“Никоҳнинг энг баракалиси чиқими енгилроғидир”

Аллоҳ таоло инсон ҳаётининг маълум низом асосида, иффат ва поклик асосида, муҳаббат ва севги асосида, ўзаро ишонч ва ҳурмат асосида бўлиши учун аввало никоҳга амр этган. Қолаверса, У Зот инсон ҳаётини турли тартибсизлик ва келишмовчиликлардан, ҳаром-харишдан, ифлосликлардан ва уларнинг оқибатидан келиб чиқадиган бало-офатлардан сақлаш учун шундай қилган.

Никоҳ туфайли оила деб номланган муҳташам ошён қурилади. Унда эру хотин, улардан дунёга келган ўғил-қизлар, набира-чеваралар бир-бирлари билан муқаддас робита орқали боғланиб яшайдилар. Улар орасидаги қариндошлик алоқалари алоҳида маъно ва мустаҳкамлик касб этади.

Пайғамбар алайҳиссалом никоҳнинг қийинлаштирилмаслиги тўғрисида умматини огоҳлантириб:
“Никоҳнинг энг баракалиси чиқими енгилроғидир”, дея марҳамат қилганлар. (Байҳақий ривоят қилган)

Ислом тўйларни оилаларни қийнайдиган тарзда дабдаба ва исрофгарчилик билан ўтказишни асло қабул қилмайди. Зеро муқаддас динимиз Ислом, шовуллаб оқаётган дарё сувида таҳорат олганларга сувни исроф қилмасликни амр қилади ва оқибатини ўйлаб иш қилишларини истайди.

Биргина дуо билан Аллоҳ таоло бандаси Нуҳ алайҳиссаломга ёрдам, нусрат ўлароқ ерни сувга ғарқ қилди.

Биргина дуо билан бандаси Закариёнинг туғмас, бепушт аёлини ўнглади, фарзанд кўришини ихтиёр этди.

Биргина дуо билан кит қорнини бандаси Юнус учун омонлик ва саломатлик (қўрғони) қилди.

Бандаси Иброҳимнинг “инсонлар қалбини унга талпинадиган қилгин” деган биргина дуоси билан Маккаи мукаррама қалблар унга ошиқ бўлган, у сари интилинадиган маконга айланди.

© arabicuz

Аллоҳ таолони зикр қилишнинг фазилати

«Бас, Мени эслангиз, Мен ҳам сизларни эслайман ва Менга шукр қилингиз ва Мени инкор қилмангиз!» (Бақара сураси, 152-оят)

Бизга билмаганларимизни ўргатган, пайғамбарини юбориб, оятларидан хабардор қилган Роббимиз бу неъматларга шукр қилишимизни, Уни зикр қилишимизни, Ундан мадад сўрашимизни истайди.
Пайғамбаримиз (с.а.в.) шундай марҳамат қиладилар:
«Аллоҳ таоло айтади: Мен бандамнинг мен ҳақимдаги гумонидаман. У мени зикр қилса, мен у билан биргаман. Агар у мени ёлғиз зикр қилса, мен уни ёлғиз зикр қиламан. Агар у мени жамоа ичра зикр қилса, мен ҳам уни яхшироқ жамоада зикр қиламан». (Бухорий, «Тавҳид», 15).

Шориҳлар «гумонидаман» деган сўзни шундай изоҳлашган: «Бандам Мен ҳақимда яхши гумонда бўлиб, мағфиратимдан умидвор бўлса, кечираман. Раҳматимдан ноумид бўлиб, гуноҳга ботса, мени иқоб қилади, деб Мен ҳақимда бадгумон бўлса, жазолайман», деган маънода тушуниш мумкин. Умидвор бўлиш мусулмонга хос, ноумид бўлиш эса кофирга хос амалдир».

Иловамизни юклаб олинг

Саййидимиз Муҳаммад соллаллоҳу алайҳи васалламнинг охирги сўзлари

«Эй одамлар, мен билан ваъдалашилган жой бу дунё эмас, мен билан ваъдалашилган жой ҳавзи кавсардир. Аллоҳга қасам, мен у ерни мана шу турган жойимдан кўряпман.

Эй одамлар, мен сизларнинг камбағал бўлиб қолишингиздан қўрқмайман, лекин сизлардан аввалги умматга ўхшаб дунё келиб, улар ўша дунё учун кимўзарга мусобақалашиб, уларни бу нарса ҳалокатга элтгани каби, сизларнинг ҳам улар каби дунёга мағрур бўлиб қолишингиздан қўрқаман.

Эй одамлар, намоз, намоз ва яна намоз. Аллоҳга қасам ва яна қасам намоз...

Эй одамлар, аёллар ҳақида Аллоҳдан қўрқинглар, Аёллар ҳақида Аллоҳдан қўрқинглар! Аёлларга яхшилик қилишингизни васият қиламан.

Эй одамлар, бандага дунё билан Аллоҳ ҳузуридаги нарсани ихтиёри берилди. Банда Аллоҳ ҳузурини танлади. (Бу билан ўзларини назарда тутганлар). Аллоҳ сизларга бошпана берсин, муҳофаза қилсин, нусрат ато қилсин, собитқадам қилсин, Аллоҳ ўзи қўлласин!

Тўлиқ ўқиш учун ҳавола бу ерда

Аёлидан шикоят қилиб келган кишига Умар (р.а)нинг насиҳати

Бир киши хулқ-атворидан қониқмайдиган хотинидан шикоят қилиш учун халифа Ҳазрати Умар (р.а)нинг уйига боради. Эшик олдида ўтириб, халифанинг чиқишини кутади. Шу пайт ичкарида шовқин кўтарилади. Ҳазрати Умарнинг аёллари кимсан халифага бақира бошлади. Лекин Ҳазрати Умар бир оғиз ҳам сўзламайди.

Бу ҳолатни тасодифан эшитиб қолган ҳалиги киши беихтиёр бўйнини эгиб:
«— Қанчалик улуғворлигига қарамай, мўминлар амирининг ҳоли шундай бўлса, у менинг муаммомга қандай ечим топа оларди?» дея ўйга толди.  Энди қайтиш учун ўрнидан турган пайтида Ҳазрати Умар чиқиб келдилар ва
«— Тинчликми, сенга нима бўлди?» деб сўради. Киши:
«— Эй мўминлар амири! Мен хотинимнинг ёмон хулқ-атворидан, мени ҳурмат қилмаслигидан шикоят қилгани келгандим. Аммо сизнинг аёлингиз ҳам сизга муносиб бўлмаган сўзлар айтганини эшитиб, таслим бўлиб, орқага қайтаётгандим». дейди.
Давоми

Муслиҳ

Одамлар солиҳ кишини яхши кўришади, муслиҳни* эса ёмон кўришади. Уларнинг солиҳларни севишларига, муслиҳларга адоват қилишларига кўп гувоҳ бўламиз. Бунинг сабаби - муслиҳлар уларнинг ҳавои нафслари ва қизиқишлари билан тўқнашишади, курашишади.

Макка аҳли Муҳаммад алайҳиссаломни пайғамбар бўлмасларидан олдин севишган. Чунки у зот ўша пайт солиҳ бўлганлар. Аммо Аллоҳ таоло у зотни пайғамбар қилиб юборганидан кейин муслиҳ бўлганлар ва шу сабаб одамлар адоват қилишган. У зотни энди сеҳргар, ёлғончи ва жинни дейишган.

Устоз Аҳмад Исо Маъсаровий

* Муслиҳ - ислоҳотчи, ислоҳ қилувчи ва одамларни солиҳ бўлишга чақирувчи.

© Мубашшир Аҳмад

Иловамизни юклаб олинг

Жума муборак азизлар!

Бир ўйлаб кўринг:
– Жамоат намози қўшниларни жам қилади;
– Жума намози маҳалла аҳлини жам қилади!
– Ҳайит намози шаҳар аҳлини жам қилади!
– Ҳаж ибодати бутун дунё мусулмонларини жам қилади!
Бу дин нақадар буюк!
Ислом неъматини бергани учун Аллоҳга ҳамду сано айт!

Иловамизни юклаб олинг

Исломий атамалар

Ислом Одам алайҳиссаломдан то Муҳаммад (с.а.в) гача юборилган барча динларнинг умумий номидир. Бу ҳақиқатни далили ўлароқ Қуръони каримда: "Албатта Аллоҳ наздида мақбул бўладиган дин фақат Ислом динидир" дея марҳамат қилинади (Оли Имрон сураси, 19-оят). Бу ҳақиқат бошқа бир ояти каримада шундай ифода этилади: "Кимда-ким Исломдан ўзга дин истаса, бас (унинг «дини» Аллоҳ ҳузурида) ҳаргиз қабул қилинмайди ва у охиратда зиён кўргувчилардандир"(Оли Имрон сураси, 85-оят).

Пайғамбаримиз соллаллоҳу алайҳи васаллам "Жаброил" ҳадисида "Ислом нима?" саволига "Ислом — Аллоҳдан бошқа илоҳ йўқлигига ва Мухаммад Аллоҳнинг Расули эканига гувоҳлик бермоғинг, намозни қоим қилмоғинг, закот бермоғинг, Рамазон рўзасини тутмоғинг, имкон бўлган заҳоти Каъбани зиёрат этмоғинг" дея марҳамат қилганлар.

"Имон нима?" саволига: "Аллоҳга, фаришталарига, китобларига, пайғамбарларига, охират кунига ишонишингдир. Яна қадарга, яхшилик ва ёмонлик Аллоҳдан эканига имон келтиришингдир" дея марҳамат қилдилар.

Давоми

Аллоҳнинг муҳаббати учун ўқиладиган дуо

اللَّهمَّ إِنِّي أَسْأَلُكَ حُبَّكَ، وَحُبَّ مَنْ يُحِبُّكَ، وَالعمَل الَّذِي يُبَلِّغُني حُبَّكَ، اللَّهُمَّ اجْعل حُبَّكَ أَحَبَّ إِلَيَّ مِن نَفسي، وأَهْلي، ومِن الماءِ البارِدِ

Ўқилиши: «Аллоҳумма инний асъалука ҳуббака ва ҳубба ман йуҳиббука вал ъамалаллазий йубаллиғуний ҳуббака. Аллоҳумма ижъал ҳуббака аҳабба илаййа мин нафсий ва аҳлий ва минал ма‘ил бариди».

Маъноси: “Аллоҳим, Сенинг муҳаббатингни ва Сени яхши кўрган кишининг муҳаббатини ҳамда Сенинг муҳаббатингга етказадиган амални Сендан сўрайман. Аллоҳим, муҳаббатингни нафсимдан, аҳлимдан ва совуқ сувдан ҳам менга маҳбуброқ қилгин”. (Имом Термизий ривояти)

Иловамизни юклаб олинг

Муслим Тақвими Premium ни олиш ҳақида йўриқнома

Илованинг Premium версиясида - рекламасиз контент ва янги дизайндаги намоз вақтлари ва тасбеҳ виджетлари бор.
Ушбу имкониятлардан фойдаланиш учун олдин сизда Visa карта бўлиши керак.

I. Картани Плей маркетга қўшиш ҳақида
1. Плей маркетни очиб тепа-унг тарафдан профилга кирилади
2. Платежи подписки га кирилади
3. Способ оплаты га кирилади
4. Добавить банковскую карту
5. Карта номери, амал қилиш муддати ва назорат коди киритилади
Энди сиз исталган пуллик илова ёки исталган Premium версияни сотиб олишингиз мумкин

II. Premium сотиб олиш
Муслим тақвимида илова ичида - Лентада Premium версияни синаб кўринг тугмасини босиб тўлов бўлимига кирасиз ва менюдан 1 ойлик ёки 1 йиллик обунани танлайсиз

Иловамизни юклаб олинг

Убай ибн Каъбнинг севинчи

Анас ибн Молик розияллоҳу анҳудан ривоят қилинишича, Росулуллоҳ соллалоҳу алайҳи васаллам Убай ибн Каъб розияллоҳу анҳуга қараб, шундай марҳамат қилдилар:

— "Аллоҳ таоло сенга "лам якуниллазийна кафару..." сурасини ўқиб беришимни менга амр қилди".

Убай ибн Каъб:
— Аллоҳ менинг исмимни зикр қилдими? деди. Росулуллоҳ соллалоҳу алайҳи васаллам:

— "Ҳа", дея марҳамат қилдилар.

Убай ибн Каъб таъсирланиб йиғлади. (Бухорий ривояти)

Имом Муслимнинг бошқа бир ривоятида "Убай йиғлай бошлади" кўринишида келган.

Ҳадисдан олинадиган фойдалар:

1. Убай ибн Каъб Пайғамбаримиз соллаллоҳу алайҳи васалламнинг шахсан ўзлари Қуръон ўқиб, эшиттирган ягона саҳобадир.

2. Қувончдан йиғламоқ жоиздир.

3. Аллоҳ таоло тарафидан исми зикр қилиниши буюк шараф ва буюк масъулиятдир.

4. Қуръони каримни Қуръон аҳлидан ўқиб-ўрганиш керак.

5. Қуръон қироатини лозим тутган ҳофизларга ўқиб, эшиттирмоқ суннатдир.

Иловамизни юклаб олинг

“Эй одамлар! Албатта, Аллоҳнинг ваъдаси ҳақдир. Бас, дунё ҳаёти сизни алдаб қўймасин”. (Фотир сураси, 5-оят)

Дунё ҳаёти:
Ҳар қанча узун кўринмасин, қисқадир...
Ҳар қанча катта кўринмасин, кичикдир...
Ҳар қанча улуғ кўринмасин, ҳақирдир...
Ҳар қанча зийнатли кўринмасин, хунукдир...

“Ва дунё ҳаёти алдов матоҳидан бошқа нарса эмас”. (Ҳадид сураси, 20-оят)

У (дунё ҳою ҳаваслари)нинг дарёсида чўкиб кетишдан эҳтиёт бўлинг!

© arabicuz

Иловамизни юклаб олинг

Ҳалол ризқ ва барака дуоси

Энг яхши ризқ пешона териси билан топилган ҳалол ризқдир. Қуръони каримда шундай марҳамат қилинади:

 «Инсон учун фақат ўзи қилган ҳаракатигина бўлур» (Нажм сураси, 39 оят).

Али ибн Абу Толиб розияллоҳу анҳудан ривоят қилинади:

«Бир мукотаб олдимга келиб, «Мен келишилган маблағни топиб бера олмай қолдим. Менга ёрдам беринг», деди.

«Унга шундай дедим: «Сенга Расулуллоҳ соллаллоҳу алайҳи васаллам менга ўргатган калималарни ўргатиб қўяйми? Агар зиммангда Сабийр тоғича қарз бўлса ҳам, Аллоҳ уни сендан узади. 
«Аллоҳуммакфиний би ҳалаалика ъан ҳароомика ва ағниний би фазлика ъамман сиваак» дегин».
(«Сунани Термизий», 3563)

Мукотаб - маълум маблағ эвазига озод бўлиш учун хожаси билан шартнома тузган қул.
Сабийр - Ямандаги бир тоғнинг номи.

Дуонинг арабча матни:

اللَّهُمَّ اكْفِنِي بِحَلَالِكَ عَنْ حَرَامِكَ، وَأَغْنِنِي بِفَضْلِكَ عَمَّنْ سِوَاكَ

Дуонинг маъноси:
«Аллоҳим, ҳаромингсиз ҳалолинг билан менга кифоя қилгин ва фазлинг ила мени Ўзингдан бошқалардан беҳожат қилгин».

Ҳашр сураси 21-24 оятлар маънолари

لَوْ أَنزَلْنَا هَـٰذَا ٱلْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ ٱللَّهِ وَتِلْكَ ٱلأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ ﴿٢١﴾

هُوَ ٱللَّهُ ٱلَّذِي لَا إِلَـٰهَ إِلَّا هُوَ عَالِمُ ٱلْغَيْبِ وَٱلشَّهَادَةِ هُوَ ٱلرَّحْمَـٰنُ ٱلرَّحِيمُ ﴿٢٢﴾

21. Агар Биз ушбу Қуръонни бирон тоғга нозил қилганимизда, албатта сиз у (тоғ)ни Аллоҳнинг қўрқувидан эгилиб ёрилиб кетган ҳолида кўрган бўлур эдингиз. (Лекин айрим инсонларнинг диллари тоғнинг тошидан ҳам қаттиқроқ бўлгани сабабли уларга Қуръон оятлари ҳам таъсир қилмас). Биз бу мисолларни одамлар учун, шояд улар тафаккур қилсалар, деб келтирмоқдамиз.

22. У — Аллоҳ, шундай зотдирки, ҳеч қандай илоҳ йўқ, фақат Унинг Ўзи бордир. (У) ғайб ва шаҳодатни (яъни яширин ва ошкора нарсаларни) билгувчидир. У меҳрибон ва раҳмлидир.

Тўлиқ ўқиш учун бу ерга босинг

Жума муборак, азизлар!

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Қуёш чиққан куннинг энг яхшиси Жума кунидир. Унда Одам халқ қилинди. Унда у жаннатга киритилди. Унда у жаннатдан чиқарилди. Қиёмат куни ҳам фақатгина Жума куни қоим бўлур», дедилар».
Бешовларидан фақат Бухорий ривоят қилмаган.

Авс ибн Авс ас-Сақафий розияллоҳу анҳудан ривоят қилинади:
«Набий соллаллоҳу алайҳи васаллам:
«Ким Жума куни ювса ва ғусл қилса, сўнгра эрта борса, пиёда юриб, (улов) минмаса, имомга яқинроқ ўтирса ва тингласа, беҳуда (ҳаракат) қилмаса, унинг ҳар бир қадамига бир йилнинг амали берилур, унинг рўзаси ва бедорлиги ажри берилур», дедилар».
Сунан эгалари ривоят қилган.

Авф эт, Роббим!

Аллоҳдан ҳаё қилган ҳолда Аллоҳга истиғфор айтаман.

Аллоҳга қайтган ҳолда Аллоҳга истиғфор айтаман.

Аллоҳнинг ғазабидан Аллоҳнинг розилигига қочган ҳолда Аллоҳга истиғфор айтаман.

Аллоҳнинг қаҳридан Аллоҳнинг афвига қочган ҳолда Аллоҳга истиғфор айтаман.

Аллоҳга гуноҳларидан надомат қилган ва сусткашликларимга истиржоъ айтган ҳолда истиғфор айтаман.

Вақтни зое қилишдан олдин вақтни зое қилганим учун Аллоҳга истиғфор айтаман.

Камчиликка йўл қўйиш ва ҳаддан ошишдан Аллоҳга истиғфор айтаман.

Ўйламасдан қилган ишларим ва ишларни чалкаштириб юборганим учун Аллоҳга истиғфор айтаман.

Бемаъни гуноҳлар учун Аллоҳга истиғфор айтаман.

Намозда фикрим тарқоқлиги учун учун Аллоҳга истиғфор айтаман.

Закотдаги ва бошқа барча нуқсон-камчиликлар учун Аллоҳга истиғфор айтаман.

Аллоҳнинг раҳматидан ноумид бўлганим учун Аллоҳга истиғфор айтаман.

Аллоҳнинг ҳаққи ҳамда Аллоҳнинг махлуқотлари ҳаққини адо этмаганим учун Аллоҳга истиғфор айтаман.

@arabicuz

Жума айёми муборак бўлсин!

Бир ўйлаб кўринг:
– Жамоат намози қўшниларни жам қилади!
– Жума намози маҳалла аҳлини жам қилади!
– Ҳайит намози шаҳар аҳлини жам қилади!
– Ҳаж ибодати бутун дунё мусулмонларини жам қилади!

Бу дин нақадар буюк!
Ислом неъматини бергани учун Аллоҳга ҳамду сано айт!

Иловамизни юклаб олинг

Рум сураси, 21-оят

«Ва сизларга сокинлик топишингиз учун ўзингиздан жуфтлар яратгани ва ораларингизда меҳру муҳаббат ва марҳаматни солиб қўйгани Унинг оят(белги)ларидандир».
(Рум сураси, 21-оят).

«Меҳру муҳаббат ва марҳамат...».
Ушбу нарса уйланиш, оиланинг юзага келишидаги раббоний манҳаж, дастурдир.
Эй севишганлар (билингки), моддиятлар эр-хотинлик ҳаётини қатл қилувчи ва воқеъликдан узоқлаштирувчи, йўққа чиқарувчидир.

Ҳофиз Умар.

Иловамизни юклаб олинг

Жума намози фарз бўлган кишилар

Ҳафса розияллоҳу анҳодан ривоят қилинади:
«Набий соллаллоҳу алайҳи васаллам: «Ҳар бир эҳтилом бўлувчига Жумага бориш лозимдир. Ҳар бир Жумага борувчига ғусл лозимдир», дедилар». Абу Довуд ва Насоий ривоят қилган.

Шарҳ: Демак, Жума намози ҳар бир балоғатга етган эркак мусулмонга фарздир. Балоғатга етган мусулмон эркак узрсиз Жума намозини тарк қилса гуноҳкори азим бўлади. Жумъага борувчи ҳар бир шахс ғусл қилиб бориши лозим. Чунки кўпчилик жамланадиган, бирга ваъз-насиҳат эшитиб, намоз ўқийдиган жойга ҳамма ғусл қилиб покланиб бормаса, турли ҳидлар тарқаб, нохуш ҳолат юзага келади. Ушбу ҳадиси шарифни ҳаётимизга татбиқ қилиб, ҳар Жума куни ғусл қилиб, Жума намозига боришимиз лозим.

Ториқ ибн Шиҳоб розияллоҳу анҳудан ривоят қилинади: «Набий соллаллоҳу алайҳи васаллам: «Жамоат ила Жума (ўқимоқ) ҳар бир мусулмонга ҳақдир, вожибдир. Магар тўрт киши –мамлук, яъни, қул, аёл киши, ёш бола ва бемор мустаснодир», дедилар». Абу Довуд, Байҳақий ва ал-Ҳоким ривоят қилган.

Шу билан бирга ушбу ҳадиси шарифда Жумага бориши узрли бўлган шахслар ҳам зикр этилмоқда. Мазкур тоифадаги кишилар Жумага бормасликлари мумкин:

1. «Мамлук, яъни қул»
Бировнинг мулки бўлмиш қул кишиларга Жума фарз бўлмайди.

2. «Ёш бола»
Балоғатга етмаган ёш бола, бошқа ибодатларни қилиши ҳам фарз эмас. Ёш бола, мукаллаф эмас. Бинобарин, унга Жума намози ҳам фарз эмас.

3. «Аёл киши»
Исломий ҳаёт тарзида аёл кишининг ўзига яраша ҳолатлари, вазифалари бор. Ана ўшалар эътиборидан муслима аёлларга Жума намози фарз қилинмаган.

4. «Бемор»
Ислом енгиллик дини. Кишиларни тоқатдан ташқари нарсаларга таклиф қилмайди. Жумага бориш беморга оғир бўлса, у бормаслиги мумкин.

Тўлиқ ўқиш учун бу ерга босинг

Кун ҳикмати

Исломни янгилаш дегани - динни ўз ўрнидан одамлар истаган томонга кўчириш эмас, балки одамларни истак-ҳаволари доирасидан Аллоҳ рози бўладиган томонга ўтказиш демакдир.

Муҳаммад Ғаззолий.

Иловамизни юклаб олинг