#MSone Release - 2980

The Pyramid (2014)
ദി പിരമിഡ് (2014)

ഭാഷ : ഇംഗ്ലീഷ്
സംവിധാനം : Grégory Levasseur
പരിഭാഷ : അരുൺ ബി. എസ്. കൊല്ലം
പോസ്റ്റർ : ഉണ്ണി ജയേഷ്
ജോണർ : ഹൊറർ, മിസ്റ്ററി, ത്രില്ലർ

IMDb ⭐️ 4.6/10

ഒരു സംഘം പുരാവസ്തുഗവേഷകർ ഈജിപ്റ്റിലെ മരുഭൂമിക്കടിയിൽ പുതിയൊരു പിരമിഡ് കണ്ടെത്തുന്നു. അന്നുവരെ കണ്ടെത്തിയിട്ടുള്ളതിൽ വച്ച് ഒട്ടേറെ സവിശേഷതകളുള്ള ആ പിരമിഡിനുള്ളിൽ പല രഹസ്യങ്ങളും മറഞ്ഞുകിടന്നിരുന്നു. അതെന്താണെന്നറിയാൻ 2014-ൽ പുറത്തിറങ്ങിയ “ദി പിരമിഡ്” എന്ന സൂപ്പര്‍നാച്ചുറൽ ഹൊറർ ചലച്ചിത്രം കാണുക.
IMDb റേറ്റിംഗ് നോക്കി ഈ ചിത്രം ഒഴിവാക്കുന്നവർക്ക് നല്ലൊരു സിനിമാ അനുഭവം നഷ്ടമാകാനിടയുണ്ട്. പ്രേഷകരെ മുൾമുനയിൽ നിർത്തുന്ന പല സന്ദർഭങ്ങളും ചിത്രത്തിലുണ്ട്. 13 വയസ്സിന് മുകളിലുള്ളവർ മാത്രം ചിത്രം കാണുവാൻ അഭ്യര്‍ത്ഥിക്കുന്നു.

അഭിപ്രായങ്ങൾ പങ്കുവെക്കാൻ

Categories : #English #Horror #Mystery #Thriller

അവന്റെ രണ്ടാം വരവ്..
ഈ കളി, അത് ജയിക്കാൻ വേണ്ടി മാത്രമുള്ളതാണ്..

കണ്ടറിയാം.. കേട്ടറിയാം..

ദി വിച്ചർ സീസൺ 2

ഈ വിഷുദിനത്തിൽ... 💥💥💥

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

Hated in the Nation
ഹേറ്റഡ് ഇൻ ദ നേഷൻ

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : തൗഫീക്ക് എ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

'ബ്ലാക്ക് മിറർ' വൈബുള്ള ഒരു മുഴുനീള ത്രില്ലർ സിനിമയെന്ന് വിശേഷിപ്പിക്കാവുന്ന എപ്പിസോഡാണ് 'ഹേറ്റഡ് ഇൻ ദ നേഷൻ'.

സോഷ്യല്‍ മീഡിയയുടെ വരവോടു കൂടി Cyber Bullying ന്റെ തോതും ഭയങ്കരമായി കൂടിയിട്ടുണ്ട്. ആരെങ്കിലും ഒരു വിവാദത്തിൽ പെട്ടാൽ, അയാളെ Hashtag ഇട്ടും, കൂട്ടമായി ചേർന്നും Cyber Attack ചെയ്യുന്നത് ആളുകൾക്ക് ഒരു ഹരമാണ്. ലക്ഷക്കണക്കിന് ആളുകള്‍ അതൊരുമിച്ചു ചെയ്യുമ്പോള്‍, അതിലൊരാളെ മാത്രം കുറ്റക്കാരനാക്കാൻ പറ്റില്ല എന്ന ധൈര്യം ചിലർക്കെങ്കിലും ഉണ്ട്. അങ്ങനുള്ള Situations ന്റെ Extreme അവസ്ഥയാണ് ഈ എപ്പിസോഡിൽ കാണിക്കുന്നത്.

വളരെ Engaging ആയി മുന്നോട്ട് പോവുന്ന ഇതിന്റെ കഥയിൽ ചില Twists and Turns സംഭവിക്കുന്നുണ്ട്. കഥയുടെ ഡാർക്ക് മൂഡും, മികച്ച കണ്ടന്റും, പ്രകടനങ്ങളും, ടെക്നിക്കല്‍ വിഭാഗവും നല്ല രീതിയിൽ ഒത്തുച്ചേരുന്നു. And the result is ONE TERRIFIC FINAL PRODUCT.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

The Walking Dead
S 6

നമുക്കൊരു ഒന്നൊന്നര
തിരിച്ചുവരവ് ഉണ്ടെന്ന് പറ.💥💥

കാത്തിരിക്കുക.

#MSone Release - 2981

Silent Witness (2013)
സൈലന്റ് വിറ്റ്നസ്സ് (2013)

ഭാഷ : മാൻഡറിൻ
സംവിധാനം : Xing Fei
പരിഭാഷ : തൗഫീക്ക് എ
പോസ്റ്റർ : രോഹിത് ജി. എസ്
ജോണർ : ഡ്രാമ, മിസ്റ്ററി

IMDb ⭐️ 6.9/10

ഒരു സിനിമയിലൂടെ പ്രേക്ഷകൻ സഞ്ചരിക്കുമ്പോൾ പലപ്പോഴും ഒരു കഥാപാത്രത്തിന്റെ കണ്ണിലൂടെയാവും ആ സഞ്ചാരം, അത് നായകനാവാം, പ്രതിനായകനാവാം. പ്രേക്ഷകൻ്റെ വീക്ഷണം എന്ന ഈ സംഗതിയെ ചൂഷണം ചെയ്ത്, മൾട്ടി-പെർസ്പെക്ടീവ്, നോൺ ലീനിയർ രീതിയിൽ ആവിഷ്കരിച്ച്, 2013 ൽ പുറത്തിറങ്ങിയ ചൈനീസ് മിസ്റ്ററി ക്രൈം തില്ലറാണ്, സൈലന്റ് വിറ്റ്നസ്സ്. ആരോൺ ക്വക്, നാൻ യൂ, സുൻ ഹോങ് ലെയ് തുടങ്ങി വമ്പൻ താരനിര അണിനിരന്ന ചിത്രം ബോക്സ് ഓഫീസിൽ 250 കോടിയോളം തൂത്ത് വാരി ഹിറ്റായതിനൊപ്പം, ലോകമെമ്പാടും മികച്ച നിരൂപക പ്രശംസയും ഏറ്റുവാങ്ങി.

നിയമ കുരുക്കുകൾ കൊണ്ട് തന്നെ വിരലിലെണ്ണാവുന്ന കോർട്ട് റൂം ത്രില്ലറുകൾ മാത്രമാണ് ചൈനീസ് സിനിമാ ഇൻഡസ്ട്രിയിൽ പുറത്തിറങ്ങിയിട്ടുള്ളത്. ചൈനയിലെ പ്രമുഖ ഗായികയും, വ്യവസായ പ്രമാണിയായ ലിൻ തായുടെ കാമുകിയുമായ യാങ് ഡാൻ ഒരു കാറപകടത്തിൽ കൊല്ലപ്പെടുന്നു. ആ കേസിൽ അറസ്റ്റിലായത് ലിൻ തായുടെ മകളായ ലിൻ മെങ്മെങും. വ്യക്തമായ തെളിവുകളുള്ള കേസിൽ ചൈനയിലെ ഏറ്റവും വില കൂടിയ വക്കീലായ ഷാവോ ലീക്ക് അവളെ കുറ്റവിമുക്തയാക്കാൻ പറ്റുമോ? അതോ പബ്ലിക് പ്രോസിക്യൂട്ടർ ടോങ് താവോയ്ക്ക് വിജയിക്കാനാവുമോ? കഥ ഇതാണെങ്കിലും പ്രേക്ഷകനെ കാത്തിരിക്കുന്നത് സംവിധായകൻ ഫെയ് ഷിങ് ഒരുക്കിയ കരവിരുതാണ്.

ആദ്യ നിമിഷം മുതൽ പ്രേക്ഷകനെ ഉദ്വേഗത്തിന്റെ മുൾമുനയിൽ നിർത്തിക്കൊണ്ട് തന്നെയാണ് ചിത്രത്തിന്റെ പോക്ക്. കഥയ്ക്കും കഥാപാത്രങ്ങൾക്കും പ്രത്യേക മുഖവുര നൽകാതെ, സിനിമക്കൊപ്പം പറഞ്ഞു പോകുന്ന ശൈലി, പ്രേക്ഷകനെ ഒരു നിമിഷം പോലും വിരസതയിലേക്ക് തള്ളി വിടാതെ, ത്രില്ലടിപ്പിച്ച് നിർത്തുന്നു. വളരെ വേഗത്തിൽ പോകുന്ന കഥയും, ഒന്നിന് പുറകേ ഒന്നായി വരുന്ന ട്വിസ്റ്റുകളും ചിത്രത്തിന്റെ മാറ്റ് കൂട്ടുന്നു.

മറ്റ് ഭാഷകളിലേക്ക് റീമേക്ക് ചെയ്യപ്പെട്ടെങ്കിലും കഥയുടെ ആഖ്യാനശൈലി കൊണ്ട് തന്നെ ഒറിജിനൽ വേറിട്ട് നിക്കുന്നു. ചുരുക്കത്തിൽ, ക്രൈം ത്രില്ലർ പ്രേമികളും പുതിയ സിനിമാ ആഖ്യാന ശൈലികൾ തേടി പോകുന്നവരും ഒരിക്കലും മിസ്സ് ചെയ്യാൻ പാടില്ലാത്ത ചിത്രമാണ് സൈലന്റ് വിറ്റ്നസ്സ്.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #Mystery

വിഷുദിന ആശംസകൾ....🌿🌼🌼💥💥🎇🎊🎉🎁🎈

#MSone Release - 2982

The Witcher Season – 02 (2021)
ദി വിച്ചർ സീസൺ – 02 (2021)

ഭാഷ : ഇംഗ്ലീഷ്
നിർമാണം : Sean Daniel Company
പരിഭാഷ : ഫഹദ് അബ്ദുൾ മജീദ്, നിഷ ബിജു, അരുൺ ബി എസ്, വിവേക് വി ബി, സുബിൻ, പ്രജുൽ പി, പ്രശാന്ത് പി ആർ
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 8.2/10

ഭീകരരൂപികളെ വേട്ടയാടുന്ന ഏകാകിയായ വിച്ചര്‍, റിവിയയിലെ ഗെരാള്‍ട്ട്, ഭീകരരൂപികളെക്കാള്‍ കുതന്ത്രങ്ങളുള്ള മനുഷ്യര്‍ നിറഞ്ഞ ലോകത്തില്‍ പിടിച്ചു നില്‍ക്കാന്‍ പ്രയാസപ്പെടുന്നു. പക്ഷേ, വിധി അയാളെ, ശക്തയായ ഒരു ജാലവിദ്യക്കാരിയിലേക്കും, അപകടകരമായ രഹസ്യമുള്ള ഒരു യുവ രാജകുമാരിയിലേക്കും വഴിതിരിച്ചു വിടുന്നു. മൂവര്‍ക്കും ദിനംപ്രതി അസ്ഥിരത വർദ്ധിച്ചുവരുന്ന മഹാഭൂഖണ്ഡത്തിൽ അപകടം കൂടാതെ സഞ്ചരിക്കാൻ പഠിക്കേണ്ടിയിരിക്കുന്നു.

നെറ്റ്ഫ്ലിക്സിന്‍റെ പുതിയ പരമ്പരയായ ദി വിച്ചറിന്‍റെ ശില്‍പ്പി ലോറന്‍ ഷ്മീഡ്റ്റാണ്. ഹെന്‍റി കെവില്‍, ഫ്രെയ അലന്‍, അന്യ ചലോത്ര എന്നിവര്‍ മുഖ്യകഥാപാത്രങ്ങളെ അവതരിപ്പിച്ചിരിക്കുന്നു.

രണ്ടാമത്തെ സീസണില്‍ ഒരു മണിക്കൂര്‍ ദൈര്‍ഘ്യമുള്ള 8 എപ്പിസോഡുകള്‍ ആണുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 06
എപ്പിസോഡ്‌സ്: 06

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

#MSone Release - 2935

Black Mirror – Season 02 (2013)
ബ്ലാക്ക് മിറർ – സീസൺ 02 (2013)

വൈറ്റ് ക്രിസ്മസ്
White Christmas

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

ബ്ലാക്ക് മിറർ എന്ന സീരീസിലെ ഏറ്റവും മികച്ച എപ്പിസോഡുകളിൽ ഒന്നാണ് 'വൈറ്റ് ക്രിസ്മസ്'. ടെക്നോളജിയുടെ ഇരുണ്ട മുഖം കാണിക്കുന്ന മൂന്ന് കഥകളാണ് ഇതില്‍ പറയുന്നത്.

ഒരു ഒറ്റപ്പെട്ട Cabin ൽ, കഴിഞ്ഞ 5 കൊല്ലമായി, പരസ്പരം അധികം മിണ്ടാതെ ജീവിക്കുന്ന രണ്ടു പേരെ കാണിച്ചാണ് കഥ തുടങ്ങുന്നത്. അന്നൊരു ക്രിസ്മസ് ദിനമായിരുന്നു. അന്നാണവർ ആദ്യമായി മനസ്സ് തുറന്ന് സംസാരിക്കുന്നത്. അവർ Involved ആയ മൂന്ന് കഥകളാണ് ഫ്ലാഷ്ബാക്കുകളായി ഈ എപ്പിസോഡിൽ കാണിക്കുന്നത്.

ഇതിലെ ഓരോ കഥയിലും ഒന്നിലധികം Surprise Elements ഉണ്ട്. എല്ലാം ഒടുവിൽ ഒരു മികച്ച Ending ലേക്ക് ചെന്നെത്തുന്നു. മനുഷ്യരുടെ ഒറ്റപ്പെടലും, നിസ്സഹായതയും വളരെ Effective ആയി ഇതില്‍ Portray ചെയ്തിരിക്കുന്നു. ഒരു Technological Viewpoint ൽ പറയുമ്പോഴും, അതെല്ലാം വളരെ റിയലായി പ്രേക്ഷകര്‍ക്ക് ഫീൽ ചെയ്യുന്നു.

അഭിനേതാക്കളുടെ ഗംഭീര പ്രകടനങ്ങളും, മികച്ച Production Design ഉം, വളരെ Engaging ആയ അവതരണവും ഈ എപ്പിസോഡിന്റെ പോസിറ്റീവുകളാണ്.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

📥 ഡൗണ്‍ലോഡ് മലയാളം സബ്ടൈറ്റില്‍ 👇
https://malayalamsubtitles.org/languages/english/black-mirror-season-02-2013/

#MSone Release - 2983

The Walking Dead: Season 06 (2014)
ദ വാക്കിങ് ഡെഡ്: സീസൺ 06 (2014)

Episodes: 01-08
എപ്പിസോഡ്സ്: 01-08

ഭാഷ : ഇംഗ്ലീഷ്
നിർമാണം : Idiot Box Productions
പരിഭാഷ : ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, ത്രില്ലർ

IMDb ⭐️ 8.2/10

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദ വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)
ദ വാക്കിങ് ഡെഡ് – സീസൺ 05 (2014)

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Thriller #Web_Series

The Last Kingdom
Season 4

തിരിഞ്ഞോടി ശീലമില്ലാത്തവരോട് യുദ്ധത്തിന് നിൽക്കരുത്... ജയിക്കാനാവില്ല.

ഉടൻ വരുന്നു....💥💥💥💥

പോസ്റ്റർ: Aashkar Hyderali

Cuts : Rohith GS
Translation : Giri PS

നിങ്ങൾ കണ്ടോ ആദ്യ ഭാഗം ? അടുത്തതിന് കാത്തിരിക്കുകയാണോ? ഉടൻ പ്രതീക്ഷിക്കുക...
The Walking Dead S06 Part 2

ഏവർക്കും എംസോണിന്റെ ഈസ്റ്റർ ദിനാശംസകൾ...