﴿فَسُبْحَٰنَ ٱللَّهِ حِينَ تُمْسُونَ وَحِينَ تُصْبِحُونَ وَلَهُ ٱلْحَمْدُ فِى ٱلسَّمَٰوَٰتِ وَٱلْأَرْضِ وَعَشِيًّا وَحِينَ تُظْهِرُونَ﴾ 

دائما بنحكي بشكل عام عن أوضاع الناس الصعبة في غزة ، اليوم حابب اخدكم معي واعمل زوم على حال بعض العائلات ، جزء من هي الروايات وصلتني عبر الرسائل ، وجزء من عائلات إلتقيت فيهم بمخيمات ، وحكولي ع الحـ،،.رب اليومية اللي بخوضوها مع الفقر :
انا يا أحمد راجل بكره يوم الجمعة ، الأولاد عندي الصبح بشموا ريحة اللحمة من الجيران ، بقعدوا يعيطوا بدهم لحمة ، مابدهم ياكلوا من عدس ولا فاصوليا التكية ، ويوم سمعت فيه مبادرين بوزعوا مصاري ، إلبست ورحت عليهم ، طلبت منهم مساعدة ، كنت واقف برا ، سمعتهم جوا بحكوا لبعض،، هاد مش باين عليه محتاج وشكله بده المصاري يدخن ولايحشش فيهم ، قعدت اعيط واتحسبنت وروحت !
مرة غلطت واخدت ابني معي على غزة ، ابني شاف الشاورما وشم ريحتها ، صار يصرخ بده شاورما ، هلقيت انا معي اشتريله ع قد فرشوحة ، بس خايفة اشتريله تعجبه وكل اسبوع يعملي مناحة بده شاورما ، او اروح اشتريله ويروح يحكي لاخواته اكلت شاورما ، واحنا برضوا مامعنا نجيبلهم كلهم ، يومها ضحكت عليه وشريتله بسكوت وحكتله بخلي ابوك بس يروح يشتريلك .
بتعرف ياستي احنا كان إلنا أراضي ووضعنا الحمدلله منيح قبل الحرب ، بس مر علي موقف عمري مابنساه ، لما أولاد ابنا الشـ،، & يد ، بضلهم يطلبوا منا لحمة لحمة ومامعنا نشتريلهم ، مرة الحج انعزم على غداء عرس ، لما راح ماهان عليه ياكل لحمة والاولاد نفسهم فيها ، لقيته جايب قطع اللحمة بكيس ، وجايبهم ، وبحكيلي خدي اعمليها للاولاد ، يومها عملنا عليها رز وطعميناهم ، الاولاد كانوا مبسوطين ، وانا وسيدهم قاعدين بنعيط على حالنا وهمنا !
أنا بنت ساكن في خيمة بمنطقة الجندي ، جنبي كل المطاعم والكافيهات والمحلات ، بس ما بقدر أدخلهم ، بقف على الشارع وبقعد اتأمل في الناس اللي قاعدين باكلوا ولبسهم وضحكاتهم ، صاحبات مع بعض ، وحدة مع خطيبها ، عيلة مع اولادها ، الكل بقعد بالمطاعم وبطلب واحنا بنتفرج وبنتحسر أنا واهلي ، بقعد اقول ياارب ليش احنا هان وهم هناك ؟! ليش حياتنا هيك ؟ شو بفرقوا عنا ؟ بتعرف حتى لو واحد عزمني ، مابقدر اروح ؟ لانه اصلا ماعندي لبس غير طقم الصلاة ! غير انه ابوي بضل يحكيلنا ساعة هناك ، بناكل فيهم أسبوع هان !
بنتي شاطرة خلصت جامعة وجابت معدل في الثمانينات ، حلمها تكمل تعليمها ، ليل نهار عياط ومشاكل وبتعايرنا ليش خلفتونا ، ليش جبتونا على هي البلد ، ليش خلتوني ادرس واتعب مادام مابدكم تعلموني ، صاحبيتها اللي كانت معها بتوجيهي سجلت في الجامعة ، بتضل تبعتلها تسألها عن الجامعة وكيف الجامعة وشو اخدتوا ، ومرات بتقعد تدرس معها كأنها طالبة في الجامعة …
انا كرهت اولادي بكل الأكل الكويس عشان ابوهم مصاب ومابشتغل ومابنقدر نشتريلهم ، ومافي قدامهم غير اكل تكية وفاصوليا وبازيلا ، يعني كل اكلة بتيجي ع بالهم بضلني احكيهم هي خربانه ، هي بتعمللكم مرض ، بتتسمموا ، زي البطيخ كانوا يحكولي بدنا بطيخ يما ، والبطيخة سعرها 60 شيكل من وين نجيب ؟ قعدت اقنع فيهم انه هاد البطيخ جابوه اسر!! ،،،ائيل علينا، عشان يمرضونا ، لما اقتنعوا وبطلوا يطلبوا ، ومرات بكونش فيه اكل نعشيهم غير بواقي التكية ، ومابرضوا ياكلوه ، بقعد اذكرهم باكلات زاكية اكلناها ، وانه ان شاءالله لما ربنا يرزق حنعملها ، وهيك لما يتعبوا ويناموا بدون أكل !
بكفي لهنا ، والله تعبت وانقهرت وانا بكتب عن حال وأوجاع هذه العائلات المسحوقة المطحونة المنسية ، والتي تخوض صراع يومي لتوفير لقمة العيش لأبنائهم !
اللهم صبرك وقوتك ..
• أحمد سرداح

جانب غزة المُظلم، المخفي عن الأعين.. يا رب يا رب إنت عالم بأدق التفاصيل. فرّج الكرب وارفع الغمة يا رحيم

{رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِينَ}

فالكل غافلٌ عني إلا أنت يا ربّ رحيم..

"ورأى الشهـــادة مُنيـــة
والمـوتُ أسعَــدُ ما يرى"


يا الله يا الله!!
وحدَك تعلم ما رأت عيناه
ووحدك تعلم لِمَ ابتسم
فأكرم يا ربّ نُزله
وأسكنهُ فسيح جنّاتك.
 

ما أجملَ الشهداءَ! وما أحسنَ صنيعَهم،
وما أطيبَ ذكرَهم، وما أجلَّ أفعالَهم،
وما أحلى ختامَهم!

في الخالدين يا عمر
في الخالدين يا شهداءنا الأصفياء

ومُهَـــاجِرٌ في الله وَدَّعَ أهلَــهُ
لم يلتَفِـت يومَ الفــراق ورَاءَهُ

عُمَرِيَّ العزم لاحت في رؤاه
همة تسمو وأفعالٌ تسامَـى

لم يرى الدّنيا رياضًا من نعيم
وجنانًا يرتضِي فيها المقَامَا

بل سَرَى فيها كطيف من ضياء
لاحَ فيها ثم أسلَمَهَا الظَّلامَا.

{وَإِذۡ يُرِيكُمُوهُمۡ إِذِ ٱلۡتَقَيۡتُمۡ فِيٓ أَعۡيُنِكُمۡ قَلِيلٗا وَيُقَلِّلُكُمۡ فِيٓ أَعۡيُنِهِمۡ لِيَقۡضِيَ ٱللَّهُ أَمۡرٗا كَانَ مَفۡعُولٗاۗ وَإِلَى ٱللَّهِ تُرۡجَعُ ٱلۡأُمُورُ }

"إنَّ معي ربّي"
وحده اللّٰه يعلم يا شيخنا أننا ما نسيناك أبدًا، أنت في قلوبنا ودعواتنا دائمًا، فكَّ اللّٰه أسرك وفرّج كُربتك، وآنَسَ وحشتك

الشيخ سلمان العودة. حفظه اللّه من شرور الأعداء.

{وٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗا}