Таълим тайёр билим билангина чекланмаслиги керак

Шавкат Мирзиёев таълим тизими ёшларида мустақил фикрлаш, ижод қилиш, масъулият ва умр давомида ўрганиш кўникмаларини шакллантириш зарурлигини таъкидлади.

Президент Марказий Осиёни умумий интеллектуал маконга айлантиришни стратегик мақсад деб атади.

@namanganlive24

Қозоғистонда бойларга юқорироқ солиқ таклиф қилинди

Қозоғистон президенти Қасим-Жўмарт Тўқаев мамлакатда бойларнинг даромадига яраша солиққа тортиш ва йирик даромад манбаига эга шахслар оширилган ставка бўйича солиқ тўлаши кераклигини айтди.

Унинг сўзларига кўра, гап ҳар бир фуқаронинг мамлакат ривожига мутаносиб ва ҳалол ҳисса қўшиши ҳақида бормоқда. “Гап адолат ҳақида бормоқда”, деди Тўқаев халққа мурожаатида.

Президент мурожаатномасида мамлакатни яқин истиқболда ривожлантириш стратегиясини баён қилмоқда.

@namanganlive24

Тошкентда ис газидан заҳарланиш: 6 киши вафот этди

2026 йил 25 октябр куни Мирзо Улуғбек туманидаги хусусий уйда ис газидан заҳарланиш содир бўлди. Оқибатда 6 нафар фуқаро ҳалок бўлди, яна 2 нафари оғир аҳволда шифохонага ётқизилди.

Дастлабки маълумотларга кўра, қурилиш-таъмирлаш ишлари олиб борилаётган уйнинг ертўласига ўрнатилган иситиш қозони хавфсизлик талабларига жавоб бермаган. Газ тармоғига уланиш ҳам тегишли техник шартларсиз амалга оширилгани аниқланган.

Ҳодиса юзасидан Жиноят кодексининг 116, 257 ва 205-моддалари билан жиноят иши қўзғатилган. Айни пайтда тергов ҳаракатлари Тошкент шаҳар прокуратураси томонидан олиб борилмоқда.

@namanganlive24

Дилноза Каттахонова номидан сохта хабарлар тарқаляпти

Телеграмъда Бош вазир ўринбосари — Оила ва хотин-қизлар қўмитаси раиси Дилноза Каттахонова номидан сохта аккаунт очилиб, фуқароларга ёлғон хабарлар юборилаётгани маълум қилинди.

Хусусан, сохта аккаунт орқали “Жамоатчилик кенгаши аъзоларининг шахсий маълумотлари тарқатилиши бўйича суриштирув” ҳақида хабарлар тарқатилган. Қўмита бу маълумотлар мутлақо ҳақиқатга тўғри келмаслиги ва фирибгарлик мақсадида юборилаётганини билдирди.

Фуқаролардан бундай аккаунтларга жавоб бермаслик, шахсий маълумотларни тақдим этмаслик ва шубҳали ҳаволаларга кирмаслик сўралди.

@namanganlive24

💵 Kreditga 50% gacha chegirma

Yil oxirigacha kreditni chegirma bilan olishga ulguring.

💰100 mln so‘mgacha
📄Garovsiz, kafillarsiz va ortiqcha hujjatlarsiz
⚡️Ariza javobi — bir minutda

📲 TBC UZ ilovasida ariza qoldiring — javobi bir minutda

Ўзини ўзи банд қилганларга гаровсиз кредит

Марказий банк вакили Фазлиддин Жамилов ўтказилган брифингда аҳоли бандлигини таъминлаш бўйича янги имкониятларни маълум қилди. Унга кўра, ўзини ўзи банд қилган фуқаролар 50 миллион сўмгача гаровсиз кредит олиши мумкин.

Аризалар банкка бормасдан, «Оилакредит.уз» орқали ҳоким ёрдамчиси тавсияси асосида қабул қилинади. «Оғир» маҳаллаларда кредитлар йиллик 12 фоиз ставкада берилмоқда.

@namanganlive24

ЭЪЛОН!

ЙЎЛ ҲАРАКАТИ ВАҚТИНЧА ЧЕКЛАНАДИ

2026 йил 28 октябрь куни соат 22:00 дан 29 октябрь куни тонги соат 03:00 га қадар Давлатобод тумани Қўқимбой кўчасидаги Д-107 Наманган шаҳар автомобиль йўлининг 0+1 км қисмида, «Афсона» масжиди чорраҳасида янги газ тармоғини қуриш ҳамда йўл қопламасини кўндаланг кесиб ўтиш ишлари амалга оширилади.

Шу муносабат билан «Олмос» ошхонаси ва «Тошкент пeтак кальсавой» оралиғида автомобиль ҳаракати вақтинча чекланади.

Ҳайдовчилардан ҳаракатланиш йўналишини олдиндан режалаштиришларини, муқобил йўллардан фойдаланишларини ҳамда вақтинчалик йўл белгилари талабларига амал қилишларини сўраймиз.

Келтирилаётган вақтинчалик ноқулайликлар учун узр сўраймиз!

@namanganlive24

Тошкент ҳаво ифлосланиши бўйича дунёда 1-ўринга чиқди

Тошкент 28-октабр куни ҳаво ифлосланиши бўйича дунёнинг йирик шаҳарлари рейтингида биринчи ўринга чиқди. IQAir маълумотларига кўра, маҳаллий вақт билан соат 17:57 да пойтахтда ҳаво сифати индекси 185 ни ташкил этган — бу соғлиқ учун зарарли даража ҳисобланади.

@namanganlive24

Ўзбекистонда сел ҳолатлари сони 420 тага етди

Ўзбекистонда йил бошидан буён 420 та сел ҳодисаси қайд этилди.

Энг кўп сел Наманган вилоятида — 224 та, Жиззахда — 53 та, Қашқадарё ва Сурхондарё вилоятларида эса 38 тадан кузатилган.

Сел оқибатида 85 та хонадон, 208 та томорқа ва экин майдони, 10 та транспорт воситаси, 13 та кўприк, 26 та кўча ва йўл ҳамда 3 та бошқа объект зарар кўрган.

@namanganlive24

🌙 Саккизта сўров

Имом Шофиъий бомдоддан кейин уйга қайтаётиб бир кишини учратдилар. У: «Қандай тонг оттирдингиз?» деди. Имом Шофиъий: «Мендан саккиз нарса сўралган ҳолда тонг оттирдим», дедилар ва санаб бердилар: Роббим фарзни, Росулуллоҳ суннатни, оила ризқни, нафс эргашишни, шайтон йўлдан озишни, фаришталар яхши амални, ўтган кунлар қаришни, ўлим фариштаси тайёр туришни сўраяпти. Буни эшитган киши чуқур ўйга толди.

✨ Ҳар тонгимизни шу тафаккур билан бошласак, қалбимиз уйғоқ, амалларимиз гўзал бўлсин. Яхши ниятлар йўлимизни ёритсин, Хайрли тун!

@namanganlive24