ഒരു കോടീശ്വരന്റെ മകളെ തട്ടിക്കൊണ്ടു പോകുന്നതും അതിനെത്തുടർന്നുണ്ടാകുന്ന ഉദ്വേഗജനകമായ സംഭവങ്ങളുമാണ് ഈ സിനിമയുടെ പ്രമേയം. വിവിധ അന്താരാഷ്ട്ര ചലച്ചിത്ര മേളകളിൽ പ്രദർശിപ്പിച്ച് മികച്ച പ്രതികരണം നേടിയ ഈ ചിത്രം പിന്നീട് ഡച്ച്, ജർമ്മൻ, ഹിന്ദി, തമിഴ് എന്നീ ഭാഷകളിലേക്ക് റീമേക്ക് ചെയ്യപ്പെടുകയുണ്ടായി.

2026-ൽ നെറ്റ്ഫ്ലിക്സ് അവതരിപ്പിച്ച ‘ദ ഡൈനോസോർസ്’ എന്ന മിനിസീരീസ് കാലഘട്ടങ്ങളെ പിന്നിലാക്കുന്ന ഒരു അപൂർവ്വ ദൃശ്യവിരുന്നാണ്. സ്റ്റീഫൻ സ്പിൽബർഗിന്റെ നിർമാണ മികവിൽ പിറവിയെടുത്ത, നാല് അധ്യായങ്ങളുള്ള ഈ പരമ്പരയ്ക്ക് ഇതിഹാസ താരം മോർഗൻ ഫ്രീമാന്റെ ഗംഭീര ശബ്ദം ജീവനേകുന്നു. ഇത് കേവലം ഒരു ഡൈനോസർ കഥയല്ല, മറിച്ച് ഭൂമിയുടെ ആദിമ തുടിപ്പുകളുടെ വിസ്മയ ചരിത്രമാണ്.ഇതിനുമുമ്പ് നമ്മൾ കേട്ടറിഞ്ഞിട്ടില്ലാത്ത, മാനുഷിക സങ്കൽപ്പങ്ങൾക്ക് അപ്പുറമുള്ള ഒരു ലോകമാണിത്.

‘ജുറാസിക് പാർക്ക്’ സിനിമകളിൽ മനുഷ്യന്റെ ലോകത്തേക്ക് കടന്നുവരുന്ന കൃത്രിമ ജീവികളെയാണ് നമ്മൾ കണ്ടിട്ടുള്ളതെങ്കിൽ, ഇവിടെ നമ്മൾ ചുവടുവെക്കുന്നത് മൺമറഞ്ഞുപോയ അവയുടെ യഥാർത്ഥ സാമ്രാജ്യത്തിലേക്കാണ്. ഇരയും ഇരപിടിയനും ഒരുപോലെ നമുക്ക് അന്യമായ കാലം! അന്ന് ഭൂമിയിലെ വൻകരകളും ആഴക്കടലുകളും മണ്ണും വായുവും പോലും ഇന്നത്തേതിൽ നിന്നും തികച്ചും വ്യത്യസ്തമായിരുന്നു. മൺമറഞ്ഞുപോയ ആ അത്ഭുത പ്രപഞ്ചം ആധുനിക സാങ്കേതികവിദ്യയുടെ കരുത്തിൽ പുനർജനിക്കുമ്പോൾ, മോർഗൻ ഫ്രീമാന്റെ കാന്തിക ശബ്ദം അതിനെ കൂടുതൽ ഹൃദ്യവും ആസ്വാദ്യകരവുമാക്കുന്നു.

ജീവന്റെ സുവർണ്ണകാലമെന്ന് വിശേഷിപ്പിക്കാവുന്ന ട്രയാസിക്, ജുറാസിക്, ക്രിറ്റേഷ്യസ് യുഗങ്ങളിലൂടെയാണ് ഈ പരമ്പര വികസിക്കുന്നത്. ‘പാൻജിയ’ എന്ന മഹാഭൂഖണ്ഡത്തിന്റെ രൂപീകരണവും അതിന്റെ വിഭജനവും, ലക്ഷക്കണക്കിന് വർഷങ്ങൾ നിർത്താതെ പെയ്തു ഭൂമിയെ പ്രളയത്തിലാഴ്ത്തിയ ‘കാർണിയൻ’ പെരുമഴക്കാലവും, അത്യുഗ്രമായ അഗ്നിപർവ്വത സ്ഫോടനങ്ങളും, ഒടുവിൽ ക്രിറ്റേഷ്യസ് യുഗാവസാനത്തിലുണ്ടായ ഉൽക്കാപതനവും വരെ നീളുന്ന പ്രകൃതിയുടെ മഹാശക്തികൾ ഡൈനോസറുകളുടെ സുദീർഘമായ ജീവിതത്തെ എങ്ങനെ രൂപപ്പെടുത്തിയെന്ന് ഇതിൽ ദൃശ്യവൽക്കരിക്കുന്നു.

ആദ്യകാല ഉരഗവർഗ്ഗങ്ങൾ മുതൽ യുഗാവസാനത്തിലെ ഭീമാകാരന്മാരായ ടി-റെക്സുകൾ വരെയുള്ളവയുടെ ജീവിതയാത്ര അത്ഭുതമുണർത്തുന്ന ഒന്നാണ്. അതോടൊപ്പം, ഭൂമിയെ പൂർണ്ണമായും കീഴടക്കിയെന്ന മിഥ്യാധാരണയിൽ അഹങ്കരിക്കുന്ന മനുഷ്യവർഗ്ഗത്തിന് ഇതൊരു വലിയ പാഠം കൂടിയാണ്. പ്രകൃതിശക്തികൾക്ക് മുന്നിൽ ഏതൊരു മഹാസാമ്രാജ്യവും തുച്ഛമാണെന്ന് ഇത് നമ്മെ ഓർമ്മിപ്പിക്കുന്നു.

വർഷങ്ങൾക്ക് ശേഷം കെൻജി സ്വന്തം നാട്ടിലേക്ക് വരുകയാണ്. അമ്മാവന്റെ മകളും, കളിക്കൂട്ടുകാരിയുമായ നാക്കോയുടെ വിവാഹത്തിന് വേണ്ടിയാണ് ഈ വരവ്. അങ്ങനെ ഗ്രാമത്തിലെത്തിയ കെന്നിനെ സ്വീകരിക്കാൻ നാക്കോ എത്തുകയാണ്. മറ്റുള്ളവരുടെ മുൻപിൽ കസിൻസ് എന്ന ബന്ധം മാത്രമുള്ള ഇരുവർക്കുമിടയിൽ, പക്ഷേ ആർക്കും അറിയാത്ത ചില രഹസ്യങ്ങൾ ഉണ്ടായിരുന്നു.
എന്താണ് ആ രഹസ്യങ്ങൾ?
അതാണ് ഈ കൊച്ചു ചിത്രത്തിന്റെ ഉള്ളടക്കം.

കസുഫുമി ഷിറൈഷിയുടെ നോവലിനെ അടിസ്ഥാനമാക്കി, ഹരുഹിക്കോ അരായി തിരക്കഥയെഴുതി സംവിധാനം ചെയ്ത ഈ ചലച്ചിത്രം, 2020-ലെ ഏറ്റവും മികച്ച ചിത്രത്തിനുള്ള കിനേമ ജുൻപോ അവാർഡ് നേടിയിരുന്നു.

NB:- നിരവധി നഗ്നരംഗങ്ങളും, ലൈംഗികരംഗങ്ങളും ഉള്ളതിനാൽ പ്രായപൂർത്തിയായവർ മാത്രം കാണുക.

ജോലിക്കൊന്നും പോകാതെ അൻപതുകാരനായ പർവീസ് ഉപ്പയോടൊപ്പം കഴിയുകയാണ്. വാപ്പയ്ക്ക് വേണ്ട കാര്യങ്ങളൊക്കെ ചെയ്ത് കൊടുത്തും അയൽവാസികളെ സഹായിച്ചുമാണ് അയാൾ ജീവിക്കുന്നത്. വാപ്പ കല്യാണം കഴിക്കാൻ പോകുകയാണെന്ന് പറയുന്നതോട് കൂടി പർവീസിന്റെ ജീവിതം തകിടം മറിയുന്നു.

പതിനെട്ടാമത് ഐ.എഫ്.എഫ്.കെ യിലെ മികച്ച അന്തർദേശീയ ചലച്ചിത്രത്തിനുള്ള സുവർണ ചകോരം പർവീസ് നേടി. 2014ലെ ധാക്ക അന്തർദേശീയ ചലച്ചിത്ര മേളയിൽ പ്രധാന കഥാപാത്രത്തെ അവതരിപ്പിച്ച ലേവോൺ ഹഫ്‌വൻ(Levon Haftvan) മികച്ച നടനായി തെരഞ്ഞെടുക്കപ്പെട്ടു.