Namangan viloyati IIBda 25-oktyabr — Ichki ishlar organlari xodimlari kuni va tizim tashkil etilganining 35 yilligi munosabati bilan bayram tadbirlari davom ettirilib, bir guruh xodimlar taqdirlandi

Ichki ishlar organlari xodimlari kuni munosabati bilan tashkil etilgan bayram tadbirlari Namangan viloyati Ichki ishlar boshqarmasida davom ettirildi.
Tantanali marosimda boshqarma rahbariyati, sohaviy xizmatlar rahbarlari, shaxsiy tarkib hamda ichki ishlar organlari faxriylari ishtirok etdi.

Tadbir davomida viloyat IIB boshlig‘i, polkovnik Shuxrat Aliyev so‘zga chiqib, shaxsiy tarkib va faxriylarni kasb bayrami bilan samimiy muborakbod etdi hamda O‘zbekiston Respublikasi Ichki ishlar vazirining bayram tabrigini o‘qib eshittirdi.

Marosim davomida yurt tinchligi va xalq osoyishtaligini ta‘minlash, jinoyatchilikka qarshi kurashish hamda jamoat xavfsizligini mustahkamlash yo‘lida munosib xizmat qilayotgan bir guruh rahbar va xodimlar taqdirlandi.

Xususan, xizmat faoliyatida yuqori natijalarga erishgan xodimlarga Ichki ishlar vazirligining “A‘lo xizmatlari uchun”, birinchi, ikkinchi va uchinchi darajali “Benuqson xizmatlari uchun”, "Ichki ishlar vazirligining 35 yilligi” esdalik nishonlari, esdalik qo‘l soatlari, kitoblar to‘plami topshirildi. Shuningdek, bir guruh xodimlarga muddatidan oldin navbatdagi maxsus unvonlar berildi. Bundan tashqari, viloyat IIB boshlig‘ining tegishli buyrug‘iga asosan bir guruh xodimlar esa esdalik qo‘l soatlari bilan rag‘batlantirildi.

Taqdirlangan xodimlar va faxriylar bildirilgan ishonch hamda e‘tirof uchun minnatdorlik bildirib, kelgusida ham xizmat vazifalarini yuksak mas‘uliyat va fidoyilik bilan bajarishga tayyor ekanliklarini qayd etdilar.

Namangan viloyati IIB Axborot xizmati

Websayt| Telegram|Facebook|Instagram| Youtube

Bayram yo‘qlovlari davom etmoqda

O‘zbekiston Respublikasi Ichki ishlar vazirligi tashkil etilganligining 35 yilligi hamda “25-oktyabr — Ichki ishlar organlari xodimlari kuni” munosabati bilan Norin tumani IIB xodimlari hamda tuman Faxriylar kengashi a’zolari hamkorligida ichki ishlar organlarida uzoq yillar samarali xizmat qilib, bugungi kunda keksalik gashtini surayotgan faxriy ustozlar holidan xabar olindi.

Uchrashuvlar davomida faxriylar bilan samimiy muloqot qilinib, ularning uzoq yillik mashaqqatli va mas’uliyatli mehnati, xizmat davomida to‘plagan boy tajribasi, jinoyatchilikka qarshi kurashish hamda jamiyatda qonuniylikni mustahkamlashga qo‘shgan hissasi yuksak e’tirof etildi.

Samimiy muloqot davomida faxriylarning salomatliklari, oilaviy sharoitlari o‘rganilib, bayram munosabati bilan samimiy tilaklar bildirildi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube

IIV Namangan akademik litseyida kitob yarmarkasi tashkil etildi

IIV Namangan akademik litseyida o‘quvchi-yoshlar o‘rtasida kitobxonlik madaniyatini yuksaltirish, ularning bilim va intellektual salohiyatini oshirish hamda ma’naviy dunyoqarashini kengaytirish maqsadida kitob yarmarkasi o‘tkazildi.

Yarmarka doirasida o‘quvchilarga turli janrdagi badiiy adabiyotlar, tarixiy asarlar, ilmiy-ommabop hamda ma’naviy-ma’rifiy kitoblar taqdim etildi. Ishtirokchilar adabiyotlar bilan tanishib, o‘zlarini qiziqtirgan kitoblarni xarid qilish imkoniyatiga ega bo‘ldilar.

Tadbir davomida kitob mutolaasining yosh avlodni har tomonlama barkamol etib tarbiyalash, mustaqil fikrlash qobiliyatini rivojlantirish va ma’naviy-axloqiy fazilatlarini shakllantirishdagi ahamiyati ta’kidlandi. Shuningdek, o‘quvchilarni muntazam kitob o‘qishga, bilim olishga intilishga hamda bo‘sh vaqtlarini mazmunli tashkil etishga yo‘naltirish masalalariga alohida e’tibor qaratildi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube