#Msone Release - 3736 (Movie)

The Garden of Words (2013)
ദ ഗാർഡൻ ഓഫ് വേഡ്സ് (2013)

പരിഭാഷ: വിഷ്ണു ഷാജി
പോസ്റ്റർ: നൗഫൽ

ഭാഷ: ജാപ്പനീസ്
സംവിധാനം: Makoto Shinkai
ജോണർ: അനിമേഷൻ, ഡ്രാമ, റൊമാൻസ്

IMDb : 7.4 (PG-13)

ഷൂ ഡിസൈനറാകാൻ ആഗ്രഹിക്കുന്ന 15 വയസ്സുകാരനായ തകാവോ, മഴയുള്ള ദിവസങ്ങളിൽ ക്ലാസ്സിൽ പോകാതെ, ടോക്കിയോയിലെ ശാന്തമായ ഒരു പൂന്തോട്ടത്തിൽ പോയിരുന്ന് ഷൂസിന്റെ ഡിസൈനുകൾ വരയ്ക്കുന്നത് പതിവായിരുന്നു. അവിടെവെച്ച് വ്യക്തിജീവിതത്തിലും ജോലിയിലും നിരവധി പ്രശ്നങ്ങളിലൂടെ കടന്നുപോകുന്ന 27 വയസ്സുകാരിയായ യുകിനൊയെ അവൻ പരിചയപ്പെടുന്നു. മഴ പെയ്യുന്ന ദിവസങ്ങളിൽ സ്ഥിരമായി ആ പൂന്തോട്ടത്തിൽ വെച്ച് കണ്ടുമുട്ടിയിരുന്ന, തീർത്തും അപരിചിതരായിരുന്ന അവർ പതിയെ ആഴത്തിലിൽ അടുക്കുന്നു. അവരുടെ ജീവിതത്തിലെ ഏകാന്തതയ്ക്കും വേദനകൾക്കും ആ കൂടിക്കാഴ്ചകൾ ഒരു ആശ്വാസമായി മാറുന്നു. എന്നാൽ മഴക്കാലം അവസാനിക്കുമ്പോൾ, പ്രായവ്യത്യാസവും സമൂഹത്തിന്റെ കാഴ്ചപ്പാടുകളും സ്വന്തം വികാരങ്ങളും ഉൾപ്പെടെ പലതും അവർക്കിടയിൽ വിലങ്ങു തടിയായി മാറുന്നു.

പ്രണയത്തിനൊപ്പം ടോക്കിയോ നഗരത്തിന്റെ മഴക്കാല സൗന്ദര്യം ഒപ്പിയെടുത്ത ചിത്രം. അനിമേ പ്രേമികൾ നിർബന്ധമായും കണ്ടിരിക്കേണ്ട ചിത്രം.

അഭിപ്രായങ്ങൾ പങ്കുവെക്കാൻ

#Msone Release - 3737 (Movie)

Coyote vs. Acme (2026)
കയോട്ടി vs. ആക്മി (2026)

പരിഭാഷ: എൽവിൻ ജോൺ പോൾ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: Dave Green
ജോണർ: അഡ്വെഞ്ചർ, അനിമേഷൻ, കോമഡി

IMDb : 7.6 (PG-13)

മനുഷ്യരും കാർട്ടൂണുകളും ഒരുമിച്ച് ജീവിക്കുന്ന ഒരു ലോകത്തിലാണ് ഈ സിനിമയുടെ കഥ നടക്കുന്നത്. ഈ ലോകത്തിലെ ഏറ്റവും വലിയ കമ്പനിയായ ആക്മിയാണ് മനുഷ്യർക്കും കാർട്ടൂണുകളും വേണ്ട ഒട്ടു മിക്ക നിത്യോപയോഗ സാധനങ്ങളും ഉണ്ടാക്കുന്നത്.

അങ്ങനെയിരിക്കെ കാലാകാലങ്ങളായി റോഡ് റണ്ണറിനെ പിടിക്കാൻ ശ്രമിച്ച് പരാജയപ്പെട്ട വൈൽ ഇ കയോട്ടി (റോഡ് റണ്ണർ ഷോയിലെ കഥാപാത്രങ്ങൾ) താൻ റോഡ് റണ്ണറിനെ പിടിക്കാൻ ഉപയോഗിക്കുന്ന ആക്മി ഉൽപ്പന്നങ്ങൾ നിരന്തരമായി തകരാറാവുന്നതിന് ആക്മിക്കെതിരെ കേസ് കൊടുക്കുന്നു.

അഭിപ്രായങ്ങൾ പങ്കുവെക്കാൻ

#Msone Release - 356 (Movie)

The Raid: Redemption (2011)
ദ റെയ്ഡ്: റിഡംഷന്‍ (2011)

പരിഭാഷ: പ്രവീൺ അടൂർ
പോസ്റ്റർ: പ്രവീൺ അടൂർ

ഭാഷ: ഇന്തോനേഷ്യൻ
സംവിധാനം: Gareth Evans
ജോണർ: ആക്ഷൻ, ക്രൈം, ത്രില്ലർ

IMDb : 7.6 (R)

ജക്കാർത്തയിലെ ചേരിയിലുള്ള, കൊടുംകുറ്റവാളികളും ലഹരിമാഫിയയും മാത്രം താവളമാക്കിയ 15 നിലകളുള്ള ഒരു അപ്പാർട്ട്‌മെന്റ് സമുച്ചയത്തെ ചുറ്റിപ്പറ്റിയാണ് ദി റെയ്ഡ്: റിഡംപ്ഷൻ (2011) എന്ന ആക്ഷൻ-ത്രില്ലർ ചിത്രം വികസിക്കുന്നത്. അധോലോക നായകനായ താമ റിയാദിയെയും അവന്റെ സംഘത്തെയും പിടികൂടാൻ ഒരു പ്രത്യേക പോലീസ് സംഘം (സ്പെഷ്യൽ ഫോഴ്സ്) കെട്ടിടത്തിലേക്ക് രഹസ്യമായി കടക്കുന്നു.
എന്നാൽ പോലീസ് സാന്നിധ്യം തിരിച്ചറിയുന്ന അധോലോക തലവൻ കെട്ടിടം പൂർണ്ണമായും അടച്ചുപൂട്ടുകയും, പോലീസുകാരെ കൊന്നൊടുക്കാൻ കെട്ടിടത്തിലെ എല്ലാ വാടകക്കാരായ ക്രിമിനലുകൾക്കും ആഹ്വാനം നൽകുകയും ചെയ്യുന്നു. ബാഹ്യലോകവുമായുള്ള എല്ലാ ബന്ധങ്ങളും അറ്റുപോകുന്നതോടെ, ഓരോ നിലയിലും മരണത്തെ മുഖാമുഖം കണ്ട് പോലീസുകാർക്ക് പൊരുതേണ്ടി വരുന്നു. ഇൻഡോനേഷ്യൻ ആയോധനകലയായ ‘പെൻചാക് സിലാത്ത്’ (Pencak Silat) അടിസ്ഥാനമാക്കിയുള്ള ശ്വാസമടക്കിപ്പിടിക്കുന്ന പോരാട്ടങ്ങളും, ചതിയും അതിജീവനവുമാണ് ചിത്രത്തിന്റെ ഇതിവൃത്തം.

അഭിപ്രായങ്ങൾ പങ്കുവെക്കാൻ

#Msone Release - 3738 (Series)

Mr. Bean (1990)
മിസ്റ്റർ ബീൻ (1990)

പരിഭാഷ: എൽവിൻ ജോൺ പോൾ, വിഷ്‌ണു പ്രസാദ്
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: John Birkin, Paul Weiland, John Howard Davies
ജോണർ: കോമഡി, ഫാമിലി

IMDb : 8.6 (N/A)

മിസ്റ്റർ ബീൻ ഒരു ബ്രിട്ടീഷ് ഹാസ്യ ടെലിവിഷൻ പരമ്പരയായിരുന്നു. അര മണിക്കൂർ ദൈർഘ്യമുള്ള 14 എപ്പിസോഡുകൾ അടങ്ങുന്ന ഇതിലെ പ്രധാന കഥാപാത്രമായ മിസ്റ്റർ ബീനിനെ അവതരിപ്പിച്ചത് റോവാൻ അറ്റ്കിൻസണാണ്.

റോവാൻ അറ്റ്കിൻസൺ, റോബിൻ ഡ്രിസ്കോൾ, റിച്ചാർഡ് കർട്ടിസ്, ബെൻ എൽട്ടൺ എന്നിവരാണ് രചയിതാക്കൾ. ആദ്യ എപ്പിസോഡായ “മിസ്റ്റർ ബീൻ” 1990 ജനുവരി 1നും, അവസാന എപ്പിസോഡായ “ദ ബെസ്റ്റ് ബിറ്റ്സ് ഓഫ് മിസ്റ്റർ ബീൻ” 1995 ഡിസംബർ 15-നും സംപ്രേഷണം ചെയ്യപ്പെട്ടു.

സർവകലാശാലയിലായിരിക്കുമ്പോഴാണ് അറ്റ്കിൻസൺ ഈ കഥാപാത്രത്തെ സൃഷ്ടിച്ചത്. “മുതിർന്ന മനുഷ്യന്റെ ശരീരമുള്ള കുട്ടി” എന്നാണ് അറ്റ്കിൻസൺ തന്റെ കഥാപാത്രത്തെ വിശേഷിപ്പിക്കുന്നത്.

നിത്യജീവിതത്തിലെ ജോലികൾ ചെയ്ത് തീർക്കുവാൻ ശ്രമിക്കുന്നതിനിടയിൽ ഏകാകിയായ മിസ്റ്റർ ബീൻ ഉണ്ടാക്കുന്ന കുഴപ്പങ്ങൾ പരമ്പരയിൽ ഹാസ്യരൂപത്തിൽ ചിത്രീകരിച്ചിരിക്കുന്നു.

കഥാപാത്രത്തിന്റെ ജനപ്രീതിയെ തുടര്‍ന്ന് മിസ്റ്റര്‍ ബീന്‍ മുഖ്യകഥാപാത്രമായി രണ്ട് സിനിമകളും ഒരു അനിമേഷന്‍ പരമ്പരയും ഉണ്ടാവുകയുണ്ടായി.

അഭിപ്രായങ്ങൾ പങ്കുവെക്കാൻ

#Msone Release - 3739 (Movie)

#msonegoldrelease

#renewedsubtitle

Blue Velvet (1986)
ബ്ലൂ വെല്‍വെറ്റ് (1986)

പരിഭാഷ: വിഷ്‌ണു പ്രസാദ്
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: David Lynch
ജോണർ: ക്രൈം, ഡ്രാമ, മിസ്റ്ററി

IMDb : 7.7 (R)

ജെഫ്രി എന്ന യുവാവ് തന്റെ നാട്ടിലേക്ക് മടങ്ങിയെത്തുന്നതും അവിടെത്തെ ഒരു പറമ്പിൽനിന്ന് അറുത്തുമാറ്റപ്പെട്ട ഒരു മനുഷ്യന്റെ ചെവി കണ്ടെത്തുന്നത്തിൽനിന്നുമാണ് കഥ തുടങ്ങുന്നത്. പൊലീസിന്റെ അന്വേഷണത്തിൽ തൃപ്തനാകാതെ അവൻ സ്വന്തമായി ഇതിന് പിന്നിലെ സത്യം കണ്ടെത്താൻ ഇറങ്ങിത്തിരിക്കുന്നു. ഈ അന്വേഷണം അവനെ ആ നാടിന്റെ പുറമെയുള്ള ശാന്തതയ്ക്ക് പിന്നിലൊളിച്ചിരിക്കുന്ന ഭയപ്പെടുത്തുന്ന ദുരൂഹതകൾ നിറഞ്ഞ ഒരു ഗായികയും അപകടകാരിയായ ഒരു ക്രിമിനലും ഉൾപ്പെടുന്ന വലിയൊരു അപകടക്കെണിയിലേക്കാണ് കൊണ്ടെത്തിച്ചത്.

അഭിപ്രായങ്ങൾ പങ്കുവെക്കാൻ

#Msone Release - 3740 (Movie)

Spider-Man: Brand New Day (2026)
സ്പൈഡർ-മാൻ ബ്രാൻഡ് ന്യൂ ഡേ (2026)

പരിഭാഷ: വിഷ്‌ണു പ്രസാദ്
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: Destin Daniel Cretton
ജോണർ: ആക്ഷൻ, അഡ്വെഞ്ചർ, സയൻസ് ഫിക്ഷൻ

IMDb : 8.1 (PG-13)

ലോകം മുഴുവൻ പീറ്റർ പാർക്കറെ മറന്നുകഴിഞ്ഞു. പഴയ ഓർമ്മകളുമായി, തീർത്തും ഒറ്റയ്ക്കായിപ്പോയ പീറ്റർ ഒരു പുതിയ ജീവിതം കെട്ടിപ്പടുക്കാൻ ശ്രമിക്കുന്നതിന്റെയും, സ്പൈഡർ-മാൻ എന്ന നിലയിലുള്ള അവന്റെ പോരാട്ടങ്ങളുടെയും പുതിയ അധ്യായമാണിത്.

അഭിപ്രായങ്ങൾ പങ്കുവെക്കാൻ

#Msone Release - 3741 (Series)

Nine Puzzles (2025)
നയൻ പസിൽസ് (2025)

പരിഭാഷ: അരവിന്ദ് കുമാർ
പോസ്റ്റർ: പ്രവീൺ അടൂർ

ഭാഷ: കൊറിയൻ
നിർമ്മാണം: Moonlight Film
ജോണർ: ക്രൈം, ഡ്രാമ, മിസ്റ്ററി

IMDb : 7.6 (NC-17)

യുൻ ഇനായ്ക്ക് തന്റെ കൊല്ലപ്പെട്ട അങ്കിളിന്റെ മൃതദേഹത്തിന്റെ പക്കൽ നിന്ന് ഒരു പസിൽ കഷ്ണം ലഭിക്കുന്നു. എന്നാൽ കേസന്വേഷണ സംഘത്തിൽ ഉള്ള ഹാൻസെമിന്റെ സംശയങ്ങൾ ചെന്ന് പതിച്ചത് സ്കൂൾ വിദ്യാർത്ഥി കൂടിയായ ഇനായിലേക്ക് തന്നെയാണ്. പക്ഷേ തെളിവുകളുടെ അഭാവത്തിൽ ആ കേസ് എങ്ങുമെത്താതെ പോകുകയാണ് ഉണ്ടായത്.

പത്ത് വർഷങ്ങൾക്ക് ഇപ്പുറം യുൻ ഇനാ ഇന്ന് പ്രഗൽഭയായ ഒരു ക്രിമിനൽ പ്രൊഫൈലറാണ്. എന്നാൽ നഗരത്തിൽ ഓരോ
കൊലപാതകങ്ങൾ നടക്കുകയും, ഈ ഓരോ കൊലയ്ക്ക് പിന്നാലെയും യുൻ ഇനായ്ക്ക് പണ്ട് അങ്കിളിന്റെ മരണം സംഭവിച്ച സ്ഥലത്ത് നിന്ന് ലഭിച്ചതിന് സമാനമായ പസിൽ പീസുകൾ ആരോ അയക്കുകയും ചെയ്യുന്നു. ഈ പസിൽ സീരിയൽ കൊലയാളിക്ക് പിന്നിലെ നിഗൂഢത പരിഹരിക്കാനുള്ള യുൻ ഇനായുടെ പരിശ്രമങ്ങൾക്ക് ഇടയിൽ, പണ്ടത്തെ പോലെ തന്നെ ഇപ്പോഴും തന്നെ സംശയിക്കുന്ന ഓഫീസർ ഹാൻസെമിനൊപ്പം സഖ്യം ചേരാൻ അവൾ തീരുമാനിച്ചു. പക്ഷേ കൊലയാളിക്കായുള്ള അവരുടെ യാത്ര അത്ര എളുപ്പമായിരുന്നില്ല, അപ്രതീക്ഷിതമായ കാര്യങ്ങളായിരുന്നു അവർക്കായി കാത്തിരുന്നത്.

മലയാളി കൊറിയൻ ആരാധകരുടെ ഏറ്റവും പ്രിയപ്പെട്ട “ടണൽ” എന്ന സീരിസിന്റെ എഴുത്തുകാരിയായ ലീ ഉൻ മിയാണ് “9 പസിൽസ്” എന്ന ഇൻവെസ്റ്റിഗേഷൻ ത്രില്ലറിനും രചന നിർവഹിച്ചിരിക്കുന്നത്. ഒരു സീരിയൽ കില്ലറിനായുള്ള തിരച്ചിലിന്റെ കഥ പറയുന്ന ഈ ഇൻവെസ്റ്റിഗേഷൻ ത്രില്ലർ സീരീസിൽ, “ദ് വിച്ച്: പാർട് വൺ – ദ് സബ് വേർഷൻ” ഫെയിം കിം ദാ മി മുഖ്യ കഥാപാത്രത്തെ അവതരിപ്പിച്ചിരിക്കുന്നു.

അഭിപ്രായങ്ങൾ പങ്കുവെക്കാൻ

#Msone Release - 3742 (Movie)

One Life (2023)
വൺ ലൈഫ് (2023)

പരിഭാഷ: വിശാൽ രവീന്ദ്രൻ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: James Hawes
ജോണർ: ബയോപിക്ക്, ഡ്രാമ, ഹിസ്റ്ററി

IMDb : 7.5 (PG-13)

1938 ൽ രണ്ടാം ലോകയുദ്ധത്തിന്റെ തുടക്കകാലം, ചെക്കോസ്ലോവാക്യയുടെ തലസ്ഥാനമായ പ്രാഗിൽ സന്ദർശനത്തിന് വന്ന നിക്കോളാസ് വിന്റൺ എന്ന ചെറുപ്പക്കാരൻ കാണുന്നത് നാസി ഭീഷണിയിൽ നിന്ന് രക്ഷപെട്ട് കഴിയുന്ന ജൂത കുടുംബങ്ങളെയും കുട്ടികളെയാണ്. ആ ദുരവസ്ഥ കണ്ട നിക്കോളാസ് കുറച്ച് ആളുകളുടെ സഹായത്തോട് കൂടി കുട്ടികളെ ബ്രിട്ടനിലേക്ക് രക്ഷപ്പെടുത്താൻ തീരുമാനിക്കുന്നു. വളരെ കുറച്ച് സമയത്തിനുള്ളിൽ കുട്ടികളെ സുരക്ഷിതമായി മറ്റൊരു രാജ്യത്തേക്ക് എത്തിക്കാനും, അവർക്ക് പുതിയ വീടുകൾ കണ്ടെത്താനും നിക്കിയും അദ്ദേഹത്തിന്റെ സുഹൃത്തുക്കളും നടത്തുന്ന പോരാട്ടമാണ്.

അഭിപ്രായങ്ങൾ പങ്കുവെക്കാൻ

#Msone Release - 3743 (Movie)

Batman: Knightfall - Part 1 (2026)
ബാറ്റ്മാൻ: നൈറ്റ് ഫോൾ - പാർട്ട് 1 (2026)

പരിഭാഷ: വിശാൽ രവീന്ദ്രൻ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: Jeff Wamester
ജോണർ: ആക്ഷൻ, അഡ്വെഞ്ചർ, അനിമേഷൻ

IMDb : 7.8 (R)

1993 ൽ പുറത്തിറങ്ങിയ ഇതേ പേരിലെ കോമിക്സിന്റെ ആനിമേഷൻ ആവിഷ്കാരമാണ് Batman: Knightfall Part 1: Knightfall .
വർഷങ്ങളെടുത്ത് ബാറ്റ്മാൻ ആർക്കത്തിലാക്കിയ ശത്രുക്കളെല്ലാം അവിടുന്ന് രക്ഷപ്പെട്ട് ഗോതം സിറ്റിയിലേക്ക് ഇറങ്ങുന്നു. അവരെ പിടിക്കാൻ രാപ്പകലില്ലാതെ ശ്രമിക്കുന്ന ബാറ്റ്മാൻ, ഇതിനെല്ലാം കാരണം ബെയ്ൻ എന്ന ശത്രുവാണെന്ന് മനസ്സിലാക്കുന്നു.

അഭിപ്രായങ്ങൾ പങ്കുവെക്കാൻ

#Msone Release - 3744 (Movie)

Fall 2: Deadpoint (2026)
ഫോൾ 2: ഡെഡ്പോയിന്റ് (2026)

പരിഭാഷ: പ്രവീൺ അടൂർ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: Michael Spierig, Peter Spierig
ജോണർ: അഡ്വെഞ്ചർ, ഡ്രാമ, ത്രില്ലർ

IMDb : 5.7 (PG-13)

ആദ്യ ഭാഗമായ ‘ഫാൾ’ (Fall) എന്ന ഹിറ്റ് സർവൈവൽ ത്രില്ലർ ചിത്രത്തിന്റെ തുടർച്ചയാണ് ഈ സിനിമ.
ആദ്യ സിനിമയിൽ 2,000 അടി ഉയരമുള്ള ടവറിൽ കുടുങ്ങുകയും പിന്നീട് ദാരുണമായി മരിക്കുകയും ചെയ്ത പ്രശസ്ത ഇൻഫ്ലുവൻസർ ഷൈലോ ഹണ്ടറുടെ സഹോദരിയായ ജാക്സിലൂടെയാണ് കഥ വികസിക്കുന്നത്. സഹോദരിയുടെ മരണമുണ്ടാക്കിയ വലിയ ആഘാതത്തിൽ നിന്നും ഭയത്തിൽ നിന്നും ജാക്സ് ഇതുവരെ മുക്തയായിട്ടില്ല.
ഈ സമയത്ത് ലൂസ് എന്ന് പരിചയപ്പെടുത്തുന്ന ഒരു യുവതി ഷൈലോയുടെ പൂർത്തിയാകാത്ത ഒരു ‘ബക്കറ്റ് ലിസ്റ്റുമായി’ ജാക്സിനെ തേടിയെത്തുന്നു. സഹോദരിയുടെ ഓർമ്മകൾക്ക് മുന്നിൽ സമാധാനം കണ്ടെത്താനും സ്വന്തം ഭയങ്ങളെ കീഴടക്കാനും വേണ്ടി, ആ ലിസ്റ്റിലെ ഒരു പ്രധാന സാഹസിക യാത്ര പൂർത്തിയാക്കാൻ ജാക്സ് തീരുമാനിക്കുന്നു. തായ്‌ലൻഡിലെ മൗണ്ട് ക്വാൻ (Mount Kwan) പർവ്വതത്തിലെ അതീവ അപകടകരവും പതിറ്റാണ്ടുകളായി അടച്ചിട്ടിരിക്കുന്നതുമായ ‘ഡെത്ത് ഡ്രാഗൺ പ്ലാങ്ക് വാക്ക്’ (Deth Dragon Plank Walk) എന്ന യാത്രയായിരുന്നു അത്.

ജോൺ എന്നൊരു ഗൈഡിന്റെ സഹായത്തോടെ നിയമവിരുദ്ധമായി അവർ ആ ഭയാനകമായ മലകയറ്റം ആരംഭിക്കുന്നു. സമുദ്രനിരപ്പിൽ നിന്ന് 4,000 അടിയോളം ഉയരത്തിൽ, ഏത് നിമിഷവും തകർന്നുവീഴാറായ മരപ്പലകകളിലൂടെയുള്ള (planks) അവരുടെ യാത്ര ഞെട്ടിക്കുന്നതായിരുന്നു. എന്നാൽ വളരെ പെട്ടെന്ന് തന്നെ ആ സാഹസിക യാത്ര ഒരു ജീവന്മരണ പോരാട്ടമായി മാറുന്നു. പ്രകൃതിക്ഷോഭങ്ങളും ഒട്ടും പ്രതീക്ഷിക്കാത്ത മറ്റ് ചില വെല്ലുവിളികളും അവർക്ക് നേരിടേണ്ടി വരുന്നു.
ഉയരങ്ങളോടുള്ള ഭയത്തെ (Acrophobia) വീണ്ടും പ്രേക്ഷകരിലേക്ക് എത്തിക്കുന്ന, ശ്വാസമടക്കിപ്പിടിച്ച് കണ്ടിരിക്കാൻ കഴിയുന്ന മികച്ചൊരു സർവൈവൽ ത്രില്ലർ അനുഭവമാണ് ചിത്രം നൽകുന്നത്. ആ മലനിരകളിൽ ഒളിഞ്ഞിരിക്കുന്ന മറ്റ് രഹസ്യങ്ങൾ എന്തൊക്കെയാണ്?

അഭിപ്രായങ്ങൾ പങ്കുവെക്കാൻ

#Msone Release - 3745 (Movie)

The Return (2024)
ദി റിട്ടേൺ (2024)

പരിഭാഷ: വിഷ്ണു എം കൃഷ്ണൻ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: Uberto Pasolini
ജോണർ: അഡ്വെഞ്ചർ, ഡ്രാമ, ഹിസ്റ്ററി

IMDb : 6.3 (R)

പത്തുവർഷം നീണ്ടുനിന്ന ട്രോയിലെ പോരിനും മറ്റൊരു പത്തുവർഷത്തെ കൊടിയ യാതനകൾ നിറഞ്ഞ യാത്രയ്ക്കുമൊടുവിൽ ഒഡിസിയസ് സ്വദേശത്തേക്ക് മടങ്ങിയെത്തുകയാണ്. അദ്ദേഹത്തെ എതിരേല്ക്കുന്നതോ, എങ്ങും അരാജകത്വം നടമാടുന്ന ഇഥക്കയും. യുദ്ധാനന്തരം ഒഡിസിയസ്സിന് വന്നുചേർന്ന മാറ്റങ്ങൾക്ക് പ്രാധാന്യം നൽകിക്കൊണ്ട്, അദ്ദേഹം രാജ്യം തിരിച്ചുപിടിക്കുന്നത് കാണിച്ചുതരുകയാണ് ‘ദ റിട്ടേൺ’.

അഭിപ്രായങ്ങൾ പങ്കുവെക്കാൻ

#Msone Release - 3746 (Movie)

Hope (2026)
ഹോപ്പ് (2026)

പരിഭാഷ: പ്രവീൺ അടൂർ
പോസ്റ്റർ: നിഷാദ് ജെ.എൻ

ഭാഷ: കൊറിയൻ
സംവിധാനം: Na Hong-jin
ജോണർ: ആക്ഷൻ, ഹൊറർ, സയൻസ് ഫിക്ഷൻ

IMDb : 6.9 (R)

ദക്ഷിണ കൊറിയയിലെ ഡിമിലിറ്ററൈസ്ഡ് സോണിന് (DMZ) സമീപമുള്ള ‘ഹോപ്പ് ഹാർബർ’ (വോൻസാൻ-രി) എന്ന ഒറ്റപ്പെട്ട തുറമുഖ ഗ്രാമത്തിലാണ് കഥ നടക്കുന്നത്. കുഴിബോംബുകളാലും മുള്ളുവേലികളാലും ചുറ്റപ്പെട്ട, പുറംലോകവുമായി വലിയ ബന്ധമില്ലാത്ത ഒരു ചെറിയ പ്രദേശമാണിത്. അവിടുത്തെ പ്രാദേശിക പോലീസ് സ്റ്റേഷനിലെ ചീഫായ ബം-സോക്കും സംഘവും സാധാരണയായി നാട്ടിലെ ചെറിയ പ്രശ്നങ്ങൾ മാത്രം കൈകാര്യം ചെയ്ത് ശീലിച്ചവരാണ്.
ഒരു ദിവസം രാവിലെ, ഗ്രാമത്തിന് പുറത്തുള്ള കാട്ടുപാതയിൽ ഒരു കാളയെ അതിദാരുണമായി കൊന്നു തള്ളിയ നിലയിൽ നാട്ടുകാർ കണ്ടെത്തുന്നു. ആദ്യം ഇതൊരു കരടിയുടെയോ സൈബീരിയൻ കടുവയുടെയോ ആക്രമണമാണെന്നാണ് ഗ്രാമവാസികൾ കരുതുന്നത്. എന്നാൽ വൈകാതെ തന്നെ, തങ്ങൾ ഇതുവരെ കണ്ടിട്ടില്ലാത്ത അജ്ഞാതമായ ഏതോ ഒന്നിന്റെ സാന്നിധ്യം ആ കാട്ടിലുണ്ടെന്ന് അവർ തിരിച്ചറിയുന്നു.

കാട്ടുതീ കാരണം പുറത്തുനിന്നുള്ള പോലീസ് സഹായമോ മറ്റ് രക്ഷാപ്രവർത്തകരോ എത്താൻ വൈകുന്നതോടെ, സ്വന്തം ഗ്രാമത്തെയും ജീവനെയും രക്ഷിക്കാൻ ബം-സോക്കും വനിതാ ഓഫീസറായ സുങ്-ഏയും നാട്ടിലെ ഏതാനും വേട്ടക്കാരും ചേർന്ന് ആ അജ്ഞാത ശക്തിയെ നേരിടാൻ ഇറങ്ങിത്തിരിക്കുന്നു. ഭയവും അവിശ്വാസവും നിറഞ്ഞ ആ രാത്രിയിൽ, തങ്ങളുടെ പരിമിതമായ ആയുധങ്ങൾ വെച്ച് ആ ഗ്രാമവാസികൾ നടത്തുന്ന ഉദ്വേഗജനകമായ അതിജീവനത്തിന്റെ കഥയാണ് ‘ഹോപ്പ്’ (Hopeu) പറയുന്നത്.

അഭിപ്രായങ്ങൾ പങ്കുവെക്കാൻ

#Msone Release - 3747 (Series)

Tekken: Bloodline Season 1 (2022)
ടെക്കൻ: ബ്ലഡ്‌ലൈൻ സീസൺ 1 (2022)

പരിഭാഷ: ഷാനു നൂജുമുദീൻ
പോസ്റ്റർ: നിഷാദ് ജെ.എൻ

ഭാഷ: ജാപ്പനീസ്
സംവിധാനം: Yoshikazu Miyao
ജോണർ: ആക്ഷൻ, അഡ്വെഞ്ചർ, അനിമേഷൻ

IMDb : 6.5 (PG-13)

രക്തത്താൽ എഴുതപ്പെട്ട പാരമ്പര്യം… പ്രതികാരത്തിനായി തുടങ്ങുന്ന ഒരു പോരാട്ടം… ഇതാണ് ജിൻ കസാമയുടെ കഥ.
ഒരു രാത്രിയിൽ അപ്രതീക്ഷിതമായി നടന്ന സംഭവം ജിൻ കസാമ എന്ന ബാലന്റെ ജീവിതം മാറ്റിമറിക്കുന്നു. ആ സംഭവത്തിനു കാരണമായ അമാനുഷിക ശക്തിയെ നേരിടാൻ ആയോധന വിദ്യയിൽ അഗ്രഗണ്യനായ തന്റെ മുത്തശ്ശന്റെ സഹായം അവൻ തേടുന്നു. എന്നാൽ അതിനായി ആദ്യം അവന് തന്റെ ഉള്ളിലെ ഭയത്തെയും ബലഹീനതകളെയും തോൽപ്പിക്കണം. അവനു മുന്നിലുള്ള ഏക വഴി, ലോകത്തിലെ ഏറ്റവും ശക്തനായ പോരാളിയാകുക എന്നതായിരുന്നു. മുത്തച്ഛനായ ഹെയ്ഹാച്ചി മിഷിമയുടെ കഠിന പരിശീലനത്തിന് കീഴിൽ ജിൻ തന്റെ ശരീരത്തെയും മനസ്സിനെയും ഒരു ആയുധമാക്കി മാറ്റുന്നു. എന്നാൽ പ്രതികാരം തേടിയുള്ള ആ യാത്ര അവനെ എത്തിക്കുന്നത് ലോകത്തിലെ ഏറ്റവും ശക്തരായ പോരാളികൾ ഏറ്റുമുട്ടുന്ന ഒരു മഹാ പോരാട്ടവേദിയിലേക്കാണ്. അവിടെ ജിന്നിന് നേരിടേണ്ടിവരുന്നത് എതിരാളികളെ മാത്രമല്ല, തന്റെ ഭൂതകാലത്തെയും കുടുംബത്തിന്റെ ഇരുണ്ട പാരമ്പര്യത്തെയുമാണ്.

അഭിപ്രായങ്ങൾ പങ്കുവെക്കാൻ

#Msone Release - 3748 (Movie)

What Every Frenchwoman Wants (1986)
വാട്ട് എവരി ഫ്രഞ്ച്‍വുമൺ വാണ്ട്സ് (1986)

പരിഭാഷ: അരുൺ ബി. എസ്. കൊല്ലം
പോസ്റ്റർ: നിഷാദ് ജെ.എൻ

ഭാഷ: ഇറ്റാലിയൻ
സംവിധാനം: Gianfranco Mingozzi
ജോണർ: കോമഡി

IMDb : 5.6 (R)

വേനലവധി ആഘോഷിക്കാനായി നാട്ടിലേക്ക് മടങ്ങിയെത്തുന്ന പതിനേഴുകാരനാണ് റോജർ. ആ സമയത്ത്, നാട്ടിലെ പുരുഷന്മാരെല്ലാം യുദ്ധത്തിന് പോകുന്നതോടെ അവരുടെ ഭാര്യമാരും കാമുകിമാരും തനിച്ചാകുന്നു. വികാരങ്ങൾ ഉള്ളിലൊതുക്കി കഴിയുന്ന ഈ സ്ത്രീകളും, കൗമാര ചാഞ്ചല്യങ്ങളിലൂടെ കടന്നുപോകുന്ന റോജറും തമ്മിൽ അതിരുവിട്ട ചില ബന്ധങ്ങൾ ഉടലെടുക്കുന്നു.

​Exploits of a Young Don Juan, L’iniziazione, What Every Frenchwoman Wants എന്നിങ്ങനെ വിവിധ പേരുകളിൽ അറിയപ്പെടുന്ന ഈ ഫ്രഞ്ച്-ഇറ്റാലിയൻ ഈറോട്ടിക്-കോമഡി ചിത്രം പ്രായപൂർത്തിയായവർ മാത്രം കാണുക.

അഭിപ്രായങ്ങൾ പങ്കുവെക്കാൻ

#Msone Release - 3749 (Movie)

Runner (2026)
റണ്ണർ (2026)

പരിഭാഷ: പ്രവീൺ അടൂർ
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Scott Waugh
ജോണർ: ആക്ഷൻ, കോമഡി, ത്രില്ലർ

IMDb : 6.6 (PG-13)

ഗുരുതരമായ അസുഖം ബാധിച്ച ഒരു കൊച്ചുപെൺകുട്ടിയുടെ ജീവൻ രക്ഷിക്കാനായി ഒരു കരൾ എത്രയും വേഗം ആശുപത്രിയിൽ എത്തിക്കുക എന്ന ദൗത്യത്തിന് അപകടകാരിയായ ഒരു മാഫിയ സംഘം തടസ്സമാകുന്നു.
ആ അവയവം കൈക്കലാനായുള്ള മാഫിയയുടെ ആക്രമണങ്ങളെയും മറ്റ് പ്രതിസന്ധികളെയും അതിജീവിച്ച്, ആ പെൺകുട്ടിക്ക് കൃത്യസമയത്ത് അവയവം എത്തിക്കാൻ ഇവർക്ക് സാധിക്കുമോ എന്നതാണ് ചിത്രത്തിന്റെ ഇതിവൃത്തം.

അഭിപ്രായങ്ങൾ പങ്കുവെക്കാൻ

#Msone Release - 3750 (Movie)

A Real Young Girl (1976)
എ റിയൽ യങ് ഗേൾ (1976)

പരിഭാഷ: അഷ്‌കർ ഹൈദർ
പോസ്റ്റർ: അഷ്കർ ഹൈദർ

ഭാഷ: ഫ്രഞ്ച്
സംവിധാനം: Catherine Breillat
ജോണർ: ഡ്രാമ

IMDb : 5.3 (NC-17)

ഒരു വേനലവധിക്കാലത്ത് സ്വന്തം വീട്ടിലെത്തുന്ന 14 വയസ്സുകാരിയായ ആലീസ് എന്ന പെൺകുട്ടിയുടെ കഥയാണിത്. ഒരു പെൺകുട്ടിയുടെ വളർച്ചാഘട്ടത്തിലെ വൈകാരികമായ സങ്കീർണ്ണതകളെയും ഒറ്റപ്പെടലിനെയും വളരെ പച്ചയായി ചിത്രം അവതരിപ്പിക്കുന്നു. മുതിർന്നവരുടെ ലോകത്തുനിന്ന് മാറിനിൽക്കുന്ന ആലീസ്, തന്റെ കൗമാരപ്രായത്തിൽ ഉണ്ടാകുന്ന മാനസികവും ശാരീരികവുമായ മാറ്റങ്ങളെയും, സ്വന്തം ലൈംഗികതയെയും കുറിച്ചുള്ള ചിന്തകളെയും വേറിട്ട രീതിയിൽ നിരീക്ഷിക്കുകയും സ്വയം മനസ്സിലാക്കാൻ ശ്രമിക്കുന്നതുമാണ് ചിത്രത്തിന്റെ ഇതിവൃത്തം.​

18+ പ്രായപൂർത്തിയായവർ മാത്രം കാണുക!

അഭിപ്രായങ്ങൾ പങ്കുവെക്കാൻ

#Msone Release - 3751 (Movie)

Tenzing (2026)
ടെൻസിങ് (2026)

പരിഭാഷ: അരുൺ ബി. എസ്. കൊല്ലം
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Jennifer Peedom
ജോണർ: അഡ്വെഞ്ചർ, ബയോപിക്ക്, ഡ്രാമ, ത്രില്ലർ

IMDb : 7.7 (PG-13)

മനുഷ്യന്റെ ഇച്ഛാശക്തിയെ എന്നും പരീക്ഷിച്ചിട്ടുള്ള ഹിമാലയത്തിന്റെ നെറുകയിലെ വെളുത്ത വിസ്മയമാണ് എവറസ്റ്റ് കൊടുമുടി. അതുവരെ ആർക്കും എത്തിപ്പിടിക്കാനാവാതിരുന്ന ആ കൊടുമുടിയുടെ നെറുകയിലെത്താൻ 1953-ൽ ബ്രിട്ടീഷ് സംഘം ഒരു വലിയ ദൗത്യം ആരംഭിക്കുന്നു.

മഞ്ഞുമലകളെ വരുതിയിലാക്കാൻ ഇറങ്ങിത്തിരിച്ച വിദേശികൾക്കിടയിലേക്ക്, ആ പർവ്വതത്തെ വെറുമൊരു പാറക്കൂട്ടമായല്ല, മറിച്ച് തന്റെ സ്വന്തം അമ്മയായി കാണുന്ന ടെൻസിങ് നോർഗേ എന്ന ഷെർപ്പയും കടന്നുവരുന്നു. കൊടും തണുപ്പും ഹിമപാതങ്ങളും ശ്വാസം മുട്ടിക്കുന്ന ഉയരങ്ങളും താണ്ടി എഡ് ഹിലരിക്കൊപ്പം അയാളാ ചരിത്രയാത്രയ്ക്ക് ഇറങ്ങുമ്പോൾ, അത് വെറുമൊരു പര്യവേഷണത്തിനപ്പുറം അവരുടെ അതിജീവനത്തിന്റെയും സൗഹൃദത്തിന്റെയും ആത്മബന്ധത്തിന്റെയും കഥയായി മാറുന്നു.

പ്രകൃതിയുടെ വന്യതയ്ക്ക് മുന്നിൽ മനുഷ്യൻ നടത്തിയ ആ ഐതിഹാസിക പോരാട്ടത്തിന്റെ നേർക്കാഴ്ചയാണ് ‘ടെൻസിങ്’. തീർച്ചയായും കണ്ടിരിക്കേണ്ട ഒരു ചലച്ചിത്രാനുഭവം എന്നുതന്നെ പറയാം.

അഭിപ്രായങ്ങൾ പങ്കുവെക്കാൻ

#Msone Release - 3752 (Movie)

Dead of Winter (2025)
ഡെഡ് ഓഫ് വിന്റർ (2025)

പരിഭാഷ: പ്രവീൺ അടൂർ
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Brian Kirk
ജോണർ: ആക്ഷൻ, സൈക്കോളജിക്കൽ, സർവൈവൽ, ത്രില്ലർ

IMDb : 6.1 (R)

വടക്കൻ മിനസോട്ടയിലെ കൊടുംതണുപ്പും മഞ്ഞുകാറ്റും നിറഞ്ഞ ഒറ്റപ്പെട്ട പശ്ചാത്തലത്തിൽ നടക്കുന്ന ഉദ്വേഗജനകമായ ഒരു സർവൈവൽ ത്രില്ലർ ചിത്രമാണ് Dead Of Winter (2025).

തന്റെ മരിച്ചുപോയ ഭർത്താവ് കാളിന്റെ ഓർമ്മകൾ പങ്കിടാനും അദ്ദേഹത്തിന്റെ അവസാന ആഗ്രഹം നിറവേറ്റാനുമായി, തണുത്തുറഞ്ഞ ‘ഹിൽഡ’ തടാകത്തിലേക്ക് ഒറ്റയ്ക്ക് യാത്ര തിരിക്കുന്ന പ്രായമായ ഒരു സ്ത്രീയെ ചുറ്റിപ്പറ്റിയാണ് കഥ വികസിക്കുന്നത്. ശക്തമായ മഞ്ഞുവീഴ്ച കാരണം റോഡുകളെല്ലാം വിജനമായ ആ പ്രദേശത്ത്, വഴിതെറ്റിയെത്തുന്ന അവർ യാദൃച്ഛികമായി കാട്ടിനുള്ളിലെ ഒരു ഒറ്റപ്പെട്ട ക്യാബിനിൽ എത്തിച്ചേരുന്നു.
അവിടെ താമസിക്കുന്ന അപരിചിതരായ ദമ്പതികൾ ഒരു പെൺകുട്ടിയെ തട്ടിക്കൊണ്ടുവന്ന് തടവിലാക്കിയിരിക്കുകയാണെന്ന് അവർ ഞെട്ടലോടെ തിരിച്ചറിയുന്നു. പുറംലോകവുമായി ബന്ധപ്പെടാൻ മറ്റ് മാർഗ്ഗങ്ങളില്ലാത്ത ആ കൊടുംതണുപ്പിൽ, ആയുധധാരികളായ അക്രമികളുടെ കയ്യിൽ നിന്ന് ആ പെൺകുട്ടിയെ രക്ഷിക്കാൻ ആ വൃദ്ധ നടത്തുന്ന ധീരമായ പോരാട്ടമാണ് സിനിമയുടെ ഇതിവൃത്തം. പ്രകൃതിയുടെ പ്രതികൂല സാഹചര്യങ്ങളെയും ശാരീരികമായ അവശതകളെയും മറികടന്ന് അവർ നടത്തുന്ന അതിജീവനത്തിന്റെ കഥയാണ് ഈ ചിത്രം പറയുന്നത്.

അഭിപ്രായങ്ങൾ പങ്കുവെക്കാൻ

#Msone Release - 3753 (Movie)

Sueurs (2002)
സുവെർസ് (2002)

പരിഭാഷ: അഷ്‌കർ ഹൈദർ
പോസ്റ്റർ: അഷ്കർ ഹൈദർ

ഭാഷ: ഫ്രഞ്ച്
സംവിധാനം: Louis-Pascal Couvelaire
ജോണർ: ആക്ഷൻ, അഡ്വെഞ്ചർ, ക്രൈം, ത്രില്ലർ

IMDb : 5.5 (N/A)

പണവും അധികാരവും സ്വാതന്ത്ര്യവും സ്വപ്നം കാണുന്ന നാല് കുറ്റവാളികൾ. ഒരു വൻ കവർച്ചയ്ക്കു ശേഷം, നിയമത്തിന്റെ പിടിയിൽനിന്ന് രക്ഷപ്പെടാൻ അവർ നടത്തുന്ന അപകടകരമായ യാത്ര. എന്നാൽ രക്ഷപ്പെടാനുള്ള ഓരോ ശ്രമവും അവരെ കൂടുതൽ ആഴത്തിലുള്ള പ്രതിസന്ധികളിലേക്ക് തള്ളിവിടുന്നു. വിശ്വാസവഞ്ചനയും അതിജീവനവും നിറഞ്ഞ ഈ യാത്രയിൽ, ആരാണ് അവസാനം വരെ പിടിച്ചുനിൽക്കുക?

അഭിപ്രായങ്ങൾ പങ്കുവെക്കാൻ

#Msone Release - 3754 (Movie)

The Weight (2026)
ദ വെയ്റ്റ് (2026)

പരിഭാഷ: പ്രവീൺ അടൂർ
പോസ്റ്റർ: നിഷാദ് ജെ.എൻ

ഭാഷ: ഇംഗ്ലീഷ്
സംവിധാനം: Leo Scherman
ജോണർ: ആക്ഷൻ, അഡ്വെഞ്ചർ, ക്രൈം, ഡ്രാമ

IMDb : 6.7 (R)

1930-കളിലെ അമേരിക്കൻ സാമ്പത്തിക മാന്ദ്യത്തിന്റെ പശ്ചാത്തലത്തിൽ കഥ പറയുന്ന ഉദ്വേഗജനകമായ ഒരു സർവൈവൽ ഡ്രാമ ചിത്രമാണിത്. ഒന്നാം ലോകമഹായുദ്ധത്തിൽ പങ്കെടുത്ത മുൻ സൈനികനും വിദഗ്ദ്ധനായ മെക്കാനിക്കുമായ സാമുവൽ മർഫി , തന്റെ മകൾ പെന്നിയുമായി കടുത്ത ദാരിദ്ര്യത്തിലാണ് ജീവിക്കുന്നത്. താമസിച്ചിരുന്ന വീട്ടിൽ നിന്ന് ഇറക്കിവിടപ്പെട്ടതിനെത്തുടർന്ന് പുതിയൊരു വാടകവീട് തേടിയുള്ള യാത്രയ്ക്കിടയിൽ, അപ്രതീക്ഷിതമായുണ്ടാകുന്ന ഒരു തർക്കത്തിൽ മർഫി അറസ്റ്റ് ചെയ്യപ്പെടുകയും മകൾ ഒരു അനാഥാലയത്തിലേക്ക് മാറ്റപ്പെടുകയും ചെയ്യുന്നു. ഒരു മാസത്തിനുള്ളിൽ പുറത്തിറങ്ങിയില്ലെങ്കിൽ മകളുടെ സംരക്ഷണം സർക്കാർ പൂർണ്ണമായി ഏറ്റെടുത്ത് മറ്റാർക്കെങ്കിലും ദത്തുനൽകുമെന്ന വലിയ പ്രതിസന്ധി മർഫി നേരിടുന്നു.

തടവുകാരെക്കൊണ്ട് റോഡ് പണിയിപ്പിക്കുന്ന കഠിനമായ ഒരു ലേബർ ക്യാമ്പിലേക്കാണ് മർഫിയെ അയക്കുന്നത്. വാർഡൻ ക്ലാൻസി അയാൾക്ക് മുന്നിൽ ഒരു രഹസ്യ വാഗ്ദാനം വെക്കുന്നു: സർക്കാർ ഖനികൾ അടച്ചുപൂട്ടി സ്വർണ്ണം കണ്ടുകെട്ടാൻ പോകുന്നതിനാൽ, കാട്ടിനുള്ളിലെ ഒരു ഒറ്റപ്പെട്ട ഖനിയിൽ നിന്ന് കൊള്ളക്കാരുടെ കണ്ണിൽപ്പെടാതെ വൻതോതിലുള്ള സ്വർണ്ണം ചുമന്നുകൊണ്ട് 50 മൈൽ അപ്പുറമുള്ള സുരക്ഷിത സ്ഥാനത്ത് എത്തിക്കുക എന്നതാണ് ആ ദൗത്യം. മകളെ തിരികെ കിട്ടാൻ മറ്റ് മാർഗ്ഗങ്ങളില്ലാത്ത മർഫി, തിരഞ്ഞെടുത്ത മൂന്ന് സഹതടവുകാരോടും രണ്ട് കാവൽക്കാരോടുമൊപ്പം ആ യാത്ര തിരിക്കുന്നു. സ്വർണ്ണത്തോടുള്ള ആർത്തി മൂലം സംഘത്തിനുള്ളിൽത്തന്നെ രൂപപ്പെടുന്ന അവിശ്വാസവും ചതിയുമാണ് അവരുടെ യഥാർത്ഥ വെല്ലുവിളി.

അഭിപ്രായങ്ങൾ പങ്കുവെക്കാൻ