#MsoneTrending

കഴിഞ്ഞ ആഴ്ചയിലെ ട്രെൻഡിങ് സബ്

02/11/26 മുതൽ 08/11/26 വരെയുള്ള ആഴ്ചയിൽ ഏറ്റവും കൂടുതൽ ഡൗൺലോഡ് ചെയ്യപ്പെട്ട സബ്:

Heart of the Beast (2026)
ഹാർട്ട് ഓഫ് ദ ബീസ്റ്റ് (2026)

Release No : 3758

പരിഭാഷ: വിഷ്‌ണു പ്രസാദ്

കഴിഞ്ഞ ആഴ്ചയിൽ സബ്
നേടിയ ഡൗൺലോഡുകൾ: 10881

പരിഭാഷകന് അഭിനന്ദനങ്ങൾ.
ഒപ്പം, സബ് കണ്ട പ്രേക്ഷകർക്ക് നന്ദിയും രേഖപ്പെടുത്തുന്നു.

#Msone Release - 3760 (Movie)

About Time (2013)
എബൗട്ട് ടൈം (2013)

പരിഭാഷ: അരവിന്ദ് കുമാർ
പോസ്റ്റർ: നിഖിൽ ഇ കൈതേരി

ഭാഷ: ഇംഗ്ലീഷ്
സംവിധാനം: Richard Curtis
ജോണർ: കോമഡി, ഡ്രാമ, ഫാന്റസി, റൊമാൻസ്

IMDb : 7.8 (R)

സമയത്തെക്കുറിച്ച് പറയുകയാണെങ്കിൽ, കഴിഞ്ഞ് പോയ സമയത്തെ ഒരിക്കലെങ്കിലും മാറ്റിമറിക്കാൻ ആഗ്രഹമില്ലാത്ത ആൾക്കാർ വിരളമായിരിക്കും, പക്ഷേ അതിനുള്ള സിദ്ധി നമുക്കില്ല. എന്നാൽ അത്തരമൊരു കഴിവ് കിട്ടിയാലോ? അത്തരമൊരു കഴിവ് ലഭിച്ച ഒരു ചെറുപ്പക്കാരന്റെ കഥയാണ് റിച്ചാർഡ് കേർട്ടിസ് രചനയും സംവിധാനവും നിർവഹിച്ച് 2013-ൽ പുറത്തിറങ്ങിയ “എബൗട്ട് ടൈം” എന്ന റൊമാന്റിക് ഫാന്റസി ചിത്രം പറയുന്നത്.

21 വയസ്സ് തികഞ്ഞ ടിം എന്ന ചെറുപ്പക്കാരനോട് തന്റെ അച്ഛൻ തങ്ങളുടെ കുടുംബത്തിലെ ആണുങ്ങൾക്ക് ഭൂതകാലത്തിലേക്ക് ടൈംട്രാവൽ ചെയ്യാനുള്ള കഴിവുണ്ടെന്ന് പറഞ്ഞു കൊടുക്കുന്നു. സമയത്തെ മാറ്റിമറിക്കാനുള്ള ഈ കഴിവ് ടിം തന്റെ ജീവിതത്തിൽ പ്രയോഗിക്കുകയും തുടർന്നുള്ള ടിമ്മിന്റെ പ്രണയജീവിതവും ജീവിതത്തിൽ സംഭവിക്കുന്ന മാറ്റങ്ങളുമൊക്കെയായി കഥ മുന്നോട്ട് പോകുന്നു. ജീവിത ബന്ധങ്ങളുടെ ആഴം വളരെ രസകരമായി പറഞ്ഞ് പോകുന്ന ഈ മനോഹരമായ ഫീൽഗുഡ് ചിത്രം വളരെ അണ്ടർറേറ്റഡ് ആയിപ്പോയ മികച്ച സിനിമകളുടെ ഗണത്തിൽ പെടുത്താവുന്നതാണ്. സ്ഥിരം കാണാറുള്ള സങ്കീർണ്ണമായ ടൈംട്രാവൽ ചിത്രങ്ങൾക്ക് പകരം ഒരു ലളിതമായ അനുഭവമാണ് എബൗട്ട് ടൈം പ്രേക്ഷകർക്ക് സമ്മാനിക്കുക.

അഭിപ്രായങ്ങൾ പങ്കുവെക്കാൻ

#Msone Release - 3761 (Movie)

Child's Play (1988)
ചൈൽഡ്സ് പ്ലേ (1988)

പരിഭാഷ: ഷാനു നൂജുമുദീൻ
പോസ്റ്റർ: നിഖിൽ ഇ കൈതേരി

ഭാഷ: ഇംഗ്ലീഷ്
സംവിധാനം: Tom Holland
ജോണർ: ഹൊറർ, ത്രില്ലർ

IMDb : 6.7 (R)

ആറുവയസ്സുകാരനായ ആൻഡിക്ക് പിറന്നാൾ സമ്മാനമായി ലഭിക്കുന്ന “ഗുഡ് ഗൈ” എന്ന പാവയിലൂടെയാണ് കഥ ആരംഭിക്കുന്നത്. എന്നാൽ, ആ പാവ എത്തുന്നതോടെ അവരുടെ വീട്ടിലും നഗരത്തിലും ദുരൂഹവും ഭീതിജനകവുമായ സംഭവങ്ങൾ അരങ്ങേറുന്നു. വെറുമൊരു കളിപ്പാവയ്ക്കു പിന്നിലെ അവിശ്വസനീയമായ രഹസ്യമെന്തെന്ന ചോദ്യമാണ് ചിത്രം പങ്കുവെക്കുന്നത്. ഒരു നിഷ്കളങ്ക പാവക്കുട്ടിയെത്തന്നെ ഭീതിയുടെ പ്രതീകമാക്കി മാറ്റിയ, 1988-ൽ പുറത്തിറങ്ങിയ എക്കാലത്തെയും മികച്ച കൾട്ട് ക്ലാസിക് ഹൊറർ ചിത്രമാണ് ‘ചൈൽഡ്സ് പ്ലേ’.

അഭിപ്രായങ്ങൾ പങ്കുവെക്കാൻ

#Msone Release - 3762 (Movie)

Savage Prey (2026)
സാവേജ് പ്രേ (2026)

പരിഭാഷ: പ്രവീൺ അടൂർ
പോസ്റ്റർ: പ്രവീൺ അടൂർ

ഭാഷ: ഇംഗ്ലീഷ്
സംവിധാനം: David Ryan Keith
ജോണർ: ത്രില്ലർ

IMDb : 3.9 (PG-13)

തന്റെ മകനായ ഷോണിനെ കാണാതായതിന്റെ വേദനയിൽ നിന്നും കുറ്റബോധത്തിൽ നിന്നും മുക്തി നേടാനാകാതെ ഉഴലുന്ന ‘ഏവ’ (Ava) എന്ന അമ്മയുടെ കഥയാണിത്.
മകന് എന്ത് സംഭവിച്ചു എന്നതിനെക്കുറിച്ച് എന്തെങ്കിലും സൂചന ലഭിക്കുമെന്ന പ്രതീക്ഷയിൽ, അവളുടെ ഭർത്താവ് ബെന്നിന്റെയും സുഹൃത്ത് സാറയുടെയും എതിർപ്പുകൾ അവഗണിച്ച് അവൾ വിജനമായ ഒരു വനപ്രദേശത്തേക്ക് ഒറ്റയ്ക്ക് യാത്ര തിരിക്കുന്നു. എന്നാൽ കാടിനുള്ളിൽ വെച്ച് ആരോ തന്നെ പിന്തുടരുന്നുണ്ടെന്ന് ഏവ തിരിച്ചറിയുന്നു. താമസിയാതെ, മുഖംമൂടി ധരിച്ച ഒരു അജ്ഞാതൻ അവളെ വേട്ടയാടാൻ തുടങ്ങുന്നു.

അഭിപ്രായങ്ങൾ പങ്കുവെക്കാൻ