#MSone Release - 2918

Black Mirror - Season 01 (2011)
ബ്ലാക്ക് മിറർ - സീസൺ 01 (2011)

15 Million Merits
15 മില്യൺ മെറിറ്റ്സ്

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : അഖിൽ ജോബി & ഫഹദ് അബ്ദുൽ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

Exercise Bike ചവിട്ടി ‘Merits‘ എന്ന കറൻസി സമ്പാദിക്കുന്ന ആളുകൾ ജീവിക്കുന്ന ഒരു ലോകത്താണ് ‘15 മില്യണ്‍ മെറിറ്റ്സ്‘ എന്ന എപ്പിസോഡിന്റെ കഥ നടക്കുന്നത്.

റിയാലിറ്റി ഷോകളും, അതുണ്ടാക്കി തരുന്ന പ്രശസ്തിയും, മീഡിയയും ടെക്നോളജിയും മനുഷ്യരെ Brainwash ചെയ്യുന്നതും, ജീവിതത്തിന്റെ അർത്ഥമില്ലായ്മയും ഈ എപ്പിസോഡ് ചർച്ച ചെയ്യുന്നു.

പിൽക്കാലത്ത് ഗെറ്റ് ഔട്ട്‌ (2017) എന്ന സിനിമയിലൂടെ ലോകശ്രദ്ധ നേടിയ Daniel Kaluuya ഇതിലെ ഒരു പ്രധാന കഥാപാത്രത്തെ അവതരിപ്പിച്ചിരിക്കുന്നു. വളരെ Intense ആയി കഥ പറഞ്ഞു പോവുന്ന ഈ എപ്പിസോഡിന്റെ Production Design ഉം എടുത്തു പറയേണ്ടതാണ്.


അഭിപ്രായങ്ങൾ പങ്കുവെക്കാൻ

#MSone Release - 2964

Flames – Season 2 (2019)
ഫ്ലെയിംസ് – സീസൺ 2 (2019)

ഭാഷ : ഹിന്ദി
സംവിധാനം : Apoorv Singh Karki
പരിഭാഷ : സജിൻ.എം.എസ്
പോസ്റ്റർ : രോഹിത് ജി. എസ്
ജോണർ : കോമഡി, ഡ്രാമ, റൊമാൻസ്

IMDb ⭐️ 9.3/10

രജത്, പാണ്ഡു, അനുഷ എന്നിവർ ഡൽഹിയിലുള്ള സൺഷൈൻ ട്യൂഷൻ സെന്ററിലാണ് പഠിക്കുന്നത്. ഇവർക്കിടയിലേക്ക് ഇഷിത കടന്നുവരികയും, രജത്തിന് ഇഷിതയോട് ആദ്യ കാഴ്ചയിൽ തന്നെ പ്രണയം തോന്നുകയും ചെയ്യുന്നു. പിന്നീടുള്ള രസകരമായ സംഭവങ്ങളാണ് സീരീസ് പറയുന്നത്.

അഞ്ച് എപ്പിസോഡുകളുള്ള രണ്ടാം സീസൺ പുറത്തിറങ്ങിയത് 2019 ലാണ്.

ഒന്നാം സീസണിൽ എവിടെ അവസാനിച്ചോ അവിടെ നിന്ന് തന്നെയാണ് രണ്ടാം സീസണിന്റെ തുടക്കം. വെറും ട്യൂഷൻ ക്ലാസ് പ്രണയത്തിൽ നിന്നും രജത്തും ഇഷിതയും സീരിയസ് റിലേഷൻഷിപ്പിലേക്ക് കടന്നിരിക്കുന്നു. കൂടെ അവർക്ക് എല്ലാവിധ സപ്പോർട്ടുമായി കൗശൽ സാറും, പാണ്ഡുവും അനുഷയും.

ആദ്യ സീസണിനേക്കാൾ അല്പം ഗൗരവമേറിയ വിഷയങ്ങളിലൂടെ സീരീസ് കടന്നുപോകുന്നുണ്ടെങ്കിലും ഏതൊരു TVF സീരീസിലെ പോലെയും ഹാപ്പി എൻഡിങ്ങിൽ അവസാനിക്കുന്ന സീസൺ നിരാശപ്പെടുത്തില്ല എന്നുറപ്പാണ്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Hindi #Romance #Web_Series

#MSone Release - 2965

The Medium (2021)
ദി മീഡിയം (2021)

ഭാഷ : തായ്
സംവിധാനം :Banjong Pisanthanakun
പരിഭാഷ : നിബിൻ ജിൻസി സാവിയ
പോസ്റ്റർ : രോഹിത് ജി. എസ്
ജോണർ : ഹൊറർ

IMDb ⭐️ 6.6/10

“ഷട്ടർ”, “പീ മാക് (2013)” എന്നീ പ്രശസ്ത സിനിമകളുടെ സംവിധായകനായ Banjong Pisanthanakun ഡയറക്ട് ചെയ്ത്, “ദി വെയിലിംഗ് (2016)” എന്ന സിനിമയുടെ സംവിധായകനായ Na Hong-Jin കോ-റൈറ്ററായും പ്രൊഡ്യൂസറായും, 2021ൽ തായ്‌ലൻഡിൽ പുറത്തിറക്കിയ ഒരു തായ് ഹൊറർ ത്രില്ലർ മൂവിയാണ് “ദി മീഡിയം“.
വടക്കുകിഴക്കൻ തായ്‌ലൻഡിലെ ജനങ്ങൾ ആരാധിച്ചു പോരുന്ന ഒരു പൂർവ്വിക ദൈവമാണ് “ബയാൻ”.

ആ പ്രദേശത്തെ ചില പ്രത്യേക കുടുംബത്തിലെ സ്ത്രീകളെ ഒരു മീഡിയമായി ഉപയോഗിച്ചാണ് ബയാൻ വിശ്വാസികൾക്ക് മുന്നിൽ പ്രത്യക്ഷപ്പെടുന്നത്.
അങ്ങനെ ബയാൻ മീഡിയം ആക്കുന്നവർ “ഷമാൻ” എന്നാണ് അറിയപ്പെടുന്നത്.
ഇത്തരം ഷമാന്മാരുടെ ജീവിതം പകർത്താനായി 2018ൽ ഒരു ഡോക്യുമെന്ററി ടീം ഇസാൻ പ്രദേശത്തേക്ക് യാത്ര തിരിക്കുന്നതോടെയാണ് കഥ ആരംഭിക്കുന്നത്.
നിം എന്ന ഷമാന്റെ ജീവിതം പകർത്താൻ തീരുമാനിക്കുന്ന അവർക്ക് അടുത്ത് തന്നെ നിമ്മിന്റെ അനന്തിരവളായ മിന്നിലേക്കും ബയാന്റെ ആത്മാവ് പ്രവേശിക്കാൻ പോകുന്നു എന്ന ഒരു സൂചന കിട്ടുന്നു, അതൊരു അവസരമായി കണ്ട അവർ ക്യാമറ, തുടർന്ന് മിന്നിലേക്കും അവളുടെ കുടുംബത്തിലേക്കും തിരിക്കുകയാണ്.
എന്നാൽ ഇത്തവണ മിന്നിലേക്ക് പ്രവേശിക്കുന്നത് ശരിക്കും ബയാന്റെ ആത്മാവ് തന്നെയാണോ… അതോ മറ്റെന്തെങ്കിലുമാണോ… !! ബാക്കി കണ്ട് തന്നെ അറിയുക…
ഒട്ടൊരു സ്ലോ പെയ്സ്ഡായ ആദ്യ പകുതിയും ശരിക്കും ഞെട്ടിതരിപ്പിക്കുന്ന രണ്ടാം പകുതിയുമാണ് ഏറെക്കുറെ പൂർണ്ണമായും ഡോക്യുമെന്ററി ടൈപ്പിൽ പകർത്തിയിട്ടുള്ള ഈ ചിത്രത്തിനുള്ളത്.

ഒരുപാട് വയലൻസും, ഹൊറർ സീനുകളും ഉൾപ്പെടുന്ന ഈ 18+ മൂവിയുടെ പ്രധാന നട്ടെല്ല് എന്ന് പറയാവുന്നത്, അഭിനേതാക്കളുടെ മികച്ച അഭിനയത്തിനും ഹൗണ്ടിങ് ബാക്ക്ഗ്രൗണ്ട് മ്യൂസിക്കിനും പുറമേ, ഇതിന്റെ സ്റ്റോറി തന്നെയാണ്…
എന്നാൽ അത് പൂർണ്ണമായും മനസ്സിലാവണമെങ്കിൽ നിങ്ങളിത് ആദ്യ തവണ ക്ഷമയോടെ ഇരുന്ന് കാണുകയോ അല്ലെങ്കിൽ രണ്ട് തവണ കണ്ട് നോക്കുകയോ തന്നെ ചെയ്യുക.
കാരണം രണ്ടാം കാഴ്ചയിൽ മാത്രമാവും ഒരുപക്ഷെ ചിത്രത്തിന്റെ ആദ്യ പകുതിയിലെ ഓരോ മൈന്യൂട്ട് സംഗതികൾക്കും കഥയിലുള്ള കണക്‌ഷൻ നമുക്ക് മനസ്സിലാവുക.

പരിധിക്കും അപ്പുറമുള്ള അറപ്പുളവാക്കുന്ന/ഭയാനക രംഗങ്ങൾ ഉള്ളത് കൊണ്ട്‌ തന്നെ പ്രായപൂർത്തിയാവാത്തവർക്കും ഫാമിലി പ്രേക്ഷകർക്കും ഈ മൂവി സജസ്റ്റ് ചെയ്യുന്നില്ല.

അഭിപ്രായങ്ങൾ പങ്കുവെക്കാൻ

Categories : #Horror #Thai

പ്രിയപ്പെട്ട എംസോണീയർ അറിയാൻ,
ഒരു സീരീസ് എപ്പോൾ വരും എന്ന് ചോദിച്ച് എംസോണിൽ ഒരു പോസ്റ്റ്‌ കണ്ടിരുന്നു. അതിന് താഴെ നല്ലതും മോശവുമായ ധാരാളം കമന്റുകളും ഉണ്ടായിരുന്നു. എല്ലാത്തിനുമുള്ള മറുപടി എന്ന നിലക്കാണ് എഴുതുന്നത്.

ചോദ്യം: ഒരുപാട് സീരീസുകൾ പകുതി വെച്ചിട്ട് നിർത്തിയിട്ടുണ്ട്. ബാക്കി എന്താണ് വരാത്തത്?

ഉത്തരം: നിങ്ങളിൽ പലരും ഇപ്പോളും വിശ്വസിക്കുന്നത് എംസോൺ രാവിലെ ഒരു ഓഫീസും തുറന്നിട്ട് കൂറേപ്പേർ അവിടെ ഇരുന്ന് പരിഭാഷ ചെയ്യുകയാണെന്നാണോ? ഒരിക്കലുമല്ല, എംസോൺ ഒരു പ്ലാറ്റ്ഫോം മാത്രമാണ്. ഇവിടേക്ക് പരിഭാഷകൾ അയച്ചു തരികയും അത് ഞങ്ങളുടെ വെരിഫിക്കേഷൻ ടീം വെരിഫൈ ചെയ്യുകയും, അപ്പ്രൂവ് ആയവ റിലീസ് ചെയ്യുകയും ചെയ്യുന്നു. ഇതിൽ നിന്ന്തന്നെ ഉത്തരം കിട്ടിയെന്ന് വിചാരിക്കുന്നു. എംസോൺ ഒരു സീസൺ മുഴുവനായി കിട്ടിയതിന് ശേഷം മാത്രമേ ഏതൊരു സീരീസിന്റേയും [ഓൺഗോയിംഗ് സീരീസ് ഒഴികെ] റിലീസ് ചെയ്യാറുള്ളൂ. എല്ലാ സീസണും കിട്ടിയിട്ടേ റിലീസ് ചെയ്യാവൂ എന്ന് പ്രേക്ഷകർ വാശിപിടിക്കരുത്. കാരണം അങ്ങനൊന്ന് നടക്കില്ല.

പരിഭാഷകർ പരിഭാഷ ചെയ്തു അയച്ചാൽ മാത്രമേ ഞങ്ങൾക്ക് വെരിഫിക്കേഷൻ കഴിഞ്ഞ് റിലീസ് ചെയ്യാൻ പറ്റുകയുള്ളൂ. പരിഭാഷകർക്ക് ഇത് മാത്രമല്ലല്ലോ പണി, അവരുടെ ഒഴിവ് സമയത്ത്, ഇഷ്ടം ഉണ്ടെങ്കിൽ അവർ ചെയ്യും. ഞങ്ങൾക്ക് ഒരിക്കലും അവരെ നിർബന്ധിച്ച് ചെയ്യിപ്പിക്കാൻ പറ്റില്ല. കാരണം, ഇതൊരു ജോലിയില്ല, സേവനമാണ്. അവർക്ക് കുടുംബമുണ്ട്, ജോലി ഉള്ളവരുണ്ട്, പഠിക്കുന്നവരുണ്ട്, അങ്ങനെയങ്ങനെ പല കാര്യങ്ങളും ഉണ്ടാവും... കാത്തിരിക്കുക! അത് മാത്രമേ ഞങ്ങൾക്ക് പറയാൻ പറ്റുകയുള്ളു. ഉടൻ വരുന്നവ എന്ന പേരിൽ ഇടക്കിടക്ക് എംസോണിൽ പോസ്റ്റുകൾ ശ്രദ്ധിച്ചിട്ടുണ്ടാവുമല്ലോ, അത് ഇപ്പോൾ വെരിഫിക്കേഷൻ നടന്നുകൊണ്ടിരിക്കുന്നവയായിരിക്കും. അതിലും എല്ലാം റിലീസാകുമെന്ന് ഉറപ്പ് പറയാനുമാകില്ല. വെരിഫൈ ചെയ്യുന്നതിനും സമയമെടുക്കും. അവരും നമ്മളേപ്പോലെ തിരക്കുകളുള്ള മനുഷ്യർ തന്നെയാണ്. ഈ പറയുന്നത് അഹങ്കാരമായി കാണരുത്. അങ്ങനെ ആരോ പറയുന്നത് കണ്ടു. ഇപ്പോഴും മനസ്സിലാവാത്ത കാര്യമാണ് എന്ത്‌ അടിസ്ഥാനത്തിലാണ് അത് പറഞ്ഞതെന്ന്? ഒരു ലാഭവും ഇല്ലാതെ ഒരു കൂട്ടം ആളുകൾ, അല്ലെങ്കിൽ പരിഭാഷകർ, പോസ്റ്റർ ഡിസൈൻ ചെയ്യുന്നവർ, വെരിഫിക്കേഷൻ ചെയ്യുന്നവർ, ടീസർ കട്ട്‌ ചെയ്യുന്നവർ - സിനിമയെ സ്നേഹിക്കുന്ന ഒരു വലിയ വിഭാഗം ആളുകൾ കഷ്ടപ്പെടുന്നത് കൊണ്ടാണ് ഈ ഒരു പ്ലാറ്റ്ഫോം കഴിഞ്ഞ ഒൻപത് വർഷമായി നിലനിന്ന് പോകുന്നത്. ഇതിലൊക്കെ എന്ത്‌ അഹങ്കാരമാണ് കണ്ടതെന്ന് മനസ്സിലായില്ല.
നിങ്ങൾ ആഗ്രഹിക്കുന്ന പരിഭാഷ നിങ്ങളുടെ സമയത്തിന് കിട്ടണമെന്ന് വിചാരിച്ചാൽ, കാത്തിരിക്കണമെന്ന് പറയുന്നതാണോ അഹങ്കാരം? അറിയില്ല. എന്തായാലും ഇങ്ങനെയുള്ള ഒരുപാട് വിമർശനങ്ങൾ ദിവസവും കേൾക്കുന്നത് കൊണ്ട് ആ വിഷയം വിടുന്നു.

സീരീസുകൾ ആയാലും സിനിമ ആയാലും ഞങ്ങളുടെ കൈയിൽ പരിഭാഷ കിട്ടിയാൽ മാത്രമേ അപ്ഡേറ്റ് പറയാൻ കഴിയുകയുള്ളു. അതിലും കൃത്യമായ ഡേറ്റ് പറയാൻ ഒരു നിർവാഹവുമില്ല.
എംസോണിൽ ഇപ്പോഴും പരിഭാഷകൾ റിലീസ് ആവുന്നുണ്ട്. അത് കഴിഞ്ഞ്പോയ ലോക്ഡൗൺ കാലം പോലെ ഒരു ദിവസം പത്തെണ്ണം എന്ന തോതിലല്ല എന്നുമാത്രം. പഴയപോലെ പരിഭാഷകൾ ധരാളം വരുന്നില്ല, ആളുകൾ തിരക്കുകളിലേക്ക് നീങ്ങിത്തുടങ്ങി. ആളുകൾ ജോലിക്ക് പോവാൻ തുടങ്ങി, സ്കൂൾ കോളേജ് എല്ലാം തുറന്നു. ഞങ്ങൾക്ക് കിട്ടുന്ന പരിഭാഷകൾ വെരിഫൈ ചെയ്ത് തെറ്റുകൾ ഇല്ലെങ്കിൽ റിലീസ് ചെയ്യുന്നുണ്ട്. അതിൽ ഒരു മാറ്റവും ഉണ്ടായിട്ടില്ല. എംസോൺ പരിഭാഷകൾക്ക് വേണ്ടി കാത്തിരിക്കുന്ന ഒരു വലിയ വിഭാഗം ആളുകൾ ഉണ്ട്. അവരിൽ ആരെങ്കിലും തെറ്റിദ്ധരിച്ച് പോയിട്ടുണ്ടെങ്കിൽ അവർക്ക് വേണ്ടിക്കൂടിയാണ് ഈ കുറിപ്പ്. നിങ്ങളുടെ പിന്തുണയാണ് ഞങ്ങളുടെ വളർച്ചക്ക് കാരണം, നിങ്ങൾ കാത്തിരിക്കുക, പ്രതീക്ഷിക്കുന്ന പല റിലീസുകളും അണിയറയിൽ ഒരുങ്ങുന്നുണ്ട്.

നന്ദി എംസോൺ അഡ്മിൻസ്.

#MSone Release - 2960

Vikings: Valhalla - Season 01 (2022)
വൈക്കിങ്‌സ്‌: വൽഹാല്ല - സീസൺ 01 (2022)

Episodes: 05-08
എപ്പിസോഡ്‌സ്: 05-08

ഭാഷ : ഇംഗ്ലീഷ്
നിർമാണം : Metropolitan Films International
പരിഭാഷ : ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വെഞ്ചർ, ഡ്രാമ

IMDb ⭐️ 7.1/10

2013 പുറത്തിറങ്ങി 2020 യിൽ സംപ്രേക്ഷണം അവസാനിപ്പിച്ച ലോക പ്രശസ്ത സീരിസായ വൈക്കിങ്സിന്റെ സ്പിനോഫായി 2022 യിൽ നെറ്റ്ഫ്ലിക്സിലൂടെ പുറത്ത് വന്ന സീരീസാണ് വൈക്കിങ്സ്: വൽഹാല്ല.

വൈക്കിങ്സിലെ സീരിസിലെ സംഭവങ്ങൾക്ക് ശേഷം ഏകദേശം നൂറ് വർഷങ്ങൾ കഴിഞ്ഞുള്ള കഥയാണ് വൽഹാല്ലയിൽ കാണിക്കുന്നത്.

ഇന്ന് മഹാനായ റാഗ്നറിന്റെയും പുത്രന്മാരുടെയും വീര സാഹസികതകൾ ഇതിഹാസങ്ങളായി മാറിമറിഞ്ഞിരിക്കുന്നു. ഇംഗ്ളീഷുകാരുമായി സന്ധിയിലേർപ്പട്ട വൈക്കിങ്ങുകൾ ഇംഗ്ലണ്ടിൽ സ്ഥിരതാമസമാക്കിയിരിക്കുന്നു. വൈക്കിങ് ജനതയിൽ വലിയൊരു വിഭാഗം ക്രിസ്തു മതം സ്വീകരിച്ചു. പഴയ ദൈവങ്ങളെയും ഭാഷയും പോലും അവർ മറന്നു, പക്ഷേ ഇംഗ്ളീഷുകാരുടെ മനസ്സിൽ വരത്തന്മാരായ വൈക്കിങ്ങുകളോടുള്ള പക കെട്ടടങ്ങിയിട്ടില്ലായിരുന്നു.

വൈക്കിങ്ങുകൾ തങ്ങളുടെ രാജ്യത്ത് സുഖലോലുപരായി കഴിയുന്നതിൽ വൈകാതെ കിംഗ് ഈഥൽറെഡ് രണ്ടാമന് അസംതൃപ്തി തോന്നുകയും, ഒരു ദിവസം രാത്രിയിൽ വൈക്കിങ്ങുകളെ മൊത്തമായി കൂട്ടക്കൊല ചെയ്യാൻ അദ്ദേഹം ഇംഗ്ലീഷ് സൈന്യത്തിന് ഉത്തരവ് നൽകുകയും ചെയ്യുന്നു, ഈ സംഭവത്തിന് ശേഷം ഒരു വർഷം കഴിഞ്ഞു ഇംഗ്ലണ്ടിൽ നടന്ന ഈ കൂട്ടകുരുതിക്ക് പ്രതികാരം ചെയ്യാൻ വലിയൊരു വൈക്കിങ് സൈന്യം കിംഗ് കന്യുട്ടിന്റെ നേതൃത്വത്തിൽ ഇംഗ്ലണ്ടിലേക്ക് പുറപ്പെടുന്നു. ഗ്രീൻലാൻഡിൽ നിന്ന് ഒരു ദൗത്യവുമായി കട്ടെഗാറ്റിൽ വന്നിറങ്ങുന്ന ലീഫ് എറക്സൺ ഒരു പ്രത്യേക സാഹചര്യത്തിൽ ഈ സൈന്യത്തിന്റെ നേതൃത്വ നിരയിലേക്ക് വരുന്നു തുടർന്ന് ഉണ്ടാകുന്ന സംഭവങ്ങളാണ് ആദ്യ സീസണിൽ സീരീസ് കൈകാര്യം ചെയ്യുന്നത്.

സാങ്കേതിക പരമായും കഥാപരമായും വൈക്കിങ്ങിൻസിനോട്‌ നീതി പുലർത്താൻ സ്പിനോഫ് സീരിസിന് കഴിഞ്ഞിട്ടുണ്ട്

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2966

A Walk to Remember (2002)
എ വാക്ക് ടു റിമമ്പർ (2002)

ഭാഷ : ഇംഗ്ലീഷ്
സംവിധാനം : Adam Shankman
പരിഭാഷ : അഖിൽ ജോബി & അരുൺ ബി. എസ്, കൊല്ലം
പോസ്റ്റർ : നിഖിൽ ഇ കൈതേരി
ജോണർ : ഡ്രാമ, റൊമാൻസ്

IMDb ⭐️ 7.4/10

യഥാർഥ പ്രണയത്തിന് ഒരാളുടെ സ്വഭാവം മാറ്റിമറിക്കാനാവുമോ? അങ്ങനെയുള്ള പ്രണയത്തിന് കാമത്തെക്കാൾ എത്രയോ മനോഹരമായ അർത്ഥമുണ്ടെന്ന് കാണിച്ചു തരുന്ന ഒരു സിനിമയാണ് 2002-ൽ പുറത്തിറങ്ങിയ എ വാക്ക് ടു റിമമ്പർ.

കൗമാരക്കാരുടെ സ്കൂൾ ജീവിതത്തിലെ മനോഹര നിമിഷങ്ങൾ ഓർമിപ്പിക്കുന്ന ഈ ചിത്രം 1999-ൽ നിക്കോളസ് സ്പാർക്കിൽസ് എഴുതിയ ഇതേ പേരിലുള്ള നോവലിന്റെ ചലച്ചിത്ര ആവിഷ്കരമാണ്.

ലാഡൻ കാർട്ടർ എന്ന തല തെറിച്ച പയ്യന്റെ ജീവിതത്തിലേക്ക് ഒരു പെൺകുട്ടി കടന്നുവരുന്നതും അവർ തമ്മിലുള്ള പ്രണയം അവന്റെ ജീവിതത്തെ എങ്ങനെ മാറ്റിമറിക്കുന്നുവെന്നുമാണ് ചിത്രം കാണിച്ചുതരുന്നത്. ശേഷം സ്ക്രീനിൽ…

അഭിപ്രായങ്ങൾ പങ്കുവെക്കാൻ

Categories : #Drama #English #Romance

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 11
പാർട്ട് 02 - എപ്പിസോഡ് 11

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

Shut Up and Dance
ഷട്ട് ആപ്പ് ആൻഡ് ഡാൻസ്

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : ഉദയകൃഷ്ണ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

നിങ്ങളുടെ ഓൺലൈൻ പ്രവൃത്തികൾ ഒരാള്‍ ഒളിഞ്ഞു കണ്ടെന്ന് കരുതുക. ആ വിവരങ്ങൾ വെച്ച് അയാള്‍ നിങ്ങളെ ഭീഷണിപ്പെടുത്താൻ തുടങ്ങിയാല്‍, നിങ്ങളെന്ത് ചെയ്യും?

അങ്ങനൊരു അവസ്ഥയിൽ പെട്ടിരിക്കുന്ന ആളാണ് 'കെന്നി'. തന്റെ രഹസ്യങ്ങളെല്ലാം പരസ്യമാക്കും എന്ന അജ്ഞാതന്റെ ഭീഷണിക്കു മുന്നില്‍ അവൻ വഴങ്ങുന്നു. കെന്നിയുടെ ജീവിതത്തിലെ ഏറ്റവും ഇരുണ്ട ഘട്ടം അവിടെ തുടങ്ങുകയാണ്. അവൻ ആ അജ്ഞാതന്റെ ക്രൂരമായ നിർദ്ദേശങ്ങൾ അനുസരിക്കുന്ന വെറുമൊരു പാവയായി മാറുന്നു.

പുറത്തറിയരുത് എന്ന് കെന്നി ആഗ്രഹിച്ച ആ രഹസ്യം എന്താണ്? അവന്റെ ജീവൻ പണയം വെച്ചുള്ള ഓട്ടം എവിടെ ചെന്നവസാനിക്കും? ആ അജ്ഞാതനായ ഹാക്കറിന്റെ ഉദ്ദേശം എന്താണ്? അത് ശരിക്കും ഒരാളാണോ? അതോ, ഒരു ഗ്രൂപ്പാണോ? ഇതുപോലുള്ള ഒരുപാട് ചോദ്യങ്ങൾ നിങ്ങളുടെ മനസ്സിൽ വരും. അതിൽ പലതിന്റെയും ഉത്തരങ്ങളിലേക്കുള്ള യാത്രയാണ് 'ഷട്ട് ആപ്പ് ആൻഡ് ഡാൻസ്' എന്ന മുഴുനീള ത്രില്ലർ 'ബ്ലാക്ക് മിറർ' എപ്പിസോഡ്!

📥 ഡൗണ്‍ലോഡ് മലയാളം സബ്ടൈറ്റില്‍ 👇

https://malayalamsubtitles.org/languages/english/black-mirror-season-03-2016/

#MSone Release - 2967

#MsoneGoldRelease

Sorcerer (1977)
സോഴ്സറർ (1977)

ഭാഷ : ഇംഗ്ലീഷ് & സ്പാനിഷ്
സംവിധാനം : William Friedkin
പരിഭാഷ : അജിത് രാജ്
പോസ്റ്റർ : രോഹിത്ത് ജി. എസ്
ജോണർ : അഡ്വഞ്ചർ, ഡ്രാമ, ത്രില്ലർ

IMDb ⭐️ 7.7/10

1953- ൽ ഇറങ്ങിയ ദി വേജസ് ഓഫ് ഫിയർ (1953) എന്ന ചിത്രത്തെ ആസ്പദമാക്കി 1977ൽ നിർമ്മിച്ച അമേരിക്കൻ ചിത്രമാണ് സോഴ്സറർ.

തെക്കേ അമേരിക്കയിലെ ഒരു ഉൾനാട്ടിൽ, ഒരു ഓയിൽ കമ്പനി പൊട്ടിത്തെറിക്കുന്നു. ഇത് കെടുത്താനായി സ്ഫോടന വസ്തുവായ നൈട്രോ ഗ്ലിസറിൻ എന്ന രാസവസ്തു അവിടെ എത്തിക്കാൻ രണ്ട് ട്രക്കുകൾ ആവശ്യമായിരുന്നു. അതിനായി അവിടുത്തെ അധികാരികൾ പ്രഗത്ഭരായ 4 ഡ്രൈവർ മാരെ കണ്ടെത്തി ദൗത്യം ഏൽപ്പിക്കുന്നു.

പല കുറ്റകൃത്യങ്ങൾ ചെയ്ത് രക്ഷപ്പെട്ട് ആ നാട്ടിലേക്ക് എത്തിയ 4 പേർക്ക്, അവിടെനിന്ന് പുറത്ത് കടക്കാനായി പണത്തിന് വേണ്ടി ആ ജോലി ഏറ്റെടുക്കേണ്ടി വരുന്നു. തുടർന്നുള്ള അവരുടെ അപകടകരമായ യാത്രയാണ് സിനിമയുടെ ഇതിവൃത്തം.
കാടിന്റെ ഭംഗിയും നിഗൂഢതയും വളരെ മനോഹരമായി പകർത്തിയ നല്ലൊരു ത്രില്ലർ മൂവിയാണ് സോഴ്സറർ.

അഭിപ്രായങ്ങൾ പങ്കുവെക്കാൻ

Categories : #Adventure #Drama #English #MsoneGold #Spanish #Thriller

പിള്ളേരുടെ സ്നേഹം... ഒത്തിരി നന്ദി ❤️⚽️❤️