Фузайл ибн Иёз раҳимаҳуллоҳ айтади:
«Икки нарса қалбни қотиради:
1) кўп гапириш ва 2) кўп ейиш».

"Равзатул уқало".
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

#Шукр

Аллоҳга шукр – намозда, ота-онага шукр – дуода

Аллоҳ таоло айтади:

«Менга ва ота-онангга шукр қил». (Луқмон сураси, 14-оят)

Имом Суфён ибн Уяйна раҳимаҳуллоҳ айтдилар:
«Ким беш вақт намозни (ўз вақтида) ўқиса, батаҳқиқ Аллоҳ таолога шукр қилибди. Ким намозларнинг ортидан ота-онасининг ҳақига дуо қилса, батаҳқиқ ота-онасига шукр қилибди».

Манба: Саълабий тафсири (7/313), Бағавий тафсири (6/287).

️•┈┈•⊰✿🍃🌺🍃✿⊱•┈┈•
Обуна бўлиш учун манзилимиз:
👇👇👇
@MurodillaAbdulloh

Соғинч

📜Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Умматимда менга муҳаббати кучли бўлган шундай кишилар борки, улар мендан кейин келишади ва аҳлини ва молини фидо қилиб бўлса ҳам, мени кўришни орзу қилишади».

Имом Муслим ривояти.

◽️Изоҳ: Расулуллоҳ Муҳаммад соллаллоҳу алайҳи васалламни яхши кўриш — имоннинг энг улуғ кўринишларидан биридир. Мусулмонларнинг у зотга бўлган муҳаббат даражаси ўз имонлари ва қилаётган тоат-ибодатларининг даражасига қараб бир-биридан фарқ қилади.

Мусулмон кишининг Набийга ва у зотнинг суннати шарифларига эргашиши қанчалик ортса, бу у зот соллаллоҳу алайҳи ва салламга бўлган муҳаббати ва имонининг зиёда эканидан далолат беради.

Ушбу ҳадисда Пайғамбар соллаллоҳу алайҳи васаллам ўзларига "муҳаббати кучли бўлган шундай кишилар" - у зотнинг вафотларидан кейинги даврда яшайдиган ва мавжуд бўладиган кишилар эканини хабар бермоқдалар. Бунга Пайғамбар соллаллоҳу алайҳи васаллам яшаган даврга замон жиҳатидан яқин ёки узоқ бўлган (вафотларидан кейин келган) барча кишилар, мусулмонлар киради.

Улардан бири, "аҳлини ва молини фидо қилиб бўлса ҳам" Пайғамбар соллаллоҳу алайҳи васалламни кўриш шарафига эришишни орзу қилади ва буни жуда-жуда хоҳлайди. Яъни, қалбидаги Расулуллоҳ соллаллоҳу алайҳи васалламга бўлган имоннинг кучлилиги ва чексиз муҳаббати сабабли у зотни бир бор кўришни ўз аҳли ва молидан устун кўради.

️•┈┈•⊰✿🍃🌺🍃✿⊱•┈┈•
📱Обуна бўлиш учун:
👇👇👇
@MurodillaAbdulloh

Ассалому алайкум ва раҳматуллоҳ !

Чоршанба тонги муборак !

Ҳар тонгимиз "Бисмиллоҳ" ила бошланиб, ҳар кунимиз "Алҳамдулиллаҳ" ила якунлансин !

Барчамизга дунё ва охиратимизни саодатга боғлайдиган хайрли амаллар қилишга Ўзи куч-қувват берсин !

Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин! !

Ҳамиша, ҳар ерда ва ҳар ишда омад ёр, Роббимиз мададкор бўлсин !
Қалбимиз ва дуоларимиздаги азиз инсонларимизни Аллоҳим паноҳида асрасин! !
Аллоҳ ҳар хонадонда файзу - барокат, кетмас давлат, шукронаи неъмат ва тинчлик - тотувликни бардавом айласин !

Янги кунга қани "Бисмиллаҳ!"...!

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Мутолаа

📜Умар ибн Хаттоб розияллоҳу анҳу:

«لَا يَكُنْ حُبُّكَ كَلَفًا، وَلَا يَكُنْ بُغْضُكَ تَلَفًا

Севгинг кулфат келтирадиган, нафратинг эса талафот етказадиган бўлмасин», деганлар. ("Адабул муфрад"дан)

Бир кишини яхши кўрсангиз, телбаларча яхши кўрманг, чунки қалблар ўзгарувчандир. Эҳтиёткорликни батамом йўқотиб қўйманг, чунки инсон баъзан энг ишонган тарафидан панд еб қолади.
Машҳур гапда айтилганидек, «Ҳаддан ташқари қаттиқ яхши кўрганидан ҳатто бармоғини шам ўрнида ёқиб берганлар кейинроқ афсусдан тишлаш учун бармоқ топа олмай қолади».
Худди шунингдек, ёмон кўрсанг, сулҳ учун ҳам ўрин қолдиргин, чунки вазиятлар ҳам ўзгарувчандир. Кўпчилик одамлар хусуматлашса, йўлга ўтиб бўлмас тиканлар сочиб ташлайди, кейин эса ўша йўлдан ўзи ялангоёқ юришга мажбур бўлиб қолади.
Шундай экан, қачондир эҳтиёжингиз тушиши мумкин бўлган йўлдаги кўприкларни бузиб ташламанг!
Одамлар билан орангизда бир кун келиб, тирмашиб чиқишга мажбур қиладиган баланд деворлар кўтарманг!

Адҳам Шарқовийнинг "Расаилу минас саҳаба" асаридан.
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Ҳасан Басрий раҳимаҳуллоҳ: «Албатта, яхшилик аҳлининг таниб олинадиган аломатлари бор.

Улар: Ростгўйлик, омонатни адо этиш, аҳдга вафо қилиш, фахрланиш ва кибрнинг озлиги, силаи раҳм, заифларга шафқат қилиш, маъруф, яхши ишларни амалга ошириш, ҳусни хулқ, ҳилмнинг кенглиги, илм тарқатиш ва аёллар билан суҳбат, мунозаранинг озлиги», деди.

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

#Инсон

Аллоҳ таоло айтади: “Албатта, инсон ўз Роббига ношукрдир”, Адият сураси, 6 – оят.

Ҳасан Басрий раҳимаҳуллоҳ: “Канууд- (ўзига етган) мусибатларни эслаб санаб, Аллоҳ унга берган неъматларни эса унутувчи кишидир”, деди.

Ибн Касир тафсиридан.
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Бомдод намозига уйғониш учун синалган усул

☝️Уйқудан олдин ушбу оятларни ўқисангиз, сизни бомдод намозига уйғотиш учун Аллоҳ бир фариштани юборади:

«Агар денгиз Роббимнинг калималарига сиёҳ бўлса-ю унга ўз мислича мадад келтирсак ҳам, Роббимнинг калималари тугашидан олдин денгиз тугаб қолур», дегин.
Мен ҳам сизларга ўхшаган башарман. Менга, шубҳасиз, илоҳингиз битта илоҳ экани ваҳий қилинди.
Бас, ким Роббига рўбарў келишни умид қилса, солиҳ амал қилсин ва Роббининг ибодатига биронтани шерик қилмасин», дегин”,

Каҳф сураси, 109, 110 – оятлар.
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

#Никоҳ

Бир киши Суфён ибн Уяйна ҳузурларига келиб, уйланганини, лекин никоҳдан сўнг аёли уни беҳурмат қилаётганидан шикоят қилди. Яна аёлининг наздида паст кўрилган, таҳқирланган ва хўрланган ҳолга тушиб қолганидан нолиди.

Суфён: "Уйланишдан олдини у сабабли иззат ва икром орттиришга қизиққанмидинг?" дегандилар, у: "Ҳа", деди. Шунда Суфён: "Ким (уйланиш, аёл орқали) фақат иззатли бўлишни мақсад қилса, хорликка йўлиқади.
Ким (аёлга уйланиш орқали) фақат мол-мулкка эришиш, бадавлат бўлишни мақсад қилса, камбағаллик балосига учрайди.
Ким (аёлга уйланиш орқали) дин-диёнатли бўлишни мақсад қилса, Аллоҳ унга албатта дини билан бирга иззат-икром ва мол-дунёни жамлаб ато қилиб қўяди", дедилар.

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Умидингиз сўнмасин!

Айюб алайҳиссалом нажотни 18 йил кутдилар.
Юсуф алайҳиссалом 13 йил кутдилар.
Яъқуб алайҳиссалом 14 йил кутдилар.
Мусо алайҳиссалом кушойишга 40 йил интизор бўлдилар.
Умидингизни сўндирманг, дуоларингиз, албатта, ижобат бўлади.

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Агар бирор шармандали ҳолатни ўз кўзим билан кўрсам, уни кийимим билан ёпган бўлур эдим. Зеро, фаҳшни ёйиб юрувчи уни қилган кимса кабидир.
 
Али ибн Абу Толиб розияллоҳу анҳу.

️•┈┈•⊰✿🍃🌺🍃✿⊱•┈┈•
📱Обуна бўлиш учун:
👇👇👇
@MurodillaAbdulloh

Ажабланарлиси шундаки, инсонга ҳаром ейиш, зулм, зино, ўғрилик, хамр ичиш, ҳаромга қараш ва бошқа шу кабилардан сақланиш ҳамда эҳтиёт бўлиш осон туюлади-ю, аммо тилининг ҳаракатидан сақланиш унга қийин кечади.

Хатто шундай кишини кўрасанки, уни дини, тақвоси ва ибодати билан таърифланади, лекин у Аллоҳнинг ғазабини келтирадиган, аҳамият бермайдиган сўзларни гапиради ва улардан биргина сўз сабабли машриқу мағриб оралиғидаги масофадан ҳам пастроққа қулайди.

Қанчадан-қанча одамларни кўрасан, ошкора фаҳш ишлар ва зулмдан ўзини тийган-у, лекин тили билан тириклар ва вафот этган инсонларнинг обрў-шаънига тегадиган нолойиқ сўзларни айтаверади ва нима деяётганига парво қилмайди.
 
“Дард ва даво” китобидан.
️•┈┈•⊰✿🍃🌺🍃✿⊱•┈┈•
📱Обуна бўлиш учун:
👇👇👇
@MurodillaAbdulloh

Ихлос

📜"Менинг ҳаққим (савобим) Аллоҳнинг зиммасидадир", Юнус сураси, 72 оят.

Бир ҳаким зотдан: «Бахилликдан-да қабиҳроқ нима бор?» дея сўрашганда «Яхшилик қилувчининг миннати», дея жавоб берган экан.

Қилаётган ҳар ишингизда Аллоҳнинг розилиги диққат марказингизда бўлсин.
Бировдан мукофот кутманг.
Мақтов, олқишларга интизор бўлманг.
Одамлар розилигини кўзлаб қилган ҳар ишингиз шунинг учунгина бўлади.
Аллоҳ йўлида қилган амалларингиз Аллоҳ учун бўлади.

Шамсуддин Муҳаммад ибн Абу Бакр раҳимаҳуллоҳнинг қуйидаги гапи жуда қўрқинчли: «Ихлос қилмасанг (амалинг Аллоҳ учун бўлмаса), ўзингни уринтириб ўтирма!»

▫️Адҳам Шарқовийнинг "Расаилу минал Қуръан" (Қуръондан мактублар)" китобидан.

️•┈┈•⊰✿🍃🌺🍃✿⊱•┈┈•
📱Обуна бўлиш учун:
👇👇👇
@MurodillaAbdulloh

1448 йил 18-Жумадул аввал
2026 йил 29-октябр Пайшанба

Намозларни кириш вақти:

⏰ Тонг 05:20🌅
⏰ Қуёш 06:40☀️
⏰ Пешин 11:57
⏰ Аср 15:32
⏰ Шом 17:19🌆
⏰ Хуфтон 18:30🌃

"Отавалихон" Жоме масжиди 🕌
23-30 октябр Такбир вақтлари:

⏰ Бомдод 05:50
⏰ Пешин 12:50
⏰ Аср 15:55
⏰ Шом 17:25
⏰ Хуфтон 19:00

☝️Энг хайрли кун бомдод намози билан бошланган кундир ✨

🕋 «Сен бомдод намозини ўқиган кун шайтонга қарши ўша кунги биринчи ғалабангдир!» 💪

☝️ Муваффақият томон илк одим, бомдод намози учун "оғир" келган кўрпани кўтаришдан бошланади 🛏️➡️🕌

☝️ "Агар бомдод намозига уйғониш илк режанг бўлмаса, қолган кун давомидаги режаларингдан бир маъно йўқ. Чунки сенинг янги кунинг муваффақиятсизлик билан бошланади!" ⏳

Шайх Зулфиқор Аҳмад Нақшбандий ҳазратлари

📜 Имом Шофеий раҳимаҳуллоҳ: "Бомдод намозини жамоатда ўқиш банданинг Аллоҳнинг тоатидаги ҳолати билинадиган миқёс, ўлчовдир", деди.

Имом Заҳабий "Жамоат намозини лозим тутмагунича кишининг дини комил бўлмайди"

️•┈┈•⊰✿🍃🌺🍃✿⊱•┈┈•
👇👇👇
@MurodillaAbdulloh

Ассалому алайкум ва роҳматуллоҳ !

Пайшанба тонги муборак !

Ё Робб, кўзимизни очганимизга шукур !
Кўзимизни очиб, сени ибодатингга машғул бўлганимизга шукур !
Бизнинг ибодатларимиз қабул айла !
Ўзингдан ўзгага муҳтож қилма !
Умримиз ниҳоясига қадар беш вақт намозга полвон қил !
Дунёга иймонда келганимиз каби, иймонда мусулмон ҳолда вафот этмоғимиз осон эт !

Роббимиз барчаларимизга икки дунё бахту саодатини насиб айласин !

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

СУННАТ.

Агар суннатларни тарқатадиган бўлсак, бидъатлар ўз ўзидан йўқ бўлиб бораверади. У суннатлардан:

— Муаззин азон айтганида у каби қайтариб туриш.
— Тунги таҳажжуд намозини енгилгина икки ракат ўқишдан бошлаш.
— Ичимликни пуфламасдан ичиш.
— Чап қўлда овқатланмаслик.
— Сувни бирданига ичмасдан, учга бўлиб ичиш.
— Таҳорат билан ухлаш.
— Аллоҳ йўлида зиёрат қилиш.
— Ухлаш олдидан тўшакни қоқиш.
— Уй ишларида аҳли-аёлига кўмаклашиш.
— Ёш болаларга ҳам салом бериш.
— Эркак кишилар оқ кийим кийиши.
— Учрашганда қўл бериб сўрашиш.
— Ўнг томонга қараб ухлаш.
— Беморларни зиёрат қилиш.
— Акса уриб то алҳамдулиллаҳ деб айтмагунча ярҳамукаллоҳ демаслик.
— Йўлдан озор берувчи нарсаларни олиб ташлаш ҳам суннат.
— Рамазон ҳайитига чиқишдан олдин хурмодан тоқ еб чиқиш.

Бундан бошқа суннатлар ҳам жуда кўпдир...

Шу суннатларни қўлингиздан келганча тарқатинг. Ҳар бир ўқиб амал қилганнинг савоби сизга келиб туради.
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Офиятда бўлиб шукр қилишим яхшироқдир

Умар ибн Сакан айтади: «Суфён ибн Уяйнанинг ҳузурида эдим. Бир бағдодлик киши ўрнидан туриб, «Эй Абу Муҳаммад, сизга Муторрифнинг «Балога учраб, сабр қилгандан офиятда бўлиб шукр қилганим яхши» деган сўзи яхшими ёки унинг дўсти Абу Алонинг «Аллоҳим, менга нимани раво кўрсанг, шунга розиман» деган сўзи яхшими?» деб сўради.

Суфён ибн Уяйна бир муддат сукут сақлади-да, сўнг: «Менга Муторрифнинг сўзи яхшироқ», деди.

Ҳалиги киши: «Қандай қилиб, ахир унинг шериги Аллоҳ унга раво кўрган нарсага рози бўлиб турибди-ку?» деди.

Суфён шундай деди: «Мен Қуръони Каримни ўқиб чиқиб, офиятда бўлган Сулаймон алайҳиссаломнинг* ҳолатини кўрдим. У ҳақда: «У (Аллоҳга) бутунлай қайтувчидир» (Сод сураси, 30-оят) дейилган. Бало етган Айюб алайҳиссаломнинг ҳолатини ҳам кўрдим. У ҳақда: «У (Аллоҳга) бутунлай қайтувчидир» (Сод сураси, 44-оят) дейилган.

Бири офиятда, бири балога учраган, лекин икковининг ҳам аҳволи тенг экан. Шукр, сабр мақомида экан. Иккиси бир хил бўлса, мен учун балодаги сабрдан офиятдаги шукр яхшироқ».

*Довуд алайҳиссалом ҳақидаги оятлар назарда тутилган.

“Солиҳлар гулшани”дан
️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

Озига қаноат қилмаган кишига
дунёларни берсанг ҳам қониқмайди.

Қалбида шукри йўқ одам, бойлик билан ҳам қашшоқдир.
Чунки қаноат — дунёдаги энг катта бойликдир.

Қаноат — бойликнинг калити. Ундан маҳрум одам, тилло қасрлар ичида ҳам қашшоқ яшайди.

Ким қаноатли бўлса — хотиржам яшайди,
ким орзуга берилса — ҳеч қачон хотиржам бўлмайди.

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh

САЖДА.

Қалбинг ҳозир бўлиб турган саждадан токи руҳинг “тўймагунича” бошингни кўтарма. Қалбинг тубидаги барча сиру асрорларингни жойнамозинг устига сочгин. Кимга ибодат қилаётганингни билсанг эди!..
Саждага муштоқ бўлардинг. Ва саждаларингни узоқ қилардинг..
Одамлар кўзида (пешонангни ерга қўйиш билан худди) паст кетаётган кўринсангда, аслида эса (ўша онларда) қанчалар юксалаётган бўласан.. Аллоҳим, Сени кўрмасдан туриб сенга саждалар қилдим, Сендан истиъонат, мадад сўрадим Сени кўрмасдан туриб...
Энди Сенга йўлиққан вақтимда учрашувимни гўзал қилгин!
Албатта сажда қилар экан қалб яқин бўлади ва юксалади...

“Сажда қил ва қурбат ҳосил қил”,
(Алақ сураси, 19 -оят), (сажда ояти).

Аллоҳим бизни ва сизларни бутун қалби ва вужудила Ўзига сажда қилувчилардан этсин!

️•┈┈•⊰✿🍃🌺🍃✿⊱•┈┈•
📲Манзилимиз:
👇👇👇
@MurodillaAbdulloh