Namangan viloyatida migratsiya va notarial sohalari hamkorligini mustahkamlash masalalari muhokama qilindi

Namangan viloyati IIB huzuridagi Migratsiya va personallashtirish boshqarmasi hamda Notarial palataning viloyat hududiy boshqarmasi hamkorligida davra suhbati o‘tkazildi.

Tadbirda notariat va migratsiya sohalaridagi dolzarb masalalar, idoralararo hamkorlikni takomillashtirish, fuqarolarga ko‘rsatilayotgan davlat xizmatlari sifati va samaradorligini oshirish masalalari muhokama qilindi.

Xususan, voyaga yetmaganlarga xorijga chiqish biometrik pasportlarini rasmiylashtirishda ota-onalar yoki qonuniy vakillarning roziligi, hamrohlik qiluvchi shaxsning majburiyatini notarial rasmiylashtirish, ushbu jarayonlarni raqamlashtirish va elektron notarial hujjatlardan samarali foydalanish yuzasidan fikr almashildi.

Shuningdek, meros ishlarini rasmiylashtirishda meros qoldiruvchining oxirgi doimiy yashash joyini aniqlash uchun notariuslar tomonidan ichki ishlar organlariga yuboriladigan so‘rovlarga o‘z vaqtida javob olish masalasi ko‘rib chiqildi. Notariuslarning qonuniy vakolatlarini ta’minlash, elektron ma’lumot almashinuvini kengaytirish va ortiqcha ma’muriy to‘siqlarni bartaraf etish bo‘yicha takliflar bildirildi.

Tadbir yakunida mavjud muammolarni qonunchilik talablari asosida hal etish, sohalar o‘rtasidagi hamkorlikni mustahkamlash va aholiga ko‘rsatiladigan xizmatlar sifatini oshirish muhimligi ta’kidlandi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube

Namangan viloyatida ommaviy tadbirlar xavfsizligini ta’minlash masalalari muhokama qilindi

Namangan viloyati IIB Jamoat xavfsizligi xizmati Jamoat tartibini saqlash boshqarmasida huquqni muhofaza qiluvchi organlar hamda mas’ul idoralar vakillari ishtirokida O‘zbekiston Respublikasi Vazirlar Mahkamasining tegishli qarori ijrosini ta’minlash, viloyat hududida ommaviy tadbirlarni belgilangan tartibda tashkil etish va o‘tkazish hamda jamoat xavfsizligini ta’minlash masalalariga bag‘ishlangan yig‘ilish bo‘lib o‘tdi.

Yig‘ilish davomida ommaviy tadbirlarni o‘tkazish yuzasidan kelib tushgan murojaatlar, tadbirlarning o‘tkazilish joyi va vaqti, ishtirokchilar soni, shuningdek, jamoat tartibini saqlash va fuqarolar xavfsizligini ta’minlash bilan bog‘liq masalalar atroflicha ko‘rib chiqildi.

Shuningdek, ommaviy tadbirlarni tashkil etishda amaldagi qonunchilik talablari va belgilangan tartiblarga qat’iy rioya etish, xavfsizlik choralarini oldindan puxta rejalashtirish, sanitariya-gigiyena qoidalariga amal qilish hamda mas’ul tashkilotlar o‘rtasidagi hamkorlikni yanada kuchaytirish yuzasidan tegishli vazifalar belgilab olindi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube

Namangan viloyati IIB binosida boshqarma rahbariyatining fuqarolar uchun qabuli o‘tkazildi

Namangan viloyati IIB rahbariyati tomonidan jismoniy va yuridik shaxslarning murojaatlari bilan ishlash va ularga amaliy yordam berish yuzasidan navbatdagi qabuli tashkil etildi.

Qabul jarayonida fuqarolarning turli yo‘nalishdagi murojaatlari atroflicha ko‘rib chiqildi. Murojaatchilardan belgilangan tartibda arizalar qabul qilinib, tegishli huquqiy tushuntirish va maslahatlar berildi.

Qo‘shimcha o‘rganish talab etiladigan murojaatlar yuzasidan sohaviy xizmat rahbarlariga zaruriy ko‘rsatma va topshiriqlar berilib, ijrosi alohida nazoratga olindi.

Namangan viloyati IIB Axborot xizmati

Websayt|Telegram|Facebook|Instagram|Youtube