#MSone Release - 1148

#MarvelFest2 - 03

Captain America: The First Avenger (2011)
ക്യാപ്റ്റൻ അമേരിക്ക: ദി ഫസ്റ്റ് അവഞ്ചര്‍ (2011)

ഭാഷ: ഇംഗ്ലീഷ്
സംവിധാനം: Joe Johnston
പരിഭാഷ: ഫഹദ് അബ്ദുൽ മജീദ്
പോസ്റ്റർ: അക്ഷയ് ബാബു
ജോണർ: ആക്ഷൻ, അഡ്വെഞ്ചർ, സയൻസ് ഫിക്ഷൻ

IMDb ⭐️ 6.9/10

മാർവൽ സിനിമാറ്റിക് യൂണിവേഴ്സ് (MCU) ലെ അഞ്ചാമത്തെ ചിത്രമാണ് ക്യാപ്റ്റൻ അമേരിക്ക: ദി ഫസ്റ്റ് അവഞ്ചര്‍.

ആർട്ടിക് പ്രദേശത്ത് സയന്റിസ്റ്റുകൾ ഒരു Aircraft കണ്ടെത്തുന്നു. ഒപ്പം അവിടെവെച്ച് ക്യാപ്റ്റന്റെ ഷിൽഡും കണ്ടെത്തുന്നു. പിന്നീട് കഥ കാലങ്ങൾക്ക് മുന്നിലേക്ക്.1942 മാർച്ച്. നാസി ഓഫീസർ Johann Schmidt ഉം ആൾക്കാരും Tesseract എന്നറിയപ്പെടുന്ന ഒരു ക്യൂബ് തേടിപ്പോകുന്നു. നായകൻ സ്റ്റീവ് റോജേഴ്‌സ് (Chris Evans) പട്ടാളത്തിൽ ചേരുവാൻ വേണ്ട യാതൊരു യോഗ്യതയുമില്ലാത്ത റോജേഴ്‌സിന്റെ ഇത് അഞ്ചാമത്തെ തവണയാണ് അപേക്ഷ തള്ളിക്കളയുന്നത്. റോജേഴ്‌സിന്റെ ചെങ്ങാതി Bucky Barnes (Sebastian Stan) സ്റ്റീവിനോടൊപ്പം ഒരു എക്സിബിഷന് പോയപ്പോൾ ഇരുവരുടെയും സംഭാഷണം ഒളിച്ച് നിന്ന് കേൾക്കുന്ന Dr. Abraham Erskine സ്റ്റീവിന്റെ ആത്മവിശ്വാസവും രാജ്യസ്നേഹവും ഒക്കെ കണ്ട് Super-Soldier പ്രോജെക്ടിലേക്ക് എടുക്കുന്നു. അങ്ങനെ സ്റ്റീവ് റോജേസിന് Super-Soldier ശക്തി മരുന്ന് കുത്തിവെച്ച് റോജേഴ്സിനെ ഒരു കരുത്തും ശക്തിയുമുള്ള ആരോഗ്യവാനായ മനുഷ്യനാക്കി മാറ്റി എടുക്കുന്നു. പിന്നീട് തന്റെ രാജ്യത്തെ ദുഷ്ട ശക്തികളിൽ നിന്നും രക്ഷിക്കുന്ന ക്യാപ്റ്റൻ അമേരിക്കയെ ആണ് എല്ലാവരും കാണുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #MarvelFest #Sci_Fi

#MSone Release - 236

Captain America: The Winter Soldier /
ക്യാപ്റ്റന്‍ അമേരിക്ക: ദി വിന്റർ സോള്‍ജ്യര്‍ (2014)

ഭാഷ: ഇംഗ്ലീഷ്
സംവിധാനം: Anthony Russo, Joe Russo
പരിഭാഷ: വിജയ് ശങ്കർ
പോസ്റ്റർ: നിഷാദ് ജെ എൻ
ജോണർ: ആക്ഷൻ, അഡ്വെഞ്ചർ, സയൻസ് ഫിക്ഷൻ

IMDb ⭐️ 7.8/10

മാർവെൽ സിനിമാറ്റിക് യൂണിവേഴ്സ് (MCU) ലെ ഒമ്പതാമത്തേയും ക്യാപ്റ്റൻ അമേരിക്ക: ദി ഫസ്റ്റ് അവഞ്ചര്‍ (2011) എന്ന സിനിമയുടെ സീക്വലുമാണ് ക്യാപ്റ്റന്‍ അമേരിക്ക: ദി വിന്റർ സോള്‍ജ്യര്‍.

ന്യൂയോർക്കിലെ ദാരുണ സംഭവങ്ങൾക്ക് ശേഷം, സ്റ്റീവ് റോജേഴ്‌സ്, വാഷിംഗ്ടൺ, ഡി.സിലേക്ക് വന്ന് സമകാലത്തിനൊപ്പം പൊരുത്തപ്പെടാൻ ശ്രമിക്കുകയാണ്. S.H.I.E.L.D ന് നേരിയൊരു അറ്റാക്ക് നടക്കുന്നതിലൂടെ ലോകത്തെ മുഴുവൻ അപകടത്തിലാക്കുന്ന ഒരു വലയിലേക്ക് കൂടെയുള്ള സഹപ്രവർത്തകൻ റോജേഴ്സിനെ തള്ളിയിടുന്നു. ബ്ലാക്ക് വിഡോയും പുതിയ സുഹൃത്തുമായ ഫാൽക്കണും ചേർന്ന് ആ അപകടത്തിനെ ഇല്ലാതാക്കാൻ പുറപ്പെടുന്നു. എന്നാൽ മുന്നിലേക്ക് പുതിയൊരു ശത്രു കടന്നു വരുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #MarvelFest #Sci_Fi

#MSone Release - 1175

Captain America: Civil War (2016)
ക്യാപ്റ്റൻ അമേരിക്ക: സിവിൽ വാർ (2016)

ഭാഷ: ഇംഗ്ലീഷ്
സംവിധാനം: Anthony Russo, Joe Russo
പരിഭാഷ: ഫഹദ് അബ്ദുൽ മജീദ് & ആര്യ നക്ഷത്രക്
പോസ്റ്റർ: അക്ഷയ് ബാബു
ജോണർ: ആക്ഷൻ, അഡ്വെഞ്ചർ, സയൻസ് ഫിക്ഷൻ

IMDb ⭐️ 7.8/10

മാർവെൽ സിനിമാറ്റിക് യൂണിവേഴ്സ് (MCU) ലെ പതിമൂന്നാമത്തേയും ക്യാപ്റ്റൻ അമേരിക്ക: ദി ഫസ്റ്റ് അവഞ്ചര്‍ (2011), ക്യാപ്റ്റന്‍ അമേരിക്ക: ദി വിന്റർ സോള്‍ജ്യര്‍ (2014) എന്നീ സിനിമകളുടെ സീക്വലുമാണ് ക്യാപ്റ്റൻ അമേരിക്ക: സിവിൽ വാർ.

ന്യൂയോർക്ക്, വാഷിംഗ്‌ടൺ ഡിസി, സോകോവിയ പ്രശ്നങ്ങൾക്ക് ശേഷം സാധാരണ ജനങ്ങൾ ശരിക്കും ബുദ്ധിമുട്ടുന്നുണ്ടെന്ന് കണ്ട് 117 രാജ്യങ്ങൾ അംഗീകരിച്ച Sokovia Accords, അവെഞ്ചേഴ്‌സിന് മുന്നിൽ വയ്ക്കുന്നു. Accords പ്രകാരം അവെഞ്ചേഴ്‌സിന് ഇനി സ്വതന്ത്രമായി പ്രവർത്തിക്കാൻ അനുവാദമുണ്ടായിരിക്കില്ല. ഗവൺമെന്റിന് കീഴിൽ ഓർഡറുകൾക്ക് അനുസരിച്ചു മിഷൻസ് എടുത്തു പ്രവർത്തിക്കാം. അല്ലെങ്കിൽ ഈ പരിപാടി അവസാനിപ്പിച്ചു പോകാം. സ്വാഭാവികമായും ഇത് അവെഞ്ചേഴ്‌സിനെ പിളർത്തി. Accords ൽ ഒപ്പുവയ്ക്കാം എന്ന് തീരുമാനിക്കുന്ന ടോണിയും സംഘവും ഒരുഭാഗത്തും, സ്വന്തം തീരുമാനത്തെയും ഗവണ്മെന്റിനേയും വിശ്വസിക്കുന്ന റോജർസ് മറുഭാഗത്തും.

Accords ൽ ഒപ്പുവെക്കാൻ ടോണിക്ക് ഒരുപാടു ന്യായീകരണങ്ങൾ ഉണ്ട്. കൂട്ടത്തിൽ ഏറ്റവും കൂടുതൽ എടുത്തു ചാട്ടക്കാരനും ഇതിനു മുന്നേ തന്റെ തെറ്റായ തീരുമാനം കൊണ്ടാണ് അൽട്രോൺ ഉണ്ടായതെന്ന കുറ്റബോധവും കൊണ്ടാണ് ടോണി Accords ൽ ഒപ്പുവയ്ക്കാം എന്ന് തീരുമാനിക്കുന്നത്. രണ്ടാം ലോക മഹായുദ്ധവും അന്നത്തെ ഗവണ്മെന്റ് ചെയ്ത കാര്യങ്ങളും എല്ലാം നേരിട്ട് കണ്ട ഒരു വ്യക്തി എന്നനിലയിൽ റോജർസ് ഒരിക്കലും ഒരു ഗവണ്മെന്റിനു കീഴിലും പ്രവർത്തിക്കാൻ താല്പര്യം ഇല്ലാത്ത വ്യക്തിയാണ്. അതുപോലെ തന്നെ മുൻ കാലങ്ങളിൽ S.H.I.E.L.D. എന്ന ഗവണ്മെന്റ് ഏജൻസിക്കു കീഴിലും വ്യത്യസ്തമായ അനുഭവം അല്ലായിരുന്നു ക്യാപ്റ്റന്. സ്വയം വിശ്വാസമില്ലാത്ത ടോണി ഒരുഭാഗത്ത്, സ്വന്തം തീരുമാനങ്ങളിൽ മാത്രം വിശ്വസിക്കുന്ന ക്യാപ്റ്റൻ മറുഭാഗത്ത്. ഹൾക്കും തോറും ഒഴികെയുള്ള അവഞ്ചേഴ്സ് ടീം എല്ലാവരും രണ്ടു ചേരിയായി തിരിയുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #MarvelFest #Sci_Fi

#MSone Release - 3216

Don’t Look Back (2009)
ഡോന്റ് ലുക്ക് ബാക്ക് (2009)

ഭാഷ: ഫ്രഞ്ച്
സംവിധാനം: Marina de Van
പരിഭാഷ: ആൽവിൻ ക്രിസ് ആന്റണി
പോസ്റ്റർ: പ്രവീൺ അടൂർ
ജോണർ: ഡ്രാമ, ഹൊറർ, മിസ്റ്ററി

IMDb ⭐️ 5.8/10

വീട്ടിലെ മേശയും ഫ്രെയിം ചെയ്ത ചിത്രങ്ങളും ഒക്കെ പെട്ടന്നൊരു ദിവസം സ്ഥാനം മാറിയിരിക്കുന്നു. അവ മാത്രമല്ല അവൾക്ക് ചുറ്റുമുള്ള പലതും അല്പാല്പമായി മാറിക്കൊണ്ടിരിക്കുന്നു. ഇതൊന്നും തൻ്റെ ഭർത്താവും മക്കളും ശ്രദ്ധിക്കുന്നേ ഇല്ല എന്നതായിരുന്നു അൽഭുതം. തനിക്ക് ചുറ്റുമാണോ അത് തനിക്ക് തന്നെയാണോ മാറ്റങ്ങൾ ഉണ്ടാവുന്നത് എന്ന് അവൾ പതിയെ ചോദ്യം ചെയ്യാൻ തുടങ്ങി. ആ അന്വേഷണം അവളെ ഇറ്റലിയിലേക്ക് നയിച്ചു. അവിടെ അവളെ കാത്തിരിക്കുന്നത് എന്തൊക്കെയാവും?

മറീനെ ഡേ വാനിൻ്റെ സംവിധാനത്തിൽ 2009-ലാണ് ഈ സൈക്കോളജിക്കൽ മിസ്റ്ററി ത്രില്ലർ ഇറങ്ങുന്നത്. മോണിക്ക ബെലൂച്ചിയും സോഫി മെഴ്‌സോയുമാണ് പ്രധാന താരങ്ങൾ.

അഭിപ്രായങ്ങൾ പങ്കുവെക്കാൻ

Categories : #Drama #French #Horror #Mystery

#MSone Release - 3217

To Live! (2010)
ടു ലീവ്! (2010)

ഭാഷ: റഷ്യൻ
സംവിധാനം: Yuriy Bykov
പരിഭാഷ: അരുണ വിമലൻ
പോസ്റ്റർ: പ്രവീൺ അടൂർ
ജോണർ: ആക്ഷൻ, ക്രൈം, ഡ്രാമ

IMDb ⭐️ 7.1/10

വളർത്ത് നായക്കൊപ്പം പതിവ് പോലെ വേട്ടയ്ക്ക് ഇറങ്ങിയതാണ് മിഖായിൽ. പക്ഷേ അന്ന് സംഭവിച്ചത് അയാളുടെ ജീവിതം തന്നെ മാറ്റാൻ പോന്ന കാര്യങ്ങളായിരുന്നു.

മിഖായിൽ വേട്ടയ്ക്ക് പോയ വിജനമായ പ്രദേശത്ത് ഒരു കശപിശയ്ക്കൊടുവിൽ ആന്ദ്രേയെ കൂട്ടുകാർ കൊല്ലാൻ ശ്രമിക്കുന്നു. അവരിൽ നിന്ന് രക്ഷപ്പെട്ട് ഓടുന്ന ആന്ദ്രേ, വഴിയിൽ കണ്ട മിഖായിലിനോട് തന്നെ സഹായിക്കാൻ ആവശ്യപ്പെടുന്നു. അടുത്ത ടൗണിലെത്താൻ സഹായിക്കാമെന്ന് മിഖായിൽ സമ്മതിച്ചു. മിഖായിലിന്റെ കാറിൽ രക്ഷപ്പെടാൻ ശ്രമിക്കുന്ന അവർക്ക് ഒരു ഘട്ടത്തിന് ശേഷം മൈലുകൾ അകലെയുള്ള ടൗണിലേക്ക് കാൽനടയായി യാത്ര തുടരേണ്ടി വരുന്നു. അവരെ ആന്ദ്രേയുടെ കൂട്ടുകാർ പിന്തുടരുന്നു ബഹളങ്ങളില്ലാത്ത, സാധാരണ മനുഷ്യർ കഥാപാത്രങ്ങളാകുന്ന, വളരെ മിനിമലായി കഥ പറയുന്ന ഒരു സർവൈവൽ ത്രില്ലറാണ് “ടു ലിവ്!.” പേര് പോലെ തന്നെ, ജീവന് വേണ്ടി മനുഷ്യർ എന്തൊക്കെ ചെയ്യുമെന്നാണ് സിനിമ ചർച്ച ചെയ്യുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Russian

#MSone Release - 3181

From Season 2 (2023)
ഫ്രം സീസൺ 2 (2023)

Episode - 10
എപ്പിസോഡ് - 10

ഭാഷ: ഇംഗ്ലീഷ്
നിർമ്മാണം: Midnight Radio
പരിഭാഷ: സാമിർ & ഗിരി പി. എസ്.
പോസ്റ്റർ: പ്രവീൺ അടൂർ
ജോണർ: ഡ്രാമ, ഹൊറർ, മിസ്റ്ററി

IMDb ⭐️ 7.7/10

നേരമിരുട്ടാറായി. ഒറ്റ നോട്ടത്തില്‍ പുറത്തു നിന്ന് കാണുന്നവര്‍ക്ക് ഒരു പ്രശ്നവും തോന്നാത്ത ഒരു ടൗണ്‍. ആ ടൗണിലൂടെ ഒരു പോലീസുകാരന്‍ ബെല്ലടിച്ചു നടന്നു പോകുന്നു. അദ്ദേഹത്തിന്റെ ബെല്ലടി കേട്ട് ടൗണിലുള്ള എല്ലാവരും തങ്ങളുടെ വീടുകളില്‍ കയറി കതകടച്ചു കുറ്റിയിടുന്നു. രാത്രിയായാല്‍ ആ ടൗണില്‍ ആരും പുറത്തേക്കിറങ്ങില്ല. ഇറങ്ങിയാല്‍ അവര്‍ മരിക്കും. ഇങ്ങനെയുള്ള ഒരു ടൗണില്‍ അവരെന്തിനാ ജീവിക്കുന്നത്, അല്ലേ? ഒരിക്കല്‍ അവിടെ എത്തിക്കഴിഞ്ഞാല്‍ പിന്നെ ആര്‍ക്കും അവിടുന്ന് മടങ്ങിപ്പോകാന്‍ കഴിയില്ല. എങ്ങനെ പോയാലും അവസാനം കറങ്ങിത്തിരിഞ്ഞ് അവിടെത്തന്നെ എത്തും. ഈ ടൗണിലേക്ക് പുതുതായി ഒരു കുടുംബം കടന്നു വരുന്നതും ശേഷം അവിടെ നടക്കുന്ന കാര്യങ്ങളുമാണ് “ഫ്രം” എന്ന അമേരിക്കന്‍ സയന്‍സ് ഫിക്ഷന്‍ ഹൊറര്‍ സീരീസ് പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Web_Series

#MSone Release - 3218

The Mandalorian Season 3 (2023)
ദ മാൻഡലൊറിയൻ സീസൺ 3 (2023)

ഭാഷ: ഇംഗ്ലീഷ്
നിർമ്മാണം: Lucasfilm
പരിഭാഷ: അജിത് രാജ് & വിഷ്ണു പ്രസാദ്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 8.7/10

സ്റ്റാർ വാർസ് ഫ്രാഞ്ചൈസിലെ, സ്റ്റാർ വാർസ്: എപ്പിസോഡ് VI – റിട്ടേൺ ഓഫ് ദ ജെഡൈയുടെ സംഭവങ്ങൾക്കും, ഗാലക്‌റ്റിക് എമ്പയറിന്റെ പതനത്തിനും ശേഷം 5 വർഷങ്ങൾ കഴിഞ്ഞ് നടക്കുന്ന സംഭവവികാസങ്ങളാണ് ജോൺ ഫാവ്റോ ഒരുക്കിയ ദ മാൻഡലൊറിയൻ സീരിസിലുള്ളത്.

സീസൺ 2-ൽ ഹെൽമെറ്റ് അഴിച്ച് മാൻഡലൊറിയൻ വിശ്വാസങ്ങൾ ലംഘിച്ച ദിൻ ജാരിൻ താൻ ചെയ്ത തെറ്റ് തിരുത്തി വീണ്ടും മാൻഡലൊറിയൻ ആവാനുള്ള പരിശ്രമങ്ങളാണ് ഈ സീസണിലെ തുടക്കത്തിൽ നടത്തുന്നത്, എന്നാൽ വൈകാതെ തന്നെ കഥ അവിടെ നിന്നും വ്യതിചലിച്ച് മറ്റൊരു ദിശയിലേക്ക് പോകുന്നു.

ഇത്തവണ ദിൻ ജാരിനിലും ഗ്രോഗുവിലും ഒതുങ്ങാതെ മറ്റു മാൻഡലൊറിയനുകളിലേക്കും ഗ്രോത്രങ്ങളിലേക്കും കൂടി കഥ വികസിക്കുന്നുണ്ട്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Sci_Fi #StarlitNight

രണ്ട് കോടി പരിഭാഷാ ഡൗൺലോഡുകളുടെ നിറവിൽ എംസോൺ. കൂടുതൽ പരിഭാഷകളുമായി കാണാം. എല്ലാ എംസോൺ കുടംബാംഗങ്ങൾക്കും നന്ദി ❤️

#MSone Release - 3219

See Season 3 (2022)
സീ സീസൺ 3 (2022)

ഭാഷ: ഇംഗ്ലീഷ്
നിർമാണം: Apple TV+
പരിഭാഷ: മുജീബ് സി പി വൈ
പോസ്റ്റർ: പ്രവീൺ അടൂർ
ജോണർ: ആക്ഷൻ, ഡ്രാമ, സയൻസ് ഫിക്ഷൻ

IMDb ⭐️ 7.6/10

ഈഡോവോസുമായുള്ള യുദ്ധം ജയിച്ച് കഴിഞ്ഞ് ഏതാണ്ടൊരു വർഷത്തിന് ശേഷമാണ് മൂന്നാം സീസണിലെ സംഭവങ്ങൾ നടക്കുന്നത്. ഈഡോയെ കൊന്നതിന് ശേഷം ബാബ കുടുംബത്തിൽ നിന്നും മാറി താമസിക്കുന്നു എന്നാൽ ടൊർമാഡ എന്ന ട്രിവാന്റിയൻ ശാസ്ത്രജ്ഞൻ കാഴ്ചയുള്ളവരുടെ സഹായത്താൽ ബോംബ് നിർമ്മാണം നടത്തി മനുഷ്യുകുലത്തിന് ആപത്താവുമ്പോൾ പായയെ സംരക്ഷിക്കാൻ ബാബ വോസ് ഒരിക്കൽക്കൂടി തിരികെ വരുന്നു…

അഭിപ്രായങ്ങൾ പങ്കുവെക്കാൻ

Categories : #Action #Drama #English #Sci_Fi #Web_Series

#MSone Release - 3220

#OscarFest2024 - 01

Guardians of the Galaxy Vol. 3 (2023)
ഗാർഡിയൻസ് ഓഫ് ദ ഗ്യാലക്സി വോൾ. 3 (2023)

ഭാഷ: ഇംഗ്ലീഷ്
സംവിധാനം: James Gunn
പരിഭാഷ: വിഷ്ണു പ്രസാദ്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, കോമഡി

IMDb ⭐️ 8.2/10

മാർവൽ സിനിമാറ്റിക് യൂണിവേഴ്സ് (MCU) ലെ മുപ്പത്തിരണ്ടാമത്തേയും, ഗാർഡിയൻസ് ഓഫ് ദ ഗ്യാലക്സി (2014), ഗാർഡിയൻസ് ഓഫ് ദ ഗ്യാലക്സി വോൾ. 2 (2017) എന്നീ ചിത്രങ്ങളുടെ സീക്വലുമാണ് ഗാർഡിയൻസ് ഓഫ് ദ ഗ്യാലക്സി വോൾ. 3.

ഒരു രാത്രി ആഡം വാർലോക്ക് എന്ന ഒരാൾ ഗാർഡിയൻസിനെ അവരുടെ പുതിയ ആസ്ഥാനമായ നോവേറിൽ വന്ന് ആക്രമിക്കുന്നു. റോക്കറ്റിനെ കടത്തിക്കൊണ്ട് പോകാനായിരുന്നു ആഡം വന്നതിന്റെ ഉദ്ദേശ്യം. എന്നാൽ ഗാർഡിയൻസിന്റെ മുന്നിൽ ആഡം തോറ്റ് പോകുന്നു. പോരാട്ടത്തിൽ റോക്കറ്റിന്‌ ഗുരുതരമായി പരിക്കേറ്റതിനെത്തുടർന്ന് ചികിത്സയ്ക്ക് വിധേയനാക്കിയപ്പോഴായിരുന്നു അവന്റെ ശരീരത്തിൽ ഒരു കിൽ സ്വിച്ച് ഉണ്ടെന്നും ഓപ്പറേഷൻ നടത്തിയാൽ അതവന്റെ ജീവന് ആപത്താകുമെന്നും ഗാർഡിയൻസ് മനസ്സിലാക്കുന്നത്. തുടർന്ന് ആ കിൽ സ്വിച്ച് നിർവീര്യമാക്കി റോക്കറ്റിനെ രക്ഷിക്കാൻ പീറ്ററും ടീമും ആ കിൽ സ്വിച്ച് അവന്റെ ശരീരത്തിൽ വെച്ച ആളെ അന്വേഷിച്ച് പുറപ്പെടുകയാണ്.

ഒരു റാക്കൂണിൽ (മരപ്പട്ടി) നിന്നും എങ്ങനെ ഇപ്പോ കാണുന്ന റോക്കറ്റായി മാറിയതെന്നും, ആരാണ് അവനെ അങ്ങനെ ആക്കിയതെന്നുമുള്ള കാര്യങ്ങളാണ് സിനിമയിൽ പ്രധാനമായും ചർച്ച ചെയ്യുന്നത്. ഇമോഷണൽ രംഗങ്ങൾക്കൊണ്ടും കോമഡി രംഗങ്ങൾക്കൊണ്ടും പ്രേക്ഷകരെ ഒരേപോലെ പിടിച്ചിരുത്താൻ സംവിധായകനായ ജെയിംസ് ഗണ്ണിന് സാധിച്ചിട്ടുണ്ട്.

മൂന്നാം ഭാഗത്തിൽ പറയുന്ന ചില കാര്യങ്ങൾക്ക് വ്യക്തത വരാൻ, സിനിമ കാണുന്നതിന് മുമ്പായി ദ ഗാർഡിയൻസ് ഓഫ് ദ ഗ്യാലക്സി ഹോളിഡേ സ്പെഷ്യൽ (2022) കാണാത്തവരുണ്ടെങ്കിൽ ഒന്ന് കണ്ടേക്കുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #English #MarvelFest #Oscar_Fest_2024