ സാധിക്കുക.

വിഷ്വൽ എഫക്റ്റുകളാൽ സമ്പന്നമായ ഫ്രെയിമുകളും, സൗണ്ട് ട്രാക്കും രസകരമായ കഥാഗതികളും, കഥാപാത്രങ്ങളുടെ പ്രകടനവും ഇമോഷണൽ രംഗങ്ങളും, ആക്ഷനും, ആവേശവുമെല്ലാം ഒരുമിച്ചു ചേർന്നുവെന്നതാണ് ചിത്രത്തിന്റെ വലിയ പ്രത്യേകത. മള്‍ട്ടിവേഴ്‍സ് എന്ന കൺസെപ്റ്റിനെ അത്രയേറെ ‘കൺവിൻസിങ്’ ആയ രീതിയിലാണ് സംവിധായകൻ ജോൺ വാട്‌സ് പ്രേക്ഷകനു മുന്നിലെത്തിച്ചത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Fantasy #MarvelFest

#MSone Release - 2962

The Secret of Marrowbone (2017)
ദ സീക്രട്ട് ഓഫ് മാരോബോൺ (2017)

ഭാഷ : ഇംഗ്ലീഷ്
സംവിധാനം : Sergio G. Sánchez
പരിഭാഷ : പ്രശോഭ് പി. സി.
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 6.6/10

റോസ് മാരോബോൺ തന്റെ നാല് മക്കളുമായി ഇംഗ്ലണ്ടിൽ നിന്നും അമേരിക്കയിലെ കുടുംബ വീട്ടിലേക്ക് എത്തുന്നു. ഭൂതകാലത്തെ ചില സംഭവങ്ങൾ മറക്കാനും, ചിലരിൽ നിന്ന് രക്ഷപ്പെടാനുമാണ് അവർ മാരോബോൺ റെസിഡൻസ് എന്ന വീട്ടിലേക്ക് എത്തുന്നത്. ഇനി പുതിയൊരു ജീവിതം തുടങ്ങാമെന്ന് അവർ ആഗ്രഹിക്കുന്നു. ഭൂതകാലം മറക്കാൻ അവർ തീരുമാനിക്കുന്നു. പക്ഷേ റോസിന്റെ ആരോഗ്യം നന്നേ ക്ഷയിച്ച് തുടങ്ങിയിരുന്നു.

ഇതിനിടെ ആലി എന്നൊരു യുവതി റോസിൻ്റെ കുടുംബവുമായി അടുക്കുന്നു. കുറഞ്ഞ സമയം കൊണ്ട് അവൾ ആ കുടുംബത്തിലെ ഒരു അംഗത്തെപ്പോലെയാകുന്നു. റോസ് മരിക്കുന്നതോടെ, പ്രായപൂർത്തിയാകാത്ത മക്കൾക്ക് ചില അസാധാരണമായ തീരുമാനങ്ങൾ എടുക്കേണ്ടി വരുന്നു. ഇതിനിടെ, അവർ ആരെയാണോ ഭയപ്പെട്ടിരുന്നത്, അയാൾ മാരോബോൺ വീട്ടിലേക്ക് എത്തുന്നതോടെ കഥ വഴിത്തിരിവിലെത്തുന്നു.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery

സ്പൈഡർ-മാൻ: നോ വേ ഹോം (2021) സബ്ടൈറ്റില്‍ ഡൗണ്‍ലോഡ് ചെയ്തിട്ട് ഉപയോഗിക്കാന്‍ കഴിയുന്നില്ല എന്ന് പലരും പറഞു കണ്ടു. ഈ പോസ്റ്റിൽ പറയും പോലെ ചെയ്താല്‍ ഉപയോഗിക്കാന്‍ കഴിയും. 👇
https://t.me/msone/5189

Flames: Season 2

"പ്രണയവും കെമിസ്ട്രിയും"

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം...

കാത്തിരിക്കുക.

Cut: Sanjay M S

പരിഭാഷ: Sajin M S

#MSone Release - 2963

Vive L'Amour (1994)
വീവ് ലാമോര്‍ (1994)

ഭാഷ : മാൻഡറിൻ
സംവിധാനം : Ming-liang Tsai
പരിഭാഷ : രോഹിത് ഹരികുമാര്‍
പോസ്റ്റർ : വൈശാഖ് രാജൻ
ജോണർ : ഡ്രാമ

IMDb ⭐️ 7.4/10

സായ് മിംഗ്-ലിയാംഗിന്‍റെ സംവിധാനത്തില്‍ 1994-ല്‍ ഇറങ്ങിയ തായ്വാനീസ് ഡ്രാമ ചിത്രമാണ് വീവ് ലാമോര്‍ (Vive L’amour).
തായ്പേയ് നഗരത്തിലെ മൂന്നുപേര്‍ – ഒരു റിയല്‍ എസ്റ്റേറ്റ് എജന്റായ സ്ത്രീ, അവളുടെ കാമുകന്‍, താമസിയ്ക്കാന്‍ ഒരിടം ഇല്ലാത്ത മറ്റൊരു പുരുഷന്‍, അവരറിയാതെ ഒരേ വീട്ടില്‍ വിനോദം കണ്ടെത്തുന്നു, എന്നിരുന്നാലും അവര്‍ അവരുടേതായ ഏകാന്ത ജീവിതം നയിക്കുന്നു.

ഇത്തിരി സ്ലോ-പേസ്ഡ് ആയിട്ടുള്ള ഈ ചിത്രത്തില്‍ സംഭാഷണങ്ങള്‍ താരതമ്യേന കുറവാണ്. ഏകാന്തത, മനുഷ്യര്‍ തമ്മില്‍ ബന്ധം ഉണ്ടാകേണ്ട ആവശ്യകത എന്നീ വിഷയങ്ങള്‍ ചിത്രം മനോഹരമായി കൈകാര്യം ചെയ്യുന്നു.
ഇതൊക്കെയാണ് വിഷയമെങ്കിലും ചിത്രത്തിലെ കഥാപാത്രങ്ങളെ ഒരു ഗതിയുമില്ലാത്ത, അല്ലെങ്കില്‍ ആശയറ്റ, നിസ്സഹായര്‍ ആയി കാണിക്കുന്നില്ല. അതിനുപകരം, മിംഗ്-ലിയാംഗിന്റെ ക്യാമറ ഒരു നിശ്ചിത ദൂരത്ത് നിന്നും, ചില സന്ദര്‍ഭങ്ങളില്‍, അവരെ വളരെ നേരം നോക്കുന്നു, അവര്‍ വളരെ നിശബ്ദമായി വേദന സഹിക്കുന്നുവെന്ന പോലെ. അത് കൊണ്ട് തന്നെ, ചിത്രം ഈ ആധുനിക-കാലത്തെ നഗരജീവിതം എത്ര ദുസ്സഹമാണെന്ന് വരച്ച് കാട്ടുന്നു. സ്നേഹബന്ധങ്ങളോടുള്ള പേടി, മനസ്സില്‍ ഒതുക്കുന്ന ലൈംഗിക വികാരം എന്നിവയും ചിത്രം എടുത്ത് കാണിക്കുന്നു.

മികച്ച നിരൂപകപ്രശംസ നേടിയ ഈ ചിത്രം 94-ലെ വെനീസ് രാജ്യാന്തര ചലച്ചിത്ര മേളയില്‍ ഗോള്‍ഡന്‍ ലയണ്‍ പുരസ്കാരം നേടി.
മാത്രമല്ല, ബെര്‍ലിന്‍, റോട്ടര്‍ഡാം, വന്‍കൂവര്‍ ചലച്ചിത്ര മേളകളിലും പ്രദര്‍ശിപ്പിച്ചു. തീര്‍ച്ചയായും കാണേണ്ട തായ്വാനീസ് ചിത്രങ്ങളില്‍ ഒന്ന് തന്നെ എന്ന് നിസ്സംശയം പറയാം.

അഭിപ്രായങ്ങൾ പങ്കുവെക്കാൻ

Categories : #Drama #Mandarin

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 10
പാർട്ട് 02 - എപ്പിസോഡ് 10

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series