❤️#MSone Release 🎚️ 3331

Postman to Heaven (2009)
പോസ്റ്റ്മാൻ ടു ഹെവൻ (2009)

🫥ഭാഷ: കൊറിയൻ 🇰🇷
🫥സംവിധാനം: Lee Hyeong-min
🫥പരിഭാഷ: അരവിന്ദ് കുമാർ
🫥പോസ്റ്റർ: ഉണ്ണി ജയേഷ്
🫥ജോണർ: ഡ്രാമ, ഫാന്റസി, റൊമാൻസ്

🎥🎥 ⭐️ 6.6/10
📽📽 🍿 56%

കൊറിയൻ ആരാധകരുടെ പ്രിയപ്പെട്ട ഡ്രാമ സീരീസായ “വിന്റർ സൊനാറ്റ (2002)” യിൽ സഹ സംവിധായകനായി പ്രവർത്തിക്കുകയും ഒട്ടേറെ ഡ്രാമ സീരീസുകൾ സംവിധാനം നിർവഹിക്കുകയും ചെയ്തിട്ടുള്ള ലീ ഹ്യുങ് മിൻ സംവിധാനം ചെയ്ത ഏക സിനിമയാണ് “പോസ്റ്റ്മാൻ ടു ഹെവൻ“. “ഓൾവേയ്സ് (2011), കോൾഡ് ഐസ് (2013), ദ ബ്യൂട്ടി ഇൻസൈഡ് (2015), ലൗ 911 (2012), മാസ്കരേഡ് (2012), ലൗ, ലൈസ് (2016), ദ പൈറേറ്റ്സ്: ദ ലാസ്റ്റ് റോയൽ ട്രഷർ (2022)” തുടങ്ങിയ ചിത്രങ്ങളിലൂടെ കൊറിയൻ ആരാധകരുടെ പ്രിയ താരമായി മാറിയ ഹാൻ ഹോ ജോയാണ് ചിത്രത്തിലെ നായികാ കഥാപാത്രത്തെ അവതരിപ്പിച്ചിരിക്കുന്നത്.

വിട്ട് പിരിഞ്ഞു മരണത്തിന് കീഴടങ്ങിയ പ്രിയപ്പെട്ടവർക്ക് വേണ്ടി എഴുതുന്ന കത്തുകൾ സ്വർഗ്ഗത്തിലേക്ക് എത്തിക്കാൻ നിയോഗം ലഭിച്ച ഒരു പോസ്റ്റ്മാന്റെയും അവനെ തന്റെ ജോലികളിൽ സഹായിക്കാൻ കൂടെ കൂടുന്ന പെൺകുട്ടിയുടെയും മനോഹരമായ കഥയാണ് ചിത്രം പറയുന്നത്. ഉറ്റവരെ നഷ്ടപെട്ട് അവരെയോർത്ത് വിലപിക്കുന്ന വേണ്ടപ്പെട്ടവരെ സഹായിക്കാൻ ശ്രമിക്കുകയെന്ന ദൗത്യവും ഈ പോസ്റ്റ്മാൻ നിർവഹിച്ചിരുന്നു, അതിനായി നായികയും കളത്തിലിറങ്ങുന്നു. ഇവർ തമ്മിലുള്ള ഇണക്കവും പിണക്കവുമായി കഥ മുന്നോട്ട് പോകുന്നു.അതിമനോഹരമായ മറ്റൊരു കൊറിയൻ ഫീൽ ഗുഡ് ചിത്രം

🌐അഭിപ്രായങ്ങൾ പങ്കുവെക്കാൻ

Categories : #Drama #Fantasy #Korean #Romance

❤️#MSone Release ✅ 3332

Voice – Season 03 (2019)
വോയ്സ് – സീസൺ 03 (2019)

🔅ഭാഷ: കൊറിയൻ 🇰🇷
🔅സംവിധാനം: Hong-sun Kim, Nam Ki Hoon,
Yong Hwi Shin & Lee Seung-Young
🔅പരിഭാഷ: അരുൺ അശോകൻ, മുഹമ്മദ്‌ സിനാൻ, ആദർശ് രമേശൻ,
ജിതിൻ മജ്നു, ഫ്രാൻസിസ് സി വർഗീസ്, സജിത്ത് ടി. എസ്,
അരവിന്ദ് വി ചെറുവല്ലൂർ & തൗഫീക്ക് എ
🔅പോസ്റ്റർ: പ്രവീൺ അടൂർ
🔅ജോണർ: ആക്ഷൻ, ക്രൈം, മിസ്റ്ററി

🎥🎥 ⭐️ 7.6/10

2018-ൽ പുറത്തിറങ്ങിയ ”വോയ്സ് – സീസൺ 02 (2018)”ന്റെ തുടർച്ചയാണ് “വോയ്‌സ് 3“

വോയ്‌സ് 2 അവസാന ഭാഗത്തിലെ സംഭവങ്ങൾക്ക് ശേഷം തന്റെ ഭൂതകാലത്തിൽ നടന്ന സംഭവങ്ങൾ അറിയാൻ ജപ്പാനിലേക്ക് പോയ ഡിറ്റക്ടീവ് ഡോ കാങ് വൂ. സ്റ്റുഡന്റ് ഹോസ്റ്റ്ലിലെ പൊട്ടിത്തെറിയിൽ പരിക്ക് പറ്റിയ ഡയറക്ടർ കാങ് തന്റെ പരിക്കിൽ നിന്ന് മുക്തയായിരിക്കുന്നു. അവളുടെ മുന്നിൽ ഇനി രണ്ട് ലക്ഷ്യങ്ങാളാണ് ഉള്ളത്. ഡിറ്റക്ടീവ് ഡോ ഇല്ലാതെ ഗോൾഡൻ ടൈം ടീമിനെ മുന്നോട്ട് നയിക്കുന്നതോടൊപ്പം തന്നെ ഡിറ്റക്ടീവ് ഡോയുടെ തിരോധാനം അന്വേഷിക്കുകയും വേണം….
കൂടാതെ സീരിയൽ കില്ലർ ബാങ് ജെ സൂവിന്റെ പിന്നിൽ പലരും മറഞ്ഞിരിക്കുന്നുണ്ടെന്ന്
അവൾ അറിയുന്നതോടെ കഥ വേറെ വഴി തിരിവിലേക്ക് നീങ്ങുന്നു…

ശേഷം നിങ്ങൾക്ക് മുന്നിൽ…..

🌐 അഭിപ്രായങ്ങൾ പങ്കുവെക്കാൻ

Categories : #Action #Crime #Korean #Mystery #Web_Series

❤️#MSone Release ➖ 3333

🏆 #OscarFest2024 - 10
🏆

Past Lives (2023)
പാസ്റ്റ് ലെെവ്സ് (2023)

🤔ഭാഷ: ഇംഗ്ലീഷ് 🇺🇸🔣കൊറിയൻ 🇰🇷
🤔സംവിധാനം: Celine Song
🤔പരിഭാഷ: വിഷ്ണു പ്രസാദ്
🤔പോസ്റ്റർ: നിഷാദ് ജെ എന്‍
🤔ജോണർ: ഡ്രാമ, റൊമാൻസ്

🎥🎥 ⭐️ 7.9/10
📽📽 🍅 95%🍿84%

ചെറുപ്പത്തിൽ രണ്ട് ഭൂഖണ്ഡത്തിലേക്ക് വേർപിരിഞ്ഞു പോയ രണ്ട് സുഹൃത്തുക്കളുടെ 24 വർഷങ്ങൾക്കിടയിൽ 12 വർഷങ്ങളായി നടക്കുന്ന കാര്യങ്ങളാണ് 2023-ൽ സെലീൻ സോങ് സംവിധാനം നിർവഹിച്ച പാസ്റ്റ് ലൈവ്‌സ് എന്ന അമേരിക്കൻ-കൊറിയൻ സിനിമയിൽ അവതരിപ്പിക്കുന്നത്. വേർപിരിഞ്ഞ ആ രണ്ടു സുഹൃത്തുക്കൾ 12 വർഷങ്ങൾക്ക് ശേഷം ഫേസ്ബുക്ക് വഴി വീണ്ടും കണ്ടുമുട്ടുന്നു. ന്യൂയോർക്കിലെ രാത്രികളിലും സോളിലെ പകലുകളിലും അവർ വാതോരാതെ സല്ലപിച്ചു. എന്നിട്ട് പോലും അവർക്കൊന്ന് നേരിൽ കാണാനോ ഇഷ്ടം തുറന്നുപറയാനോ കഴിയുന്നില്ല. പിന്നീട് അടുത്ത 12 വർഷങ്ങളിൽ അവർക്കിടയിലുണ്ടാകുന്ന മാറ്റങ്ങളാണ് ശേഷം കാണിക്കുന്നത്.

അങ്ങേയറ്റം നിരൂപക പ്രശംസ പിടിച്ചുപറ്റിയ ചിത്രം, നാഷണൽ ബോർഡ് ഓഫ് റിവ്യൂസിന്റെയും, അമേരിക്കൻ ഫിലിം ഇൻസ്റ്റിറ്റ്യൂത്തിന്റെയും 2023-ലെ മികച്ച പത്ത് ചിത്രങ്ങളിൽ ഒന്നായി തിരഞ്ഞെടുക്കപ്പെടുകയും ചെയ്തു, കൂടാതെ
96-ാമത് അക്കാദമി അവാർഡുകളിൽ മികച്ച ചലച്ചിത്രം, തിരക്കഥ എന്നിവയ്ക്ക് നാമനിർദ്ദേശം ലഭിക്കുകയുമുണ്ടായി.

💬 അഭിപ്രായങ്ങൾ പങ്കുവെക്കാൻ

Categories : #Drama #English #Korean #Oscar_Fest_2024 #Romance #Web_Series

❤️#MSone Release 🎵 3341

Twinkling Watermelon [K-Drama] (2023)
ട്വിങ്കിളിങ് വാട്ടർമെലൺ [കെ-ഡ്രാമ] (2023)

🍉ഭാഷ: കൊറിയൻ 🇰🇷
🍉സംവിധാനം: Son Jung-hyun
🍉പരിഭാഷ: ജിതിൻ ജേക്കബ് കോശി
🍉പോസ്റ്റർ: ഉണ്ണി ജയേഷ്
🍉ജോണർ: കോമഡി, ഡ്രാമ, ഫാന്റസി

🎥🎥 ⭐️ 8.9/10

വിവാ ലാ വിഡാ, ജീവിതം നീണാൾ വാഴട്ടെ.

ജീവിതം തീരാദുരിതങ്ങൾ സമ്മാനിച്ച് കൊണ്ടേയിരുന്നിട്ടും, പല ആകൃതിയിൽ മുറിച്ച തണ്ണിമത്തനുകളുടെ ചിത്രം തന്റെ അവസാന മാസ്റ്റര്‍പീസായി വരച്ച്, ഫ്രിഡ കഹ്ലോ എന്ന ഇറ്റാലിയന്‍ ചിത്രകാരി അതിന്മേൽ കുറിച്ച വാക്കുകളാണിത്.

ട്വിങ്കിളിങ് വാട്ടർമെലൺ അക്ഷരാര്‍ത്ഥത്തില്‍ ഒരു തണ്ണിമത്തൻ തന്നെയാണ്. പുറമേ നിന്ന് നോക്കുമ്പോൾ കാര്യമായ പ്രത്യേകതകളില്ലാത്ത, കട്ടിയുള്ള പുറന്തോടുള്ള… ക്ലേശങ്ങൾ നിറഞ്ഞ, ഒരുകൂട്ടം കൗമാരക്കാരുടെ പച്ചയായ ജീവിതം. എന്നാൽ മുറിച്ച് അകത്തേക്ക് ചെന്നാലോ? ചുവന്ന് മധുരമുള്ള… തിളങ്ങുന്ന അകക്കാമ്പ് നിറഞ്ഞിരിക്കുന്നു. അങ്ങനെ കാഠിന്യമുള്ള പുറന്തോടിനുള്ളിൽ ഒളിഞ്ഞിരിക്കുന്ന ജീവിതത്തിന്റെ മധുരം കണ്ടെത്തി, അതിനെ നുകരുന്നവരുടെ കഥയാണിത്. ജീവിതത്തെ പ്രണയിക്കുന്നവരുടെ, അതിനെ മിന്നിക്കുന്നവരുടെ കഥ.

ബധിരരായ മാതാപിതാക്കൾക്ക് ജനിക്കുന്ന കേൾവിശക്തിയുള്ള കുട്ടികളെ CODA എന്നാണ് വിശേഷിപ്പിക്കാറ്. ശബ്ദങ്ങളുടെ ലോകത്തെ മൗനത്തിന്റെ ലോകവുമായി ബന്ധിപ്പിക്കുന്ന… അത്ര ചെറുതല്ലാത്ത ഉത്തരവാദിത്തം ചെറുപ്പത്തിലേ ഏറ്റെടുക്കേണ്ടി വരുന്ന ഇത്തരം കുട്ടികള്‍ക്ക്, പലപ്പോഴും സ്വന്തം ഇഷ്ടങ്ങൾക്ക് അനുസരിച്ച് ജീവിതം ആസ്വദിക്കാൻ കഴിയാതെ വരാറുണ്ട്. അത്തരത്തിലുള്ള ഒരു മടുപ്പിന്റെ പാരമ്യത്തിൽ, ജീവനായി കൊണ്ടുനടന്ന തന്റെ ഗിറ്റാർ തല്ലിത്തകർക്കാൻ തുടങ്ങുകയായിരുന്നു ഹാ യുൻ ഗ്യോൾ. അപ്പോഴാണ് അവനെ അമ്പരപ്പിച്ചുകൊണ്ട് മാനത്ത് രണ്ട് ചന്ദ്രനുദിച്ചത്! ഒപ്പം തെല്ലകലെയായി ഒരു മ്യൂസിക് സ്റ്റോറിന്റെ ലൈറ്റും തെളിഞ്ഞു. പഴയ സംഗീതോപകരണങ്ങള്‍ വിൽക്കുന്ന ആ സ്റ്റോറിൽ തന്റെ ഗിറ്റാറും വിറ്റിട്ട് പുറത്തിറങ്ങുമ്പോൾ അവൻ ഒരിക്കലും കരുതിയതേയില്ല, പുറത്ത് അവനെ കാത്തിരിക്കുന്നത് മറ്റൊരു ലോകമാണെന്ന്! ഹാ യുൻ ഗ്യോളിന്റെ ആ സ്വപ്നതുല്യമായ ട്രിപ്പിനൊപ്പം ഏതാനും മണിക്കൂറുകള്‍ നമുക്കും സഞ്ചരിക്കാം. 1995ലെ വസന്തത്തിൽ, ചെറുപ്പം മിന്നിച്ചവർക്കൊപ്പം ഒരു വാട്ടർമെലൺ ഷുഗർ നുണഞ്ഞുകൊണ്ട്.

വിവാ ലാ വിഡാ!

🗣️ അഭിപ്രായങ്ങൾ പങ്കുവെക്കാൻ

Categories : #Comedy #Drama #Fantasy #Korean #Web_Series

❤️#MSone Release 🔠 3346

Exhuma (2024)
എക്സ്ഹ്യൂമ (2024)

🔴ഭാഷ: കൊറിയൻ 🇰🇷
🔴സംവിധാനം: Jae-hyun Jang
🔴പരിഭാഷ: ഷിഹാസ് പരുത്തിവിള
🔴പോസ്റ്റർ: നിഷാദ് ജെ എന്‍
🔴ജോണർ: ഹൊറർ, മിസ്റ്ററി, ത്രില്ലർ

🎥🎥 ⭐️ 7.1/10
📽📽 🍅 88% 🍿93%

ലോസ് ഏഞ്ചല്‍‌സിലെ ഒരു ധനികകുടുംബത്തില്‍ അമാനുഷിക സംഭവങ്ങള്‍ അരങ്ങേറുന്നതും അവിടുത്തെ ഓരോ തലമുറകളിലെയും ആദ്യം ജനിക്കുന്ന കുഞ്ഞിന് മാത്രമുണ്ടാകുന്ന വിചിത്രരോഗത്തിന്റെ കാരണം തേടി പുറപ്പെടുകയാണ് മന്ത്രവാദികളായ കഥാനായകര്‍. ശേഷം പതിറ്റാണ്ടുകളോളം പഴക്കം ചെന്നൊരു ശവകുടീരത്തില്‍ അവര്‍ എത്തിച്ചേരുന്നു. എത്രയും വേഗം മൃതാവശിഷ്ടങ്ങള്‍ ദഹിപ്പിക്കാന്‍ ശ്രമിക്കുമ്പോള്‍ നിനച്ചിരിക്കാതെ കടന്നുവരുന്ന സംഭവവികാസങ്ങള്‍ പ്രേക്ഷകമനസ്സുകളില്‍ ഒരേ സമയം ഭീതിയും ഉദ്വേഗവും പ്രതിഫലിപ്പിക്കുന്നു. അത്യന്തം ചടുലമായി കഥപറഞ്ഞുപോകുന്ന ഈ ചിത്രത്തിന്റെ ആഴവും പരപ്പും എക്കാലവും ചര്‍ച്ചാവിഷയമായി തുടരുമെന്ന് തീര്‍ച്ച.

🌐 അഭിപ്രായങ്ങൾ പങ്കുവെക്കാൻ

Categories : #Horror #Korean #Mystery #Thriller

❤️#MSone Release ⏰ 3352

Alienoid: Return to the Future (2024)
ഏലിയനോയ്ഡ്: റിട്ടേൺ ടു ദ ഫ്യൂച്ചർ (2024)

🔻ഭാഷ: കൊറിയൻ 🇰🇷
🔻സംവിധാനം: Dong-hoon Choi
🔻പരിഭാഷ: വിഷ് ആസാദ്
🔻പോസ്റ്റർ: ഉണ്ണി ജയേഷ്
🔻ജോണർ: ആക്ഷൻ, ഫാന്റസി, സയൻസ് ഫിക്ഷൻ

🎥🎥 ⭐️ 6.6/10
📽📽 🍅 50% 🍿82%

കൊറിയൻ സംവിധായകൻ ഡോങ്-ഹൂന്‍ ചോ സംവിധാനം ചെയ്ത, 2022-ല്‍ പുറത്തിറങ്ങിയ ഏലിയനോയ്ഡ് എന്ന ചിത്രത്തിന്റെ തുടർച്ചയാണ് ഏലിയനോയ്ഡ്: റിട്ടേൺ ടു ദ ഫ്യൂച്ചർ.

മ്യൂട്ടേഷൻ സംഭവിച്ച അനുഗ്രഹജീവികളെ മനുഷ്യർക്കുള്ളിൽ തടവിലാക്കുന്നു. എന്നാൽ രക്ഷപ്പെടുന്ന കൺട്രോളറെന്ന ഏലിയൻ കുറ്റവാളി ഹബാ എന്ന അന്യഗ്രഹ വാതകം ഭൗമാന്തരീക്ഷത്തിൽ പുറത്തുവിട്ട്, മനുഷ്യരാശിയെ ഇല്ലാതാക്കി, ഭൂമിയെ അധീനതയിലാക്കാൻ ശ്രമിക്കുന്നു. കൺട്രോളറെ തടയാൻ ശ്രമിക്കുന്നതിനിടെ 2022-ൽ നിന്ന് പതിനാലാം നൂറ്റാണ്ടിൽ എത്തിയ യിയാൻ തണ്ടറിനെ തേടി യാത്ര തുടങ്ങുന്നു. അവളുടെ കൈയിലെ കഠാര സ്വന്തമാക്കി ഭാവിയിലേക്ക് വന്ന് ഭൂമി പിടിച്ചെടുക്കാൻ കൺട്രോളറും കച്ചകെട്ടിയിറങ്ങുന്നു. ഗാർഡിൻ്റെ അഭാവത്തിൽ കൺട്രോളറെയും സംഘത്തെയും തടയാൻ യിയാന് കഴിയുമോ? മുറുഗി സത്യത്തിൽ ആരാണ്? പുച്ചകളായി മുറുഗിയുടെ കൂടെ നടക്കുന്നവർ ആരാണ്?

പതിനാലാം നൂറ്റാണ്ടിലെയും വർത്തമാനകാലത്തെയും സംഭവങ്ങൾ നോൺ-ലീനിയറായി പറഞ്ഞു പോകുന്ന ട്വിസ്റ്റുകൾ നിറഞ്ഞ സങ്കീർണ്ണമായ തിരക്കഥയും, റ്യൂ ജുന്‍-യോള്‍, കിം തെ-രി, കിം വൂ-ബിന്‍ എന്നിവരുടെ പ്രകടനവും വിവിധ ജോണറുകളെ തമാശയുടെ അകമ്പടിയോടെ സംയോജിപ്പിച്ച സംവിധാന മികവും ആക്ഷന്‍ സീക്വന്‍സുകളും വി.എഫ്‌.എക്സും ഈ ചിത്രത്തെ കൂടുതൽ ആസ്വാദ്യമാക്കുന്നു.

✅അഭിപ്രായങ്ങൾ പങ്കുവെക്കാൻ

Categories : #Action #Fantasy #Korean #Science_Fiction

❤️#MSone Release 🎚 3354

Welcome to Samdal-ri (2023)
വെൽകം ടു സംദാൽ-രി (2023)

🟢ഭാഷ: കൊറിയൻ 🇰🇷
🟢സംവിധാനം: Cha Yeong-hoon
🟢പരിഭാഷ: ജീ ചാങ് വൂക്ക്
🟢പോസ്റ്റർ: ഉണ്ണി ജയേഷ്
🟢ജോണർ: കോമഡി, ഡ്രാമ, റൊമാൻസ്

🎥🎥 ⭐️ 8.0/10
📽📽 🍿92%

സ്വപ്നങ്ങളെല്ലാം നഷ്ടപ്പെട്ട്, കരിയർ തന്നെ തകർന്ന്, വേറെ നിവൃത്തിയില്ലാതെ, നഗരത്തിൽ നിന്ന്, ഇഷ്ടമില്ലാതെ ഉപേക്ഷിച്ച് പോയ സ്വന്തം നാട്ടിലേക്ക് തിരിച്ചെത്തിയിരിക്കുകയാണ് ചോ സംദാൽ എന്ന ഫാഷൻ ഫോട്ടോഗ്രാഫർ. അവിടെ അവളെ കാത്തിരിക്കുന്നതോ, പണ്ടെന്നോ പാതിവഴിയിൽ ഉപേക്ഷിച്ച ഒരു പഴയ പ്രണയവും, മനപ്പൂർവ്വം അവൾ തന്നെ മറന്ന് പോയ കുറേ സൗഹൃദങ്ങളും.

ഓരോ തവണയും കടൽ കാണുമ്പോ നമുക്കെന്താ തോന്നുക? നമ്മുടെ അപ്പോഴത്തെ മാനസികാവസ്ഥയുടെ പ്രതിഫലനമാവും ഈ കടൽക്കാഴ്ച. വെൽക്കം ടു സംദാൽ-രിയും അങ്ങനെ തന്നെയാണ്. കണ്ണീരും ചിരിയും രൗദ്രതയും നഷ്ടങ്ങളും ആശ്വാസവും എല്ലാം ഒളിപ്പിച്ച ആഴക്കടൽ. ആദ്യത്തെ കാഴ്ചയിൽ ആഴമില്ലാത്ത തെളിനീര് പോലെ തോന്നുന്ന ഓരോ കഥാപാത്രത്തെയും പതിയെ പതിയെ അടുത്തറിയാൻ തുടങ്ങുമ്പോൾ കാഴ്ചക്കാരേയും സ്വയം കണ്ടെത്തലിൻ്റെ മാജിക്കൽ ലോകത്തേക്ക് എത്തിക്കാൻ, പ്രകൃതി സുന്ദരമായ ജേജു ദ്വീപിൻ്റെ പശ്ചാത്തലത്തിൽ ഒരുക്കിയ അതിമനോഹരമായ ഈ ഹീലിങ് റൊമാൻ്റിക് ഡ്രാമക്ക് കഴിയുന്നുണ്ട്.

ഷിൻ ഹ്യേ സൂൻ, ജീ ചാങ് വൂക്ക് എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ഈ ഡ്രാമ സംപ്രേഷണ സമയത്ത് നെറ്റ്ഫ്ലിക്സ് ഗ്ലോബൽ ടോപ് 10-ൽ ഇടം പിടിച്ചിരുന്നു.

🌐അഭിപ്രായങ്ങൾ പങ്കുവെക്കാൻ

Categories : #Comedy #Drama #Korean #Romance

❤️#MSone Release 🎚️ 3363

An Affair (1998)
ആൻ അഫയർ (1998)

🟡ഭാഷ: കൊറിയൻ 🇰🇷
🟡സംവിധാനം: Je-yong Lee
🟡പരിഭാഷ: അരവിന്ദ് കുമാർ
🟡പോസ്റ്റർ: നിഷാദ് ജെ എന്‍
🟡ജോണർ: ഡ്രാമ, റൊമാൻസ്

🎥🎥 ⭐️ 6.8/10

1998-ൽ പുറത്തിറങ്ങിയ കൊറിയൻ ചിത്രമാണ് “ആൻ അഫയർ“. “അൺടോൾഡ് സ്കാൻഡൽ, മൈ ബ്രില്യന്റ് ലൈഫ് (2014)” തുടങ്ങിയ നിരൂപക പ്രശംസ പിടിച്ചു പറ്റിയ ചിത്രങ്ങളുടെ സംവിധായകനായ ഇ-ജെ യോങ് ആദ്യമായി സംവിധാനം ചെയ്ത ചിത്രം കൂടിയാണ് “ആൻ അഫയർ.”

“സ്ക്വിഡ് ഗെയിം (2021), ഓവർ ദ റെയിൻബോ (2002), ന്യൂ വേൾഡ് (2013), ഡെലിവർ അസ് ഫ്രം ഈവിൾ (2020)” തുടങ്ങിയ കൊറിയൻ സിനിമ സീരീസുകളിലൂടെ ആരാധകർക്ക് പരിചിതനായ ലീ ജങ് – ജേയാണ് ചിത്രത്തിലെ നായകൻ.

ആർക്കിടെക്റ്റായ ഭർത്താവിനും പത്തുവയസ്സുള്ള മകനുമൊത്ത് കഴിഞ്ഞ് വിരസമായ ജീവിതം നയിക്കുന്ന വീട്ടമ്മയാണ് സോ-ഹ്യുൺ.എന്നാൽ അനുജത്തിയുടെ പ്രതിശ്രുതവരനായ ഉ-ഇന്നിനെ കണ്ടുമുട്ടുന്നതിലൂടെ അവളുടെ ജീവിതം എന്നെന്നേക്കുമായി മാറുകയായിരുന്നു. പരസ്പരം കണ്ടുമുട്ടുന്തോറും അവരുടെ ഇടയിൽ തീവ്രമായ ബന്ധം ഉടലെടുക്കുന്നു. അങ്ങോട്ട് ഉണ്ടായേക്കാവുന്ന അനന്തരഫലങ്ങൾ അറിയാമായിരുന്നിട്ടും അവർക്ക് തമ്മിൽ ഇഷ്ടത്തിലാകാതിരിക്കാൻ കഴിഞ്ഞില്ല. തുടർന്നുള്ള അവരുടെ രണ്ട് പേരുടെയും സംഘർഷഭരിതമായ ജീവിതവും പ്രശ്നങ്ങളുമാണ് ചിത്രം പറയുന്നത്.

1998-ലെ കൊറിയൻ ചിത്രങ്ങളിൽ ഏറ്റവും കളക്ഷൻ കൈ വരിച്ച ഏഴാമത്തെ ചിത്രമായ “ആൻ അഫയർ“, 1999-ലെ ന്യൂപ്പോർട്ട് ബീച്ച് ഇൻ്റർനാഷണൽ ഫിലിം ഫെസ്റ്റിവലിൽ ഏറ്റവും മികച്ച ഏഷ്യൻ ഫിലിമിനുള്ള അവാർഡും കരസ്ഥാക്കിയിരുന്നു.

🌐 അഭിപ്രായങ്ങൾ പങ്കുവെക്കാൻ

Categories : #Drama #Korean #Romance

❤️#MSone Release 🤩 3377

The Roundup: Punishment (2024)
ദ റൗണ്ടപ്പ്: പണിഷ്‌മെന്റ് (2024)

🔴ഭാഷ: കൊറിയൻ 🇰🇷
🔴സംവിധാനം: Heo Myeong-haeng
🔴പരിഭാഷ: ഹബീബ് ഏന്തയാർ
🔴പോസ്റ്റർ: ഉണ്ണി ജയേഷ്
🔴ജോണർ: ആക്ഷൻ, ക്രൈം, ത്രില്ലർ


🎥🎥 ⭐️ 6.7/10
📽📽 🍅 90%🍿87%

ദി ഔട്ട്‍ലോസ് (2017), ദ റൗണ്ടപ്പ് (2022), ദ റൗണ്ടപ്പ്: നോ വേ ഔട്ട് (2023) എന്നീ ചിത്രങ്ങളുടെ വൻവിജയത്തിന് ശേഷം 2024 ൽ പുറത്തിറങ്ങിയ റൗണ്ടപ്പ് ഫ്രാഞ്ചൈസിയിലെ നാലാമത്തെ ചിത്രമാണ് ദ റൗണ്ടപ്പ്: പണിഷ്‌മെന്റ്. മാസങ്ങൾ കൊണ്ട് കൊറിയയിൽ കളക്ഷൻ റെക്കോർഡുകൾ ഇട്ട ചിത്രം, ബോക്സ്ഓഫീസിലെ വൻ വിജയത്തിന് പുറമേ, മികച്ച നിരൂപകപ്രശംസയും നേടി. മുൻ ചിത്രങ്ങളിലേത് പോലെ ഡോൺ ലീ തന്നെയാണ് ചിത്രത്തിൽ പ്രധാന കഥാപാത്രമായി എത്തുന്നത്.

ഫിലിപ്പീൻസിൽ വെച്ച് നടക്കുന്ന ഒരു കൊലപാതകത്തോടെയാണ് കഥ ആരംഭിക്കുന്നത്. കൊറിയയിലെ ഒരു ഡ്രഗ് മാഫിയയെ പിടിക്കാൻ വരുന്ന മാ സോക് ദോയും (ഡോൺ ലീ) ടീമും യാദൃച്ഛികമായി ഫിലിപ്പീൻസിലെ മരണത്തിന് ഇതുമായി ബന്ധമുണ്ടെന്ന് കണ്ടെത്തുന്നു. മയക്കുമരുന്ന് കച്ചവടങ്ങളുടെയും മറ്റും കാലം കഴിഞ്ഞിരിക്കുന്നു. ഇത് ഡിജിറ്റൽ ക്രൈമിന്റെ കാലമാണെന്ന് മനസ്സിലാക്കിയ സോക് ദോ, ഇതിൻ്റെ പിന്നാമ്പുറം അന്വേഷിച്ചിറങ്ങുമ്പോൾ ഞെട്ടിക്കുന്ന സത്യങ്ങളാണ് തിരിച്ചറിയുന്നത്. മുൻചിത്രങ്ങളിലേത് പോലെ ആക്ഷനും കോമഡിക്കും തുല്യപ്രാധാന്യം നൽകിയാണ് കഥ വികസിക്കുന്നത്.

കാലത്തിനനുസരിച്ച് കഥയിൽ മാറ്റങ്ങൾ കൊണ്ടുവരുന്ന ഒരേയൊരു ഫ്രാഞ്ചൈസിയായ ക്രൈം സിറ്റിയുടെ ആദ്യ മൂന്ന് ഭാഗങ്ങളിലെന്ന പോലെ, കിടിലൻ ആക്ഷൻ സീനുകളും, വയലൻസ് രംഗങ്ങളും കൊണ്ട് സമ്പന്നമാണ് നാലാം ഭാഗവും. ഡോൺ ലീയുടെ കോമഡി ടൈമിംഗും, മാസ് ആക്ഷൻ രംഗങ്ങളും പ്രേക്ഷകനെ ത്രസിപ്പിക്കും. മികച്ച നിരൂപകപ്രശംസ അങ്ങോളമിങ്ങോളം പിടിച്ച് പറ്റിയ ചിത്രം, ആദ്യ മൂന്ന് ഭാഗങ്ങളോട് ചേർത്ത് വെക്കാവുന്ന ഒന്ന് തന്നെയാണ്. ആദ്യ ഭാഗത്തിനു ശേഷം മറ്റു രണ്ടു ഭാഗങ്ങളേക്കാൾ ഏറ്റവും കൂടുതൽ പ്രശംസ നേടിയതും ഈ ചിത്രമാണ്.

🌐അഭിപ്രായങ്ങൾ പങ്കുവെക്കാൻ

Categories : #Action #Crime #Korean #Thriller

❤️#MSone Release ⛔360


Train to Busan (2016)
ട്രെയിൻ ടു ബുസാൻ (2016)
🚂🚂🚂🚂🚂🚂🚂🚂


⬛️ഭാഷ: കൊറിയൻ 🇰🇷🇰🇷🇰🇷🇰🇷🇰🇷🇰🇷
⬛️സംവിധാനം: Yeon Sang-ho
⬛️പരിഭാഷ: വിഷ്ണു പ്രസാദ്
⬛️പോസ്റ്റർ: നിഷാദ് ജെ എന്‍
⬛️ജോണർ: ആക്ഷൻ, ഹൊറർ, ത്രില്ലർ


🎥🎥 ⭐️7.6/10

📽📽 🍅 95% 🍿89%

🎞🎞 ⭐️8.9/10


ഒരു സോംബി ആപോകാലിപ്സ് പശ്ചാത്തലത്തിൽ അരങ്ങേറുന്ന ത്രസിപ്പിക്കുന്ന ഒരു സർവൈവൽ ത്രില്ലറാണ് ട്രെയിൻ ടു ബുസാൻ.🧟‍♀️

ഒരു പറ്റം മനുഷ്യർ ബുസാനിലേക്ക് യാത്ര പുറപ്പെടുന്നത് തൊട്ടാണ് സിനിമ ആരംഭിക്കുന്നത്. എന്നാൽ അവരുടെ യാത്ര ആരംഭിക്കുന്നതിന് തൊട്ടുമുമ്പ്, ദക്ഷിണ കൊറിയയിൽ ഒരു സോംബി വൈറസ് പടരാൻ തുടങ്ങുന്നു.

ട്രെയിൻ യാത്ര ആരംഭിക്കുന്ന സമയം, ഒരു അസുഖബാധിത ട്രെയിനിൽ കയറുകയും, സോംബിയായി മാറുകയും ട്രെയിനിനുള്ളിൽ ഭീകരാന്തരീക്ഷം സൃഷ്ടിക്കപ്പെടുന്നതോടെ യാത്രക്കാർ അതിജീവനത്തിനായുള്ള പേരാട്ടം തുടങ്ങുന്നു.

2016-ൽ പുറത്തിറങ്ങിയ ഈ കൊറിയൻ ചിത്രം, ലോക സിനിമയിലെ സോംബി ജേണറിൽ ഒരു നാഴികക്കല്ലായി മാറിയ ചിത്രം കൂടിയാണ്.

🫡 അഭിപ്രായങ്ങൾ പങ്കുവെക്കാൻ

Categories : #Action #Horror #Korean #Thriller

❤️#Msone Release ✨ 3430


Squid Game Season 02 🤩
സ്ക്വിഡ് ഗെയിം സീസൺ 02🤩
🤩🤩🤩


🤩ഭാഷ: കൊറിയൻ 🇰🇷
🤩സംവിധാനം: Hwang Dong-hyuk
😐ജോണർ: ആക്ഷൻ, സർവൈവൽ, ത്രില്ലർ


😱പരിഭാഷ: ഹബീബ് ഏന്തയാർ
🤩 പോസ്റ്റർ: അഭിജിത്ത്


456 മത്സരാർത്ഥികൾ!🤩
4560 കോടി സമ്മാനം!🤩
തോറ്റാലോ, നിരസിച്ചാലോ പകരം
നൽകേണ്ടി വരിക സ്വന്തം ജീവൻ! 🤩

പ്രശസ്ത ജാപ്പനീസ് സീരീസായ ആലീസ് ഇൻ ബോർഡർലാന്റിന് ശേഷം അതേ ഗെയിം ത്രില്ലിംഗ് എഫക്ടിൽ 2021 ൽ നെറ്റ്ഫ്ലിക്സിലൂടെ പുറത്തിറങ്ങിയ ബ്രഹ്മാണ്ഡ കൊറിയൻ സീരീസായ സ്ക്വിഡ് ഗെയിമിൻ്റെ രണ്ടാം ഭാഗമാണിത്. ഒന്നാം ഭാഗം അവസാനിച്ചതിനുശേഷം നടക്കുന്ന കഥയാണ് സീസൺ 2 പറയുന്നത്.

ഗെയിം അവസാനിച്ചിട്ട് രണ്ടുവർഷത്തിന് ശേഷം, ഇത്തവണ ഗെയിം വീണ്ടും ആരംഭിക്കുകയാണ്. എന്നാൽ ഇതൊരു വെല്ലുവിളിയായി മാറിയിരിക്കുകയാണ്. ഗെയിം ജയിച്ചു പണവുമായി പോയ നായകൻ ഒരിക്കലും സന്തോഷവാനായിരുന്നില്ല. ഉറക്കമില്ലാത്ത രാത്രികളായിരുന്നു അയാൾക്ക്. അതിനാൽ, ചോര കണ്ട് അറപ്പ് മാറിയ ഒരുകൂട്ടം ഭ്രാന്തന്മാരുടെ കളി അയാൾ അവസാനിപ്പിക്കാൻ പോവുകയാണ്. ഗെയിമിനകത്ത് കയറിക്കൂടിയതിനുശേഷം നടക്കുന്ന സംഭവങ്ങളും, പുറത്ത് തൻ്റെ ആളുകൾ ഗെയിം അരീന കണ്ടെത്താൻ നടത്തുന്ന ശ്രമവുമാണ് ഈ സീസൺ പറഞ്ഞു പോകുന്നത്.

രണ്ടു ഭാഗമായി ഇറങ്ങുന്ന ഈ കഥാഭാഗത്തിന്റെ ആദ്യത്തെ ഏഴു എപ്പിസോഡുകളാണ് നെറ്റ്ഫ്ലിക്സ് ഇപ്പോൾ പുറത്തുവിട്ടിരിക്കുന്നത്. കഥയുടെ ചടുലത ഒരു നിമിഷം പോലും കൈവിടാത്ത തരത്തിലുള്ള മേക്കിംഗ്, മികച്ച അഭിനയ മുഹൂർത്തങ്ങൾ, പ്രേക്ഷകരെ ഞെട്ടിക്കുന്ന ട്വിസ്റ്റുകൾ, സീറ്റ് എഡ്ജ് ത്രില്ലർ സാഹചര്യങ്ങൾ, എല്ലാം കൊണ്ടും ത്രില്ലർ, ഗെയിം പ്രേമികൾ ഒരിക്കലും മിസ് ആക്കാൻ പാടില്ലാത്ത ഒരു സീരിസാണ് ” സ്ക്വിഡ് ഗെയിം“. 🤩

⚡️അഭിപ്രായങ്ങൾ പങ്കുവെക്കാൻ

Categories : #Action #Korean #Psychological #Survival #Thriller #Web_Series