#Msone Release - 3396

While You Were Sleeping / വൈൽ യു വെയർ സ്ലീപ്പിങ് (2017)

എംസോൺ റിലീസ് – 3396

പോസ്റ്റർ : നിഷാദ് ജെ എന്‍

ഭാഷ | കൊറിയൻ
------------------------------
സംവിധാനം | Choong Hwan Oh
------------------------------
പരിഭാഷ | അരവിന്ദ് കുമാർ
------------------------------
ജോണർ | ഡ്രാമ, കോമഡി, ഫാന്റസി, റൊമാൻസ്, ത്രില്ലർ

Comedy, Drama, Fantasy, Korean, Romance, Thriller

IMDb ⭐ 8.3/10


നായികയായ നാം ഹോങ് ജൂവിന് ഭാവിയിൽ സംഭവിക്കുന്ന കാര്യങ്ങൾ മുൻകൂട്ടി സ്വപ്നം കാണാനുള്ള അപൂർവ്വമായ കഴിവുണ്ട്, അതും എന്ന് വേണമെങ്കിലും നടക്കാമെന്ന തരത്തിലുള്ള പല തരത്തിലും പല രീതിയിലുള്ള സ്വപ്നങ്ങൾ. ചിലപ്പോൾ, അന്ന് തന്നെയാവാം, ചിലപ്പൊ തൊട്ടടുത്ത ദിനമാകം ചിലപ്പൊ മറ്റൊരു ദിവസമാകും, അതല്ലെങ്കിൽ അടുത്ത ആഴ്ച, അതുമല്ലെങ്കിൽ അടുത്ത മാസം, എന്തിനേറെ ചിലപ്പൊ ഒരു മിനിറ്റിന് ശേഷമുള്ളത് തൊട്ട് ഒരു വർഷത്തിന് അപ്പുറമുള്ളത് വരെയാകാം. തൻ്റെ സ്വപ്നങ്ങളിൽ ദർശിച്ചിട്ടുള്ള അപകടകരമായ സംഭവങ്ങളെ മാറ്റാൻ ശ്രമിച്ചിട്ടുണ്ടെങ്കിലും അവൾക്ക് വിധിയെ മാറ്റിമറിക്കാൻ ഒരിക്കലും സാധിച്ചിരുന്നില്ല.

എന്നാൽ തൊട്ടടുത്തായി താമസം മാറി വന്ന ജ്യോങ് ജേ ചാൻ എന്ന പ്രോസിക്യൂട്ടറെയും ഹാൻ വൂ തക് എന്ന പോലീസ് ഓഫീസറെയും ഒരു മുൻ റിപ്പോർട്ടർ കൂടിയായ ഹോങ് ജൂവിന് പരിചയപ്പെടേണ്ടി വരുന്നതിലൂടെ പല സംഭവവികാസങ്ങൾക്കൊപ്പം മൂവരുടെയും ജീവിതവും മാറിമറിയുന്നു.

2017ലെ ഏറ്റവും ജനപ്രീതി നേടിയ കെഡ്രാമകളിൽ ഒന്നായ “വൈൽ യൂ വെയർ സ്ലീപ്പിങ്” ഒരുപാട് നല്ല ത്രില്ലിംഗ് നിമിഷങ്ങളും ട്വിസ്റ്റുകളും സമ്മാനിക്കുന്നതിനൊപ്പം അതിമനോഹരമായ ഒരുപിടി OST കളും പ്രേക്ഷകർക്ക് നൽകുന്നു.

ലീ ജോങ് സൂക്, ബേ സുജി, ജ്യോങ് ഹേ ഇൻ തുടങ്ങി കൊറിയൻ ആരാധകരുടെ പ്രിയ താരങ്ങളുടെ മികച്ച താരനിര തന്നെ ഈ ഡ്രാമയിൽ അണിനിരക്കുന്നുണ്ട്. പ്രേക്ഷകപ്രീതിയ്ക്കൊപ്പം നിരൂപക പ്രശംസയും ഏറ്റവാങ്ങിയ ഈ ഡ്രാമ എല്ലാത്തരം പ്രേക്ഷകരെയും തൃപ്തിപ്പെടുത്തുമെന്ന കാര്യത്തിൽ സംശയമില്ല.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Fantasy #Korean #Romance #Thriller

#Msone Release - 1831

Flipped / ഫ്ളിപ്പ്ഡ് (2010)

എംസോൺ റിലീസ് – 1831

പോസ്റ്റർ : നിഷാദ് ജെ എന്‍

ഭാഷ | ഇംഗ്ലീഷ്
------------------------------
സംവിധാനം | Rob Reiner
------------------------------
പരിഭാഷ | ഗിരി പി. എസ്.
------------------------------
ജോണർ | കോമഡി, ഡ്രാമ, റൊമാൻസ്

Comedy, Drama, English, Romance

7.7/10

Download

വെൻഡലിൻ വാൻ ഡ്രാനന്റെ ഇതേപേരിലുള്ള നോവലിന്റെ കഥയിൽ റോബ് റെയ്‌നർ സഹ-രചനയും സംവിധാനവും നിർവഹിച്ച് 2010-ൽ പുറത്തുവന്ന അമേരിക്കൻ റൊമാന്റിക്ക് ചിത്രമാണ് ഫ്ലിപ്പ്ഡ്.

7 വയസുള്ള ബ്രൈയ്സെന്ന കുട്ടിയും കുടുംബവും മറ്റൊരു നാട്ടിലേക്ക് താമസം മാറി വരുകയും അവരുടെ അയൽവക്കത്തുള്ള ജൂലിയാനയെന്ന പെൺകുട്ടിയും ബ്രൈയ്സും കണ്ടുമുട്ടുന്നതും തുടർന്ന് അവർക്കിടയിൽ ഉണ്ടാകുന്ന രസകരമായ സംഭവങ്ങളാണ് ഫ്ലിപ്പ്ഡ് എന്ന ചിത്രം. രണ്ടുകഥാപാത്രങ്ങൾ ഉൾകൊള്ളുന്ന ഒരേ സഹാചര്യം, ഇരു കുട്ടികളുടെയും കാഴ്ചപ്പാടിലൂടെ ചിത്രം പ്രേഷകരോട് സംസാരിക്കുന്നത് പ്രഷകർക്കൊരു നല്ല അനുഭവമാണ് നൽകുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #English #Romance

#Msone Release - 3409

Panchayat Season 03 / പഞ്ചായത്ത് സീസൺ 03 (2024)

എംസോൺ റിലീസ് – 3409

പോസ്റ്റർ :ഉണ്ണി ജയേഷ്

ഭാഷ | ഹിന്ദി
------------------------------
സംവിധാനം | Deepak Kumar Mishra
------------------------------
പരിഭാഷ | സജിൻ.എം.എസ്, വിഷ് ആസാദ്, സഞ്ജയ് എം എസ്
------------------------------
ജോണർ | കോമഡി, ഡ്രാമ

Comedy, Drama, Hindi

IMDB: 🌟 9.0/10

പഞ്ചായത്ത് സീസൺ – 1

പഞ്ചായത്ത് സീസൺ – 2

2020-ൽ ആമസോൺ പ്രൈം റിലീസ് ചെയ്ത വെബ് സീരീസാണ് ‘പഞ്ചായത്ത്‘. TVF നമ്മളിലേക്കെത്തിച്ച സീരീസ് കയറിയത് ഓരോ പ്രേക്ഷകരുടെയും ഹൃദയത്തിലേക്കാണ്. ഇന്ത്യയിലെ ഏറ്റവും ജനപ്രിയ വെബ് സീരീസാവാൻ പഞ്ചായത്തിന് വേണ്ടി വന്നത് വെറും ഒരു സീസൺ മാത്രമാണ്. കാരണം, മനസ്സില്ലാമനസ്സോടെ അഭിഷേക് പഞ്ചായത്ത് സെക്രട്ടറിട്ടറിയായി ചാർജ് എടുത്തപ്പോൾ കണ്ടുകൊണ്ടിരിക്കുന്ന നമ്മളും ഫുലേരയിലെത്തിയിരുന്നു. 8 എപ്പിസോഡുകൾക്ക് ശേഷം ആദ്യ സീസൺ അവസാനിച്ചപ്പോൾ നമ്മൾ ഓരോരുത്തരും ആഗ്രഹിച്ചിരുന്നു ഫുലേരയിലേക്ക് ഒന്നുകൂടെ പോവാൻ.

2024-ൽ റിലീസ് ചെയ്ത സീസൺ 3 യുടെ കഥ തുടങ്ങുന്നത് രണ്ടാം സീസണിൽ കഥ എവിടെ അവസാനിച്ചോ അതിന്റെ ഏതാനും മാസങ്ങൾക്ക് ശേഷമാണ്. ഫുലേരയിൽ നിന്ന് ട്രാൻസ്ഫർ ചെയ്യപ്പെട്ട അഭിഷേക് വീണ്ടും ഫുലേരയിലേക്ക് തിരിച്ചു വരുമോ? വന്നാൽ പിന്നീട് എന്തൊക്കെ സംഭവിക്കും? ഇങ്ങനെ എല്ലാ ചോദ്യങ്ങൾക്കുമുള്ള ഉത്തരം സീസൺ 3 യിൽ നിങ്ങളെ കാത്തിരിപ്പുണ്ട്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Hindi

#Msone Release - 3410

Deadpool & Wolverine / ഡെഡ്പൂൾ & വോൾവറിൻ (2024)

എംസോൺ റിലീസ് – 3410

പോസ്റ്റർ :നിഖിൽ ഇ കൈതേരി

ഭാഷ | ഇംഗ്ലീഷ്
------------------------------
സംവിധാനം | Shawn Levy
------------------------------
പരിഭാഷ | മാജിത് നാസർ
------------------------------
ജോണർ | ആക്ഷൻ, കോമഡി, അഡ്വെഞ്ചർ, സൂപ്പർഹീറോ

Action, Adventure, Comedy, English, Science Fiction

IMDB: 🌟 7.8/10


ഡെഡ്പൂൾ 2വിന്റെ തുടർച്ചയായി മാർവൽ പുറത്തിറക്കിയ സൂപ്പർഹീറോ ആക്ഷൻ കോമഡി ചിത്രമാണ് ‘ഡെഡ്പൂൾ & വോൾവറിൻ’.

ഡെഡ്പൂൾ 2വിന് ശേഷം സൂപ്പർഹീറോ ജീവിതം ഉപേക്ഷിച്ച വേഡ് വിൽസൺ ഒരു കാർ ഡീലറായി ജീവിക്കുകയാണ്. അങ്ങനെയിരിക്കേ ഒരുനാൾ അയാൾക്കായി ടൈം വേരിയൻസ് അതോറിറ്റി (TVA) ആളെ വിടുന്നു. വേഡ് ആഗ്രഹിക്കുന്ന ഒരു ജീവിതം ഓഫർ ചെയ്യുന്ന TVA പക്ഷേ പകരമായി അയാളോട് സ്വന്തം ടൈംലൈൻ ഉപേക്ഷിച്ച് തങ്ങളുടെ കൂടെ ചേരാൻ ആവശ്യപ്പെടുകയാണ്.

വേഡ് തന്റെ യൂണിവേഴ്സിനെ കൈവിടുമോ, വോൾവറിന് ഇവിടെന്താ കാര്യം? തുടങ്ങിയ ചോദ്യങ്ങൾക്ക് എല്ലാമുള്ള ഉത്തരമാണ് ഡെഡ്പൂൾ & വോൾവറിൻ നൽകുന്നത്.

നിരൂപക പ്രശംസകൾക്ക് പുറമേ നിലവിൽ ഏറ്റവും കളക്ഷൻ നേടിയ R-റേറ്റഡ് ചിത്രം എന്ന റെക്കോർഡും ഡെഡ്പൂൾ & വോൾവറിന് സ്വന്തമാണ്. വയലന്റ് രംഗങ്ങളും, അശ്ലീലമായ ഭാഷാ പ്രയോഗങ്ങളും ഉൾച്ചേർന്നിട്ടുള്ളതിനാൽ മുതിർന്നവർ മാത്രം ചിത്രം കാണാൻ ശ്രമിക്കുക.

ഡെഡ്പൂൾ & വോൾവറിൻ കാണുന്നതിന് മുൻപായി ലോക്കി സീസൺ 1 & 2, ലോഗൻ എന്നിവ കാണുന്നത് ഗുണകരമായിരിക്കും.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #English #Science_Fiction

#Msone Release - 36

Getting Home / ഗെറ്റിങ് ഹോം (2007)

എംസോൺ റിലീസ് – 36

പോസ്റ്റർ : പ്രവീൺ അടൂർ

ഭാഷ | മാൻഡറിൻ
------------------------------
സംവിധാനം | Yang Zhang
------------------------------
പരിഭാഷ | വിഷ്ണു എം കൃഷ്ണന്‍
------------------------------
ജോണർ | ഡാർക്ക് കോമഡി, ഡ്രാമ

Comedy, Drama, Mandarin

IMDB: 🌟 7.4/10

കൊഴിഞ്ഞു വീഴുന്ന ഓരോ ഇലയും അതിന്റെ വേരുകളിൽതന്നെ ചെന്നുചേരണം എന്ന ചൈനീസ് ചൊല്ലിൽനിന്നും ഉരുത്തിരിഞ്ഞ സിനിമയാണ് ‘ഗെറ്റിങ് ഹോം’.
ആത്മാർത്ഥ സുഹൃത്തിന്റെ മൃതശരീരവും ചുമന്ന്, അയാളുടെ വീട്ടിലേക്ക് സ്നേഹിതൻ നടത്തുന്ന യാത്രയാണ് ചിത്രത്തിന്റെ കഥാതന്തു. ആ പ്രയാണത്തിലുടനീളം, പല തരക്കാരും ഭൂപ്രകൃതിയും സംസ്കാരങ്ങളും വന്നുപോകുന്നു. കേവലമൊരു സുഹൃദ്ബന്ധത്തിന്റെ കഥയിലൂടെ, മാനവികതയുടെ മുഴുവൻ അർത്ഥതലങ്ങളെയും ലളിതമായും ഹൃദ്യമായും കാണിച്ചുതരാൻ ശ്രമിക്കുകയാണ് ചലച്ചിത്രകാരൻ. കണ്ണിനു കുളിർമ്മയേകുന്ന ദൃശ്യഭാഷ സ്വന്തമായുള്ള ഈ സിനിമ IFFK-യുടെ പന്ത്രണ്ടാമത് എഡിഷനിൽ പ്രദർശിപ്പിക്കുകയുണ്ടായി.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Mandarin

#Msone Release - 3421

Veteran 2 / വെറ്ററൻ 2 (2024)

എംസോൺ റിലീസ് – 3421

പോസ്റ്റർ : പ്രവീൺ അടൂർ

ഭാഷ | കൊറിയൻ
------------------------------
സംവിധാനം | Ryoo Seung-wan
------------------------------
പരിഭാഷ | അരവിന്ദ് കുമാർ
------------------------------
ജോണർ | ആക്ഷൻ, അഡ്വെഞ്ചർ, ക്രൈം, ത്രില്ലർ, കോമഡി

Action, Adventure, Comedy, Korean, Thriller

IMDB: 🌟 6.5/10


2015 ൽ പുറത്തിറങ്ങിയ വെറ്ററൻ എന്ന കൊറിയൻ ചിത്രത്തിൻ്റെ സീക്വൽ ചിത്രമാണ് 2024 ൽ പുറത്തിറങ്ങിയ “ഐ, ദ് എക്സിക്യൂഷനർ” അഥവാ “വെറ്ററൻ 2“. കൊടിയ തെറ്റുകൾ ചെയ്തിട്ടും ഓരോ സ്വാധീനങ്ങൾ ഉപയോഗിച്ച് നിയമത്തിൻ്റെ പിടിയിൽ നിന്നും അർഹിച്ച ശിക്ഷ ഏറ്റുവാങ്ങാതെ രക്ഷപ്പെടുന്ന കുറ്റക്കാരെ, ഇരകൾ അനുഭവിച്ച അതേ യാതന നൽകി അവർ തെറ്റ് ചെയ്ത അതേയിടത്ത് ദാരുണമായി വക വരുത്തുന്ന വിജിലാൻ്റിയായ സീരിയൽ കില്ലർ നഗരത്തിൽ പ്രത്യക്ഷപ്പെടുന്നു. സോഷ്യൽ മീഡിയ ആ കില്ലറിന് സോൾ നഗരത്തെ പ്രതിനിധീകരിക്കുന്ന ചിഹ്നവും, അവരുടെ പുരാണങ്ങളിൽ നന്മയെ തിന്മയിൽ നിന്ന് വേർതിരിക്കുന്ന നീതിയുടെ സംരക്ഷകനും ഭാഗ്യത്തിൻ്റെയും സമൃദ്ധിയുടെയും പ്രതീകവുമായ ഹെച്ഛി എന്ന സത്വത്തിൻ്റെ പേര് നൽകി ഹീറോയായി കൊണ്ടാടുന്നു. ഹെച്ഛിയെ പിടികൂടുക എന്ന ദൗത്യവുമായി ഓഫീസർ സോ ദോ ച്യോളും തൻ്റെ സംഘവും വീണ്ടും പ്രേക്ഷകർക്ക് മുന്നിൽ എത്തുകയാണ്.ഇത്തവണ അവർക്കൊപ്പം പുതിയ പോലീസ് ഓഫീസറായ പാർക്ക് സോൺ വൂവും കൂടെയുണ്ട്.
തുടർന്ന് ത്രില്ലിംഗ് ആയി കഥ പറഞ്ഞ് പോകുന്ന ചിത്രം ചടുലമായ ആക്ഷൻ രംഗങ്ങൾ കൊണ്ടും മികച്ച് നിൽക്കുന്നു.

ഒന്നാം ഭാഗത്തോട് നീതി പുലർത്തുന്ന മികച്ച ഒരു രണ്ടാം ഭാഗം തന്നെയാണ് വെറ്ററൻ, എസ്കേപ്പ് ഫ്രം മൊഗാധിഷു, സ്മഗ്ലേർസ്, തുടങ്ങിയ ചിത്രങ്ങൾ നമുക്ക് മുന്നേ സമ്മാനിച്ച സംവിധായകൻ യു സ്യൂങ്-വൻ നൽകിയിരിക്കുന്നത്.‍
‍
കൊറിയയിൽ ഈ വർഷത്തെ ഏറ്റവും മികച്ച ഹിറ്റുകളിൽ ഒന്നായ ചിത്രം, കാൻസ് ഫിലിം ഫെസ്റ്റിവലിലും ടൊറോൻ്റോ ഇൻ്റർനാഷണൽ ഫിലിം ഫെസ്റ്റിവലിലും മികച്ച അഭിപ്രായം നേടിയിരുന്നു.ഹ്വാങ് ജ്യോങ്-മിൻ, ജ്യോങ് ഹേ ഇൻ തുടങ്ങിയ മുൻനിര താരങ്ങളുടെ മികച്ച പ്രകടനവും ചിത്രത്തിൽ എടുത്ത് പറയേണ്ടതാണ്.‍
‍
‍
(NB – ടൈൽ എൻഡിൽ ഒരു പോസ്റ്റ് ക്രെഡിറ്റ് സീൻ ഉണ്ട്, ചിലപ്പൊ ശ്രദ്ധിക്കാതെ പോയേക്കാം

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #Korean #Thriller

#Msone Release - 187

Django Unchained / ജാങ്കോ അൺചെയിൻഡ് (2012)

എംസോൺ റിലീസ് – 187

പോസ്റ്റർ : പ്രവീൺ അടൂർ

ഭാഷ | ഇംഗ്ലീഷ്
------------------------------
സംവിധാനം | Quentin Tarantino
------------------------------
പരിഭാഷ | ഗിരി പി. എസ്.
------------------------------
ജോണർ | ഡ്രാമ, വെസ്റ്റേൺ

Comedy, Drama, English, Western

IMDB: 🌟8.5/10


അമേരിക്കൻ ആഭ്യന്തര യുദ്ധത്തിന് രണ്ട് വർഷം മുൻപേ കഥ നടക്കുന്ന ഒരു ക്വെൻ്റിൻ ടരാൻ്റിനോ ചിത്രമാണ് “ജാങ്കോ അൺചെയിൻഡ്“.

ജർമ്മൻ ബൗണ്ടി ഹണ്ടറായ Dr. കിംഗ്ഷൂൾട് ഒരു രാത്രിയിൽ ജാങ്കോയെന്ന കഥ നായകനായ അടിമയെ കണ്ടെത്തുന്നയിടത്ത് നിന്നാണ് ചിത്രം തുടങ്ങുന്നത്. ആ കണ്ടുമുട്ടൽ ഇരുവരുടെയും ജീവിതത്തിൽ വലിയ മാറ്റങ്ങളാണ് കൊണ്ടുവരുന്നത് പ്രത്യേകിച്ച് ജാങ്കോയുടെ ജീവിതത്തിൽ. ശേഷം ജാങ്കോയും Dr.ഷൂൾട്സും ചേർന്ന് നടത്തുന്ന യാത്ര അവരെ എത്തിക്കുന്നത് കാൽവിൻ കാൻഡിയുടെ ഉടമസ്ഥതയിലുള്ള കാൻഡിലാൻണ്ടെന്ന ലക്ഷ്യത്തിലേക്കാണ്. പക്ഷേ അവര് വിചാരിച്ച പോലെ എളുപ്പമായിരുന്നില്ല കാൻഡിലാൻണ്ടിലെ കാര്യങ്ങളും ഉടമ കാൽവിൻ കാൻഡിയും.

സിനിമയുടെ പല മേഖലകളിലും ഓസ്കാർ ഉൾപ്പടെ ഒരുപാട് പുരസ്കാരവും പ്രശംസയുമേറ്റുവാങ്ങിയ ചിത്രത്തിന്റെ കഥയും അവതരണവും അഭിനയവും ഇന്നും ലോക സിനിയുടെ പാഠപുസ്തമാണ്. അതിൽ തന്നെ കാൽവിൻ കാൻഡിയെന്ന വില്ലൻ കഥാപാത്രം ചെയ്ത ലിയോനാർഡോ ഡികാപ്രിയോയുടെ അഭിനയം സിനിമയെ തന്നെ മറ്റൊരു തലത്തിലേക്ക് ഉയർത്താൻ പോന്നതായിരുന്നു.

അഭിപ്രായങ്ങൾ പങ്കുവെക്കാൻ

Categories : #Comedy #Drama #English #Western

#Msone Release - 3432

Once Upon a Small Town / വൺസ് അപ്പോൺ എ സ്‌മോൾ ടൗൺ (2022)

എംസോൺ റിലീസ് – 3432

പോസ്റ്റർ : പ്രവീൺ അടൂർ

ഭാഷ | കൊറിയൻ
------------------------------
സംവിധാനം | Kwon Seok-jang
------------------------------
പരിഭാഷ | സജിത്ത് ടി. എസ്
------------------------------
ജോണർ | ഡ്രാമ, കോമഡി, റൊമാൻസ്

Comedy, Drama, Korean, Romance, Web Series

IMDB: 🌟7.1/10


ഒരു മൃഗഡോക്ടറാണ് Han Ji-Yul. ചെറുപ്പത്തിൽ അച്ഛനും അമ്മയും മരിച്ച അവനെ വളർത്തിയത് അപ്പൂപ്പനും അമ്മൂമ്മയുമാണ്. സോളിലെ ഒരു വെറ്റിനറി ക്ലിനിക്കിലാണ് Ji-Yul ഇപ്പോൾ ജോലി ചെയ്യുന്നത്.

അങ്ങനെ ഒരു ദിവസം, നാട്ടിലുള്ള അപ്പൂപ്പന്റെ മൃഗാശുപത്രിയിലെ നേഴ്സ് വേഗം അവിടേക്ക് ചെല്ലാനായി പറയുന്നു. അപ്പൂപ്പന് എന്തേലും സംഭവിച്ചെന്ന് കരുതി അവിടേക്ക് എത്തിയ അവനോട് അപ്പൂപ്പൻ ഫോണിൽ വിളിച്ച് ഒന്നും പറ്റിയിട്ടില്ലെന്നും, അപ്പൂപ്പനും അമ്മൂമ്മയും ക്രൂസ് യാത്രയ്ക്ക് പോകുന്നത് കൊണ്ട്, അവർ തിരികെ വരുന്നത് വരെ അവിടുത്തെ മൃഗാശുപത്രി നോക്കാനും പറയുന്നു. സോളിൽ (Seoul) വളർത്തു മൃഗങ്ങളെ മാത്രം ചികിത്സിച്ചിരുന്ന അവന് അവിടെ എത്തുമ്പോൾ കന്നുകാലികളെക്കൂടി ചികിത്സിക്കേണ്ടതായി വരുന്നു. ഗ്രാമത്തിലെ ആളുകളുടെ അമിത സൗഹൃദത്തോടെയുള്ള പെരുമാറ്റവും അവന് ഇഷ്ടമാകുന്നില്ല, ഒപ്പം അവന്റെ കാര്യങ്ങളിൽ തലയിടാൻ വരുന്ന പോലീസായ ഒരു പെണ്ണും. എങ്കിലും അപ്പൂപ്പൻ വരുന്നത് വരെ അവൻ തന്നാലാവും വിധം അവിടെ പിടിച്ചു നിൽക്കാൻ ശ്രമിക്കുന്നു.

ഫീൽ ഗുഡ് സീരീസ് അന്വേഷിച്ചു നടക്കുന്നവർക്ക് ഗ്രാമീണ ഭംഗിയും പച്ചപ്പും നിറഞ്ഞ ഈ സീരീസ് തീർച്ചയായും ഇഷ്ടമാകും.

സീരിസിലെ പ്രധാന ആകർഷണം എന്നത് Red Velvet എന്ന K-Pop ഗ്രൂപ്പിലെ മെമ്പറായ Joy (Park Soo-Young) ആണ്. Choo Young-Woo, Baek Seong-Cheol എന്നിവരും ഇതിൽ പ്രധാന കഥാപാത്രങ്ങളായി എത്തുന്നു.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Korean #Romance #Web_Series

#Msone Release - 3437

Kathal: A Jackfruit Mystery / കട്ഹൽ എ ജാക്ക്ഫ്രൂട്ട് മിസ്റ്ററി (2023)

എംസോൺ റിലീസ് – 3437

പോസ്റ്റർ : നിഷാദ് ജെ എന്‍

ഭാഷ | ഹിന്ദി
------------------------------
സംവിധാനം | Yashowardhan Mishra
------------------------------
പരിഭാഷ | ഹനീൻ ചേന്ദമംഗല്ലൂർ
------------------------------
ജോണർ | ഡാർക്ക് കോമഡി, മിസ്റ്ററി, ഡ്രാമ, ക്രൈം

Comedy, Crime, Drama, Hindi, Mystery

IMDB: 🌟 6.7/10


വെറുമൊരു ചക്കമോഷണത്തിന്റെ കഥ പ്രമേയമാക്കി ഇന്ത്യയുടെ സമൂഹ്യ-രാഷ്ട്രീയ വ്യവസ്ഥിതിയെ എങ്ങനെ ആക്ഷേപ ഹാസ്യത്തിലൂടെ തുറന്നു വിമർശിക്കാൻ പറ്റുമെന്ന് കാണിച്ചു തന്ന സിനിമയാണ് 2023ൽ പുറത്തിറങ്ങിയ ഹിന്ദി സിനിമയായ Kathal: A Jackfruit Mystery.

തന്റെ വീട്ടിലെ സങ്കരിയനം പ്ലാവിലെ ചക്കകൾ മോഷണം പോയത്, സിറ്റിയിലെ മുഴുവൻ പോലീസ് ഫോഴ്സിനെയും ഉപയോഗിച്ച് അന്വേഷിക്കാൻ MLA പട്ടേരിയ ജി തീരുമാനിക്കുന്നതോടെയാണ് കഥ ആരംഭിക്കുന്നത്. ആ ചക്കകൾക്ക് അത്രയും ‘രാഷ്ട്രീയ പ്രാധാന്യം’ ഉണ്ടായിരുന്നു എന്നത് തന്നെ കാരണം. MLA യുടെ വീട്ടിലെ ജോലിക്കാരന്റെ മകളെയും അതേ സമയം കാണാതായിട്ടുണ്ടെങ്കിലും രാഷ്ട്രീയ സമ്മർദം മൂലം ചക്ക അന്വേഷിക്കാൻ നിർബന്ധിതരാകുന്ന പോലീസ്. അന്വേഷണത്തിന് നേതൃത്വം നൽകുന്ന ഇൻസ്‌പെക്ടർ മഹിമയും കോൺസ്റ്റബിൾ സൗരഭും തമ്മിലുള്ള പ്രണയമാണ് കഥയുടെ മറ്റൊരു ലൈൻ. ഇന്ത്യയിലെ അധഃപതിക്കപ്പെട്ട രാഷ്ട്രീയ സ്ഥിതി, ജാതീയത, സ്ത്രീ സുരക്ഷ, പാട്രിയാർക്കി, സദാചാരം എന്നിവയെ എല്ലാം സ്പർശിച്ചാണ് കഥ പുരോഗമിക്കുന്നത്. ചർച്ചയാകുന്നത് ഗൗരവപ്പെട്ട വിഷയങ്ങൾ ആണെങ്കിൽ കൂടി നർമ്മത്തിൽ ചാലിച്ച അനവധി രംഗങ്ങളും സംഭാഷണങ്ങളും സിനിമയെ ആസ്വാദ്യകരമാക്കുന്നു.

യശോവർദ്ധൻ മിശ്ര സംവിധാനം ചെയ്ത, Satirical comedy drama ഗണത്തിൽ പെടുന്ന ഈ ചിത്രത്തിൽ സാനിയ മൽഹോത്ര, ആനന്ദ് വി ജോഷി, നേഹ ഷറഫ്, വിജയ് രാസ്, രജ്പാൽ യാദവ്തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Crime #Drama #Hindi #Mystery

#Msone Release - 3439

The Banshees of Inisherin / ദ ബാൻഷീസ് ഓഫ് ഇനിഷെറിൻ (2022)

എംസോൺ റിലീസ് – 3439

പോസ്റ്റർ : നിഷാദ് ജെ എന്‍

ഭാഷ | ഇംഗ്ലീഷ്
------------------------------
സംവിധാനം | Martin McDonagh
------------------------------
പരിഭാഷ | ഫ്രെഡി ഫ്രാൻസിസ്, ഗിരി പി എസ്
------------------------------
ജോണർ | ഡാർക്ക് കോമഡി, സൈക്കോളജിക്കൽ ഡ്രാമ

Comedy, Drama, English, Psychological

IMDB: 🌟 7.7/10


1920-കളിൽ അയർലൻഡിലെ ഒരു ചെറിയ ദ്വീപായ ഇനി‌ഷെറിന്റെ പശ്ചാത്തലത്തിൽ ഒരു ആഴമേറിയ സൗഹൃദത്തിന്റെ വേർപിരിയലാണ് ഈ സിനിമയുടെ പ്രമേയം.

കൊൾം ഡൊഹെർട്ടി എന്ന സംഗീതജ്ഞൻ, തന്റെ ജീവിതത്തിൽ മാറ്റം കൊണ്ടുവരാൻ തീരുമാനിച്ച്, പാദ്രിക് സള്ളിബാൻ എന്ന തന്റെ ആത്മാർത്ഥ സുഹൃത്തുമായുള്ള ബന്ധം മുറിക്കാൻ തീരുമാനിക്കുന്നു. തന്റെ ജീവിതത്തിലെ ഒരു പ്രധാന കണ്ണി കാരണമൊന്നും പറയാതെ ഒരു സുപ്രഭാതത്തിൽ അറ്റുപോകുന്നത് പാദ്രിക്കിനെ എങ്ങനെയാവും ബാധിക്കുക? പാദ്രിക് ഈ പെട്ടെന്നുള്ള മാറ്റത്തെ ശരിയാക്കാൻ ശ്രമിക്കുമ്പോൾ, സംഭവങ്ങൾ ഇരുവർക്കും ദുഖകരമായ വഴിത്തിരിവിലേക്ക് നയിക്കുന്നു.
ഈ പിരിയലിൽ നിന്ന് പൊരുതുന്ന പാദ്രിക്കിന്റെ ദൈന്യതയും കോമിന്റെ മനഃശാന്തിയുടെയും നേർക്കുനേർവായ ദർശനങ്ങളും സിനിമയിൽ തുറന്നു കാണിക്കുന്നു. ഹാസ്യവും ഹൃദയഭേദകതയും ചേരുന്ന കഥ, സൗഹൃദത്തിന്റെ സുഗന്ധവും പിരിയലിന്റെ വേദനയും മനോഹരമായി പകർന്ന് നൽകുന്നു.
ഇനി‌ഷെറിന്റെ പശ്ചാത്തലവും, മനുഷ്യ ബന്ധങ്ങളുടെ ഗൗരവകരമായ ചിന്തയും, കാർട്ടിക് ബ്യൂറിക്കിന്റെ രചനയും ഈ ചിത്രത്തെ സവിശേഷമാക്കുന്നു.

2022-യിൽ മാർട്ടിൻ മക്ഡൊണാഗിന്റെ സംവിധാനത്തിൽ പുറത്തുവന്ന ചിത്രം അവതരണമികവ് കൊണ്ടും പ്രകടനങ്ങൾ കൊണ്ടും ലോക ശ്രദ്ധ പിടിച്ചുപറ്റുകയുണ്ടായി. മികച്ച തിരക്കഥയ്ക്ക് ഉൾപ്പടെ മൂന്ന് ഗോൾഡൻ ഗ്ലോബ് അവാർഡുകൾ ചിത്രം നേടി.

അഭിപ്രായങ്ങൾ പങ്കുവെക്കാൻ

Categories : #Comedy #Drama #English #Psychological

#Msone Release - 1523

Jojo Rabbit / ജോജോ റാബിറ്റ് (2019)

എംസോൺ റിലീസ് – 1523

പോസ്റ്റർ : നിഷാദ് ജെ.എൻ

ഭാഷ | ഇംഗ്ലീഷ്
------------------------------
സംവിധാനം | Taika Waititi
------------------------------
പരിഭാഷ | അജിത് ടോം
------------------------------
ജോണർ | കോമഡി, ഡ്രാമ, വാർ

Comedy, Drama, English, Oscar Fest 2020, War

IMDb 🌟 7.9/10

ഏറ്റവും നല്ല അവലംബിത തിരക്കഥയ്ക്കുള്ള ഓസ്കാർ അവാർഡിന്റെ പൊൻതിളക്കവുമായി ജോജോ റാബ്ബിറ്റ്. നാസി പശ്ചാത്തലത്തിലൂടെ 10 വയസ്സുകാരനായ ജോജോ എന്ന കുട്ടിയുടെ ചിന്തകളിലൂടെയും പ്രവർത്തികളിലൂടെയും ആണ് സിനിമ സഞ്ചരിക്കുന്നത്. ഹിറ്റ്ലറിന്റെ സേവകൻ ആവണം എന്നാണ് നാസി ഭക്തൻ ആയ ജോജോയുടെ ആഗ്രഹം. തന്റെ സാങ്കൽപ്പിക സുഹൃത്തായ അഡോൾഫ് ഹിറ്റ്ലറിന്റെ ഉപദേശങ്ങൾക്ക് അനുസരിച്ചാണ് അവന്റെ ജീവിതം. ആര്യന്മാരുടെ രക്തം ആണ് തന്റെ ഉള്ളിൽ ഉള്ളത് എന്ന് അഭിമാനത്തോടെ പറയുന്ന അവൻ മറ്റെല്ലാ നാസികളെ പോലെയും ജൂതന്മാരെ ഭൂമിയിൽ നിന്ന് തുടച്ചുനീക്കാൻ പ്രതിജ്ഞ എടുത്തവനാണ്. എന്നാൽ ഒരു ദിവസം കൊണ്ട് അവന്റെ ജീവിതം കീഴ്‌മേൽ മറിയുകയാണ്. അവന്റെ ജീവിതത്തിലെ പിന്നീടുള്ള മാറ്റങ്ങൾ ആണ് ചിത്രം പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #English #Oscar_Fest_2020 #War

#Msone Release - 3452

O Brother, Where Art Thou? / ഓ ബ്രദർ, വേർ ആർട്ട് തൗ? (2000)

എംസോൺ റിലീസ് – 3452

MSONE GOLD RELEASE

പോസ്റ്റർ : നിഷാദ് ജെ എന്‍

ഭാഷ | ഇംഗ്ലീഷ്
------------------------------
സംവിധാനം | Joel Coen , Ethan Coen
------------------------------
പരിഭാഷ | അരുണ്‍കുമാര്‍ വി.ആര്‍.
------------------------------
ജോണർ | കോമഡി, ക്രൈം, ഡ്രാമ

Comedy, Crime, Drama, English, Msone Gold

IMDb 🌟 7.7/10

ഹോമറിന്റെ ‘ഒഡീസി’-യിൽ നിന്ന് പ്രചോദനം ഉൾക്കൊണ്ട് നർമ്മ രൂപത്തിൽ കോയൻ ബ്രദേഴ്‌സ് സംവിധാനം ചെയ്ത സിനിമയാണ് “ഓ ബ്രദർ, വേർ ആർട്ട് ദൗ?” . ജയിൽ ചാടി, ഒളിച്ചുവച്ചിരിക്കുന്ന നിധി എടുക്കാൻ പോകുന്ന മൂന്ന് കുറ്റവാളികളായ യുലിസസ് എവററ്റ് മക്ഗിൽ (ജോർജ് ക്ലൂണി), ഡെൽമർ ഒ’ഡൊണൽ (ടിം ബ്ലേക്ക് നെൽസൺ), പീറ്റ് (ജോൺ ടർട്ടുറോ) എന്നിവരിലൂടെയാണ് കഥ പുരോഗമിക്കുന്നത്. ഗ്രേറ്റ് ഡിപ്രഷൻ സമയത്തെ (1930-കള്‍) അമേരിക്കൻ സൗത്ത് (മിസിസിപ്പി) ആണ് പശ്ചാത്തലം. ഒഡീസി എന്ന മഹാകാവ്യത്തിൽ പ്രത്യക്ഷപ്പെടുന്ന സൈക്ലോപ്‌സിനേയും ദുർമന്ത്രവാദിനിയേയും അന്ധനായ പ്രവാചകനേയും എല്ലാം ഈ സിനിമയിൽ നർമ്മ രൂപത്തിൽ നിങ്ങൾക്ക് കാണാം.

അഭിപ്രായങ്ങൾ പങ്കുവെക്കാൻ

Categories : #Comedy #Crime #Drama #English #Msone_Gold