Gullak - season 2

കഥകളല്ല, ഇത് കിസ്സകളുടെ കുടുക്കയാണ്.

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം....

ഉടൻ വരുന്നു...

Cut: Girish Kumar N P

#MSone Release - 2946

Gullak: Season 2 (2021)
ഗുല്ലക്: സീസൺ 2 (2021)

ഭാഷ : ഹിന്ദി
സംവിധാനം : Amrit Raj Gupta
പരിഭാഷ : സജിൻ.എം.എസ്
പോസ്റ്റർ : അഷ്‌കർ ഹൈദർ
ജോണർ : കോമഡി, ഡ്രാമ, ഫാമിലി

IMDb ⭐️ 9.0/10

ഉത്തരേന്ത്യയിലെ ഒരു ഇടത്തരം കുടുംബത്തിന്റെ കഥ പറയുന്ന, സോണി ലിവിലൂടെ പുറത്തിറങ്ങിയ മിനി സീരീസാണ് ‘ഗുല്ലക്’.

വൈദ്യുതി വിഭാഗത്തിൽ ക്ലർക്കായ സന്തോഷ് മിശ്രയും ഭാര്യയും രണ്ടു ആൺമക്കളുമടങ്ങുന്ന കുടുംബത്തിൽ ഉണ്ടാകുന്ന കൊച്ചു കൊച്ചു പിണക്കങ്ങളും ഇണക്കങ്ങളും, അവരും അയൽക്കാരും തമ്മിലുള്ള അസൂയകൊണ്ടുള്ള നിർദ്ദോഷമായ മത്സരങ്ങളും നർമ്മത്തിന്റെ മേമ്പൊടിയോടെ അവതരിപ്പിച്ചിരിക്കുന്നു.
ഉത്തരേന്ത്യയിലെ പ്രസിദ്ധമായ കിസ്സകളിലൂടെ (വാമൊഴിയായി പറയുന്ന കഥകൾ) വികസിക്കുന്ന ഈ സീരീസ് നർമ്മം നിറച്ച ഒരു കുടുക്ക(ഗുല്ലക്) പോലെ ആസ്വാദ്യകരമായിരിക്കും.

ഒന്നാം സീസണിൽ നിന്നും രണ്ടാം സീസണിലേക്ക് എത്തുമ്പോൾ എപ്പിസോഡുകളുടെ ദൈർഘ്യം കൂടി എന്നല്ലാതെ മിശ്ര കുടുംബത്തിൽ കാര്യമായി മാറ്റങ്ങളൊന്നും സംഭവിച്ചിട്ടില്ല. പിന്നെ ഒന്നുണ്ട്, കുറച്ച് കിസ്സകൾ. ഓർമ്മിയിരിക്കട്ടെ കഥകളല്ല, കിസ്സകൾ!

അഭിപ്രായങ്ങൾ പങ്കുവെക്കാൻ

Categories : #Comedy #Drama #Family #Hindi #Web_Series

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 07
പാർട്ട് 02 - എപ്പിസോഡ് 07

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2935

Black Mirror – Season 02 (2013)
ബ്ലാക്ക് മിറർ – സീസൺ 02 (2013)

White Bear
വൈറ്റ് ബെയർ

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : അരുൺ അശോകൻ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

ഒരു സ്ത്രീ ഉണരുന്ന രംഗം കാണിച്ചു കൊണ്ടാണ് ‘വൈറ്റ് ബെയർ‘ എന്ന എപ്പിസോഡ് തുടങ്ങുന്നത്. അവർ ഏതോ ഒരു വീടിനുള്ളിലാണ്. തന്റെ ലൈഫോ, ഭൂതകാലമോ ഒന്നും അവർക്ക് ഓർത്തെടുക്കാൻ പറ്റുന്നില്ല. അവരെങ്ങനെ അവിടെ എത്തിയെന്നോ, ചുറ്റും എന്താണ് നടക്കുന്നതെന്നോ അറിയില്ല. ആളുകൾ വിചിത്രമായി പെരുമാറുന്നു. ചിലർ അവരെ കൊല്ലാന്‍ നോക്കുന്നു. തന്റെ ജീവൻ രക്ഷിക്കാനുള്ള ഓട്ടത്തിനിടയിൽ, അവർ പരിചയമില്ലാത്ത ചില മുഖങ്ങള്‍ കാണുന്നു. അവരിലൂടെ ചില കാര്യങ്ങൾ അറിയുന്നു. എല്ലാം ഒടുവിൽ ചെന്നെത്തുന്നത് ഞെട്ടിക്കുന്ന സത്യങ്ങളിലേക്കാണ്.

ബ്ലാക്ക് മിറർ എന്ന സീരീസിന്റെ ‘ഡാർക്ക് സ്വഭാവം’ അതിന്റെ Extreme ൽ കാണിച്ച ഒരു എപ്പിസോഡാണ് ‘വൈറ്റ് ബെയർ‘. ഇതിന്റെ Mid Credit രംഗങ്ങൾ ഉണ്ടാക്കുന്ന വൈബ് നിങ്ങൾ കണ്ടു തന്നെ അനുഭവിച്ചറിയണം. അതിന്റെ തീവ്രത വാക്കുകൾ കൊണ്ട് വിവരിക്കാനാവില്ല.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

#MSone Release - 2947

Shoplifters (2018)
ഷോപ്പ്ലിഫ്റ്റേഴ്‌സ് (2018)

ഭാഷ : ജാപ്പനീസ്
സംവിധാനം : Hirokazu Koreeda
പരിഭാഷ : ജിഷ്ണുദാസ് ചെല്ലൂർ
പോസ്റ്റർ : ഉണ്ണി ജയേഷ്
ജോണർ : ക്രൈം, ഡ്രാമ

IMDb ⭐️ 7.9/10

Hirokazu Koreeda യുടെ സംവിധാനത്തിൽ 2018 ൽ പുറത്തിറങ്ങിയ, 2019 ഓസ്കാർ അവാർഡ്‌സിൽ മികച്ച വിദേശസിനിമയ്ക്കുള്ള നോമിനേഷൻ ലിസ്റ്റിൽ ഇടം നേടിയ ജാപ്പനീസ് ചിത്രമാണ് ‘ഷോപ്പ്ലിഫ്റ്റേഴ്സ്‘.

ചെറിയ ജോലികൾക്ക് പുറമെ കടകളിൽ നിന്ന് അല്ലറ ചില്ലറ മോഷണങ്ങൾ നടത്തി ഉപജീവനം നയിക്കുന്ന ഒരു കുടുംബം.
ദാരിദ്ര്യത്തിനിടയിലും സ്വന്തം ജീവിതസാഹചര്യങ്ങളോട് പൊരുത്തപ്പെട്ട് പോകാൻ ശ്രമിയ്ക്കുന്ന ആ കുടുംബത്തിലേയ്ക്ക് ഒരു ചെറിയ പെൺകുട്ടി കടന്ന് വരുന്നു. തുടർന്നുണ്ടാകുന്ന സംഭവവികാസങ്ങൾ ചില നിഗൂഢതകളുടെ ചുരുളഴിയ്ക്കുന്നതായിരുന്നു.
2018 ലെ കാൻ ചലച്ചിത്രമേളയിൽ മികച്ച ചിത്രത്തിനുള്ള Palm d”Or പുരസ്‌കാരം കരസ്ഥമാക്കിയ ഈ ചിത്രം ജപ്പാനിലെ അരക്ഷിത ജനവിഭാഗത്തിന്റെ ജീവിതത്തെ തുറന്ന് കാട്ടുന്നതിനോടൊപ്പം ചില സാമൂഹ്യ വ്യവസ്ഥിതികളോട് കലഹിയ്ക്കുകയും ധാർമികമായ ചോദ്യങ്ങളുയർത്തുകയും ചെയ്യുന്നു.

സമൂഹം കല്പ്പിച്ചു വെച്ചിട്ടുള്ള കുടുംബ സങ്കൽപ്പങ്ങളെ സ്വീകരിയ്ക്കുകയല്ലാതെ നമുക്ക് ഒരു സ്വയം തിരഞ്ഞെടുപ്പിന് അവസരമുണ്ടാകുമോ? അഥവാ അതിന് കഴിഞ്ഞാൽ തന്നെ സമൂഹത്തിന്റെ നിയന്ത്രണരേഖകളെ മറികടന്ന് എത്ര ദൂരം മുന്നോട്ട് പോകാൻ സാധിക്കും? ഒരു പതിഞ്ഞ താളത്തിൽ വളരെ രസകരമായിത്തന്നെ ഗൗരവമേറിയ സാമൂഹിക വിഷയങ്ങൾ ചർച്ചചെയ്തു പോകുന്ന ചിത്രം പ്രേക്ഷകരെ ഏറെ ചിന്തിപ്പിയ്ക്കുകയും നൊമ്പരപ്പെടുത്തുകയും ചെയ്യുമെന്നത് ഉറപ്പാണ്.

അഭിപ്രായങ്ങൾ പങ്കുവെക്കാൻ

Categories : #Crime #Drama #Japanese

#MSone Release - 2948

Batman: The Dark Knight Returns, Part 1 (2012)
ബാറ്റ്മാൻ: ദ ഡാർക്ക് നൈറ്റ് റിട്ടേൺസ്, പാർട്ട് 1 (2012)

ഭാഷ : ഇംഗ്ലീഷ്
സംവിധാനം : Jay Oliva
പരിഭാഷ : മുഹമ്മദ് ഫാസിൽ
പോസ്റ്റർ : ഷാരൂഖ് നിലമ്പൂര്‍
ജോണർ : ആക്ഷൻ, അനിമേഷന്‍, ക്രൈം

IMDb ⭐️ 8.0/10

കുട്ടിക്കാലത്തു പലരുടെയും ആരാധന കഥാപാത്രമായിരുന്നു (ഇപ്പോഴും ആണ്) Batman.എന്നാലും പലർക്കും പരിചയമായത് Nolanന്റെ ദ ഡാർക്ക്‌ നൈറ്റ്‌ സീരീസിലൂടെയാകും.പക്ഷെ Nolan ഒരു Realistic Touch കൊടുക്കാൻ വേണ്ടി Batman ന്റെ Comic Style കുറച്ചു മാറ്റിയെടുത്തിരുന്നു.ആനിമേറ്റഡ് സിനിമകളിലൊക്കെ Batman-നെ കുറച്ചുകൂടി Comic Accurate ആയാണ് ആവിഷ്കരിച്ചിരിക്കുന്നത്.

എപ്പോഴും ഒരു യുവാവായ Bruce Wayne / Batman ആണ് എല്ലാത്തിലും ഉള്ളത്, എന്നാൽ Frank Miller ന്റെ Dark Knight Returns എന്ന കോമിക് അടിസ്ഥാമാക്കി 2012 ൽ ഇറങ്ങിയ ഈ സിനിമയിൽ നായകൻ തന്റെ 50കളിൽ ആണ്. എന്നാൽ ശരീരത്തിനു മാത്രമേ വയസ്സായിട്ടുള്ളൂ, മനസ് യുവത്യത്തിന്റെ ചോരത്തിളപ്പുകളിൽ തന്നെയാണ്. Justice League ഒക്കെ പിരിച്ചു വിട്ടിട്ടും തന്റെ ഈ വയ്യാത്ത കാലഘട്ടത്തിലും Gotham ത്തിന് വേണ്ടി മുഖമൂടിയണിയാൻ Bruce Wayne നിർബന്ധിതനാകുകയാണ്..

താൻ 10 വർഷങ്ങൾക്ക് മുമ്പ് ഉപേക്ഷിച്ച ആ പഴയ പ്രതാപം തിരിച്ചണിയാൻ Bruce Wayne ന് താൽപര്യമില്ല. അയാൾ തന്റെ ബിസിനസും മറ്റു കാര്യങ്ങളുമൊക്കെയായി വയസുകാലം ചിലവഴിക്കുകയാണ്. എന്നാൽ അതു വരെ ശാന്തമായിരുന്ന ഗോതത്തിൽ ഒരു Mutant Race പെട്ടെന്ന് ഉദിച്ചുയരുന്നു, അവർ നഗരത്തിന്റെ നിയന്ത്രണം ഏറ്റെടുക്കുന്നു, എതിർക്കുന്നവർമ്മയെല്ലാം കൊന്നുതള്ളുന്നു.എത്രയൊക്കെ ഇതിനെതിരെ കണ്ണടച്ചാലും ഇത് തന്റെ ഉത്തരവാദിത്യം ആണെന്ന് മനസിലാക്കുന്ന ബ്രൂസ് ഒരിക്കൽ കൂടി Batman ആവുകയാണ്, കൂടാതെ ബാറ്മാനെ സഹായിക്കാൻ സ്വയം സന്നദ്ധയാകുന്ന ഒരു പുതിയ Robinഉം. ഇതിലെ ഒരു കാർ ചേസിംഗ്‌ സീൻ തൊട്ട് ക്ലൈമാക്സ് Fight വരെ കാണുന്ന ഫീൽ വേറൊരു Live action കണ്ടാലും കിട്ടില്ല.

കടപ്പാട്: Alokh Venu

അഭിപ്രായങ്ങൾ പങ്കുവെക്കാൻ

Categories : #Animation #Crime #Drama #English

#MSone Release - 2949

Stardust (2007)
സ്റ്റാർഡസ്റ്റ് (2007)

ഭാഷ : ഇംഗ്ലീഷ്
സംവിധാനം : Matthew Vaughn
പരിഭാഷ : ആര്യ നക്ഷത്രക്
പോസ്റ്റർ : രോഹിത് ജി. എസ്
ജോണർ : അഡ്വഞ്ചർ, ഫാന്റസി, മിസ്റ്ററി

IMDb ⭐️ 7.6/10

രാത്രിയിൽ ആകാശത്തിലെ നക്ഷത്രങ്ങളെ നോക്കാത്തവരായി ആരുമുണ്ടാവില്ല. നമ്മൾ നക്ഷത്രങ്ങളെ നോക്കുന്നതുപോലെ നക്ഷത്രങ്ങൾ നമ്മളെയും നോക്കുന്നുണ്ടെങ്കിലോ? അങ്ങനെയുള്ള ഒരു ലോകത്തിന്റെ കഥയാണ് നീൽ ഗെയ്മാന്റെ ഇതേ പേരിലുള്ള നോവലിനെ ആസ്പദമാക്കി മാത്യു വോൺ സംവിധാനം ചെയ്ത ഈ ചിത്രം പറയുന്നത്.

നീളമുള്ള ഒരു മതിലിന്റെ സമീപം സ്ഥിതി ചെയ്യുന്നതുകൊണ്ട് മതിൽ എന്ന പേര് കിട്ടിയ ഇംഗ്ലണ്ടിലെ ഒരു ഗ്രാമത്തിൽ നിന്നാണ് കഥ തുടങ്ങുന്നത്. ആ മതിലിനപ്പുറം ഒരു മാന്ത്രിക ലോകം ഉണ്ടെന്നാണ് പറയപ്പെടുന്നത്. ആരും അങ്ങോട്ട് കടക്കാതിരിക്കാൻ ആ മതിലിൽ ഉള്ള വിടവിന് മുൻപിൽ ഒരു കാവൽക്കാരൻ എപ്പോഴും ഉണ്ടായിരിക്കും. ഒരിക്കൽ ഡൻസ്റ്റൻ തോൺ എന്ന യുവാവ് ആ കാവൽക്കാരനെ പറ്റിച്ച് ആ മതിൽ കടന്ന് ആ മാന്ത്രിക ലോകത്തിലേക്ക് കടന്നു. അവിടെയുള്ള ഒരു ചന്തയിൽ വെച്ച് ഒരു മന്ത്രവാദിനിയുടെ അടിമയായി മാറിയ ഒരു രാജകുമാരിയെ അവൻ കണ്ടുമുട്ടി. ആ രാത്രി ഒന്നിച്ചു കഴിഞ്ഞ ശേഷം അവൻ തിരികെ അവന്റെ ഗ്രാമത്തിലേക്ക് പോവും. 9 മാസങ്ങൾക്ക് ശേഷം മതിലിന്റെ കാവൽക്കാരൻ അവന്റെ കയ്യിൽ ഒരു കുഞ്ഞിനെ കൊണ്ട് ഏൽപ്പിക്കും, അവൻ ഡൻസ്റ്റന്റെ മകനാണെന്നും അവന്റെ പേര് ട്രിസ്റ്റൻ എന്നാണെന്നും അറിയിക്കും. തന്റെ ഭൂതകാലത്തെപ്പറ്റി ഒന്നും അറിയാതെ ട്രിസ്റ്റൻ വളരും. 18 വർഷങ്ങൾക്ക് ശേഷം യുവാവായ ട്രിസ്റ്റൻ താൻ എന്തൊക്കെ ചെയ്തിട്ടും എത്രയൊക്കെ ശ്രമിച്ചിട്ടും തന്നെ അവഗണിക്കുന്ന വിക്ടോറിയ എന്ന പെൺകുട്ടിയുടെ പ്രണയം പിടിച്ചു പറ്റാൻ വീണ്ടും വീണ്ടും ശ്രമിക്കുന്നു. ഒരു ദിവസം രാത്രി വീണ്ടും പ്രണയാഭ്യർത്ഥനയുമായി വിക്ടോറിയയെ കാണാൻ ചെന്ന ട്രിസ്റ്റൻ അവൾക്കായി എന്തും ചെയ്യുമെന്ന് പറയുന്നു. അതേസമയം ഒരു നക്ഷത്രം ആകാശത്തിൽ നിന്ന് ഭൂമിയിലേക്ക് പതിക്കുന്നത് രണ്ടുപേരും കാണുന്നു. അവൾക്കുവേണ്ടി വേണമെങ്കിൽ ആ നക്ഷത്രം കൊണ്ട് കൊടുക്കാം എന്ന് ട്രിസ്റ്റൻ പറയുന്നു. അങ്ങനെ ഭൂമിയിൽ വീണ നക്ഷത്രം കണ്ടെത്താനായി മതിൽ കടന്ന് ആ മാന്ത്രിക ലോകത്തേക്ക് പോവുന്ന ട്രിസ്റ്റന്റെ യാത്ര ബാക്കി സിനിമയിൽ കാണാം.

അഭിപ്രായങ്ങൾ പങ്കുവെക്കാൻ

Categories : #Adventure #English #Fantasy #Mystery

ദേ വരുന്നു... 🔥 സീരീസുകൾ കൊണ്ട് ആർറാടുകയാണ്...

#MSone Release - 2950

Blue Gate Crossing (2002)
ബ്ലൂ ഗേറ്റ് ക്രോസിങ് (2002)

ഭാഷ : മാൻഡറിൻ
സംവിധാനം : Chih-yen Yee
പരിഭാഷ : മനീഷ് ആനന്ദ്
പോസ്റ്റർ : ഉണ്ണി ജയേഷ്
ജോണർ : ഡ്രാമ, റൊമാൻസ്

IMDb ⭐️ 7.3/10

ഒരു ദിവസം, സന്തുഷ്ടമായ ഹൈസ്‌കൂൾ ജീവിതം നയിക്കുന്ന 17-കാരിയായ മെങിന്റെ ഉറ്റസുഹൃത്തായ യുഏഷെൻ പ്രണയത്തെക്കുറിച്ച് ആലോചിച്ചു തുടങ്ങി. നീന്തൽ ക്ലബ്ബിലെ ഷങ്ങ് ഷിഹാവോ ആണ് കക്ഷി. അവൾക്കും ഷിഹാവോയ്ക്കും ഇടയിലുള്ള സ്നേഹത്തിന്റെ സന്ദേശവാഹകനായി പ്രവർത്തിക്കാൻ യുഏഷെൻ മെങിനോട് ആവശ്യപ്പെടുന്നു. എന്നാൽ യുഏഷെനിന് വേണ്ടിയുള്ള മെങിന്റെ പരസ്പര കണ്ടുമുട്ടലുകളിൽ തെറ്റിദ്ധരിച്ച് ഷിഹാവോയ്ക്ക് മെങിനോട് പ്രണയം തോന്നുന്നു. ഷിഹാവോയുമായി കൂടുതൽ ഇടപഴകുന്നതിൽ അവൾക്ക് പ്രത്യേക താൽപ്പര്യമില്ലെങ്കിലും അവൾ തന്റെ സുഹൃത്തിനെ സഹായിച്ചുകൊണ്ടേയിരുന്നു. എന്നാൽ ഷിഹാവോയുടെ ശല്യം കൂടുതൽ സങ്കീർണതകൾ ഉണ്ടാക്കുന്നതോടെ താൻ മറച്ചു പിടിക്കാൻ ശ്രമിച്ച ഒരു രഹസ്യം ഷിഹാവോയുമായി അവൾ പങ്കുവച്ചു…യുവത്വത്തെക്കുറിച്ചും കൗമാരത്തെക്കുറിച്ചും ഒരുപാട് ചിത്രങ്ങളുണ്ടെങ്കിലും പ്രധാന കഥാപാത്രം തന്റെ വ്യക്തിത്വവുമായും ലൈംഗികതയുമായും മല്ലിടുന്നതിനെക്കുറിച്ചുള്ള കമിങ്-ഓഫ്-ഏജ് അല്ലെങ്കിൽ ടീനേജ് ചിത്രങ്ങൾ വളരെ കുറവാണ്. അത്തരത്തിലൊന്നാണ് ടീനേജ്, കമിങ്-ഓഫ്-ഏജ്, LGBT ചിത്രങ്ങൾക്ക് പേരു കേട്ട തായ്‌വാനീസ് സിനിമയിൽ നിന്നും 2002-ൽ പുറത്തിറങ്ങിയ “ബ്ലൂ ഗേറ്റ് ക്രോസിങ്“.

സിനിമയിൽ, തന്റെ വ്യക്തിത്വം സ്ഥിതീകരിക്കാനും മറികടക്കാനും ശ്രമിക്കുന്ന മെങിലൂടെ, ‘സ്നേഹം’ എന്ന സാർവത്രിക വികാരത്തിൽ അധിഷ്ഠിതമായ അവളുടെ വ്യക്തിത്വത്തെക്കുറിച്ചുള്ള ഉത്തരം കണ്ടെത്തുന്ന പ്രക്രിയ നമ്മളെ കാണിക്കുകയാണ് സംവിധായകനായ യി ഷിയെൻ (Yi Chih-yen). മെങ് കെറോ തന്റെ വ്യക്തിത്വം സ്ഥിരീകരിക്കാനും അത് മറികടക്കാനും ശ്രമിക്കുന്ന രംഗങ്ങൾ ചിലർക്ക് ബാലിശമായി തോന്നിയേക്കാമെങ്കിലും, വാസ്തവത്തിൽ അതൊരു വേദനാജനകമായ കാര്യമാണ്. യഥാർത്ഥത്തിൽ, മെങ് കെറോയെ പോലെ സ്വയം പരീക്ഷിക്കാൻ പലർക്കും ധൈര്യമില്ലെന്നും നമ്മുടെ സമൂഹത്തിന് അഗാധമായ വിലക്കുകളുണ്ടെന്നും ചിത്രം നമ്മെ ഓർമ്മപ്പെടുത്തുന്നു. ഭാവിയെക്കുറിച്ചുള്ള ശുഭാപ്തിവിശ്വാസവും പ്രതീക്ഷയുമുള്ള ഒരു കഥാന്ത്യത്തോടെ അവസാനിക്കുന്ന “ബ്ലൂ ഗേറ്റ് ക്രോസിങ്”, കഥാപാത്രങ്ങളെ അതിവൈകാരികതയിലേക്ക് തള്ളിവിടാതെയും, തന്റെ ലൈംഗികതയെക്കുറിച്ച് ആശയക്കുഴപ്പത്തിലായ മെങിന്റേയും അവളുമായി ബന്ധപ്പെട്ട് കിടക്കുന്ന മറ്റു രണ്ടു കൗമാര പ്രായക്കാരുടേയും ഇഴപിരിഞ്ഞ ബന്ധങ്ങളും വികാരങ്ങളും സൂക്ഷ്മമായും സൗമ്യവും ലോലവും ആകർഷണീയവുമായ ആഖ്യാനഘടന കൊണ്ടും ചിത്രീകരിച്ചിരിക്കുന്ന ഒരു മികച്ച ചിത്രമാണ്. സിനിമയിൽ ഉൾപ്പെട്ടിരിക്കുന്ന എല്ലാ അഭിനേതാക്കളും യഥാർത്ഥത്തിൽ കഥാപാത്രത്തെ ഉൾക്കൊള്ളുകയും, പരസ്പരം മികച്ച രീതിയിൽ അഭിനയിക്കുകയും അവരെ നിഷ്കളങ്കമായി, യാഥാർത്ഥ്യം നഷ്ടപ്പെടുത്താത്ത വിധത്തിൽ മധുരതരമായി പകർത്തുകയും ചെയ്തിരിക്കുന്നത് ചിത്രത്തിന്റെ മാറ്റു കൂട്ടുന്നു.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #Romance

#MSone Release - 2951

#ValentinesDayFest - 09

Compartment Number 6 (2021)
കമ്പാര്‍ട്ട്‌മെന്റ് നമ്പര്‍ 6 (2021)

ഭാഷ : റഷ്യൻ
സംവിധാനം : Juho Kuosmanen
പരിഭാഷ : രോഹിത് ഹരികുമാര്‍
പോസ്റ്റർ : നിഖിൽ ഇ കൈതേരി
ജോണർ : ഡ്രാമ, റൊമാൻസ്

IMDb ⭐️ 7.4/10

റോസാ ലിക്സോമിന്‍റെ നോവലിനെ ആസ്പദമാക്കി ജുഹോ കുസ്മാനെന്‍ സംവിധാനം ചെയ്ത
റൊമാന്‍റിക്ക് ഡ്രാമ ചിത്രമാണ് കമ്പാര്‍ട്ട്മെന്‍റ് നമ്പര്‍ 6.

ഫിന്നിഷ് വിദ്യാര്‍ഥിനിയായ ലോറ, മുര്‍മാന്‍സ്കിലെ ശിലാചിത്രങ്ങള്‍ സന്ദര്‍ശിക്കാന്‍ പോകുന്നതും, ട്രയിനിലെ കമ്പാര്‍ട്ട്മെന്‍റില്‍ വച്ച് റഷ്യന്‍ യുവാവായ യോഹയെ കണ്ടുമുട്ടുന്നതും പിന്നീട് നടക്കുന്ന സംഭവങ്ങളുമാണ് ചിത്രത്തിൻ്റെ ഇതിവൃത്തം.

ലോറയായി സെയ്ദി ഹാര്‍ ലയുടെയും യോഹ ആയി യൂറി ബോറിസോവിൻ്റെയും, മികച്ച പ്രകടനം ചിത്രത്തിന്റെ മാറ്റ് കൂട്ടുന്നു.

ചിത്രം മികച്ച നിരൂപക പ്രശംസയാണ് നേടിയെടുത്തത്. കൂടാതെ പല അന്താരാഷ്‌ട്ര ചലച്ചിത്ര മേളകളിലും ചിത്രം പ്രദര്‍ശിപ്പിച്ചിട്ടുണ്ട്. കാന്‍ ചലച്ചിത്ര മേളയില്‍ ചിത്രത്തിന് ഗ്രാന്‍ഡ്‌ പ്രിക്സ് പുരസ്കാരം നേടിയെടുക്കാന്‍ സാധിച്ചു. മാത്രമല്ല, മികച്ച അന്താരാഷ്‌ട്ര ചിത്രത്തിനുള്ള അക്കാഡമി പുരസ്കാരത്തിന്റെ 15 ചിത്രങ്ങളുടെ ഷോര്‍ട്ട്ലിസ്റ്റിലും ഇടം നേടി.

അഭിപ്രായങ്ങൾ പങ്കുവെക്കാൻ

Categories : #Drama #Romance #Russian #Valentine_s_Day_Fest_2022

#MSone Release - 10

The Silence of the Lambs (1991)
ദ സൈലന്‍സ് ഓഫ് ദ ലാമ്പ്സ് (1991)

ഭാഷ : ഇംഗ്ലീഷ്
സംവിധാനം : Jonathan Demme
പരിഭാഷ : എൽവിൻ ജോൺ പോൾ
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, ത്രില്ലർ

IMDb ⭐️ 8.6/10

തോമസ് ഹാരിസിന്‌റെ 1988-ല്‍ പുറത്തിറങ്ങിയ അതേ പേരിലുള്ള നോവലിനെ ആസ്പദമാക്കി ജോനഥന്‍ ഡെമിയുടെ സംവിധാനത്തില്‍ 1991ല്‍ പുറത്തിറങ്ങിയ ഹൊറര്‍/ത്രില്ലെര്‍/കുറ്റാന്വേഷണ സിനിമയാണ് “ദ സൈലന്‍സ് ഓഫ് ദ ലാമ്പ്സ്“. ജോഡി ഫോസ്ടര്‍, ആന്റണി ഹോപ്കിന്‍സ് എന്നിവര്‍ പ്രധാന വേഷങ്ങളില്‍ അഭിനയിച്ച ചിത്രം മികച്ച ചിത്രം, സംവിധായകന്‍, തിരക്കഥ, നടന്‍, നടി എന്നീ ഒരുമിച്ചു അഞ്ചു ഓസ്കാറുകള്‍ കരസ്ഥമാക്കിയ മൂന്നേ മൂന്ന് ചിത്രങ്ങളില്‍ ഒന്നാണ്. മറ്റ് രണ്ടെണ്ണം
It Happened One Night (1934), വണ്‍ ഫ്ലൂ ഓവര്‍ കുക്കൂസ് നെസ്റ്റ് (1975)

ബഫല്ലോ ബില്‍ എന്ന സീരിയല്‍ കില്ലറിനെ പിടിക്കാന്‍ FBI നിലവില്‍ ജയിലില്‍ കഴിയുന്ന സീരിയല്‍ കില്ലറുകളുടെ പ്രൊഫൈലുകള്‍ ഉണ്ടാക്കുകയാണ്. കൂട്ടത്തിലെ ഏറ്റവും അപകടകാരിയും, ബുദ്ധിമാനും, നരഭോജിയുമായ സൈക്കായട്രിസ്റ്റ് കൂടിയായിരുന്ന ഡോ. ഹാനിബള്‍ ലെക്ടറിനെ ഇന്റര്‍വ്യൂ ചെയ്യാന്‍ അവരയക്കുന്നത് ട്രൈനീയായ ക്ലാരീസ് സ്റ്റാര്‍ലിംഗിനെ യാണ്.

ഇന്നും ആഘോഷിക്കപ്പെടുന്ന കാലിക പ്രസക്തിയുള്ള കുറെ കാര്യങ്ങള്‍ സംസാരിക്കുന്ന ഒരു സിനിമയാണ് ദ സൈലന്‍സ് ഓഫ് ദ ലാമ്പ്സ്. സ്ത്രീകള്‍ ഇന്നും ജോലി സ്ഥലത്ത് നേരിടുന്ന പ്രശ്നങ്ങള്‍ 1991ലെ ചര്‍ച്ച ചെയ്ത സിനിമ, കഥാപാത്രങ്ങളുടെ മനോനിലയിലേക്ക് ആഴത്തില്‍ ചെന്ന് ഇറങ്ങുന്ന തിരക്കഥ, ഒറ്റ ജമ്പ് സ്കേര്‍ പോലുമില്ലാതെ പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്തുന്നത്, ക്ലോസ് അപ്പ് ഷോട്ട് കൊണ്ട് പുതിയതായി ചെയ്യാവുന്ന കഥാപറച്ചില്‍ രീതികള്‍ അവതരിപ്പിച്ച അവിസ്മരണീയമായ ക്യാമറാ വര്‍ക്ക് ഇങ്ങനെ അനവധിയായ കാര്യങ്ങള്‍ സിനിമയെക്കുറിച്ച് എടുത്തുപറയാനുണ്ട്. എല്ലാറ്റിലുമുപരി ഈ സിനിമ ഏറ്റവും കൂടുതല്‍ ആളുകള്‍ ഓര്‍ക്കുന്നത് ആന്റണി ഹോപ്കിന്‍സിന്റെ പ്രകടനമാണ്. 2 മണിക്കൂറിനടുത്ത് ദൈര്‍ഘ്യമുള്ള സിനിമയില്‍ വെറും 16 മിനിറ്റുകളില്‍ മാത്രമേ അദ്ദേഹം സ്ക്രീനിലുള്ളൂ (ആ 16 മിനിറ്റ് വെച്ചാണ് ആൻ്റണി ഹോപ്കിൻസ് മികച്ച നടനുള്ള ഓസ്കാറും നേടിയത്). പക്ഷേ, ആ ചെറിയൊരു സമയം കൊണ്ട് ആ കഥാപാത്രം പ്രേക്ഷക മനസ്സില്‍ ഉണ്ടാക്കുന്ന സ്വാധീനം വളരെ വലുതാണ്‌.

ലോക സിനിമയിലെ തന്നെ എക്കാലത്തെയും മികച്ച പെര്‍ഫോമന്‍സുകളില്‍ ഒന്ന്. ഇതും, മറ്റ് പലതും, ആദ്യം മുതല്‍ അവസാനം വരെ പ്രേക്ഷകനെ പിടിച്ചിരുത്തുന്ന ഉദ്വേഗഭരിതമായ രംഗങ്ങള്‍ കാണുവാന്‍ സിനിമ കാണുക.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Thriller