#MSone Release - 3135

The Last of Us Season 1 (2023)
ദ ലാസ്റ്റ് ഓഫ് അസ് സീസൺ 1 (2023)

Episodes 03
എപിസോഡ്സ് 03

ഭാഷ : ഇംഗ്ലീഷ്
നിർമ്മാണം : Sony Pictures Television & PlayStation Productions
പരിഭാഷ : സാമിർ & ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 9.2/10

2013-ല്‍ ആരംഭിച്ച ആക്ഷന്‍ അഡ്വഞ്ചര്‍ സോമ്പി അപ്പോകലിപ്റ്റിക് വിഭാഗത്തില്‍ വരുന്ന ദ ലാസ്റ്റ് ഓഫ്‌ അസ് എന്ന പ്രശംസ പിടിച്ചുപറ്റിയ വീഡിയോ ഗെയിമിന്റെ ലൈവ് ആക്ഷന്‍ അഡാപ്റ്റേഷനാണ് 2023-ല്‍ HBO-യിലൂടെ പുറത്തിറങ്ങിയ ദ ലാസ്റ്റ് ഓഫ് അസ്. HBO-യുടെ ആദ്യത്തെ വീഡിയോ ഗെയിം ബേസ്ഡ്‌ സീരീസ് എന്ന പ്രത്യേകതയും ഇതിനുണ്ട്.

മാരകമായ ഒരു ഫങ്കല്‍ ഇന്‍ഫെക്ഷനിലൂടെ ഒരു ഗ്ലോബല്‍ പാന്‍ഡെമിക് ഉണ്ടായി 20 വര്‍ഷത്തിന് ശേഷമുള്ള പോസ്റ്റ്‌ അപ്പോകലിപ്റ്റിക് യുനൈറ്റഡ്‌ സ്റ്റേറ്റ്സിലാണ് സീരീസിന്റെ കഥ നടക്കുന്നത്. ജോയല്‍ എന്ന സ്മഗ്ലര്‍ക്ക് എല്ലി എന്ന് പേരുള്ള ഒരു പെണ്‍കുട്ടിയെ ഒരു സ്ഥലത്തേക്ക് എസ്കോട്ട് ചെയ്യേണ്ട സാഹചര്യം വരികയാണ്‌. ക്വാറന്റൈന്‍ സോൺ വിട്ടു ആദ്യമായി പുറത്തുവരുന്ന പെൺകുട്ടിയും ഒപ്പമുള്ള നായകനും രോഗം ബാധിക്കപ്പെട്ടു നശിച്ച ലോകത്തിലേക്ക് ഇറങ്ങി ചെല്ലുകയാണ്, ഈ യാത്രക്കിടയില്‍ അവര്‍ക്ക് ഒരുപാട് അസാധാരണ സംഭവങ്ങളെയും മനുഷ്യരേയും ജീവികളേയും നേരിടേണ്ടി വരുന്നു, ഈ കടമ്പകൾ എല്ലാം കടന്ന് എങ്ങനെ അവർ ലക്ഷ്യത്തിലേക്ക് എത്തുന്നു എന്നതാണ് സീരീസ് കൈകാര്യം ചെയ്യുന്ന വിഷയം.

ഒറിജിനല്‍ ഗെയിം എഴുതി കോ-ഡയറക്ട് ചെയ്ത നീൽ ഡ്രക്ക്മാനും ക്രെയ്ഗ് മാസിനും എഴുതിയ 9 എപ്പിസോഡുകളാണ് ആദ്യത്തെ സീസണിലുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 3128

Fringe Season 2 (2009)
ഫ്രിഞ്ച് സീസൺ 2 (2009)

Episodes 13-23
എപ്പിസോഡ്‌സ് 13-23

ഭാഷ : ഇംഗ്ലീഷ്
നിർമ്മാണം : Bad Robot Productions
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 8.4/10

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

എംസോൺ റിലീസ് ചെയ്തിട്ടുള്ള ഫ്രിഞ്ച് സീരീസിന്റെ മറ്റ് സീസണുകൾ

ഫ്രിഞ്ച് സീസൺ 1 (2008)

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series

#MSone Release - 3138

Emily the Criminal (2022)
എമിലി ദ ക്രിമിനൽ (2022)

ഭാഷ : ഇംഗ്ലീഷ്
സംവിധാനം : John Patton Ford
പരിഭാഷ : അരുൺ അശോകൻ
പോസ്റ്റർ : രോഹിത് ജി. എസ്

IMDb ⭐️ 6.7/10

2022 ആഗസ്റ്റ് 12-ന് ജോൺ പാറ്റൺ ഫോർഡിന്റെ സംവിധാനത്തിൽ ഓബ്രി പ്ലാസ പ്രധാന വേഷത്തിലെത്തുന്ന അമേരിക്കൻ ചലച്ചിത്രമാണ് ‘എമിലി ദ ക്രിമിനൽ‘.

എമിലിക്ക് ക്രിമിനൽ ബാക്ക്ഗ്രൗണ്ടുണ്ട്. അതുകൊണ്ട് തന്നെ നല്ലൊരു ജോലി അവൾക്ക് ലഭിക്കുന്നില്ല, സ്റ്റുഡന്റസ് ലോണിന്റെ വലിയൊരു കടകെണിയിൽ കിടന്ന് കഷ്ടപ്പെടുന്ന അവൾക്ക് നല്ലൊരു വരുമാനം അത്യാവശ്യമായിരുന്നു. അങ്ങനെയുള്ള അവളെ തേടി ഒരു ഓഫർ വരുന്നു, മണിക്കൂറിൽ 200 ഡോളർ സമ്പാദിക്കാവുന്ന ഒരു ജോലി. സംഗതി ഒരു ഫ്രോഡ് പരിപാടിയാണ്, എമിലി അതിന് കൈകൊടുക്കുന്നതോടെ അവളുടെ ജീവിതത്തിൽ സംഭവിക്കുന്ന കാര്യങ്ങളുമായിട്ടാണ് പിന്നീടങ്ങോട്ടുള്ള സിനിമയുടെ പോക്ക്.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Thriller

#MSone Release - 1303

Mission: Impossible (1996)
മിഷൻ: ഇംപോസ്സിബിൾ (1996)

ഭാഷ : ഇംഗ്ലീഷ്
സംവിധാനം : Brian De Palma
പരിഭാഷ: ആര്യ നക്ഷത്രക്
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 7.1/10

ബ്രയാൻ ഡി പാമയുടെ സംവിധാനത്തിൽ 1996ൽ ടോം ക്രൂസിനെ നായകനാക്കി പുറത്തിറങ്ങിയ ആക്ഷൻ സ്പൈ ത്രില്ലറാണ് മിഷൻ: ഇംപോസ്സിബിൾ. ഈ ചിത്രത്തോടുകൂടി ടോം ക്രൂസ് ഒരു ആക്ഷൻ ഹീറോയും സൂപ്പർ താരവുമായി മാറി. 1960-70 കളിൽ പുറത്തിറങ്ങിയിരുന്ന ഇതേ പേരിലുള്ള ടീവി സീരീസിനെ ആധാരമാക്കിയാണ് സിനിമ എടുത്തിരിക്കുന്നത്.

IMF എന്ന അസാധ്യമായ അതിസാഹസികമായ ദൗത്യങ്ങൾ ഏറ്റെടുത്തു നിർവഹിക്കുന്ന ഒരു രഹസ്യ ഗവണ്മെന്റ് ഏജൻസിയിലെ ഉദ്യോഗസ്ഥനാണ് ഈഥൻ ഹണ്ട്. ഒരിക്കൽ സുരക്ഷാ കാരണങ്ങളാൽ രഹസ്യമായി സൂക്ഷിക്കുന്ന IMF അംഗങ്ങളുടെ പേരുവിവരങ്ങൾ അടങ്ങിയ NOC ലിസ്റ്റ് എന്നറിയപ്പെടുന്ന ഡിസ്ക് മോഷ്ടിക്കാൻ വരുന്ന ആളെയും അയാളിൽ നിന്ന് അത് വാങ്ങാൻ പോവുന്ന ആളെയും പിടിക്കാനുള്ള ഹണ്ടിന്റെയും സംഘത്തിന്റെയും ദൗത്യം കൈവിട്ട് പോവുകയും ഈഥൻ ഹണ്ട് ഒഴികെയുള്ള അവന്റെ ടീം അംഗങ്ങൾ എല്ലാം കൊല്ലപ്പെടുകയും ചെയ്യുന്നു. അതോടു കൂടി ഉള്ളിൽ തന്നെ ഒരു വഞ്ചകൻ ഉണ്ടെന്ന് നേരത്തെ സംശയിച്ചിരുന്ന ഉന്നത അധികാരികൾ ജീവനോടെ ബാക്കിയായ ഈഥൻ ഹണ്ട് ആണ് അതിനെല്ലാം പിന്നിൽ എന്ന് കരുതുന്നു. തന്റെ നിരപരാധിത്വം തെളിയിക്കാനും യഥാർത്ഥ വഞ്ചകനെ പിടിക്കാനുമുള്ള ഈഥൻ ഹണ്ടിന്റെ പിന്നീടുള്ള പോരാട്ടമാണ് സിനിമ.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ II (2000)
മിഷൻ: ഇംപോസ്സിബിൾ III (2006)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)
മിഷൻ: ഇംപോസ്സിബിൾ – റോഗ് നേഷൻ (2015)
മിഷൻ: ഇംപോസ്സിബിൾ – ഫോളൗട്ട് (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 1936

Mission: Impossible II (2000)
മിഷന്‍: ഇംപോസ്സിബിൾ II (2000)

ഭാഷ : ഇംഗ്ലീഷ്
സംവിധാനം : John Woo
പരിഭാഷ: ആര്യ നക്ഷത്രക്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 6.1/10

1996-ൽ പുറത്തിറങ്ങി വൻവിജയമായി മാറിയ ഒന്നാം ഭാഗത്തിന് ശേഷം 4 വർഷങ്ങൾക്ക് ശേഷം പുറത്തിറങ്ങിയ ചിത്രത്തിന്റെ രണ്ടാം ഭാഗം സംവിധാനം ചെയ്തിരിക്കുന്നത് ജോൺ വൂ ആണ്. ടോം ക്രൂസ് അവതരിപ്പിക്കുന്ന ഈഥൻ ഹണ്ട് എന്ന IMF ഏജന്റിന്റെ പുതിയ ദൗത്യമാണ് സിനിമയുടെ ഇതിവൃത്തം. 2000-ൽ പുറത്തിറങ്ങിയ ചിത്രം ആ വർഷത്തെ ഏറ്റവും വലിയ ബോക്‌സ് ഓഫിസ് ഹിറ്റും ആയിരുന്നു.

ഓസ്‌ട്രേലിയയിലെ സിഡ്‌നിയിലെ ബയോസൈറ്റ് എന്ന മരുന്നു നിർമാണ കമ്പനിയിലെ പരീക്ഷണശാലയിൽ വെച്ച് വ്ലാദിമിർ നെക്കോവിച്ച്‌, ഗ്രാഡ്സ്കി എന്നീ ശാസ്ത്രജ്ഞർ അതിമരകമായ കൈമേറ എന്ന വൈറസിനെയും അതിനെതിരായി ഉപയോഗിക്കാനുള്ള മരുന്ന് ബല്ലേറോഫോണും കണ്ടുപിടിക്കുന്നു. എന്നാൽ നെക്കോവിച്ച് സിഡ്‌നിയിൽ നിന്നും സുരക്ഷിതമായി വയറസിനെയും മറുമരുന്നിനെയും അറ്റ്ലാന്റയിലേക്ക് കൊണ്ടുപോവാൻ ശ്രമിക്കുന്നതിനിടയിൽ അത് IMF ഏജന്റ് ആയിരുന്ന ഷോൺ ആംബ്രോസ് തട്ടിയെടുക്കുകയും അതിനെ വൻ മരുന്നു കമ്പനികൾക്കും തീവ്രവാദികൾക്കും വിറ്റു പണമാക്കാൻ ശ്രമിക്കുകയും ചെയ്യുന്നു. ഷോൺ ആംബ്രോസ് അത് വിൽക്കുന്നതും വയറസിന്റെ സമൂഹവ്യാപനം തടയാനുമുള്ള ദൗത്യം ഈഥൻ ഹണ്ടിന് കിട്ടുന്നു. ഹണ്ട് സഹായത്തിനായി ഷോണിന്റെ മുൻ കാമുകിയും മോഷ്ടാവുമായ നയയെയും കൂടെ കൂട്ടുന്നു. വൈറസിനെ ലോകത്തിലാകെ പരത്തി അതിന്റെ മറുമരുന്നു വിറ്റ് പണമാക്കാനുള്ള ഷോൺ ആംബ്രോസിനെതിരെയുള്ള ഈഥന്റെയും സംഘത്തിന്റെയും പോരാട്ടമാണ് സിനിമ.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ (1996)
മിഷൻ: ഇംപോസ്സിബിൾ III (2006)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)
മിഷൻ: ഇംപോസ്സിബിൾ – റോഗ് നേഷൻ (2015)
മിഷൻ: ഇംപോസ്സിബിൾ – ഫോളൗട്ട് (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 3139

Mission: Impossible III (2006)
മിഷൻ: ഇംപോസ്സിബിൾ III (2006)

ഭാഷ : ഇംഗ്ലീഷ്
സംവിധാനം : J.J. Abrams
പരിഭാഷ : വിഷ് ആസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 6.9/10

ടോം ക്രൂസിന്റെ നിര്‍മാണത്തില്‍ ജെ.ജെ. എബ്രാംസ് സംവിധാനം ചെയ്ത് 2006-ലാണ് മിഷൻ: ഇംപോസ്സിബിൾ സീരിസിലെ മൂന്നാം പതിപ്പ് പുറത്തിറങ്ങിയത്.

ഏജന്റ് എന്ന നിലയില്‍ IMF-ല്‍ നിന്നും വിരമിച്ച ഈഥന്‍ ഹണ്ട്, ഏജന്‍റുമാരെ പരിശീലിപ്പിക്കുന്ന ട്രെയിനറായാണ് മൂന്നാം പതിപ്പിലെത്തുന്നത്. നഴ്സായ ജൂലിയയുമായി ഒതുങ്ങിക്കൂടി ജീവിച്ചു വരവേയാണ്, ഒരു മിഷന് പോയ ഏജന്റ് ലിന്‍ഡ്സി ഫാരിസിനെ കാണാനില്ലെന്ന വാര്‍ത്ത ഈഥന്‍ അറിയുന്നത്. പ്രിയ വിദ്യാര്‍ത്ഥിയായിരുന്ന ലിന്‍ഡ്സിയെ കണ്ടെത്താന്‍ ഈഥന്‍ വീണ്ടും ഏജന്റിന്റെ കുപ്പായം അണിയുന്നു. ആ റെസ്ക്യൂ മിഷനില്‍ ആയുധ കള്ളക്കടത്തുകാരന്‍ ഓവന്‍ ഡേവിയനെക്കുറിച്ചുള്ള വിലപ്പെട്ട വിവരങ്ങള്‍ അവര്‍ക്ക്‌ ലഭിക്കുന്നു. “റാബിറ്റ്സ് ഫൂട്ട്” എന്നൊരു അജ്ഞാത വസ്തു ഡേവിയന്‍ ആര്‍ക്കോ കൈമാറാന്‍ പോകുകയാണെന്ന് അവര്‍ മനസ്സിലാക്കുന്നു. തുടര്‍ന്ന് ഡേവിയനെ പിടിക്കാന്‍ ഈഥനും സംഘവും നടത്തുന്ന മിഷനാണ്, മിഷൻ: ഇംപോസ്സിബിൾ III യുടെ ഇതിവൃത്തം.

ത്രില്ലടിപ്പിക്കുന്ന സംഘട്ടന രംഗങ്ങളാലും ട്വിസ്റ്റുകളാലും സമ്പന്നമാണ് ഈ ചിത്രം. ഈ സീരീസിലെ മറ്റ് ചിത്രങ്ങളിലേത് പോലെ ടോം ക്രൂസിന്‍റെ പ്രകടനം തന്നെയാണ് ഈ ആക്ഷന്‍ സ്പൈ ചിത്രത്തിന്‍റെയും ഹൈലൈറ്റ്. ആക്ഷന്‍ ചിത്രങ്ങള്‍ ഇഷ്ടപ്പെടുന്നവരേയും മിഷൻ: ഇംപോസ്സിബിൾ ആരാധകരെയും ഒരുപോലെ തൃപ്തിപ്പെടുത്തുന്നൊരു ചിത്രമാണ് മിഷൻ: ഇംപോസ്സിബിൾ III.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ (1996)
മിഷൻ: ഇംപോസ്സിബിൾ II (2000)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)
മിഷൻ: ഇംപോസ്സിബിൾ – റോഗ് നേഷൻ (2015)
മിഷൻ: ഇംപോസ്സിബിൾ – ഫോളൗട്ട് (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 3140

Mission: Impossible – Ghost Protocol (2011)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)

ഭാഷ : ഇംഗ്ലീഷ്
സംവിധാനം : Brad Bird
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.4/10

മിഷൻ: ഇംപോസ്സിബിൾ സീരീസിലെ 4-മത്തെ ചിത്രമാണ് 2011-ൽ പുറത്തിറങ്ങിയ മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ.

ന്യൂക്ലിയർ വാർ ഉണ്ടാക്കിയെടുക്കാൻ പദ്ധതിയിട്ട തീവ്രവാദിയായ ഹെൻഡ്രിക്സ് ഒരു സ്ഫോടനം നടത്തി, റഷ്യയുടെ ന്യൂക്ലിയർ ലോഞ്ച് ഡിവൈസ് മോഷ്ടിച്ച് കടന്നുകളയുന്നു. സ്ഫോടനത്തിന്റെ പഴി IMF-ന്റെ മേലെ വീഴുന്നതോടെ IMF-നെ നിരോധിക്കാൻ അമേരിക്കൻ പ്രസിഡന്റ് ഉത്തരവിടുന്നു. എന്നാൽ ഹെൻഡ്രിക്‌സാണ് ഇതിനെല്ലാം പിന്നിലെന്ന് ഈഥൻ തുറന്നുപറഞ്ഞിട്ടും കാര്യമുണ്ടായില്ല. IMF-ന്റെ മേലെ വീണ ചീത്തപ്പേര് പോകണമെങ്കിൽ ഹെൻഡ്രിക്സിനെ പിടികൂടി ന്യൂക്ലിയർ വാർ തടയണമെന്ന് സെക്രട്ടറി ഈഥനോട് നിർദ്ദേശിക്കുന്നു.

അങ്ങനെ അമേരിക്കൻ ഗവണ്മെന്റിന്റെ ഭാഗത്തുനിന്നും യാതൊരു സഹായവുമില്ലാതെ, ഒരു മുന്നൊരുക്കവുമില്ലാതെ ഹെൻഡ്രിക്സിനെ പിടികൂടാനായി ഈഥനും ടീമും ഇറങ്ങി പുറപ്പെടുകയാണ്.

മുൻ സിനിമകളിലുള്ള പോലെത്തന്നെ ഇതിലും ടോം ക്രൂസിന്റെ ത്രസിപ്പിക്കുന്ന ആക്ഷൻ രംഗങ്ങൾ കൊണ്ടും ട്വിസ്റ്റുകൾ കൊണ്ടും സമ്പന്നമാണ്.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ (1996)
മിഷൻ: ഇംപോസ്സിബിൾ II (2000)
മിഷൻ: ഇംപോസ്സിബിൾ III (2006)
മിഷൻ: ഇംപോസ്സിബിൾ – റോഗ് നേഷൻ (2015)
മിഷൻ: ഇംപോസ്സിബിൾ – ഫോളൗട്ട് (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 3141

Mission: Impossible – Rogue Nation (2015)
മിഷൻ: ഇംപോസ്സിബിൾ – റോഗ് നേഷൻ (2015)

ഭാഷ : ഇംഗ്ലീഷ്
സംവിധാനം : Christopher McQuarrie
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 7.4/10

മിഷൻ: ഇംപോസ്സിബിൾ സീരീസിലെ 5-മത്തെ ചിത്രമാണ് 2015-ൽ പുറത്തിറങ്ങിയ ക്രിസ്റ്റഫര്‍ മക്കോറി സംവിധാനം ചെയ്ത മിഷൻ: ഇംപോസ്സിബിൾ – റോഗ് നേഷന്‍.

നാലാമത്തെ ചിത്രത്തിന്റെ അവസാനം ലഭിച്ച മിഷന്‍ അനുസരിച്ച് ഈഥന്‍ ഹണ്ട് (ടോം ക്രൂസ്) സിന്‍ഡിക്കേറ്റ്‌ എന്ന തീവ്രവാദസംഘടനയുടെ പിന്നാലെയാണ്. എന്നാല്‍, മുന്‍കാല സംഭവങ്ങള്‍ ചൂണ്ടിക്കാണിച്ച് CIA അമേരിക്കന്‍ അധികാരികളെ കൊണ്ട് IMF പിരിച്ചുവിടുന്നു. സിന്‍ഡിക്കേറ്റ്‌ എന്നത് ഹണ്ടിന്റെ ഭാവനയുടെ ഒരു സൃഷ്ടിയാണ് എന്ന് പറയുന്ന CIA സംഘം ഈഥനെ പിടിക്കാനായി പുറപ്പെടുന്നു. ഇവരുടെ കൈയില്‍ പിടിക്കൊടുക്കാതെ സിന്‍ഡിക്കേറ്റിനെ തകര്‍ക്കാനും, അവരുടെ നേതാവായ സോളമന്‍ ലെയ്നെ പിടികൂടാനും ഈഥനും ടീമും നടത്തുന്ന പരിശ്രമങ്ങളാണ് റോഗ് നേഷനില്‍ കാണാന്‍ സാധിക്കുക. ആക്ഷന്‍ പ്രേമികള്‍ തീര്‍ച്ചയായും കണ്ടിരിക്കേണ്ട ഒരു ചിത്രമാണ് മിഷൻ: ഇംപോസ്സിബിൾ – റോഗ് നേഷന്‍.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ (1996)
മിഷൻ: ഇംപോസ്സിബിൾ II (2000)
മിഷൻ: ഇംപോസ്സിബിൾ III (2006)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)
മിഷൻ: ഇംപോസ്സിബിൾ – ഫോളൗട്ട് (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 3142

Mission: Impossible – Fallout (2018)
മിഷൻ: ഇംപോസ്സിബിൾ – ഫോളൗട്ട് (2018)

ഭാഷ : ഇംഗ്ലീഷ്
സംവിധാനം : Christopher McQuarrie
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 7.7/10

മിഷൻ: ഇംപോസ്സിബിൾ സീരീസിലെ 6-മത്തെ ചിത്രമാണ് 2018-ൽ പുറത്തിറങ്ങിയ ക്രിസ്റ്റഫര്‍ മക്കോറി സംവിധാനം ചെയ്ത മിഷൻ: ഇംപോസ്സിബിൾ – ഫോളൗട്ട്.

അഞ്ചാമത്തെ ചിത്രത്തില്‍ ഉണ്ടായിരുന്ന സിന്‍ഡിക്കേറ്റ്‌ എന്ന തീവ്രവാദസംഘടന നശിച്ചതിനെ തുടര്‍ന്ന് ബാക്കി വന്ന അതിലെ അംഗങ്ങള്‍ “ദി അപ്പോസില്‍സ്” എന്ന പേരില്‍ വേറൊരു സംഘം ഉണ്ടാക്കി. അവര്‍ ജോണ്‍ ലാര്‍ക്ക് എന്ന പേരില്‍ മാത്രം അറിയപ്പെടുന്ന ഒരു അജ്ഞാത തീവ്രവാദിയുമായി സംഘം ചേര്‍ന്ന് ആണവായുധങ്ങള്‍ ഉപയോഗിച്ച് തീവ്രവാദ ആക്രമണങ്ങള്‍ നടത്താന്‍ പദ്ധതിയിടുന്നു. ഇതിനായി അവര് മൂന്ന് പ്ലൂട്ടോണിയം കോറുകള്‍ മോഷ്ടിക്കുന്നു. ഒരു ആണവദുരന്തത്തില്‍ നിന്നും ലോകത്തെ രക്ഷിക്കാനായി ഈഥന്‍ ഹണ്ടും ടീമും, പ്ലൂട്ടോണിയം വീണ്ടെടുക്കാനും, ലാര്‍ക്കിനെയും, അപ്പോസില്‍സിനെയും പിടികൂടാന്‍ ശ്രമിക്കുന്നതുമാണ് ഫോളൗട്ടിന്റെ കഥ.

എംസോൺ റിലീസ് ചെയ്തിട്ടുള്ള
മിഷൻ: ഇംപോസ്സിബിൾ സീരീസിന്റെ മറ്റു ഭാഗങ്ങൾ

മിഷൻ: ഇംപോസ്സിബിൾ (1996)
മിഷൻ: ഇംപോസ്സിബിൾ II (2000)
മിഷൻ: ഇംപോസ്സിബിൾ III (2006)
മിഷൻ: ഇംപോസ്സിബിൾ – ഗോസ്റ്റ് പ്രോട്ടോകോൾ (2011)
മിഷൻ: ഇംപോസ്സിബിൾ – റോഗ് നേഷൻ (2015)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Thriller

#MSone Release - 3135

The Last of Us Season 1 (2023)
ദ ലാസ്റ്റ് ഓഫ് അസ് സീസൺ 1 (2023)

Episode 04
എപിസോഡ് 04

ഭാഷ : ഇംഗ്ലീഷ്
നിർമ്മാണം : Sony Pictures Television & PlayStation Productions
പരിഭാഷ : സാമിർ & ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 9.2/10

2013-ല്‍ ആരംഭിച്ച ആക്ഷന്‍ അഡ്വഞ്ചര്‍ സോമ്പി അപ്പോകലിപ്റ്റിക് വിഭാഗത്തില്‍ വരുന്ന ദ ലാസ്റ്റ് ഓഫ്‌ അസ് എന്ന പ്രശംസ പിടിച്ചുപറ്റിയ വീഡിയോ ഗെയിമിന്റെ ലൈവ് ആക്ഷന്‍ അഡാപ്റ്റേഷനാണ് 2023-ല്‍ HBO-യിലൂടെ പുറത്തിറങ്ങിയ ദ ലാസ്റ്റ് ഓഫ് അസ്. HBO-യുടെ ആദ്യത്തെ വീഡിയോ ഗെയിം ബേസ്ഡ്‌ സീരീസ് എന്ന പ്രത്യേകതയും ഇതിനുണ്ട്.

മാരകമായ ഒരു ഫങ്കല്‍ ഇന്‍ഫെക്ഷനിലൂടെ ഒരു ഗ്ലോബല്‍ പാന്‍ഡെമിക് ഉണ്ടായി 20 വര്‍ഷത്തിന് ശേഷമുള്ള പോസ്റ്റ്‌ അപ്പോകലിപ്റ്റിക് യുനൈറ്റഡ്‌ സ്റ്റേറ്റ്സിലാണ് സീരീസിന്റെ കഥ നടക്കുന്നത്. ജോയല്‍ എന്ന സ്മഗ്ലര്‍ക്ക് എല്ലി എന്ന് പേരുള്ള ഒരു പെണ്‍കുട്ടിയെ ഒരു സ്ഥലത്തേക്ക് എസ്കോട്ട് ചെയ്യേണ്ട സാഹചര്യം വരികയാണ്‌. ക്വാറന്റൈന്‍ സോൺ വിട്ടു ആദ്യമായി പുറത്തുവരുന്ന പെൺകുട്ടിയും ഒപ്പമുള്ള നായകനും രോഗം ബാധിക്കപ്പെട്ടു നശിച്ച ലോകത്തിലേക്ക് ഇറങ്ങി ചെല്ലുകയാണ്, ഈ യാത്രക്കിടയില്‍ അവര്‍ക്ക് ഒരുപാട് അസാധാരണ സംഭവങ്ങളെയും മനുഷ്യരേയും ജീവികളേയും നേരിടേണ്ടി വരുന്നു, ഈ കടമ്പകൾ എല്ലാം കടന്ന് എങ്ങനെ അവർ ലക്ഷ്യത്തിലേക്ക് എത്തുന്നു എന്നതാണ് സീരീസ് കൈകാര്യം ചെയ്യുന്ന വിഷയം.

ഒറിജിനല്‍ ഗെയിം എഴുതി കോ-ഡയറക്ട് ചെയ്ത നീൽ ഡ്രക്ക്മാനും ക്രെയ്ഗ് മാസിനും എഴുതിയ 9 എപ്പിസോഡുകളാണ് ആദ്യത്തെ സീസണിലുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series