Трамп Макронни Франсия йўқ бўлиб кетиши ҳақида огоҳлантирганини айтди

Трамп Макронни «Франсия йўқ бўлиб кетиши» ҳақида огоҳлантирганини айтди.

АҚШ президентининг фикрича, Франсияга назоратсиз мигратсия таҳдид солмоқда. Франсияда оммавий намойишлар бўлиб ўтмоқда, намойишчиларнинг бир қисми дўконларни вайрон қилиш ва политсия билан тўқнашувларга ўтган.

@namanganlive24

Йўллардаги чуқурлар бўйича қаерга мурожаат қилиш мумкин?

Ҳовлидаги ёрилган асфалт, кўчалардаги чуқурлар ёки маҳалла ичидаги йўлларнинг шикастланган қисмлари ойлар давомида таъмирланмасдан қолиши мумкин.

Бундай йўлларга ким жавоб бериши, шикастланган жойлар ҳақида қаерга хабар бериш кераклиги ва шикоят қанча вақтда кўриб чиқилиши ҳақида маълумот берилади.

@namanganlive24

Диққат: об-ҳаво совийди

Ҳарорат пасайиб, қор ёғиши кутилмоқда.

Фуқаролардан об-ҳаво ўзгаришига тайёр туриш, иссиқ кийиниш ва йўлларда эҳтиёткор бўлиш сўралади.

Яқинларингизни ҳам огоҳлантиринг.

@namanganlive24

💊 Namanganda dori vositalari saqlanayotgan yashirin ombor aniqlandi 

❗️ Aholi salomatligini muhofaza qilish va sifati kafolatlanmagan dori vositalari savdosiga chek qo‘yish maqsadida Davlat xavfsizlik xizmatining Namangan viloyati bo‘yicha boshqarmasi xodimlari tomonidan viloyat Bojxona hamda Ichki ishlar boshqarmalari bilan hamkorlikda tezkor tadbir o‘tkazildi.
 
Tadbir davomida Uychi tumanida farmatsevtika mahsulotlari savdosi bilan shug‘ullanuvchi xususiy korxona rahbari hamda ishchisi bo‘lgan 1983 va 1986-yillarda tug‘ilgan aka-uka tomonidan noturar bino yerto‘lasida tashkil etilgan yashirin ombor fosh etildi.
 
Omborni ko‘zdan kechirish jarayonida xorijda ishlab chiqarilgan, umumiy taxminiy qiymati 5,6 mlrd so‘mni tashkil etuvchi 412 turdagi jami 67 923 birlikdagi dori vositalari kelgusida sotish maqsadida saqlanayotgani aniqlanib, protsessual tartibda rasmiylashtirib olindi.
 
Hozirda ushbu dori vositalariga nisbatan sudga oid kimyoviy, tovarshunoslik ekspertizasi tayinlanib, tergovga qadar tekshiruv harakatlari olib borilmoqda.

@namanganlive24

Миллий филмлар томошабин талабига жавоб бермаяпти

Президент миллий филмлар томошабин талабига жавоб бермаётганини ва одамлар кинотеатрга камроқ бораётганини айтди.

Шунингдек, у профессионал кинотанқидчилар фикри билан етарлича ҳисоблашилмаётганини қайд этди.

@namanganlive24

ИМАН Инвест атрофидаги можаро: нималар айтилмоқда?

ИМАН Инвест инвесторлар киритган пулга товарлар сотиб олиб, уларни муддатли тўловга сотади ва фойдани тақсимлайди. IFCB Ислом молиясига мувофиқлаштириш кенгаши эса шариат аудиторлик ташкилоти бўлиб, 2023 йил 1 майдаги шартнома асосида ИМАН Инвестъга хизмат кўрсатган.

25 октябр куни IFCB директори Маҳмуд Усмон ИМАН Инвест билан ҳамкорликни тўхтатиб, компанияда бир неча миллион долларлик камомад борлигини билдирди. Компания эса билдирилган даъволарни холис баҳолаш учун мустақил шариат аудити бошланганини айтди.

Эртаси куни ИМАН раҳбари Рустам Раҳматов Маҳмуд Усмонни тўловлар камайтирилгани ва улуш берилмагани учун шундай йўл тутишда айблади. Маҳмуд Усмон эса буни туҳмат деб атаб, компания раҳбари имзолаган ҳужжатларни эълон қилди.

Аудиторлар олдидаги асосий савол эса ҳануз очиқ: инвесторлар ҳозир пулларини сўраса, компания уларни қайтара оладими?

@namanganlive24

Кинематография агентлиги тугатилади

Кинематография агентлиги тугатилиб, кино соҳасида давлат сиёсатини юритиш ваколати Маданият вазирлигига ўтказилади. Вазирликда Кино санъати департаменти ташкил этилади. Департамент раҳбарининг мақоми вазир ўринбосарига тенглаштирилади.

Шунингдек, “Ўзбекфилм”нинг ташкилий ва иқтисодий модели янгиланади. Давлат муассасаси тугатилиб, замонавий бизнес модели асосида ишлайдиган янги “Ўзбекфилм” миллий кинокомпанияси ташкил этилади.

Президент янги кинокомпания миллий кино брендини яратиш ва замонавий киноиндустрияни ривожлантириш бўйича таянч марказ бўлишини таъкидлади.

@namanganlive24

Болага нимага илм юқмайди, биласизми? Илм эгаси у ёқда турсин, илм даргоҳига энг аввало ҳурмати йўқлигидан. Бугун мен ишонч билан айтиб оламан, мактабни парталарга чизиб ташлайдиган, полга тупурадиган, эшикларини тепадиган, деворларга тепадиган, эшикларни қаттиқ очиб қаттиқ ёпадиган, умуман илм даргоҳини оёқ ости қиладиган ўқувчилар жуда ҳам кўп.

Ислом Карабаев, журналист

@namanganlive24

Президент кино соҳаси ходимлари билан учрашди

Лавозимдан қатъи назар, халқдан ажрамаган, қишлоқда ўсган одамман, деди Президент.

Шавкат Мирзиёев кинематография соҳаси ходимлари билан учрашувда ўзбек киноси ҳақида гапирар экан, болалик хотиралари билан ўртоқлашди.

@namanganlive24

🌙 Ёруғликни ким ёқди?

Қадимда бир чироқсоз шогирди билан бозорга эрта тушарди. Бир куни шамол кучайиб, кўча қоронғи қолди. Шогирд жаҳли чиқиб: «Ҳеч ким бу чироқни кўрмайди-ку», деди.

Устози сукут билан чироқни ёқди-да, уни дарвоза олдига қўйди. Тун ярмида йўлдан адашган бир мусофир ўша нурга қараб уйини топди.

Эртаси тонгда мусофир қайтиб келиб, фақат бир гап айтди: «Кечаги ёруғлик менга йўл эмас, умид берди». Уста шунда жилмайди: баъзан биз ёққан кичик нур, бировнинг бутун тунини сақлаб қолади.

✨ Бугун сизнинг кичик меҳрингиз ҳам бировга йўл кўрсатсин. Тун қоронғи бўлса ҳам, қалбингиздаги нур сўнмасин. Хайрли тун!

@namanganlive24

“Менинг энг катта айбим Тошкентда туғилмаганим эди” — Президент прописка тизими ҳақида

Президент Шавкат Мирзиёев биринчилардан бўлиб имзолаган ҳужжатларидан бири прописка масаласига оид бўлганини эслади ва бунга ўз ҳаётидан мисол келтирди.

“Москвада илмий ишимни ҳимоя қилиб келганман. Ишлаган институтим менга уй берган. Иккита болам бор. Лекин ордер олиш учун прописка йўқ. Менинг энг катта айбим — Тошкентда туғилмаганман, лекин Ўзбекистон фуқаросиман. Беришмаган менга ордерни.

Биринчилардан қабул қилган қароримдан бири — Ўзбекистон фуқароси Ўзбекистонда прописка олиши мумкин, деган қарор эди”, — деди давлат раҳбари.

@KOSONSOY

🌅 Хайрли тонг!

Биринчи қараш ҳаммаси эмас

Баъзан ҳаётдаги айрим нарсалар ҳам суратлар каби бир қарашда нотўғри туюлади. Шошилманг: бироз тўхтаб, диққат билан қарасангиз, асл маъно очилади. Бугун ҳам одамларни, ишни ва синовни шошмай тушунишга ҳаракат қилинг — сабр кўпинча энг тўғри хулосани беради 🙂

@namanganlive24

📅 Бугун тарихда — 27-октабр

🚇 1904 — Ню-Ёркда биринчи метро линияси очилди; бу шаҳарнинг транспорт тарихида янги давр бошлаб берди.

⚔️ 1806 — Наполеон қўшинлари Берлинни эгаллади; бу Европадаги урушлар тақдирига катта таъсир кўрсатган воқеалардан бири бўлди.

☢️ 1962 — Куба ракета инқирозининг энг кескин куни, яъни “Қора шанба”; дунё ядровий уруш ёқасига келиб қолди.

🪖 1981 — AQSh президенти Роналд Рейган Эрон билан боғлиқ мол-мулкларни қайтариш ҳақидаги қарорни эълон қилди, бу кейинги сиёсий музокараларга йўл очди.

💡 Қизиқарли факт: 27-октабр 1962-йил тарихга “Қора шанба” номи билан кирган — айнан шу куни дунё ядровий урушга энг яқин келган.

@namanganlive24

🗓 27-октябр куни Наманганда кузатиладиган об-ҳаво маълумоти

☁️ Тўлиқ булутли
🌡 Кундузи 18°, кечаси 7°
🔥 Ҳис этилади 16°

🌿 Ҳаво мўътадил — хайрли кун тилаймиз!

@namanganlive24

❗️BEFARQ BO‘LMANG!

Is gazidan zaharlanishning oldini olaylik!

Havo harorati pasayishi bilan xonadonlarda isitish moslamalaridan foydalanish boshlanadi. Biroq yoz mavsumi davomida ishlatilmagan, texnik ko‘rikdan o‘tkazilmagan isitish qurilmalari, ayniqsa, qo‘lbola va nostandart moslamalardan foydalanish, dudburon va mo‘rkonlarning tozaligi hamda sozligiga e’tiborsizlik ayanchli oqibatlarga olib kelishi mumkin.

So‘nggi kunlarda is gazidan zaharlanish oqibatida insonlar hayotdan ko‘z yumayotgani barchamizni yanada hushyor va mas’uliyatli bo‘lishga undashi kerak. Zero, is gazi rangsiz va hidsiz bo‘lib, uni sezish qiyin. Shu bois xavfsizlik qoidalariga beparvolik qilish inson hayoti va salomatligiga jiddiy tahdid tug‘diradi.

Hurmatli fuqarolar! O‘zingiz va yaqinlaringiz hayotini xavf ostiga qo‘ymang! Isitish mavsumida quyidagi xavfsizlik talablariga qat’iy amal qilishingizni so‘raymiz:

◎ Faqat muvofiqlik sertifikatiga ega, belgilangan xavfsizlik talablariga javob beradigan isitish moslamalaridan foydalaning. Qo‘lbola va nostandart qurilmalarni ishlatmang.

◎ Mavjud isitish moslamalarini mavsum boshlanishidan oldin malakali mutaxassislarga ko‘rsating, ularning texnik holati va xavfsiz ishlashini tekshirtiring.

◎ Dudburon va mo‘rkonlarning holatini diqqat bilan ko‘zdan kechiring, ularni qurum va boshqa to‘siqlardan muntazam tozalab turing.

◎ Xonani isitish maqsadida ochiq olovdan, jumladan, gaz plitadan foydalanmang. Isitish moslamalarini belgilangan maqsaddan tashqari ishlatish xavfli.

◎ Xonalarda havo almashinuvi va shamollatish imkoniyati mavjudligini ta’minlang. Ventilyatsiya kanallarini berkitmang, ularning ishlash holatini nazorat qilib boring.

◎ Isitish moslamalarini nazoratsiz qoldirmang, ulardan foydalanishda ishlab chiqaruvchi ko‘rsatmalari va xavfsizlik talablariga amal qiling.

Is gazidan zaharlanishning dastlabki belgilari bosh og‘rig‘i, bosh aylanishi, ko‘ngil aynishi va holsizlik kabi alomatlar bilan namoyon bo‘lishi mumkin. Bunday holat kuzatilsa, darhol toza havoga chiqing, xonani shamollating, boshqa odamlarni ham xavfli hududdan olib chiqing va tez tibbiy yordam hamda tegishli favqulodda xizmatlarga murojaat qiling.

Unutmang: is gazi xavfini ko‘z bilan ko‘rib yoki hididan bilib bo‘lmaydi. Shuning uchun xavfsizlik choralarini oldindan ko‘rish, isitish moslamalarini tekshirish va dudburonlarni tozalash juda muhim. Bu shunchaki tavsiya emas, hayotni asrashning muhim shartidir.

Aziz yurtdoshlar! Isitish mavsumini xavf-xatarsiz o‘tkazish uchun befarq bo‘lmang. O‘zingizni, oilangizni va yaqinlaringizni asrang. Xavfsizlikka bugun e’tibor qaratish ertaga insonlar hayotini saqlab qolishi mumkin.

@namanganlive24

🔥 Наманганда куз-қиш мавсумига тайёргарлик ва газ таъминоти барқарорлигига эътибор қаратилмоқда

Айни пайтда вилоятда 238 976 та табиий газ истеъмолчиси мавжуд. Уларни барқарор газ билан таъминлаш ва инфратузилманинг ишончли ишлашини таъминлаш мақсадида 26,2 километр газ қувури ҳамда 54 та газ тақсимлаш пункти мукаммал таъмирланиб, мавсумга тайёр ҳолатга келтирилди.
Суюлтирилган газ истеъмолчилари эса 477 325 тага тенг. Жами маиший газ баллонлари сони 546 863 тадан иборат.

Эслатиб ўтамиз: Наманган вилоятида аҳолига суюлтирилган газ етказиб бериш жараёнида ходимлар томонидан ноқонуний хатти-ҳаракатларга йўл қўйилганига гувоҳ бўлсангиз, зудлик билан ДХХнинг 1520 ишонч рақамига мурожаат қилинг.

@namanganlive24