മരണാനന്തര ശിക്ഷയെന്നത് വെറും കെട്ടുകഥയാണെന്ന് തെളിയിക്കാൻ ഇറങ്ങിത്തിരിച്ചവളാണ് സീത. ലോകത്തിലെ ഏറ്റവും വലിയ പാപിയെന്ന് അവൾ കരുതുന്ന ഒരാൾ മരിക്കുമ്പോൾ, അയാളോടൊപ്പം ഖബറിനുള്ളിൽ ഒരു രാത്രി ചെലവഴിക്കാൻ അവൾ തീരുമാനിക്കുന്നു. എന്നാൽ ആ രാത്രി അവൾ കണ്ട കാഴ്ചകൾ യുക്തിക്കും ശാസ്ത്രത്തിനും അപ്പുറമായിരുന്നു. ശ്വാസമടക്കിപ്പിടിച്ച് മാത്രം കണ്ടുതീർക്കാവുന്ന, മനുഷ്യന്റെ വിശ്വാസങ്ങളെ പിടിച്ചുലയ്ക്കുന്ന ഒരു ജോക്കോ അൻവർ ചിത്രം.

അനുഭവ് സിൻഹയുടെ സംവിധാനത്തിൽ, 2026 ഫെബ്രുവരിയിൽ തിയേറ്ററിൽ റിലീസായ ഒരു കോർട്ട് റൂം ഡ്രാമയാണ് അസ്സി.
താപ്സി പന്നു പ്രധാന കഥാപാത്രത്തെ അവതരിപ്പിച്ചിരിക്കുന്ന ചിത്രത്തിൽ മലയാളികളായ കനി കുസൃതിയും, രേവതിയും മുഖ്യ വേഷങ്ങളിൽ എത്തുന്നു. സ്ത്രീകൾക്കെതിരായ ലൈംഗിക അതിക്രമങ്ങളും അതിന് പിന്നാലെയുള്ള നീതിന്യായ വ്യവസ്ഥയുടെ പോരായ്മകളും സിനിമ ശക്തമായി അവതരിപ്പിക്കുന്നു. രാജ്യത്ത്, ഓരോ 20 മിനിറ്റിലും ഒരു ബലാത്സംഗം റിപ്പോർട്ട് ചെയ്യപ്പെടുന്നു എന്ന സത്യം, സിനിമയുടെ ഓരോ 20 മിനിറ്റിലും സംവിധായകൻ നമ്മെ ഓർമ്മപ്പെടുത്തുന്നു.

1940-ൽ ഹിറ്റ്‌ലറുടെ യുദ്ധവിമാനങ്ങൾക്കും ടാങ്കുകൾക്കും ആവശ്യമായ ഇരുമ്പയിര് (Iron Ore) എത്തിച്ചിരുന്നത് നോർവേയിലെ നാർവിക് എന്ന തുറമുഖം വഴിയായിരുന്നു. ഇത് തടയാൻ ബ്രിട്ടനും ഫ്രാൻസും ശ്രമിക്കുന്നതും, തുടർന്ന് ജർമ്മനി നോർവേയെ ആക്രമിക്കുന്നതുമാണ് സിനിമയുടെ ഇതിവൃത്തം.

നിതേഷ് തിവാരിയുടെ സംവിധാനത്തിൽ 2016-ൽ പുറത്തിറങ്ങിയ ‘ദംഗൽ’ എന്ന ചിത്രം, മുൻ ദേശീയ ഗുസ്തി ചാമ്പ്യനായ മഹാവീർ സിംഗ് ഫോഗട്ടിന്റെയും മക്കളുടെയും യഥാർത്ഥ ജീവിതകഥയാണ്. സാമ്പത്തിക പ്രതിസന്ധികൾ കാരണം ഇന്ത്യയ്ക്ക് ഒളിമ്പിക് സ്വർണം നേടുകയെന്ന തന്റെ സ്വപ്നം ഉപേക്ഷിക്കേണ്ടി വന്ന മഹാവീർ സിംഗ്, തന്റെ മകളിലൂടെ ആ ലക്ഷ്യം സാക്ഷാത്കരിക്കാൻ നടത്തുന്ന കഠിനശ്രമങ്ങളാണ് ചിത്രത്തിന്റെ പ്രമേയം. മഹാവീർ സിംഗായി അമീർ ഖാൻ തകർത്തഭിനയിച്ച ഈ ചിത്രത്തിൽ ഫാത്തിമ സന ഷെയ്ഖ്, സാനിയ മൽഹോത്ര, സാക്ഷി തൻവർ എന്നിവരും പ്രധാന വേഷങ്ങളിലെത്തുന്നു.

സ്ത്രീ ശാക്തീകരണത്തിന്റെയും അർപ്പണബോധത്തിന്റെയും കഥ പറഞ്ഞ ഈ ചിത്രം, ഏകദേശം 2000 കോടിയോളം രൂപ ആഗോളതലത്തിൽ കളക്ഷൻ നേടി ഇന്ത്യൻ സിനിമയിലെ എക്കാലത്തെയും വലിയ ഹിറ്റുകളിലൊന്നായി മാറി.